LEXO PA REKLAMA!

SHKARKO APP

Portreti/ Kush është Majk Pompeo, sekretari i ri i Shtetit amerikan

13 Mars 2018, 18:46, Aktualitet CNA
Portreti/ Kush është Majk Pompeo, sekretari i ri i Shtetit amerikan

Presidenti amerikan Donald Trump zyrtarizoi zëvendësimin e Rex Tillerson në postin e sekretarit të shtetit, me drejtorin e CIA-s, Majk Pompeo. Vendimi përbën një ndryshim shumë të rendësishëm për sigurinë kombëtare amerikane në kuadër të negociatave me Korenë e Veriut, sipas asaj që deklarojnë zyrtarë të Shtëpisë së Bardhë.

Me anë të një mesazhi në profilin e tij Twitter, kreu i shtëpisë së bardhë konfirmoi Pompeon si sekretarin e ri të shtetit duke theksuar se e kishte marrë personalisht këtë vendim i bindur se drejtori i CIA do të kryente një punë fantastike në detyrën e tij të re.

Në fakt emërimi i Majk Pompeo, si sekretari i ri amerikan i shtetit përflitej prej kohësh, pasi drejtori i CIA-s është konsideruar gjithnjë, si një nga njerëzit më besnikë të presidentit amerikan Trump. Mirëpo cili është Majk Pompeo?

U diplomua  në Uest Point, ka kryer shërbimin ushtarak, ndërsa më pas u diplomua me notat maksimale në Harvard për drejtësi.
Reagimi i tij i parë pas emërimit s?ishte një falenderim për Trump duke theksuar se pas marrjes në dorë të vendit Presidenti e kishte bërë Amerikën më të sigurt.

Mike Pompeo ka qenë anëtar i kongresit në radhët e republikanëve duke qenë pjesë e radhëve më të ashpra para se presidenti Donald Trump ta emëronte drejtor të CIA-s dhe më pas Sekretar amerikan të Shtetit.

Ish-përfaqësuesi i “Tea Party” në Kansas tashmë mban postin më të lartë diplomatik të Shteteve të Bashkuara të Amerikës.

Prej kohësh Pompeo konsiderohej si një nga njerëzit më besnikë të Tramp, dhe atij i janë dhënë meritat për gjetjen e një ekuilibri të ri në CIA në menaxhimin e marrëdhënieve mes agjencisë së spiunazhit dhe presidentit amerikan i cili krahasonte shërbimet amerikane të inteligjencës me nazistët.

Pompeo konsiderohet më agresiv ndaj Kremlinit në krahasim me kreun e shtëpisë së bardhë, dhe në të kaluarën e ka cilësuar presidentin Putin si një lider të rrezikshëm.
Gjatë qëndrimit të tij në kongres, 53 vjeçari republikan ka qenë një kritik i ashpër në çështjen e marrëveshjes për programin bërthamor me Iranin të arritur nga administrate Obama.

Në të kaluarën ka mbrojtur programin e mbledhjes së të dhënave të popullsisë nga Agjencia për sigurinë kombëtare, si dhe është kundër mbylljes së burgut të Guantanamos.

Lajmet e fundit nga