Connect with Us

Ben Blushi në pyllin e gjuetisë/ Pas Nanos, Metës dhe Ramës, tani e ka radhën Vjollca

Aktualitet

Ben Blushi në pyllin e gjuetisë/ Pas Nanos, Metës dhe Ramës, tani e ka radhën Vjollca

Publikuar

-

‘Gjithë të tjerave’… do të thotë ‘ gjithë ngjyrave të tjera’, përveç vjollcës.

Ben Blushi, tash më në fund, por jo pozita e fundit- emërtohet si drejtor i Përgjithshëm i Top Channel, ku ka për mbështetje Vjollca Hoxhën- presidente, pasardhëse e një burri që thonë se ‘i rrojnë akoma skemat’ televizive edhe pas 10 vjet në atë jetë. Beni ka ardhur këtu në TCH jo për ‘skema profesionale’, madje as analistët e Showbiz-it nuk e kanë gjetur akoma nëse Blushi është gazetar apo nuk është, është shkrimtar apo nuk është, është politikan apo nuk është, është televiziv apo printues…

Vetë Blushi nuk ua jep shansin njerëzve, që nga survey i gjerë deri në rrethin e ngushtë, që të njohin cili është Beni i vërtetë…. Vjollca- presidente ka rastisur që të ketë emër ngjyre, por Blushi do të kapërcejë mbi këtë ngjyrë edhe pse nënkupton simbolin e Partisë së tij Socialiste. Sa gazetar edhe jo, sa politikan edhe jo, sa principial edhe aspak, sa i drejtpërdrejtë edhe i skutave, sa i fjalës edhe i pabesisë…. Të gjithë ata që e kanë favorizuar ose kanë pasur të bëjnë me Benin, një ditë e kanë vuajtur ligësinë e tij: Nano, Meta, Rama…, dhe tani e ka radhën Vjollca.

Armët me të cilat Blushi del në pyllin e gjuetisë: 

Çomanga më e fundit është Televizioni Top Channel. Mund të kisha thënë “arma më e fundit”,  por do të tingëllonte sikur Blushi bën luftë moderne… Jo, ai përdor armët primitive të luftës. Me anë të ekranit të Dritan Hoxhës, sulmon rivalët, bizneset e suksesshme, projektet e gjalla, planet me shpresë, punët moderne… Kur e zënë ngushtë ata që preken prej armës së tij primitive, ai tërhiqet e thotë “jo unë,  nuk di kush, por jo unë…., nuk thashë gjë për ty”.  Me Vjollcën- siç duket e ka të lehtë t’i shkatërrojë imazhin e Televizionit, që mund të kthehet nga TCH në një ‘kafaz pëllumbash’ nëse mbetet në dorë të Benit.

Në fund të fundit, Blushit nuk i intereson nëse Televizioni rron apo nuk rron si medie e kohës. Interesi për TCH është ta përdorë si armë për luftën e tij.  Deri ditën që TCH do të bjerë në gjunjë në një rrënojë të fshatit Yzberish, Beni do të ketë ikur larg; o në politikë përsëri, o në një ‘kasolle’ tjetër mediatike. Pas vjollcës, ka plot ngjyra të tjera në spektër. Fillimisht përdori gazetën e parë anti- komuniste “RD’, por aty ‘iu zu fryma’ dhe pas një muaji deklaroi se ishte ‘i majtë’ në një gazetë anti- komuniste. Pastaj përdori gazetën “Koha Jonë’, të cilën e shiti të George Soros dhe  përçau; krijoji gazetën ‘Indipendent’, mori gazetarët e Nikollë Lesit dhe një ditë i la në mes të rrugës. Gazetën e shiti për vete, jo për shokët ‘rebelë’. Pas ‘Kohës…’ u lidh me burgun e Tepelenës ku vuante Fatos Nano dhe me Gaz Demin që kishte para dhe frymë te Fatosi… Sa kohë që Nano ndodhej në qelli, Blushi e konsideronte ‘viktimë’; pasi u bë kryeministër e përdori i ‘djalë tezeje’. Fatosi e bëri deputet, ministër, shef kabineti… Në vitin 2005, kur Rama hëngri Fatosin, Blushi nuk u pa në barkun e ‘balenës’ por në zemër të saj: Blushi- Rama ishin së bashku kundër Fatosit…

LEXO EDHE:  Dokumenti/Demokratët e Tiranës peticion Bashës: Do të pengojmë me çdo kusht, kjo është detyra jonë

Blushi nisi të shkruajë libra, njësoj si gjyshi Shuteriqi, me një mllef kundër babait- shkrues mediokër. Babai i Benit, Kico Blushi nisi të kishte si certifikatë emrin “Kiço Ben Blushi”. Disa zëra që kishin njohur gjyshin Shuteriqi thanë nën zë se ‘Beni ia ka vjedhur librat gjyshit’… Fenomeni vjen që nga periudha e diktaturës, kur ‘gjuhëtarët’ tanë u bënë të famshëm sepse rrëmbyen me dhunë studimet e jezuitëve katolikë shqiptarë…

Shtatgjatësinë e Edi Ramës e përqeshi shpesh herë, jo si nocion estetik, por mbi të gjitha si një masë më të madhe se Fatos Nano e Ilir Meta; Ramën nuk mundi ta hajë kurrë… La Ramën dhe PS dhe i hyri një partie të re me emrin ‘Libra’ ku hëngri një zonjë pedagoge dhe lider politike. Vetë Partia me ngjyrë të verdhë u bë zero në momentin kur para Blushit doli Vjollca- ngjyra e tanishme ku është ankoruar… TCH do të jetë një nga armët që përdori deri më sot./ Veritas.com

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. lushi

    29 Gusht, 2018 at 5:58 pm

    Analize e mire. Ngado qe shkon blushi vogel le rrenoja nga pas, saqe tani ka imazhin e nje rrenoje levizese.

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Kriza politike/ Meta bën lëvizjën e radhës

LEXO EDHE:  Dëmet nga tërmeti/ Basha prezanton planin me tre pika

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Rama pritet me protesta në Fier/ Qytetarët përplasen me policinë

LEXO EDHE:  Dokumenti/Demokratët e Tiranës peticion Bashës: Do të pengojmë me çdo kusht, kjo është detyra jonë

 

LEXO TE PLOTE
Lajme të Rekomanduara: