Connect with Us

Raporte me para nën dorë/ Pezullohen 3 infermierë

Aktualitet

Raporte me para nën dorë/ Pezullohen 3 infermierë

Publikuar

-

Një ditë më parë “Stop” transmetoi disa video me kamera të fshehtë, ku shfaqej e ashtuquajtura “shëndetësia falas”.

Me para nën dorë, qytetarët u pajisën me raport mjeko-ligjor në Kamëz e Durrës. Ndërsa në Krujë, “shëndetësia falas” i siguroi një qytetareje shtatzënë vetëm analizën e grupit të gjakut. Të tjerat në mënyrë private dhe me para.

Sot Ministria e Shëndetësisë dhe Mbrojtjes Sociale lëshoi një deklaratë, ku njoftoi pezullimin nga puna për infermierët që shfaqeshin në video, A.M, M.P dhe E.M.

“Duke falenderuar median për evidentimin e rasteve të tilla, Ministria e Shëndetësisë dhe Mbrojtjes theksoi vendosmërinë për të luftuar çdo fenomen korruptiv, në mënyrë që çdo punonjës që kryen akte në kundërshtim me ligjin të ketë ndëshkimin e merituar”, përmbyllej njoftimi për shtyp.

Por moderatorët e emisionit “Stop”, Saimir Kodra dhe Gentian Zenelaj thanë se përgjegjësia penale duhet të kalojë një herë nga komisionet e poliklinikave, të cilët firmosin pa kontrolluar pacientin. Ata u shprehën se infermierët që janë pezulluar janë vetëm korrierët, ndërsa anëtarët e komisionit janë përgjegjësit kryesorë.

Çfarë transmetoi ditën e djeshme emisioni “Stop” lidhur me korrupsionin në poliklinikat e Kamzës, Durrësit dhe Krujës:

Kamza

Qytetarja – Më fal! Si kalon? Po kërkoj atë zonjën që rri aty!

Infermierja 1 – Ka ikur në shpi.

Infermierja 2 – Kanë ikur ato.

Infermierja 1 – Kanë mbaruar për sot.

Qytetarja – Sepse doja të pyesja pak për diçka. A mund të vini një sekondë, ju lutem? S’ka problem! Unë këtu jam studente, më duhet një raport mjeko-ligjor!

Infermierja 2  – Mjeko-ligjor! Se je e aftë për punë? Ti je e aftë?

Qytetarja – Po!

Infermierja 2  – Do të fillosh punë me ndonjë vend apo e do për studime?

Qytetarja – Po! Unë nuk e kam këtu vendbanimin, e kam në Dibër edhe më duhet sot për nesër dhe s’kam kohë.

Infermierja 2 – S’ka kohë tashi. Më jep kartën e identitetit, të shkoj…! Çkemi? Si je? Ja, dy minuta, erdha! Do i them një doktori mos ka se kur vjen një urgjencë, i japim… po qe se ka, unë do shkoj lart, meqë qenke prej Dibre. Jam vetë prej Dibre unë.

Qytetarja – Ja!

Infermierja 2  Kjo bën dhjetë mijë lekë të vjetra (ul zërin).

Qytetarja – Sa?

Infermierja 2 – 10 mijë lekë të vjetra (me zë të ulët).

Qytetarja – Në rregull!

Infermierja 2 – Të shkoj lart unë njëherë!

Qytetarja – A të ngjitem edhe unë lart?

Infermierja 2– Jo, s’ka gjë, se kam kartën. Se ka shumë njerëz.

Infermierja 2 – Hajde këtu te shkallët se s’duam… I thashë duhet për nesër vërtetimi.

Qytetarja – Si e ke emrin?

Infermierja 2 – Edlira.

Qytetarja – Kur të kem ndonjë herë tjetër që të të kërkoj.

Durrës

Qytetarja – A të futem?

Infermierja  Hajde, hajde! Dëgjo erdhe ti, po pse s’erdhe atë ditë?

Qytetarja – S’munda, kam qenë sëmurë. Me grip jam.

Infermierja – Me grip, ke qenë pa qejf ëëë, mirë. Hajde tashi! Unë po bëj një përpjekje njëherë! Ishalla nuk kane ik ato të ndërtesës tjetër! Si e ke emrin ti? A ke një kartë identiteti?

Qytetarja – Po, kam!

Infermierja – Ma jep kartën! M’i jep edhe ç’ke për të… ashtu, edhe të shkoj njëherë unë!

Qytetarja – Tani sa bënin?

Infermierja – Nëma ti ta kem një kështu, sa ke ti ke një 5-she? Ma jep 10-shen!

Qytetarja – Jo, nuk kam!

LEXO EDHE:  Qasje jo e barabartë në shërbimet shëndetësore

Infermierja – S’ke? Ja të ta jap unë një se duhet me i ngatërru, duhet një 5-she me bo regjistrimin atje, asaj tjetrës të shkoj t’i them.

Qytetarja – S’ka gjë! Vetëm më mbaro!

Infermierja – Ishalla të mbaroj njëherë! Ta gjej, përndryshe do vish vetë. Do vish jo vetë, do vish nesër se çfarë do bëj unë do pyesësh mirë!

Qytetarja – Ok!

Infermierja – Mbaji këto tani ti!

Qytetarja – Në rregull!

Infermierja – Unë tani duhet me i bo krejt 5-she se s’shkojnë ashtu, nuk shkojne me tetën.

Na tani me tetën, letra nga komisioni, raporti, futi këtu! Mirë! Hajt! Pacim!

Krujë

Qytetarja – Si jeni? Mirë?

Doktori – Mirë!

Qytetari – XXXXX më adresoi këtu për një analizë gjaku, HIV- AIDS.

Doktori – Bohet HIV, Hepatiti B, Hepatiti C, bëhet grupi i gjakut, bëhen të gjitha.

Qytetari – Këtë na tha edhe ajo për të bërë.

Doktori – Të gjitha këto?

Qytetari – Po! E sa kushtojn këto tani?

Doktori – Grupi i gjakut është falas që është shtet, kurse këto të tjerat janë me pagesë. Nuk bëhen në shtetërore, veç të t’i bëj nga ana ime privatisht. Por grupin e gjakut e keni falas.

Qytetari – Sa kushton e gjitha kjo?

Doktori –  Veç për nusen t’i bëjmë të gjitha shkojnë 20 mijë lekë.

Qytetari – Ok! Mund ta bëjmë?

Doktori – Po, por vetëm se janë me pagesë… kupton?

Qytetari – Po, pra!

Doktori – Ok, e bëjmë! Ulu!

Qytetari – Në shtet nuk funksionojnë këto?

Doktori – Jo, nuk funksionon!

Qytetari- Ok! S’ka problem!

Doktori – Mund t’i bësh edhe në Tiranë, edhe në Fushë-Krujë, nuk ka problem, po edhe grupin e gjakut.

Qytetari – Për të mos ikur dhe njëherë në Tiranë.

Doktori – Si të doni po them.

Qytetari – Vazhdojmë! Vazhdojmë!

Doktori – Jo, jo! Problemi është se në shtet nuk bëhen asnjë vend. Vetëm në Tiranë, te Qendra Kombëtare e Gjakut mund të marrësh një rekomandim, për të shkuar për t’i bërë. Do i bësh me pagesë.

Qytetari – Mirë, mirë, se edhe pashaportizimin nuk e kemi akoma, kështuqë…

Doktori – Jo, jo! Nuk e di tani, unë po them zgjidhjen që mund të jap.

Qytetari – Ok! Vazhdojmë!

Doktori – Tashi si doni bëni, ngaqë është me pagesë edhe unë ndihem në siklet.

Qytetari – Po s’ka problem, unë po të thashë bëje, bëje!

Doktori – Jo, vëlla! Ngaqë është me pagesë i bëj unë nga ana ime, e kupton ? I kam marrë ngaqë ka kërkesë, sa për të mos me shkuar njerëzit në Tiranë për shembull. Po është me dëshirë, nuk është e detyrueshme.

Qytetari – Ore, aq më mirë që ju shërben njerëzve sepse tani të shkosh dhe deri në Tiranë…

Doktori – Unë vihem dhe në siklet, për Zotin! Po problemi është që tani në Tiranë, thashë merr një rekomandim dhe shko te Qendra Kombëtare e Gjakut.

Qytetari – Nuk është problem!

Doktori – Se dhe unë ndihem në siklet, ngaqë … kurse grupin e gjakut e keni pa pagesë.

Qytetari – Nuk besoj që është për t’u vendosur në siklet kur ti po i shërben dikujt.

Doktori – Po, siklet është./ tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  “Ushtri” foshnjesh/Infermieret ngelin shtatzënë njëra pas tjetrës

LEXO EDHE:  "Ushtri" foshnjesh/Infermieret ngelin shtatzënë njëra pas tjetrës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Ilir Beqaj, një nga ministrat që rrezikon postin/Mjekë të QSUT, gati raportin konfidencial për Ramën mbi gjendjen në spitale

LEXO EDHE:  Ryshfeti/ 50% e shqiptarëve paguajnë për shërbimet në Polici, Gjykata ...

 

LEXO TE PLOTE
Lajme të Rekomanduara: