Dëbimi i diplomatëve iranianë/ “Patate” e nxehtë për ministrin Bushati – CNA
Connect with us

Opinione

Dëbimi i diplomatëve iranianë/ “Patate” e nxehtë për ministrin Bushati

Publikuar

-

Një organizatë që lufton për rrëzimin e formës së tanishme të qeverisjes në Iran e quajtur (NCRI-Këshilli Kombëtar i Rezistëncës Iraniane) i ka bërë publikisht thirrje qeverisë shqiptare të dëbojë nga Shqipëria 2 diplomatë iranianë të akredituar në Tiranë. NCRI kërkon nga qeveria shqiptare të dëbojë sekretarin e parë të Ambasadës Iraniane në Tiranë Mostafa Roodaki dhe atasheun kulturor Seyed Ahmad Hossini Alast. Kjo kërkesë bëhet e mbështetur në Rezolutën e BE-së të prillit 1997 për dëbimin e spiunëve iranianë, të akredituar nën petkun e diplomatit.

Për NCRI dy diplomatët janë thjeshtë spiunë të shërbimit sekret iranian të quajtur VAJA. Pavarësisht se NCRI gabon në funksionet, që i atribuon njerit prej personave të lartpërmendur, kjo thirrje është tejet problematike për qeverinë shqiptare vecanërisht ministrant Bushati dhe Xhafa, i cili sipas ligjit shqiptar është autoriteti, që shpall persona non grata një diplomat të huaj të akredituar në Tiranë. Theksojmë se sipas Listës Diplomatike zyrtare të Minsitrisë për Europën dhe Punët e Jashtme sekretar i parë në Ambasadën Iraniane në Tiranë është z. Fereeydon Zandi.

Një thirrje e një organizate të arratisurish iranianë në pamje të parë mund të mos merret seriozisht nga autoritetet shqiptare, por kur kjo organizatë ka “tutorë” me peshë në arenën ndërkombëtare, një thirrje e tillë mund të rezultojë tepër problematike!

Naim Frashëri dhe prof. Rexhep Mejdani

Në datat 5-6 mars në Universitetin Modares u mbajt një simpozium shkencor për veprën e poetit tonë kombëtar Naim Frashëri. Në këtë simpozium krahas autoriteteve shkencore nga Republika e Kosovës, FYROM apo Bosnja mernin pjesë edhe personalitetet të shquara shqiptare si Dr. Prof. Rexhep Mejdani ish President i Republikës së Shqipërisë, Akademike Floresha Dado, Dr. Arian Leka pedagog në Akademinë e Arteve etj. NCRI pretendon se instrumenta të shërbimit seKret Iranian VAJA si Qendra Habilian apo Didenbah e përdorën këtë simpozium për t’u bërë propagandë VIP-ave shqiptarë kundra Muxhahedinëve të organizatës MEK, që janë strehuar në Kampin Ashraf 3 në Manzë afër Durrësit.

Në këtë kontekst mbetet për të parë sesi do reagojnë minsitrat Bushati dhe Xhafa pas kësaj kërkese për dëbim diplomatësh iranianë si edhe ndaj kërkesës së Shoqatës Nejat, që i apeloi autoriteteve shqiptare, që të pajisin me viza dhe t’u mundësojnë familjarëve të Muxhahedinëve MEK të Manzës, që të vinë nga Irani në Shqipëri dhe të takohen me të dashurit e tyre të strehuar në Manzë.

Situata bëhet më problematike edhe për shkak të armiqësisë personale të kryeministrit Rama me ish presidentin Mejdani. Kujtojmë këtu talljen publike, që Rama i bëri Mejdanit, kur e vuri të bëhej “qatip”-skrib i programit te PS-së dhe më pas e hodhi në kosh këtë program bashkë me Mejdanin, apo kur ndër veprimet e para, që ndërmorri drejtoresha e doganave Spiropali, “protégé” e Ramës ishte pushimi nga puna I të birit të  ish presidentit Mejdani, apo edhe sulmet tejet të pamoralshme të ndërmarra nga shpura e Ramës kundra bashkëshortes së ish presidentit Mejdani. Mbetet për të parë,  sesi dy ministrat e Ramës do ta trajtojnë “pataten” e nxehtë iraniane.

Për të bërë pak humor në shkrimin tonë mund të konfirmojmë pa frikë se ish kryeministri Pandeli Majko do të hajë akullore në Pasticerinë “Gelato Lab” në Qendrën Tregtare “Golestan” në Teheran, pasi muxhahedinët e MEk-ut të clirojnë Iranin dhe të vinë në pushtet, ndërsa ish presidenti Rexhep Mejdani do pijë kafe në  Kafenenë “Lamiz” në Sheshin “Tajrish” të Teheranit, pasi qeveria aktuale e Iranit t’i shpartallojë në fushën e mejdanit muxhahedinët e Manzës. Mburren anglezët me humorin e tyre, por gjithsesi humori anglez është tejet inferior krahasuar me humorin e politikanëve të së majtës shqiptare!!!!! /GJERGJ THANASI /CNA.al

Aktualitet

Si e zhvlerësoi Macron, bastin e Ramës

Publikuar

-

By

Nga Andi BUSHATI

*Kryeministri shqiptar e ka nxjerrë kokën nga gropa ku e kishte fshehur si struci për të sulmuar ata që i frynë borive të alarmit për ngritjen e kampeve të azilantëve në vend.

Në një status të shkurtër ai ka sulmuar “esadistë-t” në politikë dhe media, që ndezën idenë e paqenë, të cilën e hodhi poshtë edhe samiti i së dielës në Bruksel, ku morën pjesë vetëm 16 prej vendeve anëtare.

Pra, sipas Ramës, nuk ka pasur kurrë një përpjekje për të sjellë refugjatë në Shqipëri dhe kjo është një shpikje e “kazanit” vendas.

Në fakt nuk është aspak kështu dhe Rama gënjen ditën për diell.

Deri në mbledhjen e djeshme të krerëve të qeverive të BE (pa shtetet e grupit të Vishegradit dhe ato baltike) obsioni për të ngritur kampe refugjatësh jashtë kufijve të BE-së ka qenë prezent.

Vende si Austria dhe Danimarka kanë bërë propozim zyrtar për këtë. Edhe Gjermania e Merkelit, ku kancelares po i rrezikohet seriozisht pushteti nga çarja e mundshme e koalicionit të CDU-së me krahun bavarez më ksenofob të CSU-së, të përfaqësuar nga ministri i brendëshëm, Horst Seehofer, u kalamend gjatë për këtë zgjidhje.

Fakti që ajo ka qenë një obsion serioz në tavolinë e tregojnë edhe fjalët e presidentit francez, Emanuel Makron, i cili tha pas gjysëm samitit të djeshëm se “u eleminuan zgjidhjet që binin ndesh me vlerat tona”.

Pra kjo nuk është shpikje e “esadistëve” shqiptarë.

Çfarëdo që të thotë Edi Rama tani pranohet nga të gjitha kancelaritë dhe mediat europiane se BE u fut në një krizë të thellë që pas 10 qershorit, kur ministri brendëshëm Italian (i ekstremit të djathtë) Mateo Salvini, vendosi të mbyllë portet e vendit të tij për emigrantët. Më tej homologu gjerman, Horst Seehofer, i CSU, deklaroi se nuk do të hezitonte t’a linte të rrëzohej kancelaren Merkel, nëse ajo nuk i ashpërsonte politikat migratore.

Po t’i shtosh këtyre edhe faktin se kryeministri austriak Sebastian Kruz, që i ka lënë çelsat e ministrisë së brendëshme një duart e një neo-nazisti, proklamoi krijimin e një “aksi të vullnetit të mirë” kundër emigrantëve (Itali, Gjermani, Austri), zgjidhja e problemit përmes kampeve të refugjatëve ishte më e prekshme se kurrë.

Por, manipulimi i Ramës nuk qëndron vetëm në faktin se e mohon atë. Ai shkon edhe më tej: Ai hiqet sikur Shqipëria nuk ka pasur kurrë lidhje me këtë histori.

Në fakt është krejtësisht e kundërta. Pas krijimit të kësaj situate, emri i vendit tonë u përmend pothuajse përditë në të gjitha mediat europiane. Fillimisht ai u çiftëzua me Tunizinë –si një bazë tjetër e mundshme- por pas refuzimit të saj, Shqipëria mbeti e vetme.

Në këtë histori ka edhe më.

Sepse, sipas të gjitha indicieve, pasi ka parë krizën e madhe ku ishin futur vendet e BE-së, Rama ka dalë vullnetar të luajë rolin e zjarrfikësit. Ai është vetë propozuar për t’i ngritur kampet e refugjatëve në Shqipëri.

Jo më kot, në kulmin e këtij debati, zv ministri i brendëshëm, Julian Hodaj, i tha pikërisht një mediaje gjermane, televizionit ZDF, se Shqipëria ka kapacitet të mirpresë deri në 600 mijë refugjatë. Madje, në një nismë aspak në kokë të vet, ai këmbënguli se vendi e ka jetuar këtë eksperiencë që në kohën e luftës së Kosovës.

Një fakt edhe më i fortë pro vullnetarizimit të Ramës është edhe intervista për Deutche Welle-n e deputetit gjerman, Johann Wadephul i cili pranoi me gojën plot se propozimi për kampe refugjatësh i është bërë qeverisë gjermane nga vetë ministri i brendshëm Xhafa, gjatë një qëndrimi disa ditor në këtë vend.

Pra, është e qartë sa më s’bëhet, se ideja për të ngritur kampe refugjatësh në Shqipëri, nuk ishte një shpikje e “esadistëve” lokalë.

Mediat dhe kancelaritë perëndimore folën gjatë për të, sepse Edi Rama vuri bastin e madh që me këtë koncesion, të fshihte problemet me drogën, korrupsionin dhe autoritarizmin.

Natyrisht, ai e humbi këtë bast, as për ndonjë gabim dhe as për ndonjë meritë të tij.

Thjesht në samitin e 16 vendeve të BE, të dielën në Bruksel, doli fituese ideja e presidentit Macron dhe kryeministrit të ri të Spanjës, Sançez, se kjo zgjidhje do të qe një turp për vlerat e kontinentit të vjetër. Kështu u rrëzua, së paku përkohësisht, mundësia e ngritjes së hot spoteve për azilkërkuesit jashtë kufijve të Bashkimit Europian.

Dhe më rrëzimin e këtij versioni, liderit global, i humbi edhe mundësia të luante rolin e shpëtimtarit të Evropës. Prandaj tani atij s’i mbetet tjetër gjë, veçse të fshehë kokën në rërë si struci dhe të pretendojë se ajo që kanë parë dhe dëgjuar të gjithë është shpikje e kazanit gjithnjë e më të madh të armiqve të vet.  /Lapsi.al

LEXO TE PLOTE

Opinione

“Mushkonjat” e opozitës pickojnë mafian

Publikuar

-

By

Nga Zef ZEFI

*Kur më 2014 opozita denoncoi në Kuvend avionët e Forcave të Armatosura të Shqipërisë si të implikuara në transportin e drogës, Qeveria socialiste shpërtheu në të qeshura, sepse sipas versionit Kryeministror, Ministrja e atëhershme e Mbrojtjes, ishte ngjitur në qiell për të vrarë mushkonja, për shendetin e popullit dhe të turistëve, ndersa PD duke parë avionët, i kishte ngatërruar ata me mushkonja. Qeshi kreu i Qeverisë, qeshën pastaj si me komandë socialistët e Kuvendit, pastaj me lot e sekrecione të tjera shpërthyen mediat e vendit, qeshën qytetarët dhe sidomos intelektualët, të cilët ngritën grushtin përpjetë, duke thirrur “poshtë opozita, kjo nuk është opozita që duam” Kur ra avioni i Divjakës, prap ishte PD që njoftoi publikisht Parlamentin se një “mushkonjë” qeverie, ishte rrëzuar në Divjakë. Mushkonja ra se i qe thyer rrota, pa do të ikte si të tjerat.

Mbas rënies, tahirësat e policisë së asaj kohe, nxituan t’i shkonin per ta asistuar, pilotin bashkë me makinerinë e tij. Edhe në këtë rast, romuzet e kreut të Qeverisë, u munduan ta mbulonin me të qeshura dhe tallje të vertetën. Qeshi kush qeshi, po ja aq sa romuzçiu deshi. Nuk po qeshej sa me mushkonjat e para. Kjo siç duket ia prishi humorin atij. Ndaj u vërejt, pervoli njërën vetull. Deshi t’ja shante robt opozitës, po s’e bëri. Në vend të robve…, tha: “…pa dale, dale…” Kuvendarët e socializmit u mpinë në çast si tu kishte ra pika.

Veç Balla me dy-tri pjeshka nuk mpihej dot. Siç dihet ky për arsye “morf-ologjike”te plastikës faqjale edhe pse i ngrirë “gati-tu” i ngërdheshur. Kurse pjeshkave të hapura, …së qeshuri, u duhej mé shumë kohë të mbylleshin. “Dale këtu ti mo SHQUPS, ku e pe ti avionin. E para ti genjen popullin, se ti ishe këtu me mua. E dyta ti nxin faqen e Shqipërisë, me keto rrena, e treta edhe sikur të jetë e vertetë, kush ay që tha tia ë? Ty po të them, kush është ai që ti jep ty këto (dez)informacione të nxish qeverinë, Shqipërinë, reformat, negociatat. “Fol, robt…!” Kaq iu desh të insinuonte “autori-teti” i krimit që shtypi i vendit, mbarë opinioni i një milion shpullave, tv, në vend të investigonin faktin, krimin qeveritar ngarkesën, rroten e avionit, pilotët, zhdukjen e gjurmëve të krimit nga Tahiri, i bënë kauzë opozitës. Opozita duhej të jepte llogari. E njejta situatë para katër ditësh.

Shefi i opozitës, vihet në qendër të gajasjeve parlamentare, sepse ky i fundit, po denonconte makinat e Mafias shqiptare që transportojnë euro me kile në Shqipëri, të siguruara nga eksportet e prodhimit rilindas të drogës. Situatën komike, socialistët e Ruç-kuvendit e qitën përjashta mureve. Balla ju tha gazetarëve se nuk duhet marrë seriozisht Kryetari i opozitës dhe deputeti Basha me deklaratat e tij, mbasi ky është trillim, ose në këtë rast shefi i opozitës duhet denoncuar për moskallzim krimi. Nderkohë që ngjarjet rrodhën shpejt brenda dy ditësh dhe krimi u zu me presh, siç e kishte denoncuar opozita, gajasja socialiste u ndërpre. Krimi i zbardh, por skema mafioze u përsërit pothuajse identikisht me denoncimet e para katër viteve, me denoncimin dhe ekzekutimin e kallxuesit të krimit. Shih gazeta “tema” me titull; “Basha, duhet marrë seriozisht si… tellall i mafias” Artikulli në fjalë insinuon me sentencat të Kryeministrit të para katër viteve, kur e pickonin “mushkonjat”; diskreditimin, dhe ekzekutimin i lajmësit, pra kallëzuesit të krimit. Nderkohë që opinioni me grushtin lart pret “synoptikat” e protektorit të Mafias, Prokuroria e Shtetit hesht dhe bota qesh.

LEXO TE PLOTE

Aktualitet

A ekziston lumturia dhe ku mund ta gjejmë atë?

Publikuar

-

By

Në një varrezë të lashtë u gjet diçka e pazakontë, në pllakat e varrit ishin shkruar jo vitet e jetës së personit të vdekur, por minutat dhe orët. Ata që kishin vdekur, nuk ishin foshnja të sapolindura, por burra dhe gra. Atëherë çfarë kuptimi kishte kjo lloj llogaritjeje? Duket se ata njerëz të mençur e masnin kohën e jetës së tyre duke u bazuar te lumturia, d.m.th. sa kohë që ata ishin ndier të lumtur, aq kohë kishin jetuar vërtet.

Në filozofi, lumturia është përkthyer nga koncepti grek i eudaimonisë, dhe i referohet jetës së mirë, në krahasim me një emocion të çastit. Eudaimonia (εὐδαιμονία) është një fjalë greke e përkthyer zakonisht si lumturi ose mirëqenie. Është një koncept qendror në etikën aristoteliane. Aristoteli 300 pr.K besonte se lumturia ishte qëllimi përfundimtar i ekzistencës njerëzore. Në veprat e Aristotelit, eudaimonia (bazuar në traditën e vjetër greke) është përdorur si term për të mirën më të lartë njerëzore dhe kështu është qëllimi i filozofisë praktike, duke përfshirë etikën dhe filozofinë politike, duke marrë parasysh gjithashtu të përjetuarit e asaj që është me të vërtetë lumturi dhe si mund të arrihet ajo. Si rezultat ka shumë varietete të eudaimonizmit. Dy nga format më me ndikim në antikitet është ajo e Aristotelit dhe e stoikëve. Aristoteli merr virtytin dhe ushtrimi i tij është përbërësi më i rëndësishëm në fitimin  eudaimoninë (lumturisë), por pranon gjithashtu rëndësinë e elementeve të jashtme si shëndeti, pasuria dhe bukuria,prandaj mësonte se: “Lumturia varet nga vetja jonë” Në të kundërt, stoikët e konsiderojnë virtytin të nevojshëm dhe të mjaftueshëm për eudaimoninë dhe kështu e mohojnë domosdoshmërinë e elementeve të jashtme.

Për lumturinë si koncept filozofik kanë folur shumë filozof në çdo kohë dikush me optimizëm apo cinizëm si psh Gautama Buda që jetoj 500 pr.K thotë: “Nuk ka rrugë për lumturi: lumturia është rruga”-Sokrati jetoj 450 pr.K:”Sekreti i lumturisë, nuk gjendet në kërkimin e më shumë, por në zhvillimin e kapacitetit për të shijuar më pak” ose filozofët që jetuan  pas Krishti në shekujt e afërt si  Bertrand Russell që jetoi në fillim të viteve 1800:”Nga të gjitha format e kujdesit, kujdesi në dashuri është ndoshta më fatale për lumturinë e vërtetë”-John Stuart Mill, i lindur në 1806:”Unë kam mësuar të kërkoj lumturinë time duke kufizuar dëshirat e mia, sesa në përpjekjet për t’i kënaqur ato,” apo Henry David Thoreau, i lindur në 1817 në Massachusetts :”Lumturia është si një flutur, sa më shumë ta ndjekësh, aq më shumë do të të shmangë, por nëse e ktheni vëmendjen te gjërat e tjera, do të vij dhe do të ulet butësisht në shpatull” -Kant thoshte: “Lumturia është përmbushja e të gjitha prirjeve tona” dhe  Friedrich Nietzsche që jetoj në shekullin e 19-të: thoshte: “Ç’është lumturia? Ndjenja që fuqia rritet dhe pengesa po kapërcehet”.

Në psikologji, lumturia është një gjendje mendore ose emocionale e mirëqenies, e cila mund të përkufizohet nga emocione pozitive ose të këndshme duke filluar nga kënaqësia deri te gëzimi i vazhdueshëm. Gjendja e lumturisë mendore mund të pasqyrohet nga mirëqenia e përgjithshme e një personi.  Njeriu si qenie e arsyeshme e dëshiron në çdo kohë lumturinë që përmbledh etimologjikisht si fjalë një gjendje të atij që i gëzon të gjitha të mirat, e shoqëruar nga ndjenja e kënaqësisë së thellë dhe e gëzimit të madh që ka kur i plotësohet një dëshirë e zjarrtë, kur arrin një qëllim të lartë, kur gjithçka i vete mbarë, pra një jetë të përmbushur me shëndet, suksese, gëzim, paqe dhe dashuri. Kështu, ai që i ka ose i përfiton këto gjatë jetës, quhet një person i lumtur, kurse ai që nuk i ka, quhet i palumtur ose fatkeq.

Që nga viti 1960 janë bërë shumë hulumtime studime për lumturinë nga shkenca të ndryshme si psikologjia, mjeksia ,ekonomia. O.K.B që nga viti 2012 adaptoi një rezolutë ku u vendos që 20 korrik të jetë “Dita Ndërkombëtare e Lumturisë” si një aspiratë se lumturia është dhe duhet të jetë qëllimi themelor i njeriut edhe kombeve. Në këtë ditë të lumturisë u bëhet thirrje qeverive të ndryshme të botës që të përpiqen ti përshtasin politikat publike, në mënyrë që të përmirësojnë mirëqenien e vendeve të tyre edhe të gjithë popujve të botës sepse çdo qenje njerëzore në çdo status shoqëror ka të drejtë të jetë i lumtur.

Zakonisht, të pasurit mendohen se janë të lumtur, sepse ata pretendojnë se mund të blejnë me para gjithçka që mund t’i bëjë të lumtur. Por shpesh, jeta me eksperiencat e saj ka vërtetuar të kundërtën, se të pasurit, në përgjithësi,  janë pak ose aspak të lumtur pavarësisht aparencës dhe shkëlqimit të luksit të jashtëm. Ndodh kështu, sepse paraja ku mbështeten të pasurit ka shumë andralla, ankth, armiq, madje ajo ka një fuqi magnetike të tillë, sa i thith brenda vetes si një “vrimë e zezë” të gjitha energjitë, kohën edhe shkëlqimin e të pasurit.

Një psikiatër i dëgjuar nga SHBA në studimet e tij mbi shqetësimet mendore ka treguar  se pacientët e tij më të shumtë ishin të pasur. Ata vuanin nga neuroza, depresioni, sa arrin deri në vetëvrasje. Madje një pacient i tij super milioner kërkonte të vriste veten, sepse ndihej bosh, pa motiv për të jetuar. Kur mjeku, në seancat e terapisë, kërkoi arsyen e vetëvrasjes, i pasuri i tha se nuk kam çfarë të bëj më në jetë, çdo gjë më duket bosh, pa asnjë qëllim për të jetuar. Kur mjeku si terapi i kërkoi që me paratë e shumta të bënte bamirësi që të motivohej, atëherë ai, i dëshpëruar, i tha: “ Ky është problemi, unë nuk mund t’i jap ato”. Dale Carnegie(1888-1955) thotë:“Mos harro, lumturia nuk varet nga ajo se kush je apo çfarë ke, por varet vetëm nga ajo që mendon”.

Në Shkrimin e Shejnt shkruhet shpesh : “Lum të varfrit dhe mjerë të pasurit”. Jo se varfëria është lumturi dhe pasuria është mallkim, por urtësia biblike  kërkon që ta nxisë njeriun të kuptojë që lumturia nuk është te pasuria, por te diçka tjetër, që të varfrit të mund ta gjejnë më lehtë.

Ku gjendet lumturia?

Njerëzit, që në lashtësi, besonin se vetëm “zotat” që jetonin në qiell ose në majë të Olimpit ishin të lumtur.Por ndryshe nga “zotat” paganë që përshëndeteshin si të lumtur, të cilët lumturinë e mbanin për veten dhe nuk e ndanin me njerëzit, sipas Biblës, Perëndia Trashedent, e vetmja qenie e lumtur dhe e lavdishme,sepse është i vetëmjaftueshëm përplot mirësi, përulet në tokë deri te njerëzit dhe kërkon t’u japë nga lumturia dhe lavdia e tij atyre që besojnë edhe shpresojnë tek Ai,  prandaj thuhet tek Isaia: “Lum ata që shpresojnë tek ai” (Isaia 30:18)  ose “Lum njeriu që beson tek ai”(Psalm 84:13).

 

Perëndia është i lumtur, sepse është dashuri dhe drejtësi, kështu edhe njerëzit, që të fitojnë lumturinë si e Perëndisë, duhet të zbatojnë ligjin dhe porositë e Tij në dashuri dhe drejtësi ndaj Zotit edhe të afërmit,si : “Mos ki Zot tjetër përveç meje; mos bëj idhuj; ndero ditën e Zotit; mos blasfemo; ndero prindin; mos vrit; mos prish kurorën; mos vidh; mos gënje; mos lakmo”. ( Eksodi 20; 1-17) Ky është një ligj i shkruar jo vetëm në pllaka  guri apo libër, por edhe në ndërgjegjen e çdo njeriu sipas parimit: “ Mos i bëj tjetrit atë që sduan të ta bëjnë ty.”

Pra vetëm me bindje dhe drejtësi,  lumturia do të vijë si shpërblim dhe do t’i jepet njeriut me bekime tokësore, pasuri, familje, shëndet e të tjera kënaqësi. Për besimtarin monoteist që beson te ky Perëndi i lumtur, i Cili  kërkon t’i bëjë të lumtur edhe adhuruesit e tij, këshillohet vazhdimisht: “Biri im, mos i harro mësimet e mia dhe zemra jote le t’i ruajë urdhërimet e mia, sepse do të të shtohen ditë të gjata, vite jete dhe paqeje. Mirësia dhe e vërteta mos të lënçin kurrë; lidhi rreth qafës, shkruaji mbi tabelën e zemrës sate; do të gjesh kështu hir dhe arsye në sytë e Perëndisë dhe të njerëzve. Ki besim te Zoti me gjithë zemër dhe mos u mbështet në gjykimin tënd; pranoje në të gjitha rrugët e tua, dhe ai do të drejtojë shtigjet e tua. Mos e mbaj veten të ditur në sytë e tu, ki frikë nga Zoti dhe hiq dorë nga e keqja; kjo do të jetë shërim për nervat e tua dhe freskim për kockat e tua. Nderoje Zotin me pasurinë tënde dhe me prodhimet e para të çdo të ardhure që ke; hambarët e tu të grurit do të jenë plot e përplot dhe vozat e tua do të gufojnë me musht” (Fjalët e Urta 3:1-10).

Para Krishtit pak ishin ata që e përfitonin këtë lumturi si shpërblim të drejtësisë, madje edhe ata që e përfitonin e humbisnin prapë, sepse mëkati, shkelja e ligjit, hynte në mes si muri ndarës edhe shkëpuste lidhjen me Perëndinë e lumtur dhe ditët plot diell të bekimit ua linin vendin reve të zeza të hidhërimit, me fatkeqësi, varfëri, sëmundje si ndëshkim për mëkatin, ashtu si thuhet: “Me të hapur ti dorën, të gjitha mbushen me të mira; me të kthyer fytyrën në anën tjetër, ato tronditen” (Psalmi 103).

Madje, lumturia, sipas dialektikës së jetës tokësore, ka një paradoks, sepse njeriu mund ta fitojë edhe ta ruajë, por përsëri e humbet , sepse ai  vdes :“Ditët e njeriut janë si bari; ai lulëzon si lulja e fushës; në qoftë se era i kalon sipër, ai nuk është më dhe vendi i tij nuk njihet” (Psalmi 103:15-16). Kështu jeta tokësore i ngjan më shumë një udhëtimi në luginën e hijes dhe të vdekjes, sesa një shëtitjeje, argëtimi në livadhin e jetës.

Prandaj, në këtë perspektivë kalimtare, lumturia është sikur të mos ekzistojnë. Në shërbesën e varimit në Kishën Orthodhokse psalet para të fjeturit (vdekurit) : “Cila gëzim i jetës mbetet i papërzier me hidhërimin?Cila lavdi qëndron mbi dhe e pandryshuar?Të gjitha janë më të dobëta se hija,të gjitha janë më të rreme se ëndrrat; një çast dhe të gjtha këto i zëvëndëson vdekja.”

Lumturia, pavarësisht se është relative në tokë, ajo është absolute te Perëndia në banon në qiejt, sepse Zoti është i pavdekshëm, i përsosur dhe i pandryshueshëm, por, që njeriu ta fitojë lumturinë e Perëndisë, është e nevojshme që në këtë jetë të kalojë nga zhgënjimi që të kuptojë se ai nga vetvetja nuk mund ta fitojë lumturinë, por edhe ku mund ta kërkojë dhe si ta gjejë atë. Prandaj, kur njeriu pëson zhgënjimin e lumturisë pa Zotin, thërret me gjithë shpirt drejt Tij: “Pse e fsheh fytyrën tënde dhe haron pikëllimin dhe shtypjen tonë? Sepse shpirtrat tanë janë ulur deri në pluhur dhe trupi ynë i është ngjitur tokës. Çohu të na ndihmosh dhe të na shpëtosh për hir të mirësisë sate.” (Psalmi 44:25-26).

Prandaj Krishti, Biri i Perëndisë, u bë Biri i Njeriut dhe kështu  hyri në kohën e hapësirën tonë, por edhe në vetë qenjen tonë, që t’ua bëjë të mundur njerëzve lumturin të Perëndisë. Krishti nuk është thjesht një filozof apo politikan ëndrimtar dhe mashtrues që kërkon t’i magjepsë njerëzit me artin e të folurit, por Ai, si Perëndi, është një qenie e lumtur, dhe u bë i ngjashëm me ne njerëzit, përveç mëkatit, dhe kërkon që edhe njerëzit, të krijuar sipas ikonës së Perëndisë dhe të bashkuar me atë, duke u bërë i ngjashëm si Ai, me anë të besimit dhe mistereve të Kishës ta fitojnë këtë lumturi të përjetshme. Zoti Jisu zbuloi se të lumturit e vërtet të kësaj bote nuk janë më të pasurit, të përkëdhelurit, të fortët, por: “Lum skamësit në frymë, sepse e tyrja është mbretëria e qiejve. Lum ata që vajtojnë, sepse ata do të ngushëllohen. Lum ata që janë zemërbutë, sepse ata do ta trashëgojnë tokën. Lum ata që janë të uritur dhe të etur për drejtësi, sepse ata do të ngopen. Lum ata që janë të mëshirshëm, sepse ata do të gjejnë mëshirë. Lum ata që janë të pastër në zemër, sepse ata do ta shohin Perëndinë. Lum ata që përpiqen për paqen, sepse ata do të quhen bij të Perëndisë. Lum ata që janë përndjekur për hir të drejtësisë, sepse e tyrja është mbretëria e qiejve. Lum ju kur do t’ju shajnë dhe do t’ju përndjekin dhe, duke gënjyer, do të thonë të gjitha të zezat kundër jush, për shkakun tim. Gëzohuni dhe ngazëllohuni, sepse shpërblimi juaj është i madh në qiej, sepse kështu i kanë përndjekur profetët që qenë para jush” (Mateu 5:3-12).

Kjo përmbushje vlerash për lumturinë është bërë realitet nga Krishti me edhe në Krishtin, ngaqë Ai si Perëndi-Njeri ishte vetë i përuluri, zemërbuti, i mëshirëshmi, i drejti, paqësori dhe i përndjekuri deri në vdekje kryqi për shpëtimin tonë, dhe pësëri i Ai mbetet i lumturi, që iu thotë përsëri besnikëve të tij:“Po të zbatoni urdhërimet mia, do të qëndroni në dashurinë time,sikurse unë i zbatova urdhërimet e Atit tim dhe qëndroj në dashurinë e tij. Këto gjëra jua kam thënë që gëzimi im të qëndrojë në ju dhe gëzimi juaj të jetë i plotë”(Joani 15 10-11)Prandaj apostulli i kombeve Pavli i hyjshëm i fton besimtarët : “Gëzohuni gjithnjë në Zotin; po jua them përsëri: Gëzohuni (lumturohuni)!”( Filipianve 4:4)

Miron Çako: përgjegjësi i Zyrës Katekizmit  Kryepeshkopatës të KOSHI-it, Tiranë  

LEXO TE PLOTE
Reklama
Reklama
Reklama
Reklama
Reklama
Reklama
Reklama

LAJMET E FUNDIT

Aktualitet15:13 - 25 June, 2018

Si e zhvlerësoi Macron, bastin e Ramës

Nga Andi BUSHATI *Kryeministri shqiptar e ka nxjerrë kokën nga gropa ku e kishte fshehur si struci për të sulmuar...

Aktualitet15:07 - 25 June, 2018

Kamp refugjatësh në Shqipëri?/ Ambasadorja e BE shuan zërat

Ambasadorja e Bashkimit Evropian në Tiranë, Romana Vlahutin ka reaguar në lidhje me lajmet se në Shqipëri do të ndërtohet...

Opinione15:03 - 25 June, 2018

“Mushkonjat” e opozitës pickojnë mafian

Nga Zef ZEFI *Kur më 2014 opozita denoncoi në Kuvend avionët e Forcave të Armatosura të Shqipërisë si të implikuara...

Bota15:03 - 25 June, 2018

Të krishterët përplasen me myslimanët/ Dhjetra të vdekur

Të paktën 86 persona kanë humbur jetën në Nigeri, si pasojë e luftës civile ndërmjet dy komuniteteve kryesore në vend....

Aktualitet14:47 - 25 June, 2018

Mashtruan qytetarët për Tramin/ Dyshja Rama-Basha kapen duke gënjyer

Kreu i Qeverisë Edi Rama dhe kreu i PD –së Lulzim Basha, janë të lidhur ngushtë njëri me tjetrin. Nuk...

Aktualitet14:40 - 25 June, 2018

Analizë/ Maradona komplimenton Anglinë,por “Pancerat”…

 Diego Armando Maradona ka nisur karrierën e tij si analist për kanalet televizive dhe po jep opinionet e tij të...

Bota14:35 - 25 June, 2018

U kapën me drogë/ Shqiptarët dënohen me 18 muaj burg

Policia franceze ka vënë në pranga 2 shqiptarë për posedim të lëndëve narkotike. Atyre iu gjetën 300 gr heroinë, 90...

Kryesore14:30 - 25 June, 2018

Taulant Balla në panik/ Fshihet nga gazetarët?

Deputeti i PD, Edi Paloka ka reaguar në lidhje me sekuestrimin e 3.4 milion eurove në Portin e Durrësit. Në...

Aktualitet14:20 - 25 June, 2018

Reina flet si “djall” / Gati ta rikthejmë Milan-in sërish në majë!

 Pepe Reina nënshkroi disa ditë më parë me skuadrën e Milanit, pavarësisht se nuk i është premtuar një vend titullari....

Aktualitet14:17 - 25 June, 2018

Skandal- Biblioteka “noton” nën ujë/ Shpallet gjëndja e emergjencës

Shiu i 23 qershorit në Tiranë, ka prekur edhe Bibliotekën Kombëtare. Mësohet se është përmbytur kati i parë dhe katet...

Kronika14:11 - 25 June, 2018

Do të merrte “Toyotën” me miliona euro/ Në pranga biznesmeni

Katër persona kanë rënë në pranga lidhur me Toyotën me miliona euro që u kap dje në Durrës. Fax News...

Kronika13:59 - 25 June, 2018

Falsifikonte pasaporta/ Arrestohet 44 vjeçari

Policia e Matit ka vënë në pranga shtetasin Afrim Brahimi 44 vjeç. Brahimi ishe dënuar me 6 muaj burg nga...

Aktualitet13:57 - 25 June, 2018

Shkaktoi “tërmet” në Kuvend/ Ish-kreu i PD kujton kanunin, ironizon Ballën  

Ish-kreu i degës së PD në Kukës, Ibsen Elezi, i cili shkaktoi shumë reagime me deklaratën e tij të fortë...

Aktualitet13:52 - 25 June, 2018

“Babales” i rrezikohet jeta?/ Policia kërkon “kokën” e Albert Veliut

Skandali i publikuar nga selia e PD-ës, mbetet ende mister. Është i përfshirë apo jo në trafikun e drogës në...

Aktualitet13:35 - 25 June, 2018

Lehtësite fiskale për agroturizmin/ Peleshi jep lajmin e mirë

“Agroturizmi tani trajtohet si një hotel me 5 yje, në kuptimin e lehtësirave fiskale”. Kështu ka deklaruar, ministri i Bujqësisë...

Aktualitet13:30 - 25 June, 2018

Video-Policia e Korçës në aksion/ Pesë persona në pranga

Pesë persona kanë rënë në prangat e policisë rrugore të qarkut të Korçës, për drejtim të parregullt të automjetit. Policia...

Aktualitet13:22 - 25 June, 2018

Akuzat e Bashës/ Përgjigjet “dhëmb për dhëmb” Balla

Kreu i grupit parlamentar të PS, Taulant Balla ka reaguar pas akuzave të forta të kreut të PD, Lulzim Basha,...

Politikë13:17 - 25 June, 2018

Salianji “kërcënon” me dosje Spiropalin

Ish drejtoresha e doganave, Elisa Spiropali, ka debatuar me deputetin e opozitës Ervin Salianji. Ky i fundit ka devijuar punimet...

Aktualitet13:10 - 25 June, 2018

Skandali “Xhafaj”, dështon audio-përgjimi/ Arta Marku thërret urgjent grupin hetues

Skandali “Xhafaj”, ka   nxjerrë në udhëkryq Prokurorinë e Krimeve të Rënda. Audio-përgjimi, i cili ishte dërguar për ekspertim në Itali,...

Politikë13:05 - 25 June, 2018

Vlahutin: Asnjë kusht nga BE për negociatat

Ambasadorja e Bashkimit Europian në Shqipëri, Romana Vlahutin, ka dhënë një deklaratë për negociatat dhe refugjatët. Sipas saj, BE nuk...

Ekonomi12:50 - 25 June, 2018

Brookings Institute: Metropolet garantojnë rritje ekonomike

Zonat urbane kontribuojnë me gjysmën e prodhimit botëror Sot më tepër se gjysma e popullsisë në botë jetojnë në zona...

Kronika12:50 - 25 June, 2018

Shkelën rregullat e qarkullimit/ Policia “mbyt” në gjoba drejtuesit e mjeteve

Policia e Korçës ka vijuar aksionin për parandalimin e aksidenteve dhe rritjen e sigurisë në rrugë. Pas kontrolleve në të...

Kryesore12:46 - 25 June, 2018

Deklarata e fortë e Bashës/ Ja çfarë i lidh Xhafajn, Ballën dhe Veliajn?

Sekuestrimi i 3.4 milion eurove në portin e Durrësit ka sjellë reagime të forta në skenën politike. Në një prononcim...

Aktualitet12:28 - 25 June, 2018

Punëtorët e Veliajt si breshka/ Tre ditë për 50 m rrugë (Foto + video)

Bashkia e Tiranës po vijon punimet në një segment të shkurtër rrugor afro 50 m, pranë Gjykatës së Krimeve të...

Aktualitet12:26 - 25 June, 2018

“Gjyqtari i Krimeve të Rënda në krah të Tahirit”/ Zbulohet dhurata për Sokol Binaj

Ish-Ministri i Brendshëm  Saimir Tahiri, duket se i ka ndarë gjyqtarët dy kampe.  Të paktën ky është perceptimi i opinionit...

Kryesore12:10 - 25 June, 2018

Plas skandali/ Taulant Balla garant i 3.4 milion eurove?

Kryetari i opozitës, Lulzim Basha ka reaguar në lidhje me kapjen e 3.4 milion eurove në Portin e Durrësit, duke...

Politikë12:09 - 25 June, 2018

Kotzias mbledh ministrat e BE për Shqipërinë/ Notë pozitive për reformat

Ministri i Jashtëm i Shqipërisë, Ditmir Bushati, është  i pranishëm në takimin e Miqve të Shqipërisë në Këshillin e Ministrave...

Kryesore12:05 - 25 June, 2018

Skema kriminale/ Zbulohen zyrtarët e përfshirë

Kryetari i opozitës, Lulzim Basha, ka akuzuar drejtpërdrejt qeverinë për milionat e sekuestruara dje në portin e Durrësit.  Sipas Bashës,...

Trending

Read previous post:
Atletico Madrid “shëtit” në Moskë

Atletico Madrid e ka kthyer në një ndeshje stërvitore takimin e kthimit me Lokomotivën e Moskës pasi fituan me rezultatin...

Close