LEXO PA REKLAMA!

SHKARKO APP

Negociatat/ Balla: Shqipëria më pranë BE

2 Korrik 2018, 14:28, Aktualitet CNA
Negociatat/ Balla: Shqipëria më pranë BE

Pas vizitës së eurodeputetit Knut Fleckenstein, i cili foli për vendimin që kanë marrë ministrat e Jashtëm të BE, për hapjen e negociatave të Shqipërisë me BE, ka reaguar kreu i gruit parlamentar të PS-së, Taulant Balla.

Në një postim në rrjetet sociale, Balla shkruan se krahas komenteve negative të opozitës apo të çdo spektri i cili e quan vendimin e Këshillit një ?jo?, Shqipëria sot është më pranë Europës.

Më poshtë ball aka përcjellë diskutimet që janë bërë në takimin me eurodeputetin Fleckenstein.

Postimi i plotë:

Për të gjithë ata që nuk duan të shohin e nuk duan të dëgjojnë, ose lajmin e mirë duan ta bëjnë lajm të keq, Shqipëria sot është më pranë Europës. Këtë nuk e them unë, as Qeveria, por e thonë miqtë ndërkombëtarë të Shqipërisë, që sot janë më shumë se kurrë më pranë në histoinë tonë të vjetër dhe të re.

Sot Shqipërinë e vizitoi raporteri për Shqipërinë në Parlamentin Europian, eurodeputeti Knut Fleckenstein, i cili foli për vendimin pozitiv të Këshillit, për mbështetjen e madhe që Shqipëria ka nga 6 grupet më të mëdha politike në PE, të majtë e të djathtë, të qendrës, konservatorë apo të gjelbërt, për mbështetjen e plotë të Kancelares gjermane Angela Merkel dhe të koalicionit të madh gjerman; dhe se Europa vlerëson reformat dhe përpjekjet e bëra nga Shqipëria deri më tani. Raporteri për Shqipërinë Fleckenstein e tha qartë se e rëndësishme në këtë rrugë të gjatë që kemi ndërmarrë është që të bashkëpunohet dhe jo të bllokohet. Ai gjithashtu apeloi që në vend duhet një frymë bashkëpunuese politike dhe jo një opozitë që bojkoton, por që mbështet reformat.

Në një takim ku fokusi ishte diskutimi mbi konkluzionet e Këshillit të Bashkimit Europian për çështjet e përgjithshme mbi zgjerimin, pata rastin të falenderoja edhe njëherë grupet e mëdha politike në PE, e në mënyrë të vecantë Partinë Popullore Europiane dhe Presidentin e saj Josef Daul, të cilat vendosën të mbështesin hapur vlerësimin për Shqipërinë, pa marrë në konsideratë se çfarë i`u kërkonte nga Tirana simotra e tyre. Raporti i Këshillit thotë qartë që nuk duhet të ketë tentativa për bojkot dhe duhet të ketë një frymë bashkëpunimi, gjë që në politikën tonë mungon, pasi opozita nuk njeh aletrenativa të tjera veç bojkotit dhe rrëmujës.

Është shumë e rëndësishme që përtej pritshmërive tona, Shqipëria ka marrë një PO, ka marë një datë dhe ka filluar menjëherë punën parapërgatitore. Në rastin e Shqipërisë dhe Maqedonisë kemi marrë datën, kemi marë dhe një punë parapërgatitore, e cila nuk mund të zgjasi më shumë sesa 12 muaj nga sot.

Ndërkohë që Luli dhe kasta e aktorëve të tij të SHQUP-it vazhdojnë të thonë që negociatat nuk janë hapur, ne kemi filluar punën parapërgatitore, ku takimi i parë është vetëm pas disa ditësh. Pra jemi në një rrugë të mbarë me plot sfida dhe detyrime. Edhe Kuvendi ka detyrat e veta, të cilat jemi gati t?i kryejmë së bashku me opozitën, por sipas modelit gjerman, duke i mbajtur divergjencat mes njëri- tjetrit këtu, e jo duke i eksportuar si baltë kundër Shqipërisë në Bruksel, Berlin e gjetkë. /CNA.al

Lajmet e fundit nga