LEXO PA REKLAMA!

SHKARKO APP

Kundërshtoi hetimin e pasurisë/ Gjyqtari i Krimeve të Rënda në “ethe” nga Vettingu

9 Maj 2018, 09:23, Aktualitet CNA

Sistemi gjyqësor dhe ai prokurorial po kalon ditët e tij më të vështira. Jo, për shkak se mungojnë mjetet ligjore, por për shkak të procesit të vettingut.

Disa gjyqtarë dhe prokurorë po bëhen qesharakë para komisionit të vettingut. Duke mos ditur se si të justifikojnë pasurinë që kanë, po sajojnë lloj-lloj justifikimesh. Një rast qesharak ishte ai i gjyqtarit të Kushtetueses.

Fatmir Hoxha, i cili i rënë në kurthin e vettingut, tenton të justifikojë 17 milionë lekë me video-kasetën e dasmës.

Justifikimi i tij është i denjë për një skenar filmi, por jo për të provuar burimin e parave.

Që kur ka nisur procesi i Vettingut, skenat teatrale që mbajnë firmën e gjyqtarëve dhe prokurorëve nuk kanë të mbaruar.  Dikush përmend dhurata nga motra, dikush video-kasetën e dasmës dhe dikush tjetër betohet në zot.

Është tejet e rëndë të mendosh se këta persona kanë dhënë drejtësi, ndërkohë kapaciteti i tyre intelektual që po shohim kur dalin para komisionit të vettingut, është për të vënë duart kokës.

CNA.al prej disa ditësh po publikon pasurinë e deklaruar nga gjyqtarët dhe prokurorët ndër vite, shoqëruar dhe me të kaluarën e tyre profesionale.

Në filtrin e CNA.al, këtë radhë vjen gjyqtari i Krimeve të Rënda Luan Hasneziri.

Në vitin 2012 Hasneziri ka qenë objekt debati në Këshillin e Lartë të Drejtësisë.

Në relatimin e kryeinspektores së Inspektoratit të KLD-së, për gjyqtarin Hasneziri, vlerësimi ishte ?mirë?.  Ky vlerësim shkaktoi polemika në atë mbledhje. Por, pas debateve, në përfundim vlerësimet u hodhën në votim dhe për gjyqtarin Hasneziri gjyqtarin Hasneziri u vendos vlerësimi ?shumë mirë?.

Edhe gjyqtari Hasneziri nuk ka qenë pro reformës në drejtësi dhe konkretisht ka qenë kundër krijimit të një komisioni të posaçëm për verifikimin e pasurisë dhe aftësisë profesionale.

Në vitin 2015, në një intervistë për mediat, gjyqtari i Krimeve të Rënda, Luan Hasneziri, ka thënë se reforma në drejtësi rrezikon të cënojë rëndë pavarësinë e pushtetit gjyqësor, nëse disa nga propozimet e komisionit do të miratohen.

?Unë jam plotësisht dakord që të gjithë gjyqtarët të vlerësohen aftësitë e tyre profesionale dhe aftësitë e tyre apo lidhjet e tyre të supozuara me krimin e organizuar nëse ato ekzistojnë, por këto vlerësime të kryhen nga institucione kushtetuese, që garantojnë minimalisht garancinë kushtetuese që është pavarësia, sepse aktualisht ekzistojnë institucionet që mund ta bëjnë këtë gjë. Unë jam kundër përbërjes së këtyre komisioneve pasi anëtarët e këtyre komisioneve do të vijnë e miratohen nga Kuvendi, çka do të thotë që gjyqësori vendoset nën pushtetin e politikës?, ka thënë Hasneziri në vitin 2015.

Sipas tij, nuk mundet që këta komisionerë të miratohen nga politika e më tej të bëjnë vlerësimin e gjyqtarëve apo prokurorëve apo edhe shkarkimin e tyre.

Por, tashmë ekziston një komision i tillë, përmes të cilit do të kalojë edhe gjyqtari i Krimeve të Rënda Luan Hasneziri.

Nëse shikojmë pasurinë që ka deklaruar, rezulton se Hasneziri e kalon Vettigun, i justifikon të ardhurat. Por, nëse shikojmë se të ardhurat i siguron dhe nga një universitet privat sëbashku me bashkëshorten, atëherë dyshimet për konflikt interesi janë evidente.

Një gjyqtar i punësuar në një universitet privat  madje çift, bashkë me bashkëshorten, do të shkaktonte konflikt interesi, nëse pronarët të atij universiteti përfundonin në një çështje gjyqësore.

Thënë në gjuhën popullore nderi i punësimit duhet të kthehet në njëfarë mënyre.

Gjithsesi ky aspekt duhet të shihet nga komisioni për aftësitë profesionale.

Viti 2014

Të ardhura nga paga si gjyqtar, 1 627 682 lekë.

Të ardhura nga paga si pedagog i jashtëm në Albanian University, 355 950 lekë.

Bashkëshortja, të ardhura nga paga si pedagoge në Albanian University, 462 600 lekë.

Gjendja e pasurisë, shtuar me 200 000 lekë.

Kredi bankare në një bankë të nivelit të dytë, 5 000 000 lekë, detyrimi financiar i pashlyer 3 626 672 lekë.

Detyrim financiar ndaj një të treti, shuma e shlyer 500 000 lekë.

Detyrim financiar ndaj një të treti, shuma për t?u shlyer 40 000 dollarë.

Detyrimi financiar ndaj një të treti, shuma e shlyer 40 000 dollarë

Viti 2016

Shtim pasurie nga të ardhurat si gjyqtar në vlerën 100 000 lekë.

Të ardhura nga paga si gjyqtar në shumën 1 507 312 lekë.

Detyrim financiar, kredi e marrë në vitin 2007, në vlerën 5 000 000 lekë.

Shuma e shlyer 284 526 lekë, ndërsa shuma e papaguar 3 433 451 24 lekë.

Të ardhura nga paga e bashkëshortes në shumën 43 500 lekë.

 

 

Lajmet e fundit nga