Connect with Us

Çfarë po ndodh me ekonominë?!/ Rënie dramatike rekord e kredisë  

Aktualitet

Çfarë po ndodh me ekonominë?!/ Rënie dramatike rekord e kredisë  

Publikuar

-

Stoku i huasë për ekonominë ka shënuar një rënie dramatike në gjashtë muajt e parë të këtij viti, duke mos reflektuar aspak rritjen e vendit, që në tre muajt e parë të vitit sipas INSTAT u zgjerua me 4.4%.

Sipas statistikave të Bankës së Shqipërisë, stoku i huasë për ekonominë në muajin qershor zbriti në 530 miliardë lekë, me një tkurrje prej 9.3 miliardë lekë, apo 1.7% në krahasim me muajin e mëparshëm. Rënia ka qenë e pandalshme në 6 muajt e parë të këtij viti, duke u tkurrur me 20 miliardë lekë. Kjo është tkurrja më e madhe historike, të paktën që prej vitit 2002, kur Banka e Shqipërisë raporton statistikat e kredisë.

Ky është niveli më i ulët i stokut të huasë për ekonominë, që prej tetorit të vitit 2011 (shih grafikun).

Tkurrja në qershor ka ardhur si rrjedhojë e rënies së kredisë për korrporatat publike, me 12 miliardë lekë, si rrjedhojë e shlyerjes së overdraft të KESH në banka, pas lëvrimit të huasë nga Banka Europiane për Rindërtim dhe Zhvillim.

Ndërsa në raport me fundin e 2017-s, tkurrja e kredisë ka ardhur si rrjedhojë e rënies së huasë në valutë për bizneset, por edhe për individë. As stoku i kredisë në lekë për biznese nuk ka shënuar rritje, përkundrazi.

LEXO EDHE:  A po e "vret" ekonomia Trumpin?

Të vetmit që po preferohen për t’u kredituar nga bankat janë individët në monedhën vendase, kryesisht për blerjen e pasurive të paluajtshme.

Që prej shtatorit të vitit 2017, huaja për ekonominë po rezulton me rënie të ndjeshme. Bankat janë skeptike për të dhënë hua, teksa janë përqendruar në segmentin e mesëm dhe ankohen se mungojnë projektet e mira për të financiar. Arsye të tjera që kanë ndikuar në rënien e stokut janë fshirja e kredive që kanë më shumë se tre vjet që nuk kthehen, si dhe nënçmimi i euros./ Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Gjurmimi i parave të pista/ Shqetësim pasuritë e krimit jashtë vendit dhe presioni ndaj drejtësisë

Publikuar

-

Nga

Gjurmimi i parave të pista/ Shqetësim pasuritë e krimit jashtë vendit dhe presioni ndaj drejtësisë

Në fund të dhjetorit qeveria ka miratuar strategjinë kundër krimit të organizuar dhe krimeve të rënda 2021-2025.

Në dokument flitet për gjendjen aktuale në vend por edhe planin e veprimit, sidomos për gjurmimin e pasurive kriminale të vendosura jashtë vendit.

Megjithëse Komisioni Evropian ka vlerësuar një lloj progresi lidhur me sekuestrimet dhe konfiskimet e pasurive kriminale në strategjinë kundër krimit të miratuar nga ekzekutivi, theksohet se numri i çështjeve me dënime përfundimtare për pastrim parash mbetet i ulët.

Strategjia parashikon se një vëmendje e shtuar i duhet kushtuar identifikimit dhe konfiskimit të pasurive kriminale të vendosura jashtë vendit ose të paarritshme, zbatimit të rregullave për konfiskimin e zgjeruar dhe ngrirjen paraprake të pasurive, si dhe përdorimit sistematik të hetimeve paralele financiare për krimin e organizuar, të cilat duhet të shoqërojnë sistematikisht procedimet penale që nga fillimi.

Zbatimi i këtij objektivi strategjik do të mbështetet gjithashtu përmes përmirësimit të proceseve të identifikimit, sekuestrimit dhe konfiskimit të financave dhe aseteve të grupeve kriminale.

LEXO EDHE:  “Rama ka humbur kontrollin mbi pandeminë”/ Basha: Të rritet numri i testimeve dhe fondet në shëndetësi

LEXO EDHE:  “Me Ramën jemi të fundit”/ Basha: Bashkë do shërojmë Shqipërinë

Kjo do të ngushtojë hapësirën e veprimit, fuqisë financiare por dhe motiveve të përfshirjes në struktura të krimit të organizuar, si dhe pamundësimin e ri-investimit të të ardhurave të përftuara nga veprimtari të paligjshme.

Lidhur me situatën aktuale në strategji evidentohet me shqetësim se “Anëtarët e strukturave të krimit të organizuar kanë shfaqur gjithashtu synimin dhe prirjen për veprime neutralizuese të punës së nëpunësve publikë, përfshirë institucionet e zbatimit të ligjit dhe organeve të drejtësisë, përmes formave të ndryshme të intimidimit dhe korrupsionit”.

Krahas synimit kryesor të ndjekjes së parave të organizatave kriminale jashtë kufijve, pastrimit të tyre në Shqipëri, në fokus të strategjisë janë edhe trafiqet e armëve, lëndëve narkotike apo qenieve njerëzore, por edhe të veprave të artit./CNA.al

LEXO TE PLOTE

Aktualitet

Vaksina anti Covid/ Brataj tregon kur do vijnë dozat e tjera

Publikuar

-

Nga

Vaksina anti Covid/ Brataj tregon kur do vijnë dozat e tjera

Kreu i urgjencës kombëtare Skënder Brataj ka folur për numrin e të vaksinuarve deri në këto momente duke thënë se pas datës 20 do të vijë pjesa tjetër e premtuar nga kryeministri Edi Rama. Brataj u shpreh se prioritet për të marrë dozat e para do të jenë stafet mjekësore që punojnë në spitalet Covid, duke shtuar se Shqipëria është drejt hapit të fundit të bllokimit të kësaj sëmundje.

Për fat të mirë erdhi dita që të fillojë vaksinimi në Shqipëri në një datë që askush nuk e priste. Lista e prioriteteve është që ka një program për vaksinimin e shqiptarëve, e cila fillon me personel mjekësor. Kryesisht fillon me personelin e spitaleve Covid që tani janë 4.

Pastaj do të përhapet drejt spitaleve rajonale, kryesisht urgjencave dhe më tej do të vazhdojë me personelin mjekësor, me edukatorët, policët dhe pastaj moshat e larta. Po shkojnë 400 vaksina që po bëhen në Tiranë. Pas datës 20 do të vijnë vaksinat e programuara, 30 mijë në shkurt dhe kështu me radhë është në bisedime duke u folur me shumë prodhues të vaksinave për të garantuar sasi të tjera. Kështu që jemi drejt hapit të fundit të bllokimit të kësaj sëmundje”, tha Brataj.

Ndër të tjera shefi i urgjencës tregoi se deri tani nuk ka pasur raste me efekte anësore apo komplikacione.

Për fatin e mirë, nuk kemi parë asnjë efekt anësor. Procesi vazhdon të jetë i rregullt, por një vaksinë e kontrolluar nga FDA dhe EMA sigurisht që i ka të gjitha garancitë, të gjitha rregullat. E vetmja gjë ka qenë koha, por vaksina zakonisht efektet anësore i jep në momentet e para dhe për këtë arsye qëndrojnë rreth 30minuta nën asistencën e ekipeve mjekësore. Por njerëzit duhet të kenë të qartë që nuk është virus i plotë, por pjesë e proteinave të virusit, pra nuk shkakton sëmundje, por prodhim të antitrupave”, tha Brataj.

Mbi diskutimet nëse duhet apo jo të vaksinohen edhe ata që kanë kaluar covid, Brataj thotë se kjo është në varësi të kohëzgjatjes së imunitetit.

LEXO EDHE:  Covid-19 godet rëndë artistët/ Njerëzit e artit drejt katastrofës, Stefi Prifti mesazh të fortë për qeverinë

LEXO EDHE:  Imazhet e “fuqishme” që tregojnë se si ndryshoi bota në vitin 2020

Për personat që kanë kaluar Covidin, kuptohet që imuniteti natyral është më i sigurt se i vaksinës nuk diskutohet, por nuk ka të dhëna sa zgjat imuniteti. Por edhe ata që e kanë kaluar si puna ime që në Mars është e këshillueshme që ta bëjnë. Unë se kam bërë sepse pres që të vijë radha e institucionit tim”, u shpreh Brataj.

Ai shtoi se rritja e shifrave të rasteve të reja vjen si pasojë e festave dhe grumbullimeve, të cilat duhet të ishin neglizhuar. Nuk la pa komentuar dhe rastin e Tire Alldervishit, sanitares që u shtir si infermiere dhe i zhvati 8 milionë lekë vajzës së një gruaje të infektuar, e cila ndërroi jetë.

Edhe midis nesh ka përfitues, që nga recetat e ilaçeve për të sëmurët që kanë ditën e dytë apo të tretë të temperaturës, i japin antibiotikë. 0për fatin e keq, ka njerëz që përfitojnë. Fenomenet e spitalit për fatin e keq ekzistojnë dhe njerëzit janë bashkëpunëtorë në atë që ndodh dhe i shtyjmë njerëzit që të fitojnë bakshishin, por nuk është e denjë për shëndetësinë. Shpresoj të mos jetë një fenomen i përhapur. Ne e kemi të vështirë ti identifikojmë se është e padrejtë, por janë veprime të shëmtuara që nuk duhet të përsëriten për asnjë motiv për shëndetin e njerëzve në kohë pandemie”, tha Brataj./CNA.al

LEXO TE PLOTE

Kosova & Rajoni

Covid në Kosovë/ Bie numri i viktimave, regjistrohen 353 raste të reja

Publikuar

-

Nga

Covid në Kosovë/ Bie numri i viktimave, regjistrohen 353 raste të reja

Situata nga Covid në Kosovë po vjen drejt normalizimit. Gjatë 24 orëve të fundit, kanë humbur jetën si pasojë e koronavirusit 5 qytetarë, si dhe janë regjistruar 353 raste të reja nga 1642 testime të kryera.

Numri total i rasteve pozitive është 55.851 raste nga 208.583 persona të dyshimtë në virusin SARS-CoV-2 dhe 1.410 raste të vdekjes.

Gjatë 24 orëve të fundit, janë shëruar 279 pacientë derisa numri i përgjithshëm i të shëruarve deri më sot është gjithsej 49.269 raste, kurse numri i rasteve aktive është 5.172.

LEXO EDHE:  Imazhet e “fuqishme” që tregojnë se si ndryshoi bota në vitin 2020

LEXO EDHE:  A po e "vret" ekonomia Trumpin?

Ministria e Shëndetësisë u bën thirrje qytetarëve që të mabjnë maskën, të ruajnë distancën sociale dhe të kujdesen për higjenën personale./CNA.al

LEXO TE PLOTE