Connect with Us

Agron Papuli, fitues i paracaktuar i tenderit për makinat me qira për Policinë e Shtetit

Aktualitet

Agron Papuli, fitues i paracaktuar i tenderit për makinat me qira për Policinë e Shtetit

Publikuar

-

Një prej miqve të kryeministrit Edi Rama, njëherësh pronari i disa koncesionarëve në Shqipëri, Agron Papuli, po përflitet si fituesi kryesor i një tenderi me vlerë 2.5 milionë USD, për dhënien me qira të disa makinave, për Policinë e Shtetit.

Tpz.al disponon dokumentat e këtij tenderi të Policisë së Shtetit, ku kreu i ri i Policisë, Ardi Veliu, ka kërkuar marrjen me qira të 134 automjeteve për një periudhë prej 4 vitesh. Sipas specifikimeve teknike, rezulton se policia i kërkon automjetet me një cilindratë 1550 ç. Makina të jetë me naftë dhe numri i cilindrave minimumi 4. Kutia e shpejtësisë 5/6+1 marshe, shpejtësia maksimale mjetit 180 km/orë dhe numri i dyerve 4. Norma e konsumit e kombinuar e mjetit që do të ofrohet të mos e kalojë vlerën 5.5 litër për 100 km.

Gjithashtu kërkohen makina me disa aksesorë shtesë si, me sistem drejtimi në krahun e majtë, me asistence hidraulike ose elektrike. Frenat me sistem ABS. Të ketë E.S.P (Sistemi Kontrollit Trajektores), airbag për shoferin dhe pasagjerin. Xhamat të jenë 10 % errësim në xhamat e dyerve të pasme dhe xhami i madh i pasëm. Të ketë mbyllje e centralizuar e dyerve, komandim në distancë. Të ketë sistem kondicionimi në kabinë, ndërsa kërkohen që mjetet të jenë prodhim i 2 viteve të fundit.

Në relacion nuk është argumentuar përse Policia e Shtetit për herë të parë në historinë e saj po tenderon makina me qira, në vend që t’i blejë ato. Kryepolici Ardi Veliu po tenton të përmirësojë infrastrukturën e Policisë së Shtetit, por ai duhet të marrë parasysh kostot e këtij tenderi që është realisht tepër i lartë dhe dëmton buxhetin e shtetit.

LEXO EDHE:  Migrimi përgjatë rrugës ballkanike

Nëse do të bëjmë një përllogaritje të thjeshtë, një makinë në koncesionar me këto parametra bazë që kërkohen nga Policia e Shtetit, nuk i kalon 13 mijë dollarë. Pra, në total për 134 makina, vlera e tyre do të shkonte 1.75 milionë dollarë dhe automjetet do të mbeteshin në pronësi të shtetit.

Policia e Shtetit jo vetëm që s’do të ketë në pronësi automjetet pas 4 vitesh përdorimi, por nga ana tjetër po shpenzon rreth 750 mije dollarë më tepër nga buxheti i shtetit, nga taksat e shqiptarëve.

Kujtojmë që Policia e Shtetit lidhi para 9 muajsh me shoqërinë Tirana Auto kontratën për blerjen e makinave me vlerë 1.1 miliard lekë dhe në 2015 lidhi kontratë me vlerë 1.4 miliard lekë me Hyundai.

Por ky nuk është i vetmi problem! Skandali mund të thellohet edhe më tej, pasi burime konfidenciale bëjnë me dije se fituesi i paracaktuar i këtij tenderi mund të jetë Agron Papuli, pronari i Volksëagen në Shqipëri. Papuli është i përfolur për disa koncesione makinash me administratën shtetërore, ku më i debatueshmi është porositja e disa makinave Jaguar për kabinetin qeveritar të kryeministrit Edi Rama.

Tpz.al do të monitorojë deri në fund këtë tender, që përveç skandalit të shpërdorimit të parave nga Policia e Shtetit, mund të jetë i paracaktuar./TPZ.al

Për të rejat më të fundit behuni pjesë e grupit tonë në facebook : City News Albania

Kosova & Rajoni

Qeveria e Zaevit merr besimin e Kuvendit të Maqedonisë së Veriut

Publikuar

-

Nga

Qeveria e Zaevit merr besimin e Kuvendit të Maqedonisë së Veriut

Kuvendi i Maqedonisë së Veriut i shprehu besimin Qeverisë së kryeministrit Zoran Zaev, pas kërkesës së tij për votëbesim. Për Qeverinë votuan 62 deputetë nga 120 sa numëron Kuvendi, ndërsa opozita e bojkotoi votimin.

Paraprakisht, Zaev tha se e ka paraqitur kërkesën pas deklaratave të vazhdueshme të liderit të opozitës maqedonase, kryetarit të VMRO DPMNE-së, Hristijan Mickoski, se shumica parlamentare e ka humbur mbështetjen dhe se vendi duhet të shkojë në zgjedhje të parakohshme parlamentare.

“Ky është momenti kur duhet të shohim se kush sa numra ka në Kuvend, ne apo opozita, e cila vazhdimisht pretendon se do ta rrëzojë Qeverinë dhe do të formojë një shumicë të re. Lajmet e rreme dhe bllokadat krijojnë pasiguri politike. Unë nuk do ta lejoj këtë, andaj edhe kërkoj votëbesim për Qeverinë”, tha të mërkurën para deputetëve kryeministri Zoran Zaev.

