LEXO PA REKLAMA!

SHKARKO APP

Organizata neonaziste /Dënohet me burg përjetë anëtarja kryesore

11 Korrik 2018, 12:34, Aktualitet CNA
Organizata neonaziste /Dënohet me burg përjetë anëtarja

Gjykata e Apelit në Mynih mori një vendim historik: Beate Zschäpe u dënua me burgim të përjetshëm për vrasjet terroriste të neonazistëve. U dënuan dhe disa bashkëpunëtorë të tjerë, por procesi me siguri do të vazhdojë.

Beate Zschäpe, e akuzuara kryesore në procesin kundër grupit të organizatës neonaziste terroriste me emrin NSU, u dënua me brugim të përjetshëm. Gjykata ka konstatuar një ?fajësi të veçantë?, që do të thotë se ekziston mundësia teorike që Beate Zschäpe të lirohet pas 15 vitesh, por në praktikë një gjë e tillë është gati e pamundur. Me këtë vendim historik, gjykata mori parasysh kërkesën e prokurorisë që Zschäpe të konsiderohet si bashkëfajtore në vrasjet e organizatës NSU (Ilegaliteti Nacionalsocialist). I bashkëakuzuari Ralf Wohlleben u dënua për sigurimin e armëve për organizatën NSU me 10 vjet heqje lirie. Gjykata e apelit e ka dënuar atë për ndihmë në kryerjen e vrasjeve. Holger G. u denua me tre vite burg. André E. do të vuajë dënimin me burg dy vite e gjashtë muaj. Ndërsa Carsten S. u dënua me tre vjet sipas ligjit për të miturit.

?Beate Zschäpe ka qenë anëtare e një komandoje vrasëse?
Me shpalljen e këtyre dënimeve përfundon në shkallë të parë procesi që zgjati plot pesë vite, që është edhe procesi me indiciet më të mëdha në historinë e pasluftës së Dytë Botërore në Gjermani. Por ekspertët thonë se mbrojtësit e Beate Zschäpe do të ankohen dhe do të kërkojnë ndryshimin e vendimit. Në një rast të tillë, fjalën e fundit e ka Gjykata e Lartë.

14 vite vrasje
Beate Zschäpe ka jetuar në ilegalitet gati 14 vite së bashku me shokët e saj Uwe Mundlos dhe Uwe Böhnhardt.
Gjatë kësaj periudhe këta të dy kanë vrarë nëntë persona me origjinë turke apo greke dhe një police gjermane. Ata kanë kryer edhe dy sulme me bomba në Këln, ku ka pasur dhjetëra të plagosur. Deri tani nuk është ofruar ndonjë dëshmi që Zschäpe ka qenë në ndonjë prej këtyre vendeve ku janë kryer krimet. Por prokuroria ka ofruar dëshmi të mjaftueshme se Beate Zschäpe i ka ?pasur dijeni për të gjitha këto krime, ka qenë bashkëkoordinatore dhe ka bashkvepruar gjatë vrasjeve?. Gjykata konsideron se prokuroria ka ofruar dëshmi të mjaftueshme për këto akuza.

Një vit kërkim i dhimbshëm i së vërtetës
Mbrojtja kërkoi dënim më pak se 10 vjet. Mbrojtja e Beate Zschäpe ka kërkuar lirimin e saj nga akuzat për vrasje dhe sulme me bomba.
Sipas tyre, 43-vjeçarja nuk ka qenë në vendin e vrajseve dhe sulmeve, nuk është vrasëse dhe atentatore. Zschäpe vet ka pranuar se për vrasjet apo sulmet ka marrë vesh nga shokët e saj, pas kryerjes së tyre. Në një prononcim të saj ajo kërkoi: ?Ju lutem mos më dënoni në vend të dikujt tjetër, për diçka që nuk e kam bërë dhe nuk kam dashur të bëhet?. Mbrojtësit e Beate Zschäpe kanë kërkuar që ajo të dënohet me më pak se 10 vjet heqje lirie.

Zbulimi i vrasjeve
Zbulimi në vitin 2011 i vrajseve nga grupi ilegal neonazist NSU, ka shkaktuar tronditje të thellë në Gjermani, sepse ky grup terrorist i ekstremizmit të djathtë ka kryer me vite të tëra vrasje në gjithë territorin e Gjermanisë dhe ka jetuar në ilegalitet, pa u zbuluar nga organet e sigurisë. Hetuesit me vite të tëra kanë dyshuar tek personat e pafajshëm. Në nivelin federal dhe në disa lande janë krijuar edhe komisione hetuese parlamentare, për të zbardhur sfondin e këtyre vrasjeve terroriste të nëntë personave me origjinë të huaj dhe një policeje gjermane. Përfaqësuesit e familjeve nuk janë të kënaqur me ecurinë e hetimeve lidhur me zbardhjen e sfondit të këtyre vrasjeve dhe sulmeve. /DW/

Lajmet e fundit nga