Connect with Us

Dy “terroristët” iranianë aprofesionalizëm ulëritës  apo thjesht “False flag operation”

Aktualitet

Dy “terroristët” iranianë aprofesionalizëm ulëritës  apo thjesht “False flag operation”

Publikuar

-

Ditën e Festës së Sulltan Novruzit në mediet online shqiptare u bë viral lajmi i ndalimit me sukses nga antiterrori të dy “terroristëve” iranianë, të cilët do kryenin akte terrori gjatë një ceremonie të një institucioni fetar shqiptar. Dy “terroristët” ishin: Seyed Mohammad Alavi Gronabadi dhe Firouz Bagher Nezhad Zenjabi. Të dy këta terroristë ishin mbi 50 vjeç, pra në moshë jo optimale për të organizuar akte terroriste në terren (field job). Për më shumë lexuesi mund të shohë fotot e dy “terroristëve”, që i ofron ekskluzivisht CNA.al. Kishte ditë që në rrethet e gazetarëve perëndimorë të specializuar në antiterror dhe radikalizëm fetar qarkullonin lajme për një serial të mundshëm goditjesh terroriste të kasapëve të Daeshit në prag të Pashëkve katolike, por ç’ne iranianët shiitë të lidhur me ofensivën e pritshme të Daesh-it sunit?!?!?!?

Tullumbaci i suksesit spektakolar të agjencive ligjzbatuese shqiptare u shfry brenda disa orëve. Me gjysmë zëri , si hajduti i zënë me presh në dorë, propaganda qeveritare pranoi, që dy “terroristët’ iranianë nuk na paskërkan qenë terroristë, por ishin thjesht dy gazetarë të televizionit shtetëror iranian.

Aprofesionalizëm ulëritës apo…

Nga investigmi, që ndërmorëm, na rezulton se edhe për gjendjen e mjeruar të SHIK-ut tonë dhe të dispozitivit antiterror të policisë së ministrit Xhafa, prap një fiasko e tillë është tepër.

Së pari: “Terroristët iranianë nuk kishin hyrë ilegalisht në Shqipëri por me vizë të rregullt, kështu që kishte pak të ngjarë, që personeli i konsullatës sonë në Stamboll të ishte aq idiot apo i korruptuar sa të pajiste me vizë të rregullt shqiptare dy terroristë, që do vinin në Shqipëri për të bërë terror. Për më shumë hollësi të shikohet faksimilja e dokumentit të konsullatës lëshuar për vizat e dy gazetarëve iranianë, e cila ofrohet për lexuesin ekskluzivisht nga CNA-ja. Konsullata madje ua kishte lëshuar vizat dy “terroristëve” iranianë falas!

Së dyti: Qoftë Konsullata shqiptare në Stamboll, qoftë “Turkish Airlines” kishin informuar paraprakisht për ardhjen e dy “terroristëve” në Tiranë. Veshgjati, që është veshgjat nuk e ha fabulën e dy terroristëve, që vinë legalisht në Shqipëri dhe informojnë paraprakisht për mbërritjen e tyre në Tiranë!

Së treti: Ata nuk kishin ardhur në Tiranë për qejf të vet, si turistë, por me shërbim, të ftuar zyrtarisht për të kryer detyrën e tyre si gazetarë. Dy gazetarët iranianë kishin ardhur në Tiranë pas një ftese me shkrim të bërë nga vetë Hirësia e tij Haxhi Dede Edmond Brahimaj, Kryegjyshi Botëror i Bektashinjve. Ftesë e nivelit nga më të lartët, përderisa bëhet fjalë për kreun e njerit prej komuniteteve fetare shqiptare të njohur zyrtarisht nga shteti shqiptar. Lexuesi për më shumë hollësi mund të shohë faksimilen e ftesës së Baba Mondit të ofruar ekskluzivisht nga CNA.al.

Së katërti: nëse nuk është paaftësi ulëritëse e organeve ligjzbatuese shqiptare, çfarë është ky palaçollëk i bërë në një ditë të shenjtë për një komunitet të tërë fetar shqiptar?!?!?!??! Përgjigja e kësaj pyetje është formuluar nja 25 shekuj më parë nga latinët me anë të shprehjes: “Cui Bono?” Kush Përfiton.

False flag operation?!?!?!?!

Nga ky operacion poshtërues humb Shqipëria. Është në kundërshtim me traditën shekullore të mikpritjes së shqiptarëve dhe perceptimin e  të huajve për shqiptarët, që ta ftosh tjetrin zyrtarisht me shkrim e më pas t’i vësh prangat si terrorist , kuptohet për një sqarim të vogël! Shqipëria humb në imazh dhe rezulton si shtet, ku njeri i bie gozhdës Baba Mondi dhe tjetri i bie patkoit, kryeministri Rama. Shqipëria portretizohet si vend,që persekuton gazetarët. Prangosja e dy gazetarëve iranianë nga antiterrori shqiptar është gjest më i rëndë sesa përgjakja nga policia (riot police) e gazetarit spanjoll gjatë protestës së PS-së në Sheshin Skënderbej në 28 maj1996! Është detyrë e gazetarëve shqiptarë, që të protestojnë për një gjest të tillë, sipas parimit sot ngremë zërin ne për kolegët iranianë, por nesër do ta ngrenë ata zërin për ne! Lexuesi le ta imagjinojë pak sikur dy gazetarë të TVSH-së të ftohen për vizitë në Teheran nga kreu i komunitetit islamik shiit të Iranit, të pajisen me viza të rregullta hyrje në Iran dhe milicia Basij apo Pasdarawnt e Gardës Revolucionare të Iranit t’i prangosnin si terroristë të rrezikshëm. Me siguri kolegët e tyre shqiptarë do ngrinin zërin në kupë të qiellit për një akt të tillë banditesk të regjimit të mullahëve të Teheranit. Realisht do të bënin shumë mirë,por në rastin, kur proçkën e bëri antiterrori i regjimit të m…..ullahëve të Tiranës si bëhet hallit?!?!?!?!?

Lus Zotin, që kjo mos të ketë qenë një strategjemë e kryministrit Edvin për të poshtëruar Presidentin Meta, një bektashi praktikant ditën e shenjtë të Sulltan Novruzit. Gjetja e alibisë, se u bë pa dijeninë e Ramës, se ky i fundit ishte shumë i zënë në takim me Presidentin Erdogan , vjen erë që larg. Një poshtërim i tillë për Baba Mondin, kreun e bektashizmit shqiptar (dhe mbarëbotërore) është mosmirënjohje e skajshme nga ana e kryeministrit Edvin. Kujtojmë këtu se ishte prezenca e Baba Mondit bektashi dhe e imamit sunit, që i siguroi kryeministrit Edvin duartrokitjet e parizienëve, kur përfaqësuesit e komuniteteve fetare shqiptare bashkë me kryeministrin Edvin shëtitën në mënyrë demonstrative bulevardeve të Parisit pas aktit terrorist në redaksinë e Revistës Charlie Hebdo. Në këtë kontekst baba Mondi është në të drejtën e vet, që të urdhërojë rrjedhjen (leaking) drejt mediave shqiptare të dokumenteve, që kanë të bëjnë me 2 “terroristët” iranianë.

Përmbledhtazi mund të themi se minimumi kemi të bëjmë me atë që në zhargonin diplomatik quhet “Faux pas” dhe maksimumi me një kllounadë, që prek prestigjin e shtetit shqiptar. Përrallat me lista terroristësh me 10 emra brenda të siguruara nga partnerë anonimë të antiterrorist shqiptar, që qarkulluan në disa media pro qeveritare, se pse më kujtojnë Fatmir Mediun. Rrezikziu në cilësinë e ministrit të Mbrojtjes për të mos ndarë ryshfetin për trafikun e armëve me gjeneralët e me kolonelët shqiptar u shfajësohej mjeranëve në uniform se ai nuk e bënte për interes personal këtë trafik, por ia kishin kërkuar si favor ata djemtë e CIA-s(Sic!). Kur ndodhi tragjedia e Gërdecit, çuditërisht CIA, që mbeti duke i kërkuar favore Mediut tonë, nuk u bë e gjallë, kurse kolonelët dhe gjeneralët e mjerë përfunduan në burg, nën hetim apo në ekzil në SHBA. Partnerëve anonimë me antiterrorin tonë nuk u hyri gjemb në këmbë nga dështimi spektakolar me 2 “terroristët”amerikanë, por turpi u mbeti në derë këtyre “veshgjatëve” tanë.

Si argument shtesë për një “False flag operation” është edhe fakti, që pak orë para arrestimit të dy gazetarëve alias terroristë në median online kosovare “Kosova press.com” u ndërkall një lajm për akte të pritshme terroriste në Tiranë Ditën e Sulltan Novruzit. Linku: http://www.kosovapress.com/sq/lajme/parashihen-sulme-terroriste-ne-shqiperi-ambasada-demanton-154826/. Publikimi i një lajmi të tillë është fiks sipas manualit të të ashtuquajturave “False flag operation”. Në fund të fundit turpi i mbeti Atdheut tim Shqipërisë (asaj pjese të Atdheut, që nuk e ka dhënë ende me koncesion kryeministri Edvin) tamam sipas atij proverbit shqiptar, që thotë: kur zihen atllarët, shkelmat i hanë gomarët. Lexuesi e kupton fare e mirë se në këtë rast “gomarët” janë shqiptarët dhe dinjiteti shtetëror i tyre, që thjesht shkelet me këmbë për hir e në favor të të huajve enigmatikë! /GJERGJ THANASI/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

 

LEXO TE PLOTE
Lajme të Rekomanduara: