Nga Artan FUGA/ Bravo Zotit! – CNA
Connect with us

Opinione

Nga Artan FUGA/ Bravo Zotit!

Publikuar

-

Sa herë shoh ndonjë lypës të shtrirë në rrugë, pa shtëpi e çati mbi kokë, mbuluar me jorgan, apo ndonjë që lyp i përvuajtur, apo ndokënd të lënë në mëshirë të fatit, ashtu ndofta i përbuzur nga gratë me çanta Luis Vuiton, apo me rroba Givenchy, ose burra me ora swarovski, apo veshje Armani, them me vete : Bravo o Zot!

Ja ke luajtur fenë që gjithë qeniet njerëzore i ke bërë në thelb të barabarta!

Mblidh parà, bëj korrupsion, mashtro, ble vetura të shtrenjta, merr nga pesë a gjashtë apartamente, mbaj pushtete, bëj çfarë të duash!

Je si ai i shtriri në rrugë!

Poaq i hapur ndaj sëmundjeve që nuk i ke në dorë, në fund jeta ka një fund, do të tradhëtojnë një ditë për lekë a pasuri, kurrë nuk gjen rehat, si ai, si ai…Një ditë menopauzat do të vijnë, impotenca do të fitojë mbi ty.

Të gjitha sa ke fituar do t’i humbasësh!

Hahahaha perlë, perlë. Do t’u dhëmbë në palcë!

Bravo Zot, që ua thyen turinjtë kur nuk kanë tru?

Kur do ta kuptojnë një ditë, kur? Të bëhen njerëz! Të mos e harxhojnë jetën e tyre kot, të mos dëmtojnë të tjerët, por as veten!

Psikopatë!

Aktualitet

Nga Aurel Plasari/ NDËRTESA “FASHISTE”? PO SKËNDERBEU I ROMËS? 

Publikuar

-

By

Nga cikli “Me historinë poshtë nënkresës”

Duke numëruar një më një hilet që është shtrënguar të përdorë pushteti për të kryer aktin vandal të rrënimit të kompleksit kulturor-historik të ndërtesave të ish-fondacionit “SKANDERBEG” (ku sot funksionojnë dy teatrot kombëtarë), hilja e radhës rezulton etiketimi i tyre si ndërtesa “fashiste”. Shpresojnë fort që me këto truke hileqare epitetesh të mund ta përligjin krimin që kanë gatitur.

Prandaj më duhet të vazhdoj ta rrjep skilen, simbas mësimit popullor “Kush bân me hile, rripet si skile”. Afërmendsh që populli e ka fjalën për rrjepje figurative, përndryshe lëkura e skileve me të cilët të duhet të merresh në këtë debat për kujtesën historike nuk vlen as dhe 1 lek.

Monumentin në fjalë, për kohën kur u konceptua, u projektua dhe u realizua si një kompleks, nuk kam ngurruar ta përshkruaj edhe vetë të përfunduar së ndërtuari më 1940 “në Shqipërinë e aneksuar në të njëjtën “perandori” me Italinë fashiste”. Sepse ky është fakt historik dhe në atë kontekst politik nuk ndërtoheshin monumente “komuniste”. Të konceptuara, të projektuara e të realizuara në të njëjtin kontekst Tirana nuk ka pak vepra, siç ka edhe Shqipëria aty-këtu, disa syresh me vlera unikale, ndërsa Italia ka me shumicë. Të aktualizosh për to apelativin “fashiste”, si përligjje për rrënimin e tyre, vetëm skileve ordinere mund t’u vejë nëpër mend. Të qe argument ai kontekst historik, le të provojnë ta zbatojnë fjala vjen për monumentin e Gjergj Kastriotit, Skënderbeut, ngritur në Romë pikërisht gjatë Njëzetvjetshit “fashist”, siç emërtohet ajo ndërkohë në histori.

Për regjimin “fashist” rezulton historikisht një ndërkohë e praktikave për të emërtuar edhe në Itali rrugë me emra shqiptarë, sidomos lokalitetesh shqiptare. Ndër ato praktika bëri pjesë edhe nisma për një monument në kryeqytetin e Italisë “fashiste” kushtuar Skënderbeut tonë dhe të Europës. Në atë që quhet sot në Romë “Archivio del Comune Postunitario”, ku ruhen akte dokumentare të komunës së Romës, gjendet edhe vendimi nr. 2452 i guvernatorit të Romës, i datës 7 korrik 1940: me anë të atij vendimi sheshit “Raudusculana” në Romë i ndërrohej emri në “Piazza Albania”. Ashtu vijon të quhet ende sot. Në atë shesh më 1941 u vendos monumenti ekuestër (kaluar në kalë) kushtuar Gjergj Kastriotit, Skënderbeut. Monumenti u realizua si vepër në bronz nga skulptori Romano Romanelli. Po në Arkivin e përmendur, në fondin “Antichità e belle arti”, tok me shumë ilustrime veprash “fashiste”, si qytete universitare, spitale, kisha, ministri, site arkeologjike etj., ruhen edhe skicat dhe fotografitë e monumentit në fjalë (1941, zarfi 186, fashikulli 14).

Nuk mund t’i ikë syrit fakti që ky vendim i prillit 1940 vjen fill mbas dekretligjit të 8 prillit 1940, nr. 114, për krijimin në Shqipëri të Fondacionit “SKANDERBEG”, si ent kombëtar i organizuar në dy seksione autonome: Rrethi italo-shqiptar “SKANDERBEG” dhe “Instituti i Studimeve Shqiptare”.

Monumenti i Skënderbeut në Romë u përurua më 28 tetor 1940. Pavarësisht “shiut të rrëmbyer”, të cilin kanë pasur kujdes ta përshkruajnë pa përjashtim kronikat e kohës, në përurimin e monumentit mori pjesë vetë Benito Mussolini i shoqëruar nga hierarkia “fashiste”.

Romano Romanelli (1882-1968 ose 1969) nuk qe një autor sidokudo. Ishte në atë kohë njëri ndër skulptorët më në zë të Njëzetvjetshit “fashist”: ishte bir dhe nip skulptorësh, kishte studiuar në Paris me emërmadhin Rodin, ishte anëtar i Akademisë Mbretërore të Italisë (1930). Ishte edhe autor shumë i shumë veprave monumentale, ndër to edhe i monumentit në altoreliev të Mussolini-t ekuestër te “Kulla e Revolucionit” në Breshia. Marrja përsipër nga ana e tij e monumentit kushtuar Skënderbeut nuk ngjan të ketë qenë rastësi. Si protagonist i epokës së vet, skulptori ishte edhe ushtarak i dalluar, luftëtar në Luftën e Parë Botërore, i dekoruar për “trimëri ushtarake”. Romanelli jetoi për të marrë pjesë edhe më 1968, në ceremonitë përkujtimore të organizuara nga komuna e Romës te momenti vepër e tij, me rastin e 500-vjetorit të vdekjes së Gjergj Kastriotit, Skënderbeut.

Romanelli ishte i njohur për miqësinë e ngushtë me të madhin personalitet ekscentrik të kulturës italiane, njëherësh edhe ushtarak e politikan, Gabriele d’Annunzio (1863-1938), i interesuar posaçërisht ky për kulturën dhe historinë shqiptare. Në pronën e D’Annunzio-s “Il Vittoriale” vizitohet edhe sot studioja e tij, tryeza e punës etj., siç i ka lënë. Dhe mund të vihet re që mes librave mbi tryezën e punës ndodhet edhe një “Fjaluer i Rii i Shcypes”, ai i shoqërisë “Bashkimi” i vitit 1908. Mban kushtimin e Hasan Prishtinës për D’Annunzio-n. Ka qenë vetë D’Annunzio i interesuar për shqipen apo thjesht dhuratë simbolike nga Hasan Prishtina? Por përse e mbante pikërisht mbi tryezën e punës? Edhe ekzemplari i vetëm i tragjedisë “Francesca da Rimini” të arbëreshit Gavril Dara (të Riut) është ruajtur në fondin “D’Annunzio” të bibliotekës në “Il Vittoriale”. Koliqi ka përmendur edhe një foto të formatit të madh, që D’Annunzio ia ka pas dhuruar Fishtës me këtë kushtim: “Al gran poeta della gloriosa gente d’Albania Pater Fishta fratermanente. Gabriele d’Annunzio”. Etj. Është lidhje që mbetet për t’u hulumtuar mes Shqipërisë, Romanelli-t dhe D’Annunzio-s, por jo në këtë shënim.

Me këtë shënim desha vetëm të çmontoj hilen e radhës: aktualizimin e etiketës “fashiste” të ndërtesës shumëfish historike si truk i mbrapshtë epitetesh për të përligjur krimin që kanë gatitur. Me po atë arrogancë me të cilën kanë kryer edhe të tjera akte, mund ta kryejnë edhe ndaj saj aktin vandal të ngritjes së kazmës, por e vërteta e hileve të skileve duhet të mbetet e shkruar, e regjistruar dhe e lexuar. Sepse janë po këto skile pushteti që te monumenti i Skënderbeut në Romë, të përuruar më 1940 nga vetë Benito Benito Mussolini, venë e kryejnë “homazhe”, vënë kurora, mbajnë edhe llogje. Më sak: shtiren, bëjnë sikur, duke pandehur se ne që nuk qeverisim qenkëshim budallenj. Le të guxojnë skilet neofashiste “antifashiste” të ndërmarrin detraktimin e Skënderbeut të Romës, duke përdorur për argument epitetin e monumentit “fashist”, apo nuk ua mban pjesa e prapme e trupit në fund të kurrizit?

LEXO TE PLOTE

Aktualitet

Revansh i ri Ballkanik i Rusisë nga Bosnja

Publikuar

-

Nga Shaban Murati

Një arsye shumë e fortë duhet ta ketë shtyrë ministrin e jashtëm rus, Sergej Lavrov, të ndërmarrë në 21 shtator vizitën në Sarajevë dhe në Banja-Luka të Bosnjë-Hercegovinës, duke bërë një  devijim të zhurmshëm nga norma diplomatike, sipas së cilës diplomacia nuk zhvillon vizita të nivelit të lartë në një shtet, që ndodhet në fushatë elektorale. Dy javë para zgjedhjeve parlamentare dhe presidenciale të 7 tetorit në Bosnjë-Hercegovinë shefi i diplomacisë ruse shkon atje në kulmin e fushatës elektorale në një akt ndërhyrje të hapur në procesin elektoral të Bosnjë-Hercegovinës, sepse është e njohur ndërkombëtarisht që Moska është palë me entitetin dhe udhëheqësin separatist të “Serpska republikës”. Moska po manifeston një padurim të madh për ambicjen e beniaminit të saj Milorad Dodik që të fitojë postin e përfaqësuesit presidencial serb në presidencën trepalëshe, që drejton shtetin e Bosnjë Hercegovinës. Nëse Dodik do të bëhet anëtar i presidencës së Bosnjë-Hercegovinës, kjo do të përbënte një fitore të diplomacisë dhe të influencës ruse në shkallë shteti,  sepse bllokimi i funksionimit të shtetit unik do të arrinte shkallën më të lartë, gjë që është objektiv i Rusisë.

Institucionet dhe shërbimet ruse po punojnë me kapacitet të plotë për ta kryer fitoren e Dodikut në postin e anëtarit të presidencës së shtetit. Në funksion të kësaj ministri i jashtëm rus bëri vizitë të posaçme pompoze në Banja-Luka, kryeqendra e “serpska republikës”. Si në një miting elektoral Lavrovi i thuri elozhe publike udhëheqjes së Dodikut dhe kontributit të tij të posaçëm në marrëdhëniet e posaçme midis Rusisë dhe “srpska republikës”, madje formatoi fjalimin sikur ishte në shtetin e pavarur të “serpska republikës”. Në fjalën e mbajtur në konferencën shtypit në Banja-Luka bashkë me Dodikun, Lavrov evokoi “nyjet e miqësisë dhe rrënjët historike e shpirtërore që lidhin dy popujt tanë”, duke sanksionuar statusin e një marrëdhënie midis dy shteteve të pavarura. Në funksion elektoral e filorus ishte lënë qëllimisht që Lavrovi të vendoste gurin e themelit të ndërtimit në qendër të Banja-Lukës të katedrales së madhe ortodokse ruse, e cila do të drejtohet nga priftërij rusë dhe do të jetë  boshti i Qendrës së re të kulturës ruse në Banja-Luka. Në funksion elektoral Moska dërgoi para Lavrovit në Banja-Luka për të mbështetur udhëheqësin separatist serb Dodik presidenten e Këshillit të Federatës Ruse, Valentina Matvijenko, dhe governatorin e Shën Petërsburgut dhe një nga njerzit më të afërt të presidentit rus, Georgij Polltavçenko. Dhe si për për t’i venë kapakun mbështetjes ruse, pas vizitës së Lavrovit Banja-Luka njoftoi se vetë presidenti Vladimir Putin do të presë Dodikun në Soçi pak ditë para zgjedhjeve.

Kjo mbështetje kaq e hapur diplomatike, politike, financiare dhe e shërbimeve sekrete, që Moska po i jep udhëheqësit radikal nacionalist të serbëve të Bosnjës është mbështetje për kursin separatist të tij dhe lidhet me rolin destabilizues, që rusët i kanë caktuar atij për të luajtur kartën destruktive brenda shtetit të Bosnjë-Hercegovinës, por edhe më gjërë në rajonin e Ballkanit. Kjo shpjegon paradoksin diplomatik që presidenti rus Vladimir Putin e ka takuar tetë herë udhëheqësin e serbëve të Bosnjës, Dodik, që në fund të fundit është drejtues i një entiteti lokal në një shtet të vogël ballkanik, që është shumë larg kufijve rusë. Moska ka interes strategjik që “serpska republika” të shkëputet nga Bosnjë-Hercegovