Connect with Us

Dëbimi i diplomatëve iranianë/ “Patate” e nxehtë për ministrin Bushati

Opinione

Dëbimi i diplomatëve iranianë/ “Patate” e nxehtë për ministrin Bushati

Publikuar

-

Një organizatë që lufton për rrëzimin e formës së tanishme të qeverisjes në Iran e quajtur (NCRI-Këshilli Kombëtar i Rezistëncës Iraniane) i ka bërë publikisht thirrje qeverisë shqiptare të dëbojë nga Shqipëria 2 diplomatë iranianë të akredituar në Tiranë. NCRI kërkon nga qeveria shqiptare të dëbojë sekretarin e parë të Ambasadës Iraniane në Tiranë Mostafa Roodaki dhe atasheun kulturor Seyed Ahmad Hossini Alast. Kjo kërkesë bëhet e mbështetur në Rezolutën e BE-së të prillit 1997 për dëbimin e spiunëve iranianë, të akredituar nën petkun e diplomatit.

Për NCRI dy diplomatët janë thjeshtë spiunë të shërbimit sekret iranian të quajtur VAJA. Pavarësisht se NCRI gabon në funksionet, që i atribuon njerit prej personave të lartpërmendur, kjo thirrje është tejet problematike për qeverinë shqiptare vecanërisht ministrant Bushati dhe Xhafa, i cili sipas ligjit shqiptar është autoriteti, që shpall persona non grata një diplomat të huaj të akredituar në Tiranë. Theksojmë se sipas Listës Diplomatike zyrtare të Minsitrisë për Europën dhe Punët e Jashtme sekretar i parë në Ambasadën Iraniane në Tiranë është z. Fereeydon Zandi.

Një thirrje e një organizate të arratisurish iranianë në pamje të parë mund të mos merret seriozisht nga autoritetet shqiptare, por kur kjo organizatë ka “tutorë” me peshë në arenën ndërkombëtare, një thirrje e tillë mund të rezultojë tepër problematike!

Naim Frashëri dhe prof. Rexhep Mejdani

Në datat 5-6 mars në Universitetin Modares u mbajt një simpozium shkencor për veprën e poetit tonë kombëtar Naim Frashëri. Në këtë simpozium krahas autoriteteve shkencore nga Republika e Kosovës, FYROM apo Bosnja mernin pjesë edhe personalitetet të shquara shqiptare si Dr. Prof. Rexhep Mejdani ish President i Republikës së Shqipërisë, Akademike Floresha Dado, Dr. Arian Leka pedagog në Akademinë e Arteve etj. NCRI pretendon se instrumenta të shërbimit seKret Iranian VAJA si Qendra Habilian apo Didenbah e përdorën këtë simpozium për t’u bërë propagandë VIP-ave shqiptarë kundra Muxhahedinëve të organizatës MEK, që janë strehuar në Kampin Ashraf 3 në Manzë afër Durrësit.

Në këtë kontekst mbetet për të parë sesi do reagojnë minsitrat Bushati dhe Xhafa pas kësaj kërkese për dëbim diplomatësh iranianë si edhe ndaj kërkesës së Shoqatës Nejat, që i apeloi autoriteteve shqiptare, që të pajisin me viza dhe t’u mundësojnë familjarëve të Muxhahedinëve MEK të Manzës, që të vinë nga Irani në Shqipëri dhe të takohen me të dashurit e tyre të strehuar në Manzë.

LEXO EDHE:  Kanabisi ose eurodeputetët hala te ura

Situata bëhet më problematike edhe për shkak të armiqësisë personale të kryeministrit Rama me ish presidentin Mejdani. Kujtojmë këtu talljen publike, që Rama i bëri Mejdanit, kur e vuri të bëhej “qatip”-skrib i programit te PS-së dhe më pas e hodhi në kosh këtë program bashkë me Mejdanin, apo kur ndër veprimet e para, që ndërmorri drejtoresha e doganave Spiropali, “protégé” e Ramës ishte pushimi nga puna I të birit të  ish presidentit Mejdani, apo edhe sulmet tejet të pamoralshme të ndërmarra nga shpura e Ramës kundra bashkëshortes së ish presidentit Mejdani. Mbetet për të parë,  sesi dy ministrat e Ramës do ta trajtojnë “pataten” e nxehtë iraniane.

Për të bërë pak humor në shkrimin tonë mund të konfirmojmë pa frikë se ish kryeministri Pandeli Majko do të hajë akullore në Pasticerinë “Gelato Lab” në Qendrën Tregtare “Golestan” në Teheran, pasi muxhahedinët e MEk-ut të clirojnë Iranin dhe të vinë në pushtet, ndërsa ish presidenti Rexhep Mejdani do pijë kafe në  Kafenenë “Lamiz” në Sheshin “Tajrish” të Teheranit, pasi qeveria aktuale e Iranit t’i shpartallojë në fushën e mejdanit muxhahedinët e Manzës. Mburren anglezët me humorin e tyre, por gjithsesi humori anglez është tejet inferior krahasuar me humorin e politikanëve të së majtës shqiptare!!!!! /GJERGJ THANASI /CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Mitro Çela/ Në libër për gjyshin

Publikuar

-

Nga

Nga Mitro Çela/ Në libër për gjyshin

-Kujtim për vëllain: Doktor Polikronin.-

Nëntor 2017. Polikroni, unë dhe Ezmerka, u ulëm tek “Strofka e ariut”. Më thotë Polikroni:

-Më ka lindur ideja të bëj një libër “Gjyshi dhe fëmija”…Personazh do të të kam ty,-qeshi Polikroni-Ti  e thua vetë: Jam gjyshi më i mirë në Tiranë.

-Ide e bukur,-tha Ezmerka.-Mitroja më shumë ngatërron se sa edukon?!

-Dje një gjysh më solli nipin në klinikë. Me kollë. Fëmija “avullonte”. E vizitova. I bllokuar. Nisa të shkruaj recetën. Më thotë gjyshi:

-Ne jetojmë në Milano. Në Itali, doktorët kurrë nuk japin antibiotikë. Po shkrove antibiotikë, unë do e gris recetën?!

-Kam qënë një vit për specializim në Itali. Në e do djalin të shërohet: Shko në farmaci…U largua i thartuar…

Një ditë më vonë u rikthye me lot në sy: -Djalin e shtruam me urgjencë në spitalë.

Doktor Polikroni më 11 mars 2018 u nda nga jeta. Po libri? Fola me Mirelën, vajzën e Doktorit:

-Them që e ka nisur librin,- tha Mirela. -Të rrëmojmë. Unë mes shënimeve. Ti në internet.

Nuk jam shumë i dashuruar pas email. Kisha javë pa “kullotor”. Shkrova adresën. U befasova?!Gjeta një mesazh. Ma kishte dërguar në fillim të shkurtit Polikroni:

I dashuri Mitro! Më kërkove librin: “Gjyshi dhe fëmija”. Kam nisur nga puna. Ja disa teza.

1.Gjyshi për një përqafim, nuk ja kursen nipit “Coca-Cola” dhe patatinat. Fëmijve u “pëlcasin” faqet. Obeziteti është sëmundje e shekullit.

2.Në klinikë. Erdhën. Nënë e bijë.

-Natën temperatura kaloi 39 gradë. -,tha nëna.-Na lujti tepeleku i kokës. Shyqyr Zotit. Jetoj me mamanë. E leu me uthull. Pastaj kompresa me ujë me kripë?

-I ra temperatura?-Pyeta.-

-Jo.

-Pse nuk e fute në shëllirë?-Shtova me ironi.-

LEXO EDHE:  Familja azilkërkuese Sazexhiu paguan “faturën” e ujdisë Bushati-Collomb

LEXO EDHE:  Kanabisi ose eurodeputetët hala te ura

Zonja mbështolli fëmijën duke thënë:

-Nuk vlejnë këshillat tuaja, përpara përvojës së mamasë sime.Ka rritur 6 fëmijë…

Dy ditë më von. Fëmija rrezikojë jetën… U shtrua në spitalë…

Morali: Në shumë raste pediatri ka pacient edhe prindërit?! Bile jo rrallë gjyshi është më i sëmurë.

3.Fëmija kockë e lëkurë. Pashë kartelën. Kishte lindur katër kile. Tani peshonte tre kilogram.

Fëmija kishte “ngrënë” vetveten.

-Me se ushqeni fëmijën?

-Me gjithë të mirat. Menunë ja përgatit mamaja: mualebi. Trahana. Përshesh. Qull…Por çudi: Djali nuk ka oreks?…Më jep antibiotikë?!

-Kini vezë?!…

-Me bollëk…

-Po qumesht?

-Sigurisht…-

-Djalit jepini vetëm vezë dhe qumësht. Kjo është receta për ju. Pas dy javëve ra telefoni:

-Doktor! Djalin e kam si koqe mollë…

4.Viti 1986. Në Dibër ishte rritur vdekshmëri në fëmijë. Alarm! U nis një ekip nga Tirana. Isha edhe unë. Fshat më fshat.

Skandal! Kudo fëmijë rakitikë. Nënat nuk kishin me se ti ushqenin.

U organizua një seminar. Shefat me “nishane” vunë në grykë të topit mjekët: Të pa aftë. Dembelë. E kanë mëndjen të kthehen në Tiranë?!

Ngrihet një grua nga salla. Zbërtheu bluzën. Nxorri gjoksin:

-Shikoni! Zhapë! Që të kem qumësht për djalin, duhet të ha!…

…Heshtje varri. Për pak çaste…Pastaj sulm për gruan me gjoksin drasë…

-Në darkë, -shkruan Polikroni,- më ftojë në shtëpi Xhelil Gjoni, sekretari i parë i Partisë.

-Doktor: pse vdesin fëmijët?

-Për një kokërr vezë dhe një gotë qumësht?!…Mos u bini në qafë mjekëve?!

Mbylla kompjutërin…Mu duk sikur libri “Gjyshi dhe fëmija” po “gatuhej” në parajsë nga Polikroni…/CNA.al

LEXO TE PLOTE

Opinione

Mos ja vini re Ilir Metës, Shehrazadja i ka hyrë nën lëkurë!

Publikuar

-

Nga

Mos ja vini re Ilir Metës, Shehrazadja i ka hyrë nën lëkurë!

Nga Ilirian Blloshmi

Ka 30 vite që bën korrupsion, plaçkitje, zhdukje dëshmitarësh, shantazh, intriga, plane destabilizuese, pastrim parash, fshehje pasurie, mashtrim me pasurinë, falsifikime, krime zgjedhore, ndërhyrje të paligjshme, shpërdorim detyre çdo javë, trafikim pasaportash, pazare me dekoratat, afera ndërkombëtare, trafiqe, cënim të sigurisë kombëtare, përdhosje të Kushtetutës etj etj.

Pasi ka bërë çdo gjë të mundëshme dhe të pamundëshme, në këtë vënd. Tani na është shfaqur si Shehrazadja e përrallës. Historia e Shehrazades është pak a shumë kështu. “Një herë mbreti persian Shahriar, kapi gruan me dashnorin. E vrau. Nga ky moment ai martohej, flinte një natë dhe të nesërmen e vriste gruan e re. Shehrazadja, ishte e vetmja që arriti t’i shpëtonte këtij rregulli dhe të qëndronte mbretëreshë. Ajo, çdo natë i tregonte mbretit histori e përralla duke i zgjatur e tjerrur ato pa i mbaruar asnjëherë, deri sa mbretin e zinte gjumi. Kurioziteti që mbërthente mbretin për fundin e tyre, sepse e zinte gjumi gjithnjë, e mbajti Shehrazaden gjallë për 1001 net”

Një nga gjenitë e fushatave elektorale në USA Karl Rove, u sugjeronte shpesh politikanëve të përdornin strategjinë e Shehrazades si strategji të tyren. Ai u thoshte se kur politika juaj dështon, ju (Shehrazadja)duhet të filloni të shpikni dhe tregoni histori e justifikime sa më të bukura që të mbajnë mbërthyer, në mënyrë që votuesit (mbreti)mos ta kenë më mendjen tek dështimi juaj, derisa kjo gjë të harrohet.

Si duket Ilir Meta ka dëgjuar për herë të parë një Amerikan. Çdo intervistë, cdo reagim që bën Ilir Meta është e tëra stil Shehrazade. Çdo ditë Ilir Meta na flet për sigurinë e votës, madje ka marrë dhe një “hanxhar “ në dorë për të ndëshkuar ata që prekin votën. Por kur i dalin ata të LSI-së duke blerë votën. Ilir Meta hesht. E këtu duket njësoj si përrallat Shehrazades që janë të papërfunduara. Ai këmbëngul që do i mbarojë së treguari ato, por që të dëgjoni fundin, Shqiptarët duhet të vazhdojnë e të durojnë “çmëndurinë e tij”.

LEXO EDHE:  Karabinierët hapin zjarr për të kapur 3 keqbërës shqiptarë

LEXO EDHE:  Jani nga Athina dhe “kompetenti” i bananeve dhe kokainës

Unifikimi dhe propaganda e “luftës imagjinare” që Ilir Meta ka në kokë, thuhet se është e lejueshëm vetëm në kohë lufte. Për interesa kombëtare. Po kundër kujt është Meta në luftë? Kundër shqiptarëve? Kundër atyre që e kanë kuptuar se kanë një president të sëmurë? Ka luftë me Lulzim Bashën? Apo me Edi Ramën? Me kë e ka? Është shumë e vështirë ta kuptosh sot Ilir Metën. Pasi në lëkurën e tij ka hyrë Shehrazadja. E cila(dmth Ilir Meta) vazhdon të tregojë përrallën e tij të pafundëme. Që përrallat e tij të jenë të besueshme, ai ka injektuar atyre mbidozë të dramës morale, të luftës së të mirës me të keqen.

Gjëndjen psikologjike të Ilir Metës e ka përshkruar dikur në zagori K.Th. Spiri i cili shkruante:

“U trete, Kico, u trete,

Rrugës shkon e flet me vete,

Ke ca brenga, ke ca derte,

Nuk tregon dhe heq me vete…

Por një hall i madh më gris:

Komiteti i Partisë,

Bilbilin e Zagorisë

Nuk e lë të pijë sisë.”

Prandaj le ta lëmë të qetë presidentin në “cmendinën” e tij. Mos u merrni më me Shehrazaden upsss më flani doja të thoja Ilir Metën.

LEXO TE PLOTE

Opinione

Replikë (2) me ata që thonë “po ndihmon Edi Ramën e pengon Lul Bashën”

Publikuar

-

Nga

Replikë (2) me ata që thonë “po ndihmon Edi Ramën e pengon Lul Bashën”

Nga Tonin Uldedaj 

Para pak ditësh trajtova për ndjekësit, dhe nëpërmjet dashamirësisë së disa mediave edhe ma gjanë, çështjen që e dëgjoj të ngrihet në fushatë herë pas here se, unë apo të tjerë, i marrim vota të djathtës. Ju që nuk keni patur mundësi ta lexoni e gjeni këtu.

Sot dua të flas për një ‘gardh’ të dytë, që kandidatë si unë dhe parti si Bindja çojnë, duke penguar ‘funksionimin’ normal të gjanave në politikën shqiptare dhe procesin elektoral të radhës: ndihmojmë Edi Ramën.

Së pari du me thanë se nuk marr përsipër me folë për të tjerët. Unë përfaqësoj veten dhe Bindjen Demokratike, dhe jam duke u përpjekë me u ba edhe përfaqësues i Malsisë dhe Shkodrës. Pra, mos ma merrni këtë shënim ‘si të Papës’ që i drejtohet ‘botës dhe qytetit’. Unë e kam vetëm me ‘qytetin dhe qarkun’ sepse të tilla i kam mundësitë dhe dëshirat.

Pasë thanë kët’ du me shtu se asht kret e kollajtë me na hedhë në krahët e ‘botës’, në këtë rast të Edi Ramës, sipas zakonit të keq të gojështhurunave të mahallës ‘ma mbaj këtë kopil sa t’i them q’asaj rospije’.

Edi Rama asht politikani i fundit të cilit ia kam besën. Një burrë të cilit i za besë asht tashma i tërhequn prej politikës aktive, edhe pse figuron në listat e kandidatëve për deputetë dhe mund ta kem ‘koleg’ në Kuvendin e ardhshëm. Mos me ju rrejtë, unë nuk e konsideroj koleg si zonja Grida, por shumë ma shumë, prandaj e kam futë në thonjëza fjalën.

Unë nuk e kam marrë vendimin me i hy kësaj gare as me ba lekë, as me komandu njerëz, sepse i kam këto mundësi aktualisht dhe realisht, falë bizneseve të mia dhe të familjes Uldedaj. As me ba apo me nda pazare. As me u krekosë nëpër Shkodër a Tiranë.

(Krekosjen ma ka ba të mundun im bir Jurgen Uldedaj, kampion bote në boks, i cili më ban krenar si babë dhe si shqiptar).

LEXO EDHE:  Bebja shkodrane humb jetën në Itali

LEXO EDHE:  Polici grek plagos në prapanicë trafikantin shqiptar

Unë kam hy në garë se du me me kenë përfaqësues dhe me u përfaqësu. Pra, për vete dhe për të tjerë. Me ngritë zanin tem dhe me kenë zani i të tjerëve. Vjen një moment në jetën e një burri kur ndien nevojën dhe shtysat me kenë më shumë se puna, fitimet dhe jeta e tij e përditshme. Vjen një ditë kur pasi ka punu për veten, vllazninë e të afërmit, sheh se don me hedhë një gur themelit edhe për komunitetin. Duke e ditë se asnjë pasuni e bereqet nuk hidhet pa qindra duar që edhe ndihmojnë në punë, por edhe luten që puna të shkojnë përmbarë.

Kjo ash filozofia e vendimit të Uldedajve që iu futën kësaj gare: jo me ndihmu Edi Ramën apo me pengu Lul Bashën.

Asht pra fyerje dhe paburrni me e konsideru tjetrin në punë të vet si shërbëtor të dikujt, qoftë ky person apo kauzë. Nuk asht e drejtë që nji prej levave të demokracisë, vendimi për pjesëmarrje në proces me e quajtë shërbestari.

Në vitin 1990 e patëm vendosë njëherë, Shkodra edhe me gjakun e katër dëshmorëve të 2 prillit, se politika nuk mundet me i përkitë dy apo tre njerëzve dhe qehajajve të tyne. Unë e di se prej shërbtorëve ma të zellshëm vjen ky etiketim, por jo çdo pamje e vetes në pasqyrë asht reflektim edhe i të tjerëve.

 

LEXO TE PLOTE