Connect with Us

Ish-presidenti paralajmëron opozitën/ Akuza të forta Ramës

Aktualitet

Ish-presidenti paralajmëron opozitën/ Akuza të forta Ramës

Publikuar

-

Ish-presidenti i vendit, Bujar Nishani shprehet se qeveria është përgjegjësja për mos hapjen e negociatave me BE.

Në një postim në faqen e tij në rrjetet sociale, Nishani e ka quajtur të turpshme gënjeshtren e radhës lidhur me gjithë sa ndodhi, duke e quajtur fitore.

Por, nga ana tjëtër ai paralajmëron opozitën, të mos humbasë kohe duke përgënjeshtruar gënjeshtarin, i cili duhet sipas tij diskredituar, ndërkohe që “shqiptaret duhet te duhet të mblidhen e të vendosin se si ta çlirojnë rrugën e tyre drejt Evropës që zullumqarët ja janë bllokuar”.

Postimi i plotë:

Të dashur miq, vendet anëtare të BE refuzuan për të dytën herë propozimin e Komisioni për hapjen e Negociatave (bisedimeve) për antarësim në BE të Shqipërisë.
Ashtu siç bënë ekzaktësisht në 2016 kur përshëndetën arritjet e Shqipërisë (korrektësi diplomatike e politike), deklaruan mot-à-mot dhe tashmë se pa luftuar krimin e organizuar, korrupsionin, vendosur shtetin ligjor, zgjedhje të lira e të ndershme, nuk hapim Negociatat.
Qeveria dhe shërbyesit e saj të paguar u turrën të gënjejnë pa turp si në çdo skandal të këtyre pesë viteve.
Do të ishte krejt pa vlerë dhe irracionale që opozita dhe shqiptarët e ndershëm të merreshin dhe harxhonin energji dhe kohë për të përgënjeshtruar gënjeshtarët !
Gënjeshtari nuk përgënjeshtrohet por veç diskretitohet.
Tashmë ndër ne, gënjeshtarët nuk e hanë më turpin me bukë por e gëlltisin me harè e çakërrqejf duke pirë kupa me verë të shtrenjtë.
Realiteti është fare i thjeshtë : Evropa i dha ca detyra shtesë Shqipërisë për ti bërë deri në vitin e ardhëshëm, kur do të shqyrtojë edhe njëherë propozimin e Komisionit, nëse këto detyra janë përmbushur apo jo, nga Shqipëria.
Zor shumë, do të jetë të përmbushen këto detyra, sepse është pikërisht ajo që ka përgjegjësinë kryesore, QEVERIA, që e pengon Shqipërinë ti përmbushë këto detyra.
Nuk është fare e vlefshme që të merremi me përgënjeshtrimin e gënjeshtarëve, sepse vetëm fakti që gënjejnë, tregon se janë zënë në faj dhe janë ndëshkuar.
Ky vendim i BE ka në fakt dy lajme.
Një lajm të KEQ dhe një lajm të MIRE.
Lajmi i KEQ është shtyrja e shqyrtimit të vendimit nëse Shqipëria do hapë negociatat pas 2019 ?
Lajmi i MIRE është që Këshilli Evropian, lidershipi i Evropës doli në krah të qytetarëve, të popullit shqiptar dhe jo Qeverisë së Tiranës.
Në rastin e hapjes së Negociatave, ai është një vlerësim për suksesin e reformave, vlerësim për standardet që janë arritur dhe funksionojnë e kështu që natyrshëm është vleresim edhe për qeverinë që ka bërë të mundur ato si më sipër.
Fakti që nuk u hapën është tregues i vleresimit negativ për realitetin, standardet dmth menaxhimin e keq të punëve, pra të Qeverisë.
Por shqiptarëve, ju konfirmuan se e ardhmja e tyre është padiskutim në Evropë ashtu siç dhe i pranuan vite më parë të udhëtonin pa viza në çdo cep të saj.
Me gënjeshtarët nuk duhet të lodhemi për ti përgënjeshtruar tek spekullojnë deri në perversitet kur thonë se u vendos të nisim “punën pregatitore” !!!
Puna pregatitore ka nisur që me miratimin e Marrveshjes së Stabilizim Asociimit, qysh me 1 prill 2009, o mashtrues, boll u tallët me shqiptaret !
Ne nuk duhet të konsumojmë kohën me përgënjeshtrimin e gënjeshtarëve qeveritarë tek thonë se fajin e kanë skeptikët dhe ekstremistët populist në Evropë.
Në kohën kur u liberalizuan vizat dhe u mor statusi “Kandidat”, ishte e njëjta situatë politike në Evropë, me shumë kundërshtar.
Madje lëvizja pa viza, ishte një vendim edhe me më shumë peshë e ndikim konkret në Evropë sesa hapja e Negociatave (bisedimeve), por nuk u bllokua dot.
