Connect with Us

Veshjet e tejdukshme që po bëjnë namin, por vetëm këto të famshme shqiptare guxuan

Aktualitet

Veshjet e tejdukshme që po bëjnë namin, por vetëm këto të famshme shqiptare guxuan

Publikuar

-

Ndoshta shumë mund të mendojnë se trendi i fustanit apo veshjeve të tejdukshme bënë një rikthim në 2014-n, kur Rihanna u shfaq në eventin e “CFDA Awards” me fustanin e mbuluar me kristale “Swarovski”.

Dhe më tej në 2016-n Beyonce gjithashtu mahniti, por edhe shokoi, kur u shfaq në “Met Gala” me fustanin Givenchy nga Riccardo Tisci.

Por asnjëra prej tyre nuk e ka shpikur këtë trend. Fustani i tejdukshëm daton që në vitet 1900, kur Theda Bara pozoi si Kleopatra në vitin 1917.

 

Për të vazhduar deri në ditët e sotme në veshje të ndryshme, si fustane, bluza apo reçipeta.

Gjithsesi një gjë është e sigurt për të përqafuar këtë trend na duhet guxim. Disa nga të famshmet shqiptare e kanë zgjedhur veshjen transparente në jetën e përditshme apo për t’u shfaqur në evente të ndryshme.

Ledina Çelo

 

 

Veshja e këngëtares shqiptare në Festivalin e RTSH-së në 2016-n ishte një nga temat që bëri më shumë bujë. Ledina Çelo kishte zgjedhur një fustan transparent me detajet e gurëve dhe puplave, për të prezantuar spektaklin. Të vetmit që i dolën në krah ishin stilistët, të cilët u shprehën se Ledina ka trupin e duhur për të veshur atë që dëshiron, pavarësisht se tregon më shumë sesa duhej.

Dua Lipa

Diku e keni parë fustanin me të cilën Dua Lipa performoi pak kohë më parë në Paris. Fustani ikonë u vesh nga mbretëresha e muzikës Cher në 1974-n, në “Met Gala”.

 

Ndryshe nga Cher, Dua nuk kishte aq guxim sa të shfaqej pa një trupore “nude” poshtë saj.

Bleona Qerreti

Nuk është asgjë e rrallë të shkruajmë për stilin provokues të Bleona Qerretit, që nisi nga fillimi i viteve 2000. Por veshja e saj në klipin e këngës së fundit “I don’t need your love” tërhoqi vëmendjen, sepse ishte mes zhveshjes dhe veshjes. Një trupore e mbuluar e gjitha me kristale tregonte çdo gjë nga trupi i këngëtares.

 

Nora Istrefi

Këngëtarja me origjinë nga Kosova është e angazhuar gjithë kohës nëpër koncerte dhe i përkushtohet shumë paraqitjes së jashtme. Veshjet transparente janë shpesh një nga zgjedhjet e saj. Së fundmi Nora u shfaq me një jumpsuit në ngjyrë të zezë, me prerje transparente përgjatë trupit.

Mirëpo, fansat e këngëtares nuk e mirëpritën edhe aq mirë ekstravagancën e saj. Sipas tyre, Nora ngjan më bukur kur shfaqet natyrale dhe jo e ekzagjeruar.

Rita Ora

 

Nuk është aspak për t’u habitur nëse Rita Ora tregon asetet apo provokon me veshjen. Veç truporeve që e shoqërojnë kudo nëpër koncerte, një nga stilet e veshjeve që i dëshiron janë ato transparente, të cilat i tregojnë gjoksin. Si rasti i kësaj bluzeje, e cila nuk është e vetmja.

Klea Huta

Veshja e saj është përgjithësisht “casual”, por kjo bluzë që tregon reçipetat e këngëtares dhe moderatores shqiptare e bëri atë që të hynte në këtë listë. Bluzën ciklamine transparente me detajet e qëndisjeve Klea e ka kombinuar me një palë pantallona xhinse të shkurtra.

KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Makina përplas këmbësoren/ Në gjëndje të rëndë 47-vjeçarja

Publikuar

-

Nga

Një ngjarje e rëndë  ka ndodhur ditën e sotme  në “Patos fshat”.

Një mjet tip “Audi” ka përplasur këmbësoren A.M 47-vjeçe.

Drejtuesi i mjetit është larguar nga vendngjarja.

Mësohet se A.M ndodhet në gjëndje të rëndë në spital./CNA.al

LEXO TE PLOTE

Aktualitet

Plas në Digitalb, stafi letër aksionarëve: Me detyrim të dalim në rrugë të madhe

Publikuar

-

Nga

Stafi i Digitalb, gati 80 drejtues në vite të kompanisë nëpëmjet një emaili në mbrëmjen e 14 Gushtit, i janë drejtuar aksionarëve të kompanisë, pas largimeve masive të filluara kohët e fundit nga Vjollca Hoxha, cna.al ka siguruar emalin e plotë.

Shumë emra të rëndesishëm, themelues dhe menaxherë të kompanisë po hiqen dhe po hidhen në rrugë me detyrim, shkruhet në emailin që stafi ka shpërndarë pë aksionarë e kompanisë.

Më poshte teksti i plotë dhe nje foto e emailit që qarkullon në Digitalb.

Përshëndetje aksionarë të DigitAlb-it!
Të gjithë ju që ju bashkuat ëndrrës së Tan Hoxhës për të ngritur Platformën që do bënte dhe vazhdonte revolucionin mediatik në Shqipëri e do ishte “URA” lidhëse e gjithë shqiptarëve!
ËNDRRËS që ne, stafi, I BESUAM dhe jetuam duke punuar për 15 VITE…
Po ju shprehim direkt shqetësimin tonë, për çfarë po ndodh në DigitAlb-in ku ne me vite punuam, sakrifikuam po edhe shijuam, se e kishim Familjen tonë!
Siç besojmë jeni në dijeni;
Që me ardhjen e Administratorëve të rinj të gjitha gjërat në DigitAlb nisën dhe vazhdojnë të ndryshojnë për keq në çdo aspekt.
Dhe këtë, s’ka mbetur njeri pa e ndjerë e pa e folur edhe në popull apo thënë ndryshe, klientët…
Plus kësaj, nisi një fushatë spastrimi “etnik” tek punonjësit, pa u bazuar në asnjë kriter profesional. Për më tepër; Heqje masive profesionistësh nga puna, pa mbështetje në asnjë strategji zhvillimi apo financiare, afatmesme apo aftgjatë, siç do duhej të funksiononte vërtet në një kompani e siç ndodh kudo në botë. Por mbi të gjitha e më flagrantja, pa asnjë vendimarrje tuajën si ‘Asamble e Aksionarëve’ të DigitAlb!
Mjafton të përmendim largimin e mbi 90% të Drejtorëve kryesorë të kompanisë, që bashkë edhe me kërkesat ULTIMATIVE për dorëheqje të menjëhershme deri edhe tek stafi ekzekutiv në bazë, arrijnë aktualisht në rreth 80 vetë!
Por ky spastrim po vazhdon dita ditës dhe fryma e pasigurisë që ka asgjësuar atë të familjaritetit që ekzistonte dhe e karakterizonte deri dje DigitAlb, shto këtu dhe uljet e rrogave në nivele ordinere, deri edhe tek shoferët, ka bërë që edhe ata të mbeturit ende momentalisht të jenë me CV në dorë, gati për të ikur sapo t’ju dalë alternativa e parë…
Tani, pavarësisht problematikave tuaja me ish-Administratorin, Albanin që gjithësesi për ne në ato vite ishte një lider; po me ne stafin ç’patët…?!
Tek e fundit të gjithë ne punonjësit e larguar deri më tani, që në fakt U PËRZUMË pa asnjë motiv mospërmbushjeje profesionale në gjithë këto vite pune, sakrifice e jete në DigitAlb, jemi gati 80 FAMILJE me gjithë peshat sociale që rëndojnë në Shqipëri. Si mundet që kështu befas, brenda ditës, të na kërkohet me detyrim të dalim në rrugë të madhe, ndërkohë që jemi familjarë me fëmijë për të rritur e shkolluar dhe kredi për të paguar…?!
Ka mes nesh nga ata që ishin të vetmit të punësuar nga pjesëtarët e familjes. Dhe tani s’janë më!
Me çfarë ta paguaj tani unë çerdhen e fëmijës tim?
Me çfarë ta paguajë ai tjetri qeranë e shtëpisë ku ka futur familjen apo ajo kolegia tjetër kredinë bankare, që tek e fundit i është miratuar me garancinë se punonte në DigitAlb?!
Ç’kusur kanë fëmijët tanë që tani s’mbajmë dot as premtimet që u kemi dhënë, edhe për shkollën e tyre…?!
Ça faji kemi që besuam tek ju?
Deri dje të gjithë ndiheshim krenarë në familjet tona sepse punonim në DigitAlb…
Deri dje në DigitAlb organizonim fushata bamirësie për familjet në nevojë…
Tani vetëm prej tekave të shfrenuara të një zonje, krejt ndryshe nga vizioni i themeluesit, DigitAlb ka arritur ne pikën që po nxjerr me radhë sa e sa familje në mes të rrugës, duke i detyruar të luftojnë deri për bukën e gojës!
Pse tani heshtni të gjithë dhe bëni sikur s’na njihni e as na keni parë kurrë?!
Kemi punuar per ju! Me vite! Me plot përkushtim!
Kishim investuar pasion e besim me punën tonë gjithë këto vite, duke refuzuar jo një herë edhe Oferta joshëse më të larta, pasi BESONIM në ëndrrën që po punonim të ndërtonim, në atë Platformë ku ju të gjithë jeni aksionarë, por jo pa përgjegjësi!
Po tani? Çfarë bëmë ne gabim, që pas gjithë atyre viteve punë, përkushtim e besim, nga ju aksionarë të merrnim këtë “shpërblim”…?!
Stafi i DigitAlb

 

 

LEXO TE PLOTE

Aktualitet

KQZ u “mbyll derën” aleatëve të Bashës/ LSI: Nuk do të ndalemi

Publikuar

-

Nga

Mbledhja e Komisionit Qendror të Zgjedhjeve dështoi pasi anëtarët e KQZ nuk u paraqitën, me përjashtim të kreut të saj, Klement Zguri. Duke qenë se nuk mund të ketë diskutime pasi nuk formohet kuorumi, mbledhja u anulua pa përcaktuar një datë tjetër se kur mund të mblidhet.

Lidhur me këtë ngjarje ka reaguar edhe përfaqësuesi i LSI-së, Muharrem Caka i cili tha se mungesa është e qëllimtë dhe politike.

Caka tha se LSI-ja ditën e hënë do të sjellë kërkesën për regjistrimin në zgjedhjet lokale të 13 tetorit.

“Në respekt të dekretit të Presidentit për caktimin e datës së zgjedhjeve në 13 Tetor dhe afatit në 2 gusht, LSI, PR dhe PAA paraqitën kërkesën për fillimin e procedurave. 30 qershori u shfuqizua si datë zgjedhjesh nga Presidenti. Vetëm Kushtetuesja mund të shprehet për dekretin e Presidentit. Mungesa e anëtarëve është e qëllimtë, politike.

Dekreti i Presidentit është në fuqi dhe ne do të respektojmë parashikimet. Do të sjellim të hënën kërkesën për regjistrimin në zgjedhje. Kodi parashikon që KQZ-ja ka detyrimin të nisë procedurat dhe së pari duhet të merrte parasysh kërkesën. Në Kolegj? Do të ndjekim të gjitha hapat. Prevalon Kushtetuta mbi lejen e tyre vjetore” tha përfaqësuesi i LSI-së, Muharrem Caka./CNA.al

LEXO TE PLOTE