LEXO PA REKLAMA!

SHKARKO APP

Kosova përçan liderët e Serbisë

21 Qershor 2018, 17:35, Aktualitet CNA
Kosova përçan liderët e Serbisë

Çështja e Kosovës e ka ndarë në dysh skenën politike në Serbi. Ish-presidenti serb, Boris Tadiq, ka hedhur sot akuza të ashpra ndaj presidentit aktual, Aleksander Vuçiq, lidhur me deklaratat e tij të vazhdueshme për marrëveshjen përfundimtare me Kosovën.

?Vetëm tetë për qind e deklaratave të Vuçiqit janë të vërteta. Duke u bazuar në këto statistika nuk është diçka e habitshme që Vuçiq lavdëron reputacionin e jashtëzakonshëm të Serbisë në botë, ndërkaq që mediat botërore shkruajnë për diktaturën në Serbi dhe mbështetjen e rreme ndërkombëtare në bazë të servitutit në çështjen e Kosovës?, u shpreh sot Tadiq, i cituar nga “lajmi.net”.

Duke ftuar Vuçiqin në një debat televiziv për të diskutuar mbi pikëpamjet e tyre për Kosovën, Tadiq tha se Vuçiq është një politikan frikacak, i cili nuk e ka guximin të dalë nëpër debate publike.

?Për sa kohë që Vuçiq frikësohet t?i krahasojë të vërtetat tona për çështjen e Kosovës, ai është një nga frikacakët më të zakonshëm politik dhe gangsterët populistë të cilët vazhdimisht lëvdojnë vetën për trimëritë e tyre, por i frikësohen një debati publik?, u shpreh Tadiq.

 

Lajmet e fundit nga