Nuk janë skeptikët evropian por zullumet dhe modeli i një pushteti të korruptuar dhe inkriminuar në Shqipëri.
Eshte krimi i organizuar që kjo qeveri implantoi në vendin e vet, virusi i të cilit po i kalon kufijtë e Shqipërisë dhe po inkubohet dhe ndër vendet evropiane.
Nuk janë skeptikët, o llustraxhinj të dalë boje, por dhjetra e dhjetra kambana evropiane, më e fundit vetë gazeta “Liberation” e të majtës franceze tek thotë se : “Është e vërtetë që nga ana tjetër e kufirit (Shqipëria) pretendojnë se hashashi që kapet në Itali është i vjetër, prodhim i viteve të kaluara, por ne i kemi bërë analizat këtu dhe prodhimi i tij nuk daton më shumë se gjashtë muaj”, thotë Liberation.
Sipas Gjeneralit Altiero në Itali, ndër vite është kapur drogë që vjen nga Shqipëria: “860 kg në 2015, 13,9 ton në 2016, 34,9 ton në 2017 dhe afërsisht 10 ton gjatë muajve të parë të 2018”.
Nuk janë skeptikët, por UNODC (Zyra e Kombeve të Bashkuara për Drogën dhe Krimet), e cila teksa publikon para pak ditësh hartën globale të narkotrafikut, deklaron se Shqipëria është e përfshirë në rrugën e trafikimit të heroinës nga Azia, me origjinë nga Afganistani, që kalon përmes Turqisë dhe më pas i drejtohen Europës Perëndimore.
Ky është viti i tretë radhazi që Shqipëria përfshihet në raportin botëror të drogave.
Nuk janë skeptikët evropian por familjet mafioze që nuk preken dot nga kjo qeveri.
Ndaj kësaj qeverie i është vënë kushti që ti godasë ato. Ajo nuk e bën dot !
Janë grupet e organizuara kriminale që blejnë vota për qeverinë dhe qeveria që u dorëzon më pas atyre policinë e shtetit dhe paratë e buxhetit.
Ndaj kësaj qeverie i është vënë kushti i ri ti demontoj ato. Ajo nuk e bën dot.
Eshtë varfëria e shqiptarëve që thellohet dhe më pas përndiqen nga vendi i tyre rrugëve të kurbetit.
Ndaj kjo qeveri është me shpatulla për muri për të dënuar korrupsionin qeveritar dhe atë të oligarkëve të saj. Jo, nuk e bën dot !
Janë votat që vidhen në zgjedhje dhe antireforma e pushtetit lokal që ja hoqi pushtetin qytetarëve dhe ja fali “kumbarëve”, me një ndarje të turpshme elektorale që e paracakton njëanëshmërisht rezultatin e garës në tavolinë për 70% të njësive lokale e që shërbejnë për shantazh, intimidim e grabitje votash, më pas në zgjedhjet parlamentare.
Një antireformë që zëvendësoj të zgjedhurit me të emërtuarit e pushtetit njësoj si në çdo autokraci politike.
Ndaj kësaj qeverie ju vu kushti i ri për reformën zgjedhore. Ajo nuk e bën dot !
Nuk janë skeptikët evropian por modeli qeveritar shqiptar i ministri të brendshëm anëtar i grupit kriminal të trafikimit të drogës ose vëlla me trafikantin e drogës.
Ndaj kësaj qeverie i kërkohet të lejoj të funksionoj drejtësia mbi ministrat e saj të brendshëm. Ajo nuk e lejon atë !
Ndaj, unë besoj se nuk ja vlen që shqiptarët të konsumohen duke përgënjeshtruar gënjeshtarët.
Shqiptarët duhet të mblidhen e të vendosin se si ta çlirojnë rrugën e tyre drejt Evropës që zullumqarët ja janë bllokuar.
Unë besoj se shqiptarët e ndershëm do të mblidhen pareshtur sallave e kuvendeve në çdo qytet e komunë të vendit për ti diskretituar gënjeshtarët dhe për të vendosur se si të bëjnë realitet vullnetit dhe qëllimin e tyre, “E duam Shqipërinë në Evropë” !

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Audio-përgjimi i vëllait të ministrit/ “Basha po i shkel syrin Ramës”

LEXO EDHE:  Audio-përgjimi i vëllait të ministrit/ "Basha po i shkel syrin Ramës"

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  “Shpërthen” anëtari i Këshillit Kombëtar/ Numëron të gjitha dështimet e kryeministrit

LEXO EDHE:  Rama të tregojë sot: Eshtë me ligjin apo me krimin, me Roshin apo me qytetarët

 

LEXO TE PLOTE
Lajme të Rekomanduara: