Connect with Us

Operacioni në Itali me 43 të arrestuar / Në terren dhe oficerë të DIA-s

Kronika

Operacioni në Itali me 43 të arrestuar / Në terren dhe oficerë të DIA-s

Publikuar

-

Kreu i Prokurorisë së Krimeve të Rënda Besim Hadarmataj ka dalë sot në konferencë bashkë me prokurorët italianë nga Bari dhe Puglia, si dhe Drejtorin e Përgjithshëm të Policisë së Shtetit, Ardi Veliu për të dhënë detaje për operacionin e përbashkët “Shefi” të organizuar në Itali më 14 mars, ku përfunduan në pranga 43 persona, gjysma shqiptarë.

Hajdarmataj tha se më 14 mars në Shqipëri dhe Itali janë nxjerrë urdhër arreste për 21 persona, pjesë e grupeve të strukturuara kriminale në fushën e trafikut të narkotikëve, Shqipëri-Itali kryesisht kanabis.

Deklarata e plotë:

Njoftim nga Prokuroria për Krime të Rënda mbi operacionin e përbashkët me Prokurorinë e Barit (Itali) për çështje penale kundër trafikimit të narkotikëve

Me datë 14.03.2018 në vendin tonë dhe në Itali janë nxjerrë urdhër arresti për  21 shtetas shqiptar, prej të cilëve 19 të arrestuar dhe 2 në kërkim të cilët janë pjesë e grupeve të strukturuara kriminale të cilat operojnë në fushën e trafikimit të narkotikëve mes dy vendeve, Shqipëri dhe Itali, kryesisht për lëndët narkotike të llojit canabis sativa ku nga operacionet e kryera në shtetin Italian përgjatë viteve 2016-2017, janë sekuestruar 2.5 ton lëndë narkotike e llojit canabis sativa, 1kg kokainë dhe 1kg heroinë.

Arrestimi i disa prej këtyre shtetasve është rezultat i hetimeve të përbashkëta të kryera mes Prokurorisë Pranë Gjykatës Shkallës Parë Për Krime të Rënda Tiranë dhe Prokurorisë së Barit në Itali(Drejtoria Rajonale Antimafia) ku në vitin 2017 mes këtyre prokurorive është nënshkruar një marrëveshje për krijimin e skuadrës së përbashkët hetimore në kuadër të procedimeve penale të regjistruar në Shqipëri dhe Itali, me nr.238/2017 dhe nr.10832/2017.

Nga shkëmbimi i informacionit në mënyrë reciproke dhe të drejtëpërdrejtë me homologet italian, rezultoi shtetasit Mariglen Shusha, Donial Drolli, Hamid Seferi dhe Malton Lleshi ishin pjestar të një grupi kriminal i cili vepronte mes Shqipërisë dhe Italisë në fushën e trafikimit të narkotikëve dhe që ndodheshin në vendin tonë. Nga bashkrëndimi i të dhënave dhe provave të përcjella në kohë reale nga autoritetet italiane, si dhe nga puna e përbashkët e oficerëve të policisë gjyqësore pranë Prokurorisë për Krime të Rënda, oficerëve të DIA-s, Bari, Itali si dhe strukturave të policisë së shtetit, u bë e mundur identifikimi dhe lokalizimi i vendndodhjes së tyre dhe mbi bazën e urdhrave të arrestit ndërkombëtar, të përcjell në rrugën formale nga autoritetet italiane të drejtësisë, konkretisht Prokurorisë së Barit (Drejtoria Rajonale Antimafia), u bë dhe arrestimi i tyre në operacionin e datës 14.03.2018.

Ky operacion kishte në përbërje oficer të policisë së shtetit dhe Forcave Operacionale, oficerëve të policë gjyqësore pranë kësaj Prokurorie si dhe asistimin fizik të oficerëve të policisë gjyqësore pranë DIA-s.

Ky operacion shënon finalizmin e një bashkëpunimi mjaft të frytshëm mes autoriteteve tona të drejtësisë dhe atyre italiane, duke dëshmuar dhe njëherë vullnetin tonë në luftën kundër trafikut të narkotikëve. Gjithashtu duke theksuar faktin se është hera e parë që në një operacion të tillë, duke qënë pjesë e skuadrës së përbashkët marrin pjesë dhe asistojnë oficërët e Dia-s, të cilët treguar frymën e tyre bashëkupunuese gjatë punës në terren me oficerët e policsië së shtetit gjatë ekzekutimit të Urdhrave të Arrestit Ndërkombëtar, fakt ky për tu përshëndetur.

LEXO EDHE:  Deklarata e fortë te Krimet e Rënda/ Ja për çfarë akuzohet Hajdarmataj

Në kuadër të hetimeve tona, në funksion të Skuadrës së Përbashkët Hetimore, janë caktuar gjithashtu masat e sigurimit personal “Arrest në burg” për dy shtetas të tjerë shqiptar, konkretisht Fërhat Hajdini, Fiqiret Seferi ku të dhënat dhe provat në ngarkim të tyre janë prodhuar sërish nga hetimi i përbashkët me Prokurorinë e Barit për disa episode të hetura paralelisht nga të dyja Prokuroritë e të kristalizuara në vijim nga hetimi i përbashkët i Skuadrës Hetimore.

Sjellim në vëmendje faktin se hetimet janë ende në vijim, duke premtuar rezultate mjaft pozitive në luftën e përbashkëta ndaj trafikut të narkotikeve mes dy vendeve. Rezultat e deritanishme dëshmojnë qartazi për vullnetin e përbashkët të autoriteteve tona të drejtësisë për të bashkëpunuar në këtë fushë si dhe sigurojnë dhe njëherë kapacitetin tonë profesional dhe njërëzor për të qënë pjesë e hetimeve të përbashkëta për vepra penale me karakter transnacional.

Gjithashtu, gjejme me vend të theksojmë faktin se, bashkëpunimi ynë me autoritetet italiane, është vijues dhe gjithëpërfshirës, duke permendur këtu “Marrëveshjen për krijimin e skuadrave të përbashkëta hetimore” nënshkruar më 01.12.2016  midis Prokurorisë së Lece-s, Itali dhe Prokurorisë pranë Gjykatës së Shkallës së Parë për Krime të Rënda Tiranë, Shqipëri, ku nga hetimi i përbashkët deri tani rezultojnë të arrestuar një numër i madh përsonash ne të dyja shtetet, ndërkohë që vijon arrestimi i shtetasve të shpallur në kërkim me vendime arresti, siç ishte ai i datës 14.03.2018 për arrestimin e shtetasit Dino Abazi i dyshuar si pjesë e një organizatë kriminale në fushën e trafikimit të narkotike mes Shqipërisë dhe Italisë.

Gjithashtu na rezulton se kryhen hetime paralele si nga ana jone dhe Prokuroritë homologe në Itali për një numër procedimesh për trafikimin e sasirave të mëdha të narkotikëve kryesisht të llojit canabis sativa të trafikuar nëpërmjet detit, ajrit dhe në pika të kalimit kufitar, që i referohet pikërisht periudhës si vitit 2016,2017 ku kërkohet bashkëpunimi mes këtyre prokurorive për të shkëmbyer të dhëna dhe informacione me qëllim venien para përgjegjësisë të autorve të këtyre veprave penale.

“Marrëveshja për krijimin e grupit të përbashkët hetimor” nënshkruar më 06.07.2017 midis Prokurorisë së Bari-s, Itali dhe Prokurorisë pranë Gjykatës së Shkallës së Parë për Krime të Rënda Tiranë, Shqipëri, bazuar në “Konventën Evropiane për Ndihmë të Ndërsjelltë Juridike në Cështjet Penale”, “Konventës së Kombeve të Bashkuara kundër Krimit të Organizuar Ndërkombëtar” si dhe ligjit nr.10193, datë 03.12.2009 “Për Marrëdhëniet Juridiksionale me Autoritetet e Huaja në Cështjet Penale”.  Në këtë kuadër nga autoritetet shqiptare është regjistruar procedimi penal nr.238/2017 për veprat penale “Trafikimi i narkotikëve”, “Pastrimi i produkteve të veprës penale ose veprimtarisë kriminale” dhe “Grupi i strukturuar kriminal”, parashikuara nga nenet 283/a, 287 dhe 333/a i K.Penal./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Video/ Aksident i frikshëm në Tiranë, përplasen tre makina

Publikuar

-

Nga

Një tjetër aksident është regjistruar mbrëmjen e sotme në Tiranë.  Mësohet se në aksident janë përfshirë tre makina.

Ngjarja ka ndodhur pranë Kthesës së Kamzës, ndërsa nuk dihet ende nëse ka persona të lënduar.

Policia ndodhet në vendngjarje, ndërsa shkak i aksidentit mendohet të ketë qenë lëvizja e gabuar e njërit prej drejtuesve të mjeteve të përfshira nv aksident.


LEXO TE PLOTE

Kronika

Agjencia BIRN nën akuzë për mashtrim/ Kompania zvicerane kërkon përgënjeshtrimin e shkrimit

Publikuar

-

Nga

Agjencia BIRN-Albania është akuzuar për mashtrim nga kompania zvicerane “Terraoil Swiss”, e cila operon në Shqipëri në fushën e hidrokarbureve prej 9 vitesh.

BIRN në një shkrim të publikuar në 7 shkurt të këtij viti, theksonte se kjo kompani i ka transferuar naftën e Visokës një kompanie serbe me pronar rus.

Kompania e akuzon BIRN-in se ka mashtruar me qëllim për t’i dëmtuar imazhin kompanisë si dhe si formë shantazhi për të ndikuar në vendimin e gjykatës për të mos i dhënë të drejtën kompanisë në operimin e fushave naftëmbajtëse në Cakran-Mollaj, ku është shpallur fituese.

Për këtë arsye “Terraoil Swiss” paralajmëron se po merr masa për ndjekjen ligjore jo vetëm për filialin e BIRN në Tiranë, por edhe ndaj zyrës qëndrore të kësaj agjencie në Beograd. Ndaj i kërkon të përgënjeshtrojë shkrimin.

Deklarata e plotë

Përgënjeshtrim i shkrimit të BIRN-Albania (Reporter.al)

Më datën 7 shkurt 2020, agjencia BIRN-Albania (Reporter.al) nëpërmjet një shkrimi me titull: “Marrëveshja e dyshimtë: Nafta e Visokës iu transferua kompanisë serbe me pronar rus” (Autor: Besar Likmeta) ka konsumuar një operacion mashtrimi, spekulimi dhe manipulimi të opinionit publik, duke shtrembëruar dhe keqinterpretuar faktet, duke bërë interpretime të rreme ligjore, duke dëmtuar në mënyrë agresive dhe intimiduese interesat dhe imazhin e kompanisë “Terraoil Sëiss”.

Është elementare të theksojmë se në profesionin e cdo gazetari, për më tepër të dikujt me përvojë dhe reporter i një media prestigjoze si BIRN, ky publikim është një thyerje e rëndë e parimeve të etikës profesionale dhe shkelje e rëndë e çdo norme që rregullon marrëdhëniet e gazetarisë bashkëkohore, përfshi atë investigative dhe që provon katërcipërisht që artikulli në fjalë është mbështetur mbi të pavërteta, paragjykime, keqdashje, dizinformim për të mos shkuar më larg me arsyetimin e kryerjes së ndonjë shërbimi ndaj një pale të tretë.

Për të qenë sa më të kuptueshëm dhe të qartë përsa më lart, po rendisim në mënyrë elementare piketat kryesore të këtij “investigimi” dhe shkrimit të Reporter.al:

BIRN, pretendim 1: Në këtë shkrim BIRN pretendon se kompania “Terraoil Swiss” ka transferuar naftën e Visokës dhe të drejtat hidrokarbure në një kompani serbe me pronar rus.

Sqarim 1: Në legjislacionin që rregullon marrëveshjet hidrokarbure por edhe ato tregtare nuk ekziston koncepti ”transferim nafte”, por tregtim nafte dhe/ose transferim i të drejtave hidrokarbure.

Pretendimi se kompania “Terraoil Swiss” ka transferuar të drejtat hidrokarbure, është një e pavërtetë e rëndë e joprofesionale dhe mashtrim i qëllimtë, sepse të drejtat hidrokarbure transferohen vetëm me pëlqimin e palëve, respektivisht të Terraoil Swiss, Albpetrolit dhe AKBN-së, si dhe me miratimin përfundimtar të MIE si autoriteti shtetëror më i lartë. Ky fakt nuk ka ndodhur dhe për rrjedhojë nuk ekziston.

Kontrata ndërmjet “Terraoil Sëiss” dhe GTK-Oil është kontratë shërbimi, e njëjtë me të gjitha kontratat e shërbimit mbi bazën e të cilave operojnë kompanitë hidrokarbure në Shqipëri dhe kudo në botë, ç’ka do të thotë se është nënkontraktim, marrëdhënie mes dy palëve private e realizuar konform ligjit shqiptar dhe të gjitha detyrimeve që lindin prej tij.

BIRN, pretendim 2: Kontrata e shërbimit (Terraoil Sëiss me GTK Oil) cënoi sigurinë kombëtare duke transferuar të dhënat konfidenciale.

Sqarim 2: Shkrimi i Reporter.al ka spekuluar me një nen të kontratës koncensionare, duke konfonduar detyrimet mes palëve (koncensionar-shtet) me ekspozimin e të dhënave tregtare konfidenciale dhe duke e keqinterpretuar qëllimisht këtë konfidencialitet si “sekret shtetëror”.

Në bazë të Marrëveshjes Hidrokarbure, koncensionari ka plotësisht të drejtë të ekspozojë të dhëna tregtare konfidenciale tek nënkontraktorët e vet, pa kërkuar miratimin e Albpetrol apo ndonjë institucioni tjetër. (Neni 23.2 i Marrëveshjes Hidrokarbure).

Për pasojë BIRN (Reporter.al) ka mashtruar qëllimisht duke shtrembëruar e keqinterpretuar termat e kontratave e duke spekuluar dhe ngatërruar qëllimisht publikun dhe duke dëmtuar rëndë imazhin, besueshmërinë dhe interesat e kompanisë Terraoil Sëiss.

BIRN, pretendim 3: BIRN pretendon se “Terraoil Sëiss” i ka dhënë kompanisë nënkontraktore “serbe” të dhëna tregtare që përbëjnë “sekret shtetëror”.

Sqarim 3: Ky pretendim nuk është vetëm mashtrim, por edhe reflektim i një paditurie të thellë.

Së pari, kompania GTK-Oil, është e regjistruar në QKB sipas legjislacionit në fuqi dhe nuk figuron e pezulluar, e përjashtuar apo e konfiskuar, në asnjë institucion ligjzbatues shqiptar apo të huaj .

Së dyti, nuk është detyra e kompanive koncensionare të verifikojnë nënkontraktorët që operojnë në tregun shqiptar sipas ligjeve në fuqi, në lidhje me aspekte që janë tagër i institucioneve të inteligjencës dhe sigurisë, përsa kohë ndaj tyre nuk ka një masë shtrënguese.

Në të kaluarën dhe në vijëmësi kompania “Terraoil Sëiss”, ka kultivuar marrrëdhënie tepër rigoroze me institucionet ligjzbatuese shqiptare, përfshirë dhe komunitetin e inteligjencës, për të shmangur çdo shkelje në këtë drejtim.

Së treti, legjislacioni për sekretin shtetëror, klasifikimin e tij dhe personave të autorizuar për njohjen apo përdorimin e tij, nuk ka asnjë parashikim që t’i përgjigjet pretendimit në fjalë. Në të kundërt, nëse ky fakt do të ekzistonte, marrëveshjet hidrokarbure dhe cdo aspekt tjetër i lidhur me to do të duhej të trajtohej sipas këtij legjislacioni.

LEXO EDHE:  Shkarkimi i Hajdarmatajt/ Reagon ambasadori Lu

LEXO EDHE:  “Morën peng rojen dhe e dhunuan”/ Artan Hoxha nxjerr detajet e forta

Kjo do të thotë se të gjithë personat që do të kishin lidhje pune për shkak të përgjegjësive institucionale, apo ato tregtare do të duhej të ishin të vetuar nga DSIK dhe të paisur me certifikatat përkatrëse të sigurisë, fakt i cili nuk ekziston. Sipas kesaj llogjike, të përdorur nga artikullshkruesi, ky i fundit nuk do të kishte mundësinë të kërkonte asnjë informacion mbi marrëveshjet dhe operacionet hidrokarbure pa qenë i paisur më parë me një certifikatë sigurie.

Kjo llogjike do të vlente dhe për këdo zyrtar të ALBPETROL apo AKBN, sikurse edhe për ish drejtuesit e përmendur në shkrim, të cilët sipas 3 | 4 llogjikës së gazetarit do të kishin konsumuar një krim shtetëror për nxjerrjen e dokumentave apo të dhënave të klasifikuara sekret shtetëror.

Sa më sipër, pretendimi i shkrimit të BIRN për nxjerrje të sekretit shtetëror, është një shpifje e qëllimshme e kombinuar me një injorancë të thellë në kuptimin e detyrimeve për aspektet e sigurisë, sepse sipas ligjeve në fuqi, të dhënat tregtare konfidenciale nuk konsiderohen sekret shtetëror.

BIRN, pretendim 4: Shkrimi i BIRN pretendon se kompania shtetërore “Albpetrol” ngriti “flamuj të kuq”, që sipas BIRN ishin alarm për tjetërsimin e marrëveshjes hidrokarbure. Ky pretendim është spekulim arbitrar,sepse në asnjë paragraf apo rresht të legjislacionit shqiptar përfshirë marrëveshjet hidrokarbure, nuk ekziston asnjë term dhe asnjë nocion i “flamujve të kuq”.

Ka ekzistuar një letërkëmbim i periudhës shkurt-mars 2019, ndërmjet kompanisë tonë dhe Albpetrolit, ku në fillim Albpetroli ngriti pretendime në lidhje me marrëveshjen mes Terraoil Sëiss dhe GTK-Oil. Pas kësaj kompania “Terraoil Sëiss” i dha sqarimet përkatëse Albpetrolit, duke i qëndruar marrëveshjes dhe për pasojë Albpetroli nuk kundërshtoi më tej sqarimet tona.

Për transparencë të opinionit publik sqarojmë se Marrëveshja mes Terraoil Sëiss dhe GTK OIL është lidhur më 1.12.2018 dhe për shkak të mospërmbushjes së saj nga pala nënkontrakotore, është zgjidhur më datë 1.06.2019. Theksojmë se kjo Marrëveshje fatkeqësisht nuk arriti te bëhet asnjehere efektive pasi nënkontraktori GTK Oil nuk mundi gjatë periudhës dy-mujore te testit të na bindte për një performancë të qëndrueshme teknike dhe për pasojë efektet ekonomiko-financiare të kësaj

Marrëveshje mbetën në nivelin zero. Kjo do të thotë se në momentin e botimit të shkrimit dhe tymnajës së ngritur prej tij marrëveshja nuk ekziston, çka i bën shumë të dyshimta qëllimet e vërteta të artikullit të botuar nga BIRN.

Për pasojë, referimi nga BIRN duke nxjerrë jashtë konteksti shkresën e Albpetrolit, duke mos marrë fare parasysh procedurën nga fillimi deri në fund, është deformim i qëllimshëm i fakteve, dhe manipulim i opinionit publik.

Së fundmi por jo nga rëndësia, Terraoil Sëiss operon prej 9 vitesh në sektorin e hidrokarbureve për nxjerrjen e naftës bruto në fushën e Visokës. Gjatë kësaj periudhe kompania ka investuar mbi 80 milion dollarë në operacionet e saj për hapjen e puseve të reja, rivitalizimin e atyre ekzistuese, kthimin e fushës në parametra optimal operimi, depozita naftëmbajtëse, ruajtjen e mjedisit, etj. Terraoil Sëiss ka mbi 150 të punësuar, inxhinierë dhe specialistë të fushës, si dhe ndihmon në mënyrë indirekte mbi 200 familje të tjera në zonën ku operon.

Terraoil Sëiss është një kompani publike e regjistruar në Zvicër, operon sipas ligjeve dhe standarteve më të mira zvicerane dhe së fundmi ka filluar procedurat e regjistrimit në Bursën ndërkombëtare, të cilat kërkojnë standarte të larta transparence, profesionalizmi dhe mirëmenaxhimi.

Terraoil Sëiss ka marrë pjesë në garën e organizuar nga ALBPETROL për operimin e fushave naftëmbajtëse të Cakran-Mollaj, Gorisht-Kocul dhe Amonice dhe është shpallur fituese nga Ministria e Infrastrukturës dhe Energjisë. Kjo procedurë ndodhet në proces gjykimi në gjykatat shqiptare për shkak të kontestimit nga palë të treta humbëse në garë.

Kompania Terraoil Sëiss e konsideron shkrimin e BIRN-Albania (Reporter.al) si një operacion të bazuar mbi mashtrim dhe spekulim, me qëllim dëmtimin e imazhit dhe prestigjit të kompanisë, si dhe një përpjekje diversive për të ndikuar mbi vendimin e gjykatave përsa më lart.

Operacioni në fjalë mbart ngarkesa intimiduese dhe dëmtuese ndaj kompanisë Terraoil Sëiss, dhe për këtë shkak ne po bashkëpunojme me konsulentët tanë ligjorë dhe po marrim masa për ndjekjen ligjore të kësaj çështje si për filialin e BIRN në Tiranë ashtu dhe ndaj zyrës qëndrore të kësaj agjencie në Beograd.

Në mbështetje të parimeve të transparencës dhe të drejtës për t’u mbrojur dhe përgjigjur ndaj akuzave të publikuara nga media juaj, kërkojmë përgënjeshtrimin e shkrimit dhe të drejtën tonë për t’u botuar nga ana juaj në të njëjtin vend reagimi i kompanisë Terraoil Swiss.

Hans-Peter Vogt, Kryetar i Bordit

LEXO TE PLOTE

Kronika

Kapet me kokainë/ Arrestohet 17-vjeçari shqiptar në Itali

Publikuar

-

Nga

Një 17-vjeçar shqiptar ka rënë në prangat e policisë italiane, pasi është kapur me 50 gramë kokainë, që po të shitej në treg kapte vlerën e 5000 eurove.

17 vjeçari, që po tregtonte kokainën u arrestua në karabinierët në stacionin policor të Vado Ligure (Savona).

Rasti i kaloi Prokurorisë për të Miturit./CNA.al

LEXO TE PLOTE