LEXO PA REKLAMA!

SHKARKO APP

Tërheqja e ministres Nikolla/ Reagon Albana Vokshi

4 Maj 2018, 14:37, Aktualitet CNA
Tërheqja e ministres Nikolla/ Reagon Albana Vokshi

Pas tërheqjes së Ministrisë së Arsimit nga projekti për mbledhjen nga nxënësit të të dhënave të prindërve të tyre, ka reaguar edhe kryetarja e Komisionit të Arsimit Albana Vokshi, e cila përmes një postimi në rrjetet sociale e cilësoi hapin pas të MASR-së, tallje me shqiptarët, të njëjtë me dorëheqjen dje të Tahirit nga mandati i deputetit.

Vokshi iu përgjigj pretendimit të Ministrisë së këto informacion duheshin për të krijuar një rrjet komunikimi me prindërit. Sipas saj këto të dhënat e komunikimit në kohë reale me prindërit mjafton numri i telefonit ose e-mail i vetëm një prindi.

REAGIMI I VOKSHIT

TËRHEQJA E NIKOLLËS TALLJE ME SHQIPTARËT

Tërheqja e Ministrisë së Arsimit nga mbledhja e paligjshme e të dhënave personale të prindërve nëpërmjet nxënësve është nje tallje me shqiptarët, e njëjtë me dorëheqjen e Saimir Tahirit.

Për të dhënat e komunikimit në kohë reale me prindërit mjafton numri i telefonit ose e-email i vetëm një prindi. Numri i kartës së identitetit të prindërve, mund t?u duhet për identifikim në zgjedhje, por jo për komunikim në kohë reale. Tërheqja e Lindita Nikollës, nëse është e vërtetë, është e pamjaftueshme!

Ministrja e Arsimit duhet të tregoje se përse gjeti një mekanizëm të paligjshëm që të sigurojë brenda natës numrat e kartave të identifikimit të të paktën 70% të shqiptarëve, pra të babait dhe të nënës së çdo fëmije që ndjek shkollën.
PD u bën thirrje edhe një herë prindërve të mos japin të dhënat e tyre personale tek një bande që do t?i përdorë ato për qëllime elektorale! Partia Demokratike po e ndjek me ekspertët e saj këtë çështje dhe siguron Ministren Nikolla se do të përballet me drejtësinë për shkeljen flagrante të ligjit!

Lajmet e fundit nga