Votëbesimi u bë pa debat, pasi Zaev e paraqiti kërkesën në bazë të nenit të rregullores mbi punën e Kuvendit, që nuk parasheh debat, por vetëm votim për punën e Qeverisë.

Opozita e kritikoi këtë propozim dhe tha se Zaev ka frikë të përballet me fjalimet e opozitës për dështimin e punës së Qeverisë.

“Ju keni frikë të përballeni me argumentet tona që dëshmojnë dështimet e kësaj Qeverie në të gjitha sferat. Ju keni dështuar ta menaxhoni vendin në krizën me pandeminë, ju keni dështuar në luftën kundër korrupsionit, madje jeni zhytur vetë në korrupsion dhe keqpërdorime të tjera të shumta. Dështimet janë evidente, andaj edhe duhet të përballeni me argumentet tona dhe jo të ikni nga përballja me to”, tha kryetari i grupit parlamentar të VMRO DPMNE-së, Nikolla Micevski.

LEXO EDHE:  Migrimi përgjatë rrugës ballkanike

LEXO EDHE:  “I riu u dhunua brenda komisariatit”/ Policia e Bulqizës sqaron ngjarjen e denoncuar nga PD

Edhe opozita shqiptare drejtoi kritika ndaj Zaevit për propozimin që votëbesimi i Qeverisë të bëhet pa debat.

“Qeveria tenton t’i fshehë dështimit në çdo lëmi të jetës: dështimet në arsim, shëndetësi, shkeljen e të drejtave të shqiptarëve, përfshirë edhe të drejtën për protestë. Për këtë them se opozita duhet të dëgjohet për punën e Qeverisë. Kjo është kopje e asaj që ka ndodhur në regjimin e kaluar”, tha Skënder Rexhepi nga koalicioni opozitar shqiptar.

Zoran Zaev, kryetari i Lidhjes Social-Demokrate, drejton Qeverinë aktuale të Maqedonisë së Veriut që nga 31 gushti, 2020, pas fitores në zgjedhjet e 15 korrikut.

Partia e tij është në koalicion me Bashkimin Demokratik për Integrim dhe disa parti më të vogla./rel

LEXO TE PLOTE

Politikë

Tërmeti i fuqishëm në Greqi/ Xhaçka: Shqipëria e gatshme të ndihmojë

Publikuar

-

Nga

Tërmeti i fuqishëm në Greqi/ Xhaçka: Shqipëria e gatshme të ndihmojë

Një tërmet i fuqishëm ka tronditur sot Greqinë, lëkundjet e të cilit u ndien edhe në vendin tonë.

Tërmeti me magnitudë 5.9 të shkallër Rihter zonën e Larisas në Greqi ka shkaktuar dëme të shumta pranë epiqendrës, por fatmirësisht pa dëme në njerëz.

Lidhur me këtë ka reaguar dhe ministrja e Jashtme Olta Xhaçka përmes një postimi në rrjetet sociale.

Xhaçka shprehet se Shqipëria është në solidaritet të plotë me Greqinë, duke shtuar se Tirana është e gatshme që të ndihmojë, në rast se është nevoja.

LEXO EDHE:  “Paketa Speciale AntiKÇK”/ Presidenca “zbulon” partnerin strategjik të Ramës

LEXO EDHE:  "Paketa Speciale AntiKÇK"/ Presidenca "zbulon" partnerin strategjik të Ramës

“Solidaritet i plotë me # Greqinë! Zemrat dhe mendjet tona shkojnë te fqinjët tanë grekë në këtë moment të vështirë! 🙏

Shqipëria është gati të ndihmojë, nëse paraqitet nevoja.”/CNA.al

LEXO TE PLOTE

Politikë

S’ka karburant dhe bonus qiraje/ Fushata zgjedhore iu pret dietat deputetëve, zbardhet urdhri i Ruçit

Publikuar

-

Nga

S’ka karburant dhe bonus qeraje/ Fushata zgjedhore iu pret dietat deputetëve, zbardhet urdhri i Ruçit

Byroja e Kuvendit ka vendosur t’i ndërpresë dietat deputetëve. Në vendimin e marrë në mbledhjen e fundit është caktuar se përgjatë fushatës zgjedhore, ligjvënësit nuk do të kenë përfitime si pagesë telefoni, rimbursim karburanti apo bonus qiraje.

Vendimi është i përkohshëm dhe do të shtrihet përgjatë periudhës 25 mars deri në 25 prill. Trajtimet ekstra të deputetëve do të rinisin sërish pas përfundimit të zgjedhjeve e deri në fund të kësaj legjislature.

“Deputetët e Kuvendit të Shqipërisë për periudhën e fushatës zgjedhore, 25 mars-25 prill 2021 nuk do të përfitojnë shpenzimet e karburantit, dietat brenda vendit dhe qiranë e banesës. Përjashtim do të bëhet vetëm në rast se gjatë kësaj periudhe Kuvendi do të zhvillojë veprimtari në komisione parlamentare/ seancë plenare.

Për periudhën nga data 26 prill 2021  deri në përfundim të legjislaturës së IX-të të Kuvendit deputetët do të trajtohen sipas parashikimeve të legjislacionit në fuqi”, thuhet në vendimin e Byrosë./CNA.al

 

LEXO TE PLOTE