Ahmetaj: Mbi 10 mijë biznese përfitojnë nga ulja e tatim-fitimit – CNA
Connect with us

Ekonomi

Ahmetaj: Mbi 10 mijë biznese përfitojnë nga ulja e tatim-fitimit

Publikuar

-

Ministri i Ekonomisë, Arben Ahmetaj gjatë një takimi me bizneset u ka premtuar atyre se  tatim-fitimi do të ulet më tej.

Ai ka sqaruar se cilat biznese përfitojnë nga kjo ulje.

“Tatim fitimi ulet me tre herë për bizneset me xhiro 8-14 milione lekë. Përfitojnë mbi 10 mijë sipërmarrje”, ka thënë Ahmetaji cuili ka nënvizuar rritjen ekonomike në vend.

“Ne si ekonomi kemi rritjen më të madhe në 10 vitet e fundit, 3.84 %, ndërkohë që Banka e Shqipërisë rikonfirmon që rritja ekonomike do të vazhdojë të përshpejtohet edhe në tremujorin e parë të vitit 2018, për të ndjekur trajektoren rritëse të konsoliduar e të përshpejtuar të rritjes ekonomike, siç e kemi parashikuar”, ka thënë Ahmetaj.

Fjala e plotë e ministrit Ahmetaj:

Siç e kemi bërë traditë, ritakohemi sot për të reflektuar të dhënat e fundit makroekonomike, që i përkasin periudhës katërmujore Janar-Prill 2018.

Ne si ekonomi kemi rritjen më të madhe në 10 vitet e fundit, 3.84 %, ndërkohë që Banka e Shqipërisë rikonfirmon që rritja ekonomike do të vazhdojë të përshpejtohet edhe në tremujorin e parë të vitit 2018, për të ndjekur trajektoren rritëse të konsoliduar e të përshpejtuar të rritjes ekonomike, siç e kemi parashikuar.

Të terma makroekonomikë, rritja është ndihmuar nga besimi i përmirësuar i sektorit privat, nga rritja e kërkesës së huaj, nivelet e larta të investimeve të huaja direkte, si dhe kushtet e favorshme të financimit në vend.

Kemi marrë të krahasuara, rritjen ekonomike dhe papunësinë në rajon. Siç e shikoni, ne jemi me papunësi në ulje në 13.4% krahasuar me rajonin, jemi në trajektore rënëse të përshpejtuar të papunësisë.

Numri i të punësuarve. Krahasuar me Janar 2013, janë 651 mijë të punësuar në bordero, ose 215 mijë vende të reja pune të krijuara në një mandat. Krahasuar me mars 2017, pra me vitin e kaluar, janë 33,410 vende të reja pune, gjithmonë referuar listëpagesës, borderosë së Drejtorisë së Përgjithshme të Tatimeve.

Ndërkohë, nga Shërbimi Kombëtar i Punësimit ka vende të lira të shpallura, të cilat vijnë gjithmonë e në rritje e që tregojnë besimin e sipërmarrjes në marrëdhënie me Shërbimin Kombëtar të Punësimit, por gjithashtu dhe hapësirat për punësim në ekonomi.

Në prill 2018 janë 7,333 vende të lira pune të deklaruara pranë Shërbimit Kombëtar të Punësimit nga sipërmarrje në të gjithë territorin e vendit.

Rritja e besimit në ekonomi, që është një vrojtim i besimit të biznesit dhe vrojtimi i besimit të konsumatorëve nga Banka e Shqipërisë. Treguesi i ndjesisë ekonomike u rrit me 3.7 pikë gjatë tremujorit të parë të vitit 2018 duke vijuar të mbetet mbi mesataren afatgjatë të tij. Sigurisht që rritja reflektoi përmirësimin e besimit në sektorët e tregtisë, të shërbimeve dhe të industrisë.

Indeksi i afarizmit, prodhim dhe shërbime, përgjatë tremujorit të katërt të vitit 2017 shënoi një rritje prej 4.7 % krahasuar me të njëjtin tremujor të një viti më parë.

Shifra e afarizmit për prodhim përgjatë tremujorit të katërt të 2017-ës, ka një rritje prej 6.2 %, për të ndarë me ju indikacionet se rritja ekonomike edhe këtë vit bazohet në një platformë shumë të konsoliduar ekonomike të vitit të kaluar.

Investimet e huaja, në përqindje të Prodhimit të Brendshëm Bruto; Shqipëria sërish mbetet në nivele shumë të larta, është e dyta pas Malit të Zi. Ndërkohë që, krahasimisht në aspektin makro, Mali i Zi në dy vitet që kanë kaluar ka rritje të borxhit, Shqipëria ka rënie të borxhit publik.

Tregtia e jashtme. Eksportet dhe importet e mallrave janë në rritje të konsiderueshme ndërkohë që, në tremujorin e parë, rritja e eksporteve është 18.8% krahasuar me të njëjtën periudhë të vitit 2017. Importet për tremujorin e parë të vitit 2018 u rritën me 9.6 % dhe ndërkohë brenda rritjes së importeve, rritja e importeve të makinerive dhe pajisjeve është dyshifrore, 15.3 %, që tregon se pulsi ekonomik vazhdon të rrahë me intensitet.

Kredia për sektorin privat si raport ndaj Prodhimit të Brendshëm vlerësohet 36.3 %. Në raport me vendet e tjera është e ulët akoma, megjithatë shenjat e kërkesës tashmë për kredi janë shumë pozitive. Kërkesa për kredi nga ana e biznesit është dyshifrore, kredia e dhënë akoma mbetet në nivele modeste.

Përsa i përket performancës së të ardhurave, Tatime, Dogana dhe Sigurime, fakti janar-prill 2018 krahasuar me janar-prill 2017 është + 4.5 %, rreth 60 milionë dollar më shumë se e njëjta periudhë e vitit të kaluar. Pra, krahasuar me 2017-ën, performanca totale e të ardhurave, duke përfshirë dhe grantet, është +1.8%. Performanca e të ardhurave nga Tatime dhe Dogana, krahasuar me vitin 2017 siç iu referova, është 4.5 % plus apo rreth 5.5 miliardë lekë më shumë, realizuar në 98.1 %.

Sigurisht që kursi i këmbimit i ka dëmtuar, vetëm në tremujorin e parë të këtij viti, të ardhurat nga Dogana me 1.3 miliardë lekë minus, por ne shpresojmë që në vazhdimësi do ta kompensojmë me efektivitet në administrim.

Regjistrimi i bizneseve; Janar-prill 2018, janë 4987 biznese të reja neto, pra rreth 5 mijë biznese të reja neto brenda një periudhe katërmujore.

Kam sjellë jo pa qëllim inflacionin e muajit prill që nga viti 2016, 2017, 2018, për të parë luhatjet. Siç e shihni, inflacioni është normal, është 2.1 %. E mbani mend diskutimin që kemi bërë, që gjithë analistët dhe pseudoanalistët kanë bërë, që domosdoshmëria e deklarimit të TVSH, që ne shpallëm nëpërmjet vendimit të Këshillit të Ministrave për TVSH-në deri në nivelin dysheme 2 milionë, do të rrisë çmimet.

Ju kisha thënë që nuk është e vërtetë. Nuk do t’i rrisë akademikisht, dhe praktikisht nuk ka rezultuar e vërtetë! Nuk rezultoi e vërtetë. Shikoni inflacionin në nivele krejt normale në muajin prill. Krejt normale, madje krahasuar me muajin mars të vitit 2018, kemi ulje të çmimeve në grupin “ushqime dhe pije joalkoolike” me 1.4%, pastaj kemi në grupet “veshje dhe këpucë”, “mobilje, pajisje shtëpie dhe mirëmbajtje shtëpie”, etj.

Pra, nuk pati rritje çmimesh, përkundrazi, akomodimi në treg ka çuar dhe në ulje çmimesh.

Ra edhe një nga gjithë ato pseudo-shqetësime që kishte opozita, apo analistët apo dhe legjitimisht shumë qytetarë. Nuk rezultoi e vërtetë. Jo vetëm që nuk ka patur rritje çmimesh, por ka ulje çmimesh në treg për shkak të akomodimit të tregut.

Ecuria e kursit të këmbimit; Kursi i këmbimit të lekut është ndër më të qëndrueshmit në rajon dhe luhatjet e tij tentojnë historikisht të kenë një shpërndarje normale. Mbiçmimi i tij gjatë periudhës së fundit pasqyron ndër të tjera përmirësimin e faktorëve fondamentalë, siç janë përmirësimi i bilancit të pagesave, miksimi i politikave monetare pozitive, konsolidimi fiskal që vazhdon, si dhe niveli i lartë i investimeve të huaja.

LEXO EDHE:  Transporti ajor/ Ahmetaj i "tërheq veshin" Autoritetit të Konkurencës

Dua të theksoj që në një vend normal me kurs këmbimi të pafiksuar, siç është ekonomia shqiptare, qeveria nuk bën ndërhyrje në kursin e këmbimit dhe do të ishte e gabuar të bënte. Ka një diskutim për fasonët përsa i përket dëmtimit që mund të kenë nga kursi i këmbimit. Vlera e shtuar e tyre në Shqipëri, për shkak të regjimit të përkohshëm siç i referohemi, e bazuar në lek është maksimumi 20%, që do të thotë se, edhe sikur kursi, pra leku, të mbivlerësohej në masën 20%, kosto që iu lëviz është në nivele nga 2% deri në 3%. Pra është e kufizuar, sepse shumicën e furnizimit e kanë kryesisht nga vendet e Eurozonës, ku kuptohet, blejnë dhe shesin në euro.

Sigurisht që mbiçmimi është tregues i forcimit të ekonomisë shqiptare, por nuk është gjithmonë pozitiv për disa nga aktorët ekonomikë, e kjo nuk diskutohet, deri në akomodim të tyre me tregun, dhe i detyron diku dhe forcërisht, që të shohin më shumë nga produktiviteti sesa nga kosto.

Kursi i këmbimit në vendet e rajonit, thjesht për të parë që ajo që po ndodh në Shqipëri po ndodh pothuajse në të gjitha vendet e rajonit, për shkak të përmirësimit të fondamenteve të ekonomisë së rajonit. Pra, nuk është se ne po përjetojmë një fenomen të veçantë. Shikoni dhe Serbinë, dhe Kroacinë, thjesht për referencë.

Ndërkohë, dua të ndaj me ju disa nga politikat e reja, iniciativa të Kryeministrit të Shqipërisë, për të lehtësuar barrën fiskale të sipërmarrjes.

Siç kishte premtuar, Kryeministri do të reflektonte pas diskutimeve me sipërmarrjen dhe unë me kënaqësi e rikonfirmova qëndrimin që nuk do të ketë rritje çmimesh dhe nuk ka rritje çmimesh, përkundrazi pati ulje çmimesh, pra jo thjesht një premtim, por një referencë e kujdesshme e Kryeministrit në bazë të studimit të tregut që bëjnë institucionet në varësi të tij.

Unë në këtë takim dua t`ju prezantoj disa nga nismat e fundit që Ministria e Financave ka materializuar, pas iniciativave publike të Kryeministrit.

Bizneset nga 8 deri në 14 milionë do të kenë tatim-fitimi 5 %.

Ministria e Financave ka materializuar draftligjin për mendimmarrje në institucione të tjera dhe besojmë që ky ndryshim do të hyjë në fuqi jo më vonë se 1 janari i vitit 2019.

Për statistikë, janë 21 mijë sipërmarrje që janë objekt i tatim-fitimit 15%, me luhatje të qarkullimit nga zero deri në miliarda, dhe nga këto, 10,800 apo 50% të tyre iu zbritet tatim-fitimit në 5%. Pra, duke iu shtuar dhe atyre që përfitojnë nga tatim-fitimi i thjeshtësuar, bëhen mbi 93 mijë biznese që kanë përfituar ulje të drejpërdrejtë takse.

Që do të thotë, se nga 110 mijë biznese aktive, mbi 93-95 mijë e kanë tatim fitimin nga 5 deri në zero. 90% e bizneseve të Republikës së Shqipërisë kanë përfituar ulje takse, janë 90 % e sipërmarrjeve shqiptare që në mandatin e parë dhe të dytë të qeverisë Rama, kanë përfituar ulje të ngarkesës fiskale. Janë 93-95 mijë biznese nga 110 mijë biznese.

Tymnaja për rritjen e taksave është tullumbace.

Nga 110 mijë biznese aktive, 93 mijë kanë përfituar dhe përfitojnë ulje të konsiderueshme të tatim-fitimit nga 15% në 5% apo zero. Pra, ta davarisim njëherë e mirë atë tymnajën dhe bolorinë që “u rritën taksat, u rritën taksat”. Përkundrazi, ngarkesa është ulur!

E dyta, është nxitja për prodhimin e energjisë së rinovueshme diellore, ku një sërë produktesh dhe teknologjie përjashtohen nga TVSH-ja për makineri dhe pajisjet në import, që është një politikë shumë ndihmuese edhe për rritjen e kapaciteteve për prodhimin e energjisë.

E treta, që ka qenë një diskutim i gjatë dhe një iniciativë e Kryeministrit, është nxitja për shoqëritë e bashkëpunimit bujqësor, pra bashkimet bujqësore, ku tatim-fitimi do të shkojë 5 %. Pra bëmë 2 lëvizje: ngritëm pragun e TVSH-së për to, për t’i trajtuar si fermerë të mëdhenj, pra që këta fermerë që bashkohen të mos kenë “frikën” e  TVSH-së, tani ulim dhe tatim-fitimin nga 15 % në 5 %.

Agroturizmi – tatim-fitimi zbret në 5%, në bazë të definicionit që ka nxjerrë Ministria e Turizmit dhe Mjedisit. Do të kenë TVSH të reduktuar për një sërë shërbimesh 6%, përjashtim nga taksa e infrastrukturës për investime.

Pra, balancojmë paketën që bëmë për strukturat e shërbimit me 4 deri në 5 yje, me paketën për agroturizmin, një balancim shumë i mirë, një ulje e ngarkesës fiskale e drejpërdrejtë dhe ndërkohë do të vazhdojmë të ulim borxhin publik.

Ndërkohë kemi hapur dhe turin e konsultimeve për paketën e re fiskale me të gjitha shoqatat për të arritur pastaj në një paketë akoma më të avancuar në periudhën tetor-nëntor, kur të kalojmë buxhetin e ri.

Me këtë paketë, ju që jeni gazetarë ekonomie, ata që ju përfaqësoni, qytetetarët, sipërmarrjet, kuptojnë shumë mirë që qeveria Rama vetëm ka ulur ngarkesën fiskale. Nga 110 mijë biznese aktive, 93-95 mijë biznese e kanë tatim-fitimin nga 5 në 0 dhe ka qenë një kërkesë e biznesit të vogël për rritjen e tavanit. Kështu që, besoj iniciativa e Kryeministrit është materializuar tashmë në një draftligj për mendim-marrje.

Në të njëjtën kohë, ka politika të reja përsa i përket konçensioneve.

Është sërish një iniciativë e Kryeministrit për të riparë ligjin e konçensioneve me shumë përgjegjësi dhe ne e kemi kaluar për mendimmarrje, materializuar nga Ministria e Financave si draftligj ndryshimet në ligjin për konçensionet, PPP-të.

Ajo që bën diferencë është heqja e propozimeve të pakërkuara nga sektori privat. Besoj do të jetë në fuqi, edhe në varësi të vendimmarrjes, në mes të vitit 2019 e tutje, që do të thotë se nuk do të ketë më oferta të pakërkuara. Ofertat do të jenë të kërkuara dhe sigurisht që në këtë rast, studimi i fizibilitetit bëhet nga institucionet qeveritare.

Risi të tjera të këtij projektligji janë ekspertiza e specializuar për zhvillimin e projekteve të konçensioneve, që do të futet në ligj; Rritja e kontrollit të implikimeve fiskale të kontratave që konçensionit; Mekanizmat e zëvëndësimit të konçensionarëve në bashkëpunim me institucionet financiare.

Pra gjithë atë gamë fenomenesh që kemi parë ndër vite, tani do t’i referohemi me ligj.

Në konkluzion, takimi i sotëm ka në bazën e vet tre shtylla:

  • Ekonomia vazhdon të rritet. Shifrat janë domethënëse dhe të ardhurat vazhdojnë të rriten, konsolidimi fiskal vazhdon.
  • Qeveria vazhdon të ulë barrën fiskale për sipërmarrjen.
  • Përgjegjshmëri më e lartë në vazhdimësi ndaj formatit ligjor dhe financiar përsa i përket konçensioneve dhe PPP-ve./CNA.al

Aktualitet

Falimentimi i bizneseve/ Tabaku zbulon arsyet

Publikuar

-

By

Ish-deputetja demokrate, Jorida Tabaku, në një postim në rrjetet sociale ka reaguar në lidhje me ekonominë shqiptare.

Sipas Tabakut, ekonomia shqiptare është në pikiatë dhe kjo për shkak të rënies së eksporteve dhe rritjes së 50% të taksave dhe rënies së kursit të këmbimit të euros që ka sjellë ulje të fitimit me 11%.

Tabaku, e sheh problemin e zhvlerësimit të euros tek paratë e pista që janë future në vend dhe kjo ka ndikuar edhe tek ulja e tëardhurave për bizneset.

Më tej ish-deputetja, shkruan se kjo situatë ka nisur që në vitin 2014.

Postimi i plotë:

Ekonomia në pikiatë!

Rënia e eksporteve në 75% të grupeve që kanë peshën më të madhe të tyre në vend, po u tregon shqiptarëve se çfarë dëmi të madh ekonomik dhe social u ka prodhuar qeveria bizneseve dhe qytetarëve. Biznese që kanë numër të lartë punësimi dhe shërbimesh janë gjendur për mbi një vit nën presionin e një kursi këmbimi jo të favorshëm si pasojë e futjes së parave të drogës në treg. Rritja e taksave me 50% ka sjellë rritje te kostove te prodhimit/renia e euros ka sjelle renie te fitimit me 11%.

Paratë e pista që zhvlerësuan artificialisht monedhën euro, kanë ulur të ardhurat e kompanive duke i sjellë dëm bizneseve dhe ulje të ardhurash për qytetarët. Shumë firma kanë marrë më pak të ardhura si pasojë e zhvlerësimit të monedhës euro, duke sjellë për rrjedhojë më pak të ardhura edhe jo rritje pagash tek punonjësit. Më pak para për t’u ri-investuar në kompanitë përkatëse. -​Të dhënat nga statistikat raportojnë se nuk kemi politika për rritje pagash si në sektorin privat edhe në atë publik. Nga buxheti I shtetit raportohet se pagat në sektorin public kanë pasur rritjen më të vogël që prej vitit 1993. Pra rritja në vitin e 5 rilindas është e barabartë sa rritja e pagave pas 50 viteve diktaturë.

LEXO EDHE:  Transporti ajor/ Ahmetaj i "tërheq veshin" Autoritetit të Konkurencës

Kjo ulje e të ardhurave të qytetarëve është shoqëruar dhe me uljen e konsumit dhe blerjeve. Sipas të dhënave nga buxheti i shtetit, të ardhurat nga TVSH-ja gjatë janarit ishin me një rënie rreth 2 milionë euro në raport me një vit më parë. Praktikisht të ardhurat në rënie nga TVSH konfirmojnë rënien e konsumit të qytetarëve si pasojë e të ardhurave më të ulëta dhe shpenzimeve gjithnjë e në rritje nga familjet. Të njëjtën tendencë kanë ndjekur të ardhurat e buxhetit te shtetit me rënie rreth 120 milionë euro me pak se parashikimi ne 2018.

Kjo situatë ka nisur që në vitin 2014, me paraqitjen e politikës së parë fiskale anti-treg, që nisi të ndjehej me situatën komplekse të rënies së inflacionit, uljes së prodhimit dhe emigrimit. Ama në sipërfaqe nisi të bëhej më evidente në vitin 2017, e këtë e konfirmon INSTAT sipas të cilit shitjet e bizneseve të vogla familjare kanë rënë me 40 miliardë lekë, ose me 16%. Rënie kanë pësuar edhe shitjet e bizneseve të vogla pak më të mëdha (5 deri në 9 të punësuar) me 19 miliardë lekë.

Të vetmit që kanë përfituar janë kompanitë e ndërtimit të lidhura me paratë e pista. Ata që në fakt po prishin dhe po shkatërrojnë tregun e lirë në kurriz të bizneseve të ndershme. Këto kompani janë ata që sot sponsorizojnë dhe duan të mbajnë në këmbë qeverinë./CNA.al

 

LEXO TE PLOTE

Aktualitet

Bizneset po mbyten/ Ish-Ministri i Financave jep alarmin

Publikuar

-

By

Nga 6 muaj dhe në disa raste deri në një vit Tatimet nuk kanë rimbursuar TVSH.

Konfirmimi ka ardhur nga Arben Shkodra, i Bashkimit të Prodhuesve Shqiptarë.

“Këtë e kemi nga kompani, të cilat na kanë informuar se e kanë bërë këtë për të arritur likuiditetin. Normalisht, ato duhet të paguajnë punëtorët, të marrin lëndën e parë dhe normalisht interesohen që të kenë likuiditet dhe kjo është shumë dramatike”, ka thënë Arben Shkodra.

Arsyeja e mosrimbursimit të TVSH, sipas ish-Ministrit të Financave, Arben Malaj që bizneset në vendin janë duke u mbytur.

Sipas Malajt, ajo që ndodh me TVSH-në, është jo ligjore.

“Nëse nesër do të ketë një auditim se çfarë ndodh me TVSH-në, kur krijohet dhe kur duhet paguar dhe me analizë risku. Unë di shumë biznese që komunikojnë drejtpërdrejtë edhe me kryeministrin po kërkojnë ndihmë. Biznesi shqiptar, eksportet shqiptare, po kërkojnë ndihmë, janë duke u mbytur për shkak të mungesës së likujditetit. Ato para të papaguara tani rezultojnë si të ardhura, por në fakt nuk është kështu. Nëse t’i vret prodhimin, ti pakëson të ardhurat”, është shprehur Malaj.

LEXO EDHE:  Transporti ajor/ Ahmetaj i "tërheq veshin" Autoritetit të Konkurencës

Sipas tij, nëse tatim paguesit nuk i jep paratë shtetit në kohë, ai penalizohet.

“Është në ligjin e procedurave tatimore se në qoftë se shteti ja vonon atij në mënyrë të paligjshme, është i detyruar që kur t’ia japë t’i kalojë dhe interesat. Ka kompani që kanë nga 6 apo 7 muaj pa u likujduar dhe kanë sasi të konsiderueshme dhe u rrezikohet të mbyllin edhe aktivitetin”, është shprehur  Arben Malaj, i ftuar në “A2 Business Ëeek”.

Kjo, sipas ish-Ministrit të Financave, ndodh nga manipulimi i shifrave të buxhetit.

“Po të dojë kryeministri dërgon auditimin dhe të gjitha janë në kontabilitet. E vetmja arsye që kjo mund të ndodhë është manipulimi i shifrave të buxhetit, s’ka asnjë argument tjetër. Unë nuk them që është në nivel ministri apo kryeministri”, ka thënë më tej Malaj./CNA.al

 

LEXO TE PLOTE

Aktualitet

Video-TVSH nxjerr në protestë fermerët/ “Rrugët lahen me qumësht”

Publikuar

-

By

Fermerët e Lushnjes janë hedhur në një protestë  për rimbursimin e TVSH-së për për pridhimet blegtoriale.

Të  indinjuar nga harresa dhe arroganca e qeverisë, ata kanë “larë rrugët me qumësht, duke derdhur bidona të tërë.

Kujtojmë se për vitin 2019 qeveria ndryshoi rimbursimin e TVSH-së për fermerët.

Kjo ka bërë që industria përpunuese t’i shesë produktet me taksë 20% .

LEXO EDHE:  Transporti ajor/ Ahmetaj i "tërheq veshin" Autoritetit të Konkurencës

Nga ana tjetër rimbursohen  blerjet e bëra nga fermerët me 6%, ndërsa pjesa tjetër e taksës iu transferohet si kosto./CNA.al

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet18:34 - 19 Mars, 2019

Nëna hedh vajzën nga kati i pestë/ Më pas hidhet edhe vetë

Qyteti i Athinës është tronditur ditën e sotme nga një ngjarje e rëndë, ku një nënë hodhi vajzën e mitur...

Aktualitet18:31 - 19 Mars, 2019

Qindra ushtarët amerikanë zbarkojnë në Gjermani

 Qindra ushtarë amerikanë kanë filluar të mbërrijnë në Gjermani. Prova e parë kjo e një strategjie të re të dislokimit...

Aktualitet18:26 - 19 Mars, 2019

Italia do t’i bashkohet nismës kineze të investimeve

Italia pritet t’i bashkohet nismës kineze “Një Brez, Një Rrugë” të enjten gjatë vizitës së Presidentit kinez Xi Jinping në...

Aktualitet15:25 - 19 Mars, 2019

Kur studentët detyrohen të lënë shkollën

Në pesë vitet e fundit mbi një milionë të rinj i kanë ndërprerë studimet në universitetet turke. Një shkak i...

Aktualitet15:22 - 19 Mars, 2019

Masakra në Zelandën e Re/ IS-i kërcënon me hakmarrje

Sulmi i përgjakshëm terrorist ndaj dy xhamive në Zelandën e Re mund të shkaktojë një spirale të re dhune. Milicët...

Aktualitet14:37 - 19 Mars, 2019

Kërcënon Erdogan/ Kush sulmon muslimanët do të kthehet me arkivol

Presidenti i Turqisë paralajmëron për një Gallipoli të ri në vazhdën e sulmit terrorist të Christchurch dhe thotë se kushdo...

Aktualitet19:30 - 18 Mars, 2019

Franca shpall ndalimin e protestave, pas trazirave

Kryeministri i Francës shpalli të hënën ndalimin e protestave të jelekëve të verdhë në bulevardin Champs-Elysees të Parisit dhe në...

Aktualitet19:12 - 18 Mars, 2019

Holandë/ Arrestohet i dyshuari për sulmin në tramvaj

Policia holandeze arrestoi një person me origjinë turke, i dyshuar për përfshirje në incidentin me armë në një tramvaj të...

Aktualitet18:23 - 18 Mars, 2019

Për të apasionuarit e teatrit/ Korçarët sjellin “Kopracin” në Tiranë

Komedia “Kopraci” e Molierit, një nga kryeveprat botërore ka mbërritur në Tiranë. Të gjithë të apasionuarit e teatrit do të...

Aktualitet21:12 - 17 Mars, 2019

Macron dënoi “apokalipsin“ e Parisit

Protestat e “jelekëve të verdhë“ u kthyen në trazira të shtunën dhe në përleshje nëpër rrugët e kryeqytetit francez. Presidenti...

Aktualitet19:13 - 17 Mars, 2019

Fillon kthimi i trupave të viktimave në Zelandën e Re

Policia tha se numri i të vdekurve në vrasjet masive në dy xhami të qytetit Christchurch, në Zelandën e Re...

Aktualitet19:07 - 17 Mars, 2019

Terroristi neozelandes njohës i mirë i Ballkanit

Brenton Harrison Tarrant, 28-vjeçari i akuzuar për vrasjen e 49 vetëve dhe plagosjen e shumë të tjerëve në dy xhami...

protesta ne serbi protesta ne serbi
Aktualitet11:01 - 17 Mars, 2019

Grusht shteti në Serbi/ Opozita merr mediat shtetërore

President i Serbisë, Aleksandër Vuçiç, pritet që të flasin për serbët, një ditë pasi protestuesit u futën në ambjentet e...

Aktualitet09:01 - 16 Mars, 2019

Masakra në Zelandën e Re ka një hero/ Kush është i riu që u përball me autorin

Një ngjarje e rëndë ka ndodhur një ditë më parë në Zelandën e Re, ku pas një sulmi me armë...

Aktualitet19:30 - 15 Mars, 2019

Masakra në Zelandën e Re/ Merkel: Racizmi mori jetën e njerëzve që faleshin paqësisht në xhami

Ngjarja e masakrës në Zelandën e Re, ku rreth 49 vetë u qëlluan për vdekje nga një person gjatë kohës...

Aktualitet16:56 - 15 Mars, 2019

Maqedoni/ Dënohen të akuzuarit për ngjarjet e dhunshme në Parlament

Në Shkup, 16 nga 17 të akuzuarit për ngjarjet e dhunshme të 27 prillit 2017 në Parlamentin e Maqedonisë së...

Aktualitet15:39 - 15 Mars, 2019

Tragjedia në Zelandën e Re/ Rritet bilanci i viktimave

Ka shkuar në 49 numri i perosnave që kanë humbur jetën pas sulmit me armë zjarri në dy xhami në...

Aktualitet08:44 - 14 Mars, 2019

Marrëveshja e Ohrit përçan partinë shqiptare në Maqedoninë e Veriut

Shpërbërja e Sekretariatit për Zbatimin e Marrëveshjes së Ohrit, përçan partinë shqiptare Bashkimi Demokratik për Integrim në Maqedoni. Përmes një...

Bota19:07 - 13 Mars, 2019

Një tjetër dënim me burg për menaxherin e fushatës Trump

Një gjykatë federale në Uashington dha të mërkurën një tjetër masë dënimi për ish-menaxherin e fushatës së presidentit Donald Trump,...

presidenti serb aleksander vucic presidenti serb aleksander vucic
Aktualitet15:55 - 13 Mars, 2019

Miratimi i platformës/ Vuçiç: Dialogu mbaroi

Aleksandër Vuçiç, President i Serbisë , ka deklaruar  ditën e sotme se  Prishtina zyrtare me miratimine e  platformës për dialogun...

Ministrja e Shendetesise, Manastirliu gjate nje deklarate per mediat Ministrja e Shendetesise, Manastirliu gjate nje deklarate per mediat
Aktualitet12:10 - 13 Mars, 2019

Manastirliu në OKB/ Zgjerojmë financimin e programeve të mbrojtjes sociale

 “Qeveria shqiptare po zgjeron financimin publik për programet e mbrojtes sociale, për herë të parë në 15% të shpenzimeve publike,...

Aktualitet11:04 - 13 Mars, 2019

“Jam shumë sëmurë, nuk eci dot”/Aktorja e njohur shqiptare në gjëndje të rëndë shëndetësore

Aktorja e njohur e skenës shqiptare, Margarita Xhepa është në gjendje të rëndë shëndetësore dhe kësisoj do t’i nënshtrohet ditën...

Aktualitet09:16 - 12 Mars, 2019

Ivanov refuzon ligjet me emrin Maqedonia e Veriut

Presidenti i Maqedonisë së Veriut, Gjorge Ivanov, refuzoi të dekretojë 11 ligje që janë miratuar me emrin Republika e Maqedonisë...

haradinaj kushte serbise haradinaj kushte serbise
Aktualitet17:06 - 11 Mars, 2019

Haradinaj takim me dy këshilltarët e Merkel

Kryeministri i Kosovës, Ramush Haradinaj zhvilloi një takim ditën e sotme me dy këshilltarët e kancelares gjermane Angela Merkel, Jan...

Aktualitet09:53 - 10 Mars, 2019

Pacolli thirrje Vuçiç për tu kthyer në tavolinën e dialogut

Behxhet Pacolli, zv-kryeministri i Kosovës ka ftuar presidentitne Serbisë, që të mos luaj lojra, por të ktheht na tavolinën e...

Aktualitet23:46 - 9 Mars, 2019

“A të ka ngacmuar ndonjë deputet? Ja përgjigja e papritur e Grida Dumës

Grida Duma iu përgjigj shumë pyetjeve nga Ermali sot në emisionin Xing me Ermalin. Cili deputet të ka gjuajtur më...

Aktualitet23:30 - 9 Mars, 2019

“A do zhvisheshe për një spot? “/Grida Duma jep përgjigjen befasuese

Gjatë një interviste me titull “Grida kryeministre”, Ermali e pyeti ish deputeten nëse do ishte kryeministre a do e bënte...

Aktualitet23:20 - 9 Mars, 2019

“Është sakrificë”/Grida Duma tregon çfarë ndodhi kur la mandatin

Në muajin shkurt deputetët e opozitës firmosën deklaratat për lënien e mandatit si ligjvënës të parlamentit. Të parët që firmosën...

Trending

Read previous post:
Rama “kokë me kokë” me ministrin e Brendshëm/ Xhafaj jep dorëheqjen?

Kryeministri Rama po zhvillon një takim urgjent me ministrin e Brendshëm, Fatmir Xhafaj. Takimi i cili po zhvillohet në ambientet...

Close