I ftuar në emisionin ’45 Minuta” në Report TV, anëtari i Këshillit Kombëtar të Partisë Demokratike, Edvin Kulluri, teksa u pyet për mbledhjen e Kuvendit Kombëtar, ka thënë se ai nuk do të mblidhet.
Sipas tij Basha e ka uzurpuar partinë, ndërsa mbledhjen e Kuvendit, e ka arsyetur duke thënë se ky është thirrur në një mënyrë të parakohshme dhe është antistatutor.
“Basha po e drejton partinë në mënyrë krejt personale. Ky Kuvend nuk do mblidhet, sipas mendimit tim. Ka një problem formal, që do të thotë se, ky Kuvend është thirrur në mënyrë të parakohshme dhe nuk pritet gjë tjetër. Pra Kuvendi është antistatutor. Mund të them se Basha na ka prirë me sukses drejtë një humbje të thellë. Ai e ka uzurpuar karrigen kryetarit të PD-së”,- u shpreh Edvin Kulluri. /CNA.al
Kryetari i Republikës së Re, Lulzim Basha ka vijuar takimet në sajë të fushatës elektorale të 25 prillit.
Sot ai është ndalur në qytetin e Tropojës, ku ka ofenduar dhe është tallur rëndë me banorët e qytetit verior.
Teksa kishte hipur mbi një poltron dhe po fliste para dhjetëra militantëve të PD-së, Basha ka ofenduar vendasit duke i quajtur tropojse dhe topojsa, ndërkohë që banorëve të kësaj zone i thërrasin të gjithë tropojanë.
Kjo tregon papërgjegjshmëri nga ana e kreut të opozitës, i cili pretendon të marrë mandatin e kryeministrit dhe të drejtojë qeverinë e këtij vendi.
Basha shpeshherë ka bërë gafa në daljet publike, por deklarata e sotme mund të konsiderohet si më ofenduesja për shqiptarët dhe në veçanti tropojanët./ CNA.al
Megjithëse legjislacioni për afishimin e materialeve propagandistike gjatë fushatës elektorale ka ndryshuar, sërish partitë politike nuk e zbatojnë atë për të cilën kanë rënë dakord.
Në një shkresë që KQZ u ka dërguar Partisë Socialiste dhe asaj Demokratike, konstaton se ato nuk e kanë zbatuar udhëzimin e Komisionerit dhe Kodin Zgjedhor, duke vendosur materiale propagandistike në ambiente publike dhe fasada godinash të cilat ligji nuk i lejon.
Për këtë arsye Komisioni qendror i zgjedhjeve u ka kërkuar dy partive te mëdha të heqin posterat apo materiale të tjera propagandistike nga ndërtesat e institucioneve publikë. Konkretisht partisë demokratike nga fasada e Universitetit Politeknik të Tiranës, dhe Partisë Socialiste nga fasada e Bashkisë Gjirokastër.
Përveç kësaj, komisioneri Celibashi ka kërkuar nga Partia Socialiste që të shmangë gjuhen denigruese ndaj kundërshtarëve, duke treguar vetëpërmbajtje gjatë dhënies së mesazheve politike./euronews
Zëdhënësi i Presidentit Ilir Meta,Tedi Blushi, ka reaguar lidhur me qëndrimet publike të Presidentit të Serbisë Aleksandër Vuçiç, i cili pretendon se pas Lulzim Bashës qëndron ish-kryeministri Sali Berisha.
Blushi ka thumbuar Edi Ramën, për të cilin thotë se dihet kukull e kujt është dhe e paralajmëron se më 25 prill do të marrë gjykimin e popullit.
Zëdhënësi i Metës deklaron se marrëdhëniet midis Shqipërisë dhe Serbisë do të jenë konstruktive dhe mbi baza respekti të ndërsjellë pas zgjedhjeve parlamentare.
“Më 25 prill 2021, Ndryshimi fiton mbi dy të tretat sipas të gjitha sondazheve të besueshme, që ka Presidenti i Republikës, Sh.T.Z Ilir Meta.
Se kukull e kujt është Rama kjo dihet, ndaj më 25 prill ai do të marrë gjykimin e popullit të Shqipërisë.
Marrëdhëniet midis Shqipërisë dhe Serbisë do të jenë konstruktive dhe mbi baza respekti të ndërsjellë pas 25 prillit 2021.
Përmes Referendumit të 25 prillit dhe Triumfit të Ndryshimit, shqiptarët heqin bllokuesin e çeljes së negociatave me Bashkimin Europian.
Anëtarësimi në BE është i vetmi projekt, që kemi”, thekson Blushi./ CNA.al
“Pas Bashës qëndron Berisha”/ Vuçiç flet për zgjedhjet e 25 prillit: Po i ndjek me vëmendje
Plasaritja e Partisë Demokratike, nën udhëheqjen e brishtë dhe klanore të Lulzim Bashës, nuk ka të ndalur. Në prag të zgjedhjeve parlamentare të 25 Prillit...
Kandidati për deputet i LSI në Vlorë, Luan Rama i ka cilësuar si hamendësime mediatike artikujt se ai është “ftohur” me partinë e tij dhe...
