Connect with Us

Kanosi me armë bashkëshortin/ Zbardhen detaje të reja

Aktualitet

Kanosi me armë bashkëshortin/ Zbardhen detaje të reja

Publikuar

-

Zbardhen detaje të reja nga ngjarja e ndodhur mbrëmë në fshatin Seferan të Belshit, ku 54 vjeçarja Adelina Abazi ka kanosur me armë bashkëshortin e saj, Mylazim Abazin 58 vjeç.

Shkak për këtë është bërë dhuna që 58 vjeçari ka ushtruar ndaj bashkëshortës së tij, e cila ka marrë kallashnikovin dhe ka qëlluar disa herë në ajër për të trembur bashkëshortin, shkruan Shqiptarja.com

Mësohet gjithashtu se sherri në familjen Abazi lindi pasi kryefamiljari që punonte si emigrant në Itali nuk kishte sjellë para në shtëpi. Gruaja ka shfaqur shenja xhelozie, e sherri ka degjeneruar në dhunë e përdorimin e armës.

Policia që mbërriti në vendin e ngjarjes gjeti armën automatike të hedhur në një gropë uji. Grupi hetimor ka sekuestruan në cilësinë e provës materiale armën e zjarri  me një krehër me 18 fishekë, si dhe 2 gëzhoja të qitura nga arma automatike.

LEXO EDHE:  Video-Finalizohet një tjetër operacion/ Prangosen katër persona, sekuestrohet drogë dhe armë

Ndërkohë banorët e zonës kanë dhënë opinionet e tyre rreth kësaj ngjarjeje.

Sipas tyre, 58-vjeçari ka qenë emigrant në Itali dhe sapo ishte kthyer në shtëpi, ndërsa gruaja e akuzonte pse se nuk kishte sjellë para.

 “Nuk i njihnim janë njerëz të egër, kanë ardhur nga Gramshi. Ne jemi vendalinj këtu. Kuptove? Nuk flasin, ata në punë të tyre, ne në punën tonë”

Shaqir Gjoshi

“Ishin familje e ndershme, e respektueshme, sidomos Adelina, shumë zonjë grua. U shtangëm për atë që ndodhi dje. Ngelëm pa fjalë. I shoqi rrinte jashtë ka edhe dy tre djem të mrekullueshëm”

Liljana Kasa

Çifti është arrestuar në flagrancë dhe ndaj tyre është ngritur akuza e  “Dhunës në familje”,  “Armëmbajtjes pa leje” dhe “Kanosjes”.

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Fake News i portalit të Metës, Blushit dhe Lulit

Publikuar

-

Nga

Portali i zyrtarëve të Ilir Metës, që janë miq të botuesit Enton Abilekaj, i cili paguhet edhe nga Ben Blushi, Digitalb apo Top Channel, i njohur për lidhjet e forta me zyrtarët e korruptuar të Ilir Metës dhe Desadën e propagandës së PD-së, sot ka hedhur një lajm, një fake news qesharak, dhe po aq të pavlerë sa vetë shkrimi ku qëllimi është që një gjyqtare të akuzohet se është mbesa e Jozefina Topallit.

Jozefina e ka mbesë atë gjykatësen, aq sa ka mbesë Desadën kunati i Lulit. Në fakt kunati është përtej Desadës, ndoshta do të duhej ta krahasonim me Odetën.

Pagesa e Ben Blushit, per Dosjen

Si qëndron e vërteta

Por, gjithësesi fakti është një dhe vetëm një. Ajo gjykatësja është e Lulzim Bashës, jo e Jozefina Topallit. Dhe nuk është aspak mbesa e saj, por është mbesa e vullnet Topallit, ish-drejtorit të Policisë Bashkiake në Tiranë, kandidatit për deputet të Lulzim Bashës.

Por, edhe sikur të ishte mbesa e Jozefinës, kur Luli nuk mban përgjegjësi për kunatin, kur kunati nuk mban përgjegjësi për Odetën. Kur Desada nuk mban përgjegjësi për fake news dhe propagandën e shpifur çdo ditë, mëngjes, drekë, darkë, për çfarë duhet të mbante përgjegjësi Jozefina? Për një gjykatëse të GJKKO e cila mban të njëjtin mbiemër si Zonja Topalli, por në fakt është edhe një Topalli tjetër në PD, dhe ky është i Lulit.

LEXO EDHE:  Tenton të vrasë dhëndrrin e tij/ E pëson keq 53-vjeçari

LEXO EDHE:  Tenton të vrasë dhëndrrin e tij/ E pëson keq 53-vjeçari

                                             Desada Metaj, Vojo Bregu, Enton Abilekaj

Nuk ka asnjë lidhje me Jozefinën apo familjarët e saj. Fake News e prodhuara në fabrikat e neveritshme të propagandës së Lulzim Bashës apo Ilir Metës, të financuar nga Ben Blushi i Top Channel, ortaku i koncesioneve korruptive të qeverisë, që sot hapësirën e një portal e ka vënë për të gënjyer publikisht dhe për të ngritur një tymnajë, që duket se i nxori sërish blof, si ato gënjeshtrat e Benit, Likes dhe Lulit, Desada & Co, pa folur për hajdutët e LSI-së në tavolinat e tyre./ CNA.al

 

Ben Blushi qurravitet nga portali i Abilekajt/ Ja sa e paguan Vjollca Hoxha çdo muaj



Sherri për pagesën e burrit të Desada Metës/ PD thyen heshtjen, akuza të forta ndaj drejtoreshës së Albpetrol

Zbulohen fijet/ Desada Metaj dhe lidhjet e Republikës së re me Rilindjen, dhjetra mijë euro pagesa

Burri i Desada Metës “mollë sherri” në Albpetrol/ Zbulohet emaili dhe ndërhyrja e Ballukut për pagesën

Basha dhe Desada i rikthehen “dashurisë” të 15 viteve

LEXO TE PLOTE

Aktualitet

Kishin kërkuar azil në vendet e BE-së/ Riatdhesohen 25 shtetas

Publikuar

-

Nga

Riatdhesohen 25 shtetas që kishin kërkuar azil në vendet e BE-së

Ditën e sotme janë riatdhesuar në Rinas 25 shtetas shqiptarë që kishin kërkuar azil apo kishin shkelur rregullat e qëndrimit në hapësirën Schengen.

Ky operacion është zhvilluar në bazë të një marrëveshjeje me autoritetet përkatëse të BE-së, me të cilët janë bashkërenduar veprimet. Çdo grup të riatdhesuarish shoqërohet me një eskortë të Policisë shqiptare.



Sipas Policisë së Shtetit operacione të tilla riatdhesimi do të vijojnë edhe përgjatë muajve shtator, tetor e nëntor.
Gjithashtu policia u bën thirrje të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen, si dhe mos kërkojnë azil, pasi shanset për ta fituar janë zero.

LEXO TE PLOTE

Bota

A i duhet Ballkanit Perëndimor një “Mini-Shengen”?

Publikuar

-

Nga

Kur Serbia, Shqipëria dhe Maqedonia e Veriut, në tetor 2019, paraqitën nismën e tyre, të quajtur “Mini-Shengen”, BE-ja sapo e kishte shtyrë hapjen e negociatave të pranimit me Shqipërinë dhe Maqedoninë e Veriut. Me këtë ide, tre shtetet e Ballkanit Perëndimor kanë për qëllim krijimin e një lloj “BE-je të vogël” në Evropën Juglindore: një zonë ku njerëzit, shërbimet, mallrat dhe kapitali mund të lëvizin lirshëm.

Zbatimi i nismës, i njohur edhe si “Shengeni Ballkanik”, është planifikuar të fillojë në vitin 2021. Dy vende të Ballkanit Perëndimor, Mali i Zi dhe Bosnja dhe Hercegovina, janë të pavendosura për t’iu bashkuar nismës. Sipas Marrëveshjes së Uashingtonit (4.9.2020) tani aty do të hyjë edhe Kosova..

Presidenti i Malit të Zi Gjukanoviç. me presidentin e Serbisë, Alexandar Vucic, dhe kryeministrat e Shqipërisë dhe Maqedonisë së Veriut, Edi Rama dhe Zoran Zaev. në takimin e tretë të Mini-Shengenit në Tiranë, më 21 dhjetor 2019. Mali i Zi ende nuk i është bashkuar nismës rajonale.

Me kërkesë të SHBA-ve

Shteti më i ri i Evropës e kishte refuzuar deri në atë moment rreptësisht pjesëmarrjen në nismë me argumentin se ajo i jep shumë epërsi Serbisë, si prodhues më i madh i mallrave në rajon.  Pas kthimit të tij nga Uashingtoni, Kryeministri i Kosovës Avdullah Hoti u tha gazetarëve se pjesëmarrja e Kosovës ishte bërë me kërkesë të SHBA-ve. “Ne do të kujdesemi që në asnjë moment të mos cenohen interesat shtetërore të Republikës së Kosovës”, premtoi Hoti. Kryeministri i Shqipërisë, Edi Rama, e mirëpriti marrëveshjen e Uashingtonit: “Më mirë vonë se kurrë, edhe falë Amerikës mike, ” shkroi Rama në Twitter.

Por se çfarë synojnë saktësisht SHBA-të me mbështetjen e nismës “Mini-Shengen”, kjo është e paqartë. Nisma për bashkëpunim rajonal në Ballkanin Perëndimor ka. Fakti që ky bashkëpunim, i cili është i rëndësishëm për afrimin me BE-në, po mbështetet nga SHBA-të është për t’u mirëpritur, i tha Peter Beyer, deputet kristiandemokrat në Parlamentin Gjerman dhe i ngarkuar i Qeverisë Gjermane për Marrëdhëniet Transatlantike,

Peter Beyer, deputet kristiandemokrat në Parlamentin Gjerman dhe i ngarkuar i Qeverisë Gjermane për Marrëdhëniet Transatlantike

Beyer, i cili është gjithashtu raportues për dialogun Kosovë-Serbi në Bundestag dhe Këshillin e Evropës, kujton se “kjo fillimisht u iniciua vite më parë nga kancelarja gjermane Angela Merkel dhe është ndjekur dhe intensifikuar me sukses të konsiderueshëm në vijim”.

Zona Ekonomike Rajonale

Në fakt, që nga viti 2014 qeveria gjermane, përmes “Procesit të Berlinit”, është përpjekur t’i ofrojë Ballkanit Perëndimor mbështetjen e nevojshme në rrugëtimin e gjatë drejt BE-së . Në vitin 2017, gjashtë vendet e rajonit – Shqipëria, Bosnja dhe Hercegovina, Mali i Zi, Maqedonia e Veriut, Kosova dhe Serbia – miratuan një plan veprimi shumëvjeçar për krijimin e një zone të përbashkët ekonomike. Si bazë për këtë shërbeu Marrëveshja e Tregtisë së Lirë të Evropës Qendrore (CEFTA), së cilës i përkasin të gjashtë shtetet e Ballkanit Perëndimor.

Majlinda Bregu, Sekretare e Përgjithshme e Këshillit të Bashkëpunimit Rajonal (RCC)

Majlinda Bregu, Sekretare e Përgjithshme e Këshillit të Bashkëpunimit Rajonal (RCC), e cila po mbikëqyr zbatimin e marrëveshjes, tha në një intervistë me DW se megjithë vështirësitë e shumta politike, ka edhe përparime. Si shembull ajo përmend tarifat  roaming të cilat do të hiqen gradualisht deri në 2021.

Në samitin e ardhshëm, i cili pritet të zhvillohet këtë vjeshtë në Sofje, do të miratohet një plan veprimi i dytë për Zonën Ekonomike Rajonale. “Ky parashikon intensifikimin e bashkëpunimit në fushat e digjitalizimit, investimeve, lëvizshmërisë dhe turizmit,” tha Bregu.



Rëndësi gjeopolitike?

LEXO EDHE:  “Luftë” bosëve të drogës/Policia “paralizon” makinat luksoze, aksion i gjerë në rrugë

LEXO EDHE:  Video-Finalizohet një tjetër operacion/ Prangosen katër persona, sekuestrohet drogë dhe armë

Atëherë, cila është përparësia që ofron “Shengeni Ballkanik”  ndaj me Zonës Ekonomike Rajonale dhe CEFTA-s? Kjo është vështirë të thuhet, thotë Ardian Haçkaj, drejtori i Institutit Hulumtues për Bashkëpunim dhe Zhvillim (CDI) në Tiranë, sepse deri tani askush nuk ka parë një dokument zyrtar. Publikut i është ofruar vetëm një deklarate e përbashkët nga Presidenti Serb Aleksandar Vuçiq dhe Kryeministrat e Maqedonisë së Veriut dhe Shqipërisë, Zoran Zaev dhe Edi Rama, pas një takimi në Ohër, në vitin 2019. Aty të tre politikanët theksuan se “Mini-Shengeni” është në përputhje me “Procesin e Berlinit”.

Matthew A. Palmer

Ndërsa BE-ja dhe Gjermania janë thuajse indiferente ndaj termit “Shengen Ballkanik”, SHBA-të kanë sinjalizuar që në fillim mbështetjen e tyre. Të enjten (17. 09. 2020) Bosnja dhe Hercegovina, do të diskutojë mundësinë e bashkimit në projektin e “BE-së së vogël”, pas sugjerimit të anëtarit serb të presidencës trietnike të shtetit boshnjak, Milorad Dodik.

Dodik e bëri propozimin pasi u takua me të dërguarin e Ballkanit të Departamentit të Shtetit të SHBA-ve, Matthew A. Palmer. Një ditë më parë Palmer kishte qenë në Berlin, ku  kishte marrë pjesë në një konferencë të Fondacionit Konrad Adenauer me ambasadorët e Ballkanit Perëndimor. Sipas informacioneve të DW-së, nisma e “Mini-Shengen”-it aty nuk luajti asnjë rol.

Ardian Haçkaj nuk përjashton mundësinë, që “Mini-Schengeni të bëhet një instrument gjeopolitik i SHBA-ve për të mbajtur ndikim në procesin e integrimit të vendeve të Ballkanit Perëndimor në BE dhe bisedimeve midis Kosovës dhe Serbisë”.

BE me rol moderues

Valeska Esch nga Instituti Aspen në Gjermani e kritikon këtë qëndrim. “Nëse qeveria e SHBA me të vërtetë dëshiron të mbështesë në mënyrë thelbësore normalizimin midis dy vendeve dhe qasjen e tyre në BE, do të ishte më mirë që të mbështeste zbatimin e iniciativave ekzistuese, sesa të prezantojë si të reja nisma të ngjashme”,  tha ajo në një intervistë me DW.

Sidoqoftë, bashkëpunimi midis BE-së dhe SHBA-ve, aq i dëshiruar nga të gjitha palët,  funksionon me vështirësi, që kur ka marrë detyrën Presidenti Donald Trump. Takimi kosovaro-serb më 4 shtator ishte i përgatitur dobët dhe jo i mirëkoordinuar me BE-në, thonë kritikët në Berlin.

Manuel Sarrazin, deputet i Bundestagut Gjerman (Të Gjelbrit / Aleanca 90) dhe President i Shoqatës së Evropës Juglindore, e quan madje një “shfaqje maçiste- neo-koloniale që i shërbeu vetëm fushatës zgjedhore të Donald Trump”. Për Deutsche Wellen ai tha se “BE-ja tani duhet të marrë përsipër një herë e mirë rolin si moderatore.”.

Manuel Sarrazin, deputet i Bundestagut Gjerman (Të Gjelbrit / Aleanca 90) dhe President i Shoqatës së Evropës Juglindore

Ardian Haçkaj nga Instituti i Kërkimeve për Bashkëpunim dhe Zhvillim në Tiranë dyshon se BE-ja mund ta luajë këtë rol vetëm. “Vonesat për miratimin e hapjes së negociatave me Maqedoninë e Veriut dhe Shqipërinë dhe refuzimi i vazhdueshëm për t’u dhënë qytetarëve kosovarë liberalizimin e vizave të premtuar prej kohësh i kanë kushtuar BE-së shumë besueshmëri në rajon,” i tha ai Deutsche Welle-s. “Bashkëpunimi me SHBA/të është i nevojshëm për një zgjidhje te qëndrueshme në Ballkan.”/DW

LEXO TE PLOTE