Sihariq! Enno përmbyll planin e shpëtimit kombëtar – CNA
Connect with us

Satire Politike

Sihariq! Enno përmbyll planin e shpëtimit kombëtar

Publikuar

-

Dje nuk ishte një ditë e zakonshme. Enno u zgjua gjithë hare. Teksa rruhej vershëllente para pasqyrës dhe kur mbaroi i shkeli syrin vetes, pastaj dy lapra përkedhelëse u ngjeshi faqeve të lëmuara nga brisku i hollë.

Hëngri një mëngjes të plotë, një gotë qumësht, dy feta bukë me reçel e gjalpë dhe më pas rrufiti një kafe të bërë me hazërllek të madh. Në ashensor këndonte gjithë nur e shend, “çuni i vogël do llokum, do llokum” e kështu e gjet veten në rrugë gjithë krahë.

Ndryshe nga heret e tjera kur mahmurllëku e nursesllëku e ndanin nga njerëzit, dje ndalej e ngjatetonte njerëzine. Përqafonte fëmijët, u mbante trastat pleqve e shumë gjeste të tjera mbresëlënëse. Shkallët e selisë i bëri me sportivitet dhe mbi të gjitha i qeshur. Përshendeti dezhurnin të cilit për mbi tre muaj as i hidhte shikimin.

Ai u zu në befasi. Tha me vete zoti është i madh, bën mrekullira, ja djalit i ktheu gojën.

Ne korridor gjet Doniken, pastruesen të cilës i tha gjithë solemnitet, “Mbahu! Shqipëria do të bëhet përsëri zonjë”. Edhe ajo e ngrata u befasua. Rreze mirësie po mbështillnin gjithë selinë.

Aty nga ora 11:00 mblodhi gjithë njerëzit e rëndësishëm që ka nën hyqem dhe ju mbajti një fjalim të ngrohtë si simit i sapo dalë nga furra.

“Ju që keni besuar gjithmonë tek unë, ju që më keni ndjekur në ditët e zymtësisë dhe heshtjes, ju që dilemat e mia i keni quajtur me të drejtë dilema të partisë e te atdheut, ju që tek unë e kishit hipotekuar besimin për të ideuar një plan të shpëtimit kombëtar, ju jeni heronj të vërtetë, nuk jam unë, besimi juaj ishte forca ime, forca juaj ishte frymëzimi im, nevoja juaj ishte ritmi im.”

Me solemnitet hapi sirtarin dhe nxori një dosje me plot 1000 faqe dhe tha “Këtu është plani që e bën PD-në të madhe, fituese dhe Vatanin e fut në udhën e mbrothësisë e të progresit.”

Një duartrokitje mbushi ajrin. Kërshëria i shtyu të pranishmit të bën një lutje të pavend. Na e lexo Enno i thanë.

Ai papritmas u ngrys. “Jo bijtë e mij tha. Tani ky do të mbyllet këtu në kasafortë dhe do të ruhet nga disa roje besnike të Strazos se vetëm ai jep garanci për rezistencë, të armatos nëse vijnë këtu hafijet e Edi Ramës.”

Heshtja pllakosi si mynxyrë. Por, Enno mblodhi veten e tha: “vazhdoni të kini besim. Misteri i besimit ju bën më të çmuar në sytë e mi. Ju e dini që Salianji pasi na solli “Babalen” ka rënë në delir dhe blasfemoi kundër meje e planit të shpëtimit përsëri. E dëgjuat se Aldo Bumçit po i bëjnë monument në Lezhë?

Grida gjithashtu kërkon që fytyra e saj të stampohet në logon e PD. Pra, këto janë momente të turbullta e delikate. E nëse ata me vjedhin planin, mundin e jetës, kësisoj më rrëmbejnë vendin në histori dhe nderet që më takojnë prej saj.”

U lehtësuan të gjithë. Ah edhe një porosi tha.” tani për tani Lulit asnjë fjalë. Ai do trokasë vetë në derën time.”

Pastruesja lumturua…ajo e di që Enno e ka zemrën e madhe dhe në një muzg bashkë me planin në dorë do hyjë në zyrën e liderit dhe ai përqafim do jetë ora e kthesës së madhe.

Pastaj le t’ju bjerë pika Salianjit, Gridës, Pampurit, Agron Shehajt, e të tjerë rishtarëve që desh i thyn shpirtin me xhelozi e ligësi. E mira triumfon mbi të keqen./Satire politike-CNA.al

Aktualitet

Foto-“O Evdin droga, po vjen cumani”/ Plas humori në rrjet

Publikuar

-

By

Në orën 11:00, opozita e bashkuar dop të mblidhet në protestë para Kryeministrisë, sikurse kanë paralajëmruar për rrëzimin e kryeministrit Rama.

Ndërkohë, kjo nuk iu ka shpëtuar faqeve të humorit në rrjetet sociale, të cilat kanë ironizuar liderët politikë dhe vendimet e tyre.

Më poshtë po përcjellim disa prej memeve më pikante që qarkullojnë në rrjet:

LEXO TE PLOTE

Aktualitet

Haberet e Mitros/ Nuse për mua në diktaturë

Publikuar

-

By

Në vitin 1981 isha ende beqar. Kisha mbushur 33 vjeç dhe isha bërë problem në familje, në punë, në shoqëri. Mamja mi gjente “nuset” me copa letre. Emri. Mbiemri. Puna. Ndonjëherë edhe foto. “Porositë” I merrte në radhën e qumështit. Çdo ditë, në orën 3.30 të mëngjesit, vendosnin në radhë trastat me shishe. Sa të gdhihej, bëheshin grupe-grupe dhe qanin hallet. Futej këtu edhe halli im!

Për hir të vërtetës, shkova në dy adresa, i shoqëruar nga Mehdi Goxhaj, gazetar dhe vartësi im. Por “dele pa qumësht”. Nuk na e mbushnin syrin. Kur isha me shokë, shumica të martuar dhe me fëmijë, më ngacmonin duke më treguar barcaletën e xhuxhit.

Takojë xhuxhi një çupkë. I kërkoi ndihmë xhuxhi, për të bërë çiçin. Kur ja nxori “mikun” nga breçkat, çupka zgurdulloi sytë, sikur t’i kishte dalë qoftëlargu përpara. Normale. As në ëndërr nuk kishte parë “mall të tillë”?! Kur ja preku me dorë “mikun”, I kaluan mornica nëpër trup.

-Xhan i tetës! Sa vjeç je?”

-Tle te tle,- belbëzoi xhuxhi!?

Por më të vështirë e kisha në punë. Një ditë më ftoi për kafe  Fatos Cekodhima. Kishte dy “nishane”: Shef i sektorit ekonomik dhe sekretar i organizatës  bazë të Partisë. Shkuam tek hotel “Arbëria”. ( Sot ministria e Drejtësisë). U ulëm.

Duke pirë çajin, shefi nisi bisedën, ashtu larg e larg:

-Sa pranvera mbushe Mitro xhani?

-Tridhjetë e tre!

-Si historia e xhuxhit! Po pse nuk çiftose, apo të pëlqen të bredhësh lule më lule… Dëgjo një këshillë si mik: ky vit duhet të të gjejë të çiftosur! E kemi diskutuar beqërllëkun tënd të lashtë edhe në parti. Shokët janë të shqetësuar. Bile njeri pyeti:

-I ngre “kandari” Mitros?!

Në orën dy u nisa për në shtëpi. Takova Namik Doklen. Në atë kohë punonte tek gazeta “Puna”. Rrugën e bëmë bashkë. I qava hallin e fejesës dhe bisedën me Fatos Cekodhimën.

-Mos e bëj qejfin qeder! Do e gjejmë një nuse edhe për Mitron! Kam një komshie. Për ta pirë në kupë. Është në Akademinë e Arteve. Për pjano. Kam idenë se gazetarët duhet të kombinojnë me pjanistet. Për të qënë sakllam, një ditë mamaja e çupës i kërkoi gruas sime, që unë të luaja rolin e mblesit. Çupa të ka parë, kur kalon poshtë ballkonit të shtëpisë, dhe ka rënë në sevda me ty. Bile thotë:”O martohem me Mitro Çelën, o rashë e vdiqa?!” Duhet të shpëtojmë një jetë! … Nesër  është e diel. A nuk vjen tek ne për drekë? Qefserja (gruaja) ja thotë për gatim: Do lësh thojtë! Me këtë rast i hedhim një sy edhe çupës!

Mamaja sa nuk “fluturoi” nga gazi për haberin. Bëra edhe një detyrë shtëpije: çova në furrë një tavë me patate dhe pulë hungareze. Ja edhe furra e lagjes. Mbi tavolinë qëndronin 20-30 tava me patate. Të gjitha me pula hungareze. Pulat  lakuriq, përmbys,  me bythë përpjetë, të zhytyra si në krevat me patate,  mu dukën seksi. Nga më erdhi kjo ide eksiq?

Diku, në një buletin te ATSH-së, kisha lexuar një kuriozitet nga Zelanda e Re. Një djalë, bënte seks me pula dhe rosa! Gazetari i ATSH-së e komentonte këtë fakt si  një nga degjenerimet e shoqërisë kapitaliste! Koment bajat, mendova, duke kujtuar një bejte të mamasë: ”Lono Peçi burrë i zoti/ mori gomarë e kulloti/ i dha ujë e ujë  s’piu/ ngriti bishtin dhe ja shtriu…”

Ndërsa në kodin penal të Enverit shkruhet: ”Burrat që bëjnë seks me kafshë, quhen zofillias. Kush kapet në flagrancë, dënohen me 10 vjet burg.”…

Derën ma hapi Namiku. Qefserja po shtronte tavolinën. Pulë me patate.

-Pse qesh,- më tha e zonja e shtëpisë. Nuk të pëlqen tava?

-Jo,- i thashë.-Tavë lash në shtëpi. Tave me patate gjeta edhe këtu. Ka ardhur furnizimi me pula nga Hungaria. Sot Tirana ka një meny?!

– Mitro! Është shaka me zarar kjo puna e pulës. Koço Kosta shkroi një novelë. Mes të tjerave shkroi.  “Një ditë i gjithë  pallatit dhe lagjja mbante ere speca të skuqura. Një ditë tjetër i gjithë pallati kishte  gatuar pulë me patate…Dhe Koçoja ka shkuar për edukim!…”

Po sebepi i drekës? Shkuam për  vizitë çifti Dokle dhe unë. Derën na e hapi kandidatja për vjerrë. Zot o Theo! Një grua e gjatë. Bionde me lesh të verdha natyrale. Ende nuk ishte futur moda e lyerjes së flokëve. Sy bojëqielli.

Më përqafoi. Unë përfitova nga rasti dhe i zgjata  buzët në sinorët e buzëve të biondinës. Ajo më  shtërgoi si dhëndërr. Pa shenjtazi. Mua sikur më zuri tartakuti, kur preka një gjoks të fortë. Natyral. Pa korse. Në atë mot unë i urreja korsetë e çupave: Më dukeshin si burra me maska!

Kur vjerra kandidate po përqafohej me Qefseri, i them Namikut nën zë: ” Po qe e bija si e ëma, po e ndajmë që sot fjalën për fejesë dhe martesë!” Zumë vend rreth reth tavolinës. Hodha sytë në aneks. Një tavë e mbuluar me gazetë: Pulë me patate…Buzëqesha…

Biseda kodra pas bregut. Më në fund në prag të derës, me tabaka në dorë u duk vajza. I dridheshin duart nga emocioni. Mua të parit, më zgjati një kupë me liko qershie.  “I ka bërë vajza,- tha kandidatja për vjerrë.-I ka pasion likotë, sepse edhe ne shoku Mitro, jemi nga Përmeti.” Në fakt likoja “zbukuroi” tavolinën. Kishte ngjyrë ari. Por unë nuk kisha qrdhur për të shijuar likonë. Isha mysafir për të “shijuar” çupën! Ruana Zot! E shkurtër.  Gjoks – drasë…Kur  çupa u largua, problemi ishte si të dilja nga situata, pa prekur sidomos ish kandidaten për vjerrë.

-Si të duket vajza,- pyeti Namiku!

-Vajza nuk ka të sharë. Por unë e kam një problem. Nuk kam pjano në shtëpi?!

-Pjanon vajzës ja kemi taksur në pajë,- foli mamaja e çupës.

– Problemi është se në pallatin ku unë banoj, shkallët janë shumë të ngushta. Nuk kemi nga e futim pjanon!

Ironia ime qëlloi në “shënjë”. Kur po pinim kafenë, nga dhoma u dëgjua një ngashërimë…

Kur po shkruaja këto radhë, përzura kujtimet dhe  vazhdova të flas me vete. Në epokën e tavës me pulë hungareze, ishte e vështirë të gjënje grua.  Demokracia ka rregulla të tjera: Më të bukura, më moderne, më të fisme. Të pëlqen një çupë!… Puthe dhe hidh kupa, siç thoshte Kajami kur jetonte mes të gjallëve… U ngope?.. Ndërro gjëllën: Përmbys kupën dhe zërë të puthësh ndonjë çupë tjetër…Sipas Konfucit: Martesa është vepër. Ndarja kryevepër!

LEXO TE PLOTE

Aktualitet

 Basha në Korçë/ Ngatërron Ervin Salianjin me Vali Dukën

Publikuar

-

By

Gjatë vizitën në qytetin e Korçës, kreu i PD -së, Lulzim Basha, duket se ka qenë jashtë kontrollit. Madje aq i humbur është paraqitur në takime me qytetarët dhe bizneset, sa që ka ngatërruar ish-deputetin Ervin Salianji me ish-deputeten, Vali Duka.

Basha e ka nisur nisur fjalën në sheshin e qytetit, duke thënë “djali juaj,deputeti i Korçës, Salianji…”. Ndërkohë një grua, që ishte ngjitur me Lulin, i ka thënë me zë të ulët: “Vali Duka është deputete e Korçës. Ky është ai i Maliqit…”

Dhe më tej Luli ka vazhduar: “…Dhe zysha e nderuar Vali Duka”.

Pasi ka ndezur sheshin me këtë gafë ai ka shkuar në takim me të rinjtë. Në sallë janë ulur Salianji, tre karige bosh, Luli si dhe një vajzë nga forumi rinor, ndërsa Vali Duka, Edmond Spaho, Klevis Balliu dhe Florjan Mima në këmbë.

Më pas kanë nisur diskutimet me fjalimin e Salianjit, dhe ato të të rinjve të Forumit rinor, të cilët e mburrnin me radhë.

CNA.al mësoi se njëri nga diskutantët e porositur tha: “Në fushatë Ervini na ka ardhur me çizme nëpër parcela.”

Turi i Bashës në Korçë ka vazhduar me vizitat nëpër dyqane. Ngaqë i kishin mësuar të gjithë shitësit, të tërë e kishin kasetën njëlloj. Në dhjetë dyqane të dhjetë njëlloj:

“Një deputet na ka ardhur, na ka qarë hallet, Ervin Salianji, se zysh Vali është me infarkt na thonë”./CNA.al

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet19:30 - 18 Mars, 2019

Franca shpall ndalimin e protestave, pas trazirave

Kryeministri i Francës shpalli të hënën ndalimin e protestave të jelekëve të verdhë në bulevardin Champs-Elysees të Parisit dhe në...

Aktualitet19:12 - 18 Mars, 2019

Holandë/ Arrestohet i dyshuari për sulmin në tramvaj

Policia holandeze arrestoi një person me origjinë turke, i dyshuar për përfshirje në incidentin me armë në një tramvaj të...

Aktualitet18:23 - 18 Mars, 2019

Për të apasionuarit e teatrit/ Korçarët sjellin “Kopracin” në Tiranë

Komedia “Kopraci” e Molierit, një nga kryeveprat botërore ka mbërritur në Tiranë. Të gjithë të apasionuarit e teatrit do të...

Aktualitet21:12 - 17 Mars, 2019

Macron dënoi “apokalipsin“ e Parisit

Protestat e “jelekëve të verdhë“ u kthyen në trazira të shtunën dhe në përleshje nëpër rrugët e kryeqytetit francez. Presidenti...

Aktualitet19:13 - 17 Mars, 2019

Fillon kthimi i trupave të viktimave në Zelandën e Re

Policia tha se numri i të vdekurve në vrasjet masive në dy xhami të qytetit Christchurch, në Zelandën e Re...

Aktualitet19:07 - 17 Mars, 2019

Terroristi neozelandes njohës i mirë i Ballkanit

Brenton Harrison Tarrant, 28-vjeçari i akuzuar për vrasjen e 49 vetëve dhe plagosjen e shumë të tjerëve në dy xhami...

protesta ne serbi protesta ne serbi
Aktualitet11:01 - 17 Mars, 2019

Grusht shteti në Serbi/ Opozita merr mediat shtetërore

President i Serbisë, Aleksandër Vuçiç, pritet që të flasin për serbët, një ditë pasi protestuesit u futën në ambjentet e...

Aktualitet09:01 - 16 Mars, 2019

Masakra në Zelandën e Re ka një hero/ Kush është i riu që u përball me autorin

Një ngjarje e rëndë ka ndodhur një ditë më parë në Zelandën e Re, ku pas një sulmi me armë...

Aktualitet19:30 - 15 Mars, 2019

Masakra në Zelandën e Re/ Merkel: Racizmi mori jetën e njerëzve që faleshin paqësisht në xhami

Ngjarja e masakrës në Zelandën e Re, ku rreth 49 vetë u qëlluan për vdekje nga një person gjatë kohës...

Aktualitet16:56 - 15 Mars, 2019

Maqedoni/ Dënohen të akuzuarit për ngjarjet e dhunshme në Parlament

Në Shkup, 16 nga 17 të akuzuarit për ngjarjet e dhunshme të 27 prillit 2017 në Parlamentin e Maqedonisë së...

Aktualitet15:39 - 15 Mars, 2019

Tragjedia në Zelandën e Re/ Rritet bilanci i viktimave

Ka shkuar në 49 numri i perosnave që kanë humbur jetën pas sulmit me armë zjarri në dy xhami në...

Aktualitet08:44 - 14 Mars, 2019

Marrëveshja e Ohrit përçan partinë shqiptare në Maqedoninë e Veriut

Shpërbërja e Sekretariatit për Zbatimin e Marrëveshjes së Ohrit, përçan partinë shqiptare Bashkimi Demokratik për Integrim në Maqedoni. Përmes një...

Bota19:07 - 13 Mars, 2019

Një tjetër dënim me burg për menaxherin e fushatës Trump

Një gjykatë federale në Uashington dha të mërkurën një tjetër masë dënimi për ish-menaxherin e fushatës së presidentit Donald Trump,...

presidenti serb aleksander vucic presidenti serb aleksander vucic
Aktualitet15:55 - 13 Mars, 2019

Miratimi i platformës/ Vuçiç: Dialogu mbaroi

Aleksandër Vuçiç, President i Serbisë , ka deklaruar  ditën e sotme se  Prishtina zyrtare me miratimine e  platformës për dialogun...

Ministrja e Shendetesise, Manastirliu gjate nje deklarate per mediat Ministrja e Shendetesise, Manastirliu gjate nje deklarate per mediat
Aktualitet12:10 - 13 Mars, 2019

Manastirliu në OKB/ Zgjerojmë financimin e programeve të mbrojtjes sociale

 “Qeveria shqiptare po zgjeron financimin publik për programet e mbrojtes sociale, për herë të parë në 15% të shpenzimeve publike,...

Aktualitet11:04 - 13 Mars, 2019

“Jam shumë sëmurë, nuk eci dot”/Aktorja e njohur shqiptare në gjëndje të rëndë shëndetësore

Aktorja e njohur e skenës shqiptare, Margarita Xhepa është në gjendje të rëndë shëndetësore dhe kësisoj do t’i nënshtrohet ditën...

Aktualitet09:16 - 12 Mars, 2019

Ivanov refuzon ligjet me emrin Maqedonia e Veriut

Presidenti i Maqedonisë së Veriut, Gjorge Ivanov, refuzoi të dekretojë 11 ligje që janë miratuar me emrin Republika e Maqedonisë...

haradinaj kushte serbise haradinaj kushte serbise
Aktualitet17:06 - 11 Mars, 2019

Haradinaj takim me dy këshilltarët e Merkel

Kryeministri i Kosovës, Ramush Haradinaj zhvilloi një takim ditën e sotme me dy këshilltarët e kancelares gjermane Angela Merkel, Jan...

Aktualitet09:53 - 10 Mars, 2019

Pacolli thirrje Vuçiç për tu kthyer në tavolinën e dialogut

Behxhet Pacolli, zv-kryeministri i Kosovës ka ftuar presidentitne Serbisë, që të mos luaj lojra, por të ktheht na tavolinën e...

Aktualitet23:46 - 9 Mars, 2019

“A të ka ngacmuar ndonjë deputet? Ja përgjigja e papritur e Grida Dumës

Grida Duma iu përgjigj shumë pyetjeve nga Ermali sot në emisionin Xing me Ermalin. Cili deputet të ka gjuajtur më...

Aktualitet23:30 - 9 Mars, 2019

“A do zhvisheshe për një spot? “/Grida Duma jep përgjigjen befasuese

Gjatë një interviste me titull “Grida kryeministre”, Ermali e pyeti ish deputeten nëse do ishte kryeministre a do e bënte...

Aktualitet23:20 - 9 Mars, 2019

“Është sakrificë”/Grida Duma tregon çfarë ndodhi kur la mandatin

Në muajin shkurt deputetët e opozitës firmosën deklaratat për lënien e mandatit si ligjvënës të parlamentit. Të parët që firmosën...

Aktualitet22:44 - 9 Mars, 2019

Aeroplani përfshihet nga flakët në Kolumbi/ Humbin jetën 12 pasagjerët

Ditën e sotme në Kolumbi është rrëzuar një aeroplan me 12 pasagjerë. Fatkeqësisht asnjë nga personat në bord nuk ka...

Aktualitet21:59 - 9 Mars, 2019

Vulin qetëson serbët/ Ushtria është gati

President i Serbisë Aleksandër Vuçiç, ka qenë kundër miratimit të Platformës për Dialog me Kuvendin e Kosovës. Sipas tij, platforma...

presidenti serb aleksander vucic presidenti serb aleksander vucic
Aktualitet20:50 - 9 Mars, 2019

Paralajmëron Vuçiç/ Mos bëni filma me Serbinë, është shumë më e fuqishme

Presidenti i Serbisë, Aleksandar Vuçiç ka deklaruar se Serbia është e gatshme t’i bëjë ballë çdo sfide. Sipas Vuçiç, Serbia...

Aktualitet19:18 - 9 Mars, 2019

Hand: Një marrëveshje e nxituar mes Kosovës dhe Serbisë, do të kishte pasoja

Robert Hand, këshilltar politik i Komisionit të Helsinkit thotë se Shtetet e Bashkuara nuk duhet të ngusin Kosovën dhe Serbinë...

Aktualitet14:22 - 9 Mars, 2019

Gara në Tiranë/ Një grua fituese e Konkursit Ndërkombëtar të Dirigjentëve

Deliana Lazarova dirigjentja fituese e NRTA Conducting Competition. Pas drejtimit të tre konkurrentëve  juria e përbërë nga personalitete ndërkombëtare të...

Aktualitet14:00 - 9 Mars, 2019

Tarifat dhe bisedimet me Serbinë/ Zyrtari i lartë amerikan në Prishtinë

Zëvendës sekretari amerikan i shtetit, David Hale, po qëndron të shtunën në Prishtinë “për të nënvizuar mundësinë historike për të...

Trending

Read previous post:
Trump: Do ta çarmatosim Korenë e Veriut nga armët bërthamore

Në një marrëveshje të nënshkruar të martën në Singapor, lideri i Koresë së Veriut, Kim Jong Un, "ritheksoi angazhimin e...

Close