LEXO PA REKLAMA!

SHKARKO APP

Arrestimi i Gruevskit/ Paralajmëron Ngjela: Pritet që …

23 Maj 2018, 16:21, Aktualitet CNA
Arrestimi i Gruevskit/ Paralajmëron Ngjela: Pritet që …

Pas arrestimit të ish-kryeministrit maqedonas Nikolla Gruevski, nën akuzën e blerjes së paligjshme të një makine vlera e së cilës shkonte në 600 000 euro, ka reaguar avokati Spartak Ngjela, i cili ka hequr paralele me korrupsionin kryeministror në Shqipëri.

Në një postim në rrjetet sociale, Ngjela shkruan se në Shqipëri korrupsioni kryeministror është në nivele të lara dhe kjo gjë është e hetuar.

Më tej Ngjela shkruan se shumë shpejt pritet që të fillojë procesi për goditje në nivel kryeministror, ndërsa ka thënë se këtë gjë pritet ta bëjë ambasadori i cili ka shkruar të gjitha ligjet e vetingut, proces të cilit po i nënshtrohen strukturat e shtetit shqiptar.

Postimi i plotë:

Sot gjykata e Shkupit dënoi 2 vjet burg ish kryeministrin maqedonas Gruevski.
Akuza u mbështet në blerjen e paligjshme, si kryeministër, të një automobili më çmim 600 000 Euro.

Këtu te ne kjo lloj blerje është një gjë normale për korrupsionin kryeministror shqiptar. Por mos mendoni që nuk është hetuar.
Të gjitha janë hetuar.
Akuzën Gruevskit ia ka ngritur Prokuroria Speciale e cila shumë shpejt do të fillojë edhe në Shqipëri nga funksionimi i saj.

Dhe procesi, jo vetëm që do të shpejtohet, por edhe do të ashpërsohet profesionalisht nga ndërkombëtarët.
Ndërkohë është emëruar ambasador i BE dhe pritet të vijë në Shqipëri nga Brukseli, autori që ka shkruar të gjitha ligjet tona të vetingut.
Doktrinar i rreptë juridik, dhe personalitet në jurisprudencë, që sigurisht se po vjen në Tiranë që të përfundojë segmentin e fundit të implementimit ligjor të Reformës në Drejtësi.

Sigurisht që këtu, është vendi të theksohet se edhe zonja Vlahutin, ka dhënë një kontribut të çmuar për çlirimin e shqiptarëve nga zgjedha njëzetvjeçare e korrupsionit kryeministror në Shqipëri. Ajo tashmë është një personalitet ndërkombëtar që ka hyrë në historinë e Shqipërisë, siç kanë hyrë dhe shumë figura të tjera ndërkombëtare para saj. /CNA.al

Lajmet e fundit nga