Connect with Us

Vjen në Shqipëri gjiganti italian i call center/ Drejt finalizimit shitja e IDS

Aktualitet

Vjen në Shqipëri gjiganti italian i call center/ Drejt finalizimit shitja e IDS

Publikuar

-

Grupi financiar italian, Comdata, një nga kompanitë call center më të rëndësishme në Itali, me një xhiro prej 300 milionë eurosh në vit, ka hyrë në tregun shqiptar, përmes blerjes fillimisht të një prej kompanive të Sestante Holding, që ishin në zotërim të pionierit të call center, Agron Shehaj.

Sestante Holding ka në pronësi në Shqipëri tre kompani: Intercom Data Service (IDS), We Web dhe CC Tirana dhe ka në total 2500 të punësuar, sipas burimeve zyrtare.
Fillimisht është shitur te Comdata, 85% e CC Tirana (transaksioni është aktualisht në shqyrtim nga Autoriteti i Konkurrencës, ndërsa drejt finalizimit është dhe shitja e Intercom Data Service (IDS), sipas burimeve zyrtare nga kompania.

Intercom Data Service (IDS) është një nga operatorët më të mëdhenj call center në vend dhe ka mbi 2 mijë të punësuar. Në bilancin e vitit 2017, kompania ka raportuar rritje totale të të ardhurave me 14%, në 3 miliardë lekë. We Web, e krijuar në maj 2016, me aktivitet në marketingun dixhital, ka raportuar të ardhura prej 315 milionë lekësh në 2017-n, me trefishim me bazë vjetore. Ndërsa CC Tirana është krijuar në prill të këtij viti dhe ka si objekt aktivitetit ofrimin e shërbimeve që lidhen me Call Centre dhe Contact Center dhe aktivitet “Back Office”.

“Hyrja e Comdata është një lajm shumë i mirë për tregun e punës në Shqipëri”, tha për “Monitor”, Agron Shehaj, i cili është themeluesi i Intercom Data Service dhe që prej qershorit të vitit 2017 është i angazhuar si deputet i Partisë Demokratike për Qarkun e Vlorës.

Shehaj, dikur një emigrant në Itali, e hapi IDS në vitin 2005, kur ky sektor sapo po hidhte hapat e para dhe ishte një nga pionierët e call center, sektorit që më pas u zhvillua me shpejtësi, duke u bërë burimi kryesor i punësimit të të rinjve në vend.

“Sektori i Call center është dhe do mbetet një nga më fitimprurësit në Shqipëri”, tha Shehaj. “Partneriteti me Comdata, një kompani lider në Itali në këtë fushë me mbi 300 milionë euro xhiro, sigurisht që është një vlerë e shtuar për kompaninë tonë dhe për tregun shqiptar. Absolutisht që ky transaksion dhe partneritet do të sjellë ndryshime të mëdha në tregun shqiptar dhe për këtë ndihem krenar, për kompanitë që kam drejtuar dhe ekipin tim.

LEXO EDHE:  Ekstradohet nga Gjermania 25 vjecari Alsi Koci

Grupi im tashmë do fokusohet më tepër në fushën e marketingut dixhital dhe kompani të reja në teknologjinë e informacionit për shumë tregje të huaja. Për më shumë, besoj se një e ardhme më e mirë do jetë për sektorin e eksportit të shërbimeve dhe turizmi dhe në këtë pikë duhet promovuar fort ekonomia shqiptare, si një nga motorët e rinj të rritjes së ekonomisë, punësimit dhe mirëqenies së shqiptarëve”.

Mësohet se Comdata do të hapë në Shqipëri fillimisht rreth 3 mijë vende të reja pune dhe nëse ecuria e aktivitetit do të jetë pozitive, mund të arrijë deri në 10 mijë të punësuar.

Comdata

Comdata Group, sipas burimeve të saj zyrtare, është një grup industrial shumëkombësh që vepron në sektorin e shërbimeve të sipërmarrjeve dhe të asistencës ndaj klientëve, në administrimin e procesit të ‘back office’.
Nga viti 2011, grupi ka nisur një proces zgjerimi jashtë kufijve italianë: sot grupi Comdata është i pranishëm në 16 vende, ka një portofol prej më shumë se 550 klientësh dhe shërben në 23 gjuhë, duke punësuar 42.000 punonjës në 78 qendra operative./ Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  E rëndë/ Gjendet i vdekur shqiptari në Milano

LEXO EDHE:  Ekstradohet nga Gjermania 25 vjecari Alsi Koci

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Pse Italia ka arritur të shmangë gjithnjë sulmet e mëdha terroriste xhihadiste?

LEXO EDHE:  Mbulimi 4G ne Britani me i keq se ai ne Shqiperi

 

LEXO TE PLOTE
Lajme të Rekomanduara: