LEXO PA REKLAMA!

SHKARKO APP

Fotot-“Persekutimi komunist”/ Hapet ekspozita me dokumente arkivore

20 Gusht 2018, 12:09, Aktualitet CNA

Dokumente arkivore të dhjetëra dosjeve që dokumentojnë përndjekjen e ish-Sigurimit të Shtetit në zonën e Tepelenës do të jenë pjesë e ekspozitës, e cila është hapur sot në Tepelenë.

Autoriteti për Informimin mbi Dokumentet e ish-Sigurimit të Shtetit vjen me organizimin e ekspozitës me titull ?Persekutimi komunist në zonën e Tepelenës?.

Pjesë e kësaj ekspozite janë dokumente arkivore të dhjetëra dosjeve që dokumentojnë përndjekjen e ish-Sigurimit të Shtetit në zonën e Tepelenës, dokumentet e kryengritjes së Zhapokikës, përndjekjes së klerit, dosjet e Sigurimit të ish-kampit të Bënçës, indekset alfabetike të përndjekjes në Tepelenë, dosja e Trifon Xhagjikës, Neim Pashës, Zenel Shehut, Selahudin Totos dhe shumë të tjera.

Ekspozita dokumentare kushtuar përkujtimit të viktimave dhe personave të mbijetuar nga regjimi totalitar komunist, i paraprin Ditës Muze Memorial/Tepelenë që do të zhvillohet në qytetin e Tepelenës, më datën 23 gusht. Pjesë e ekspozitës do të jenë familjarë, studiues, përfaqësues të komunitetit lokal, shoqatave të ish-të përndjekurve dhe grupeve të interesit.

Lajmet e fundit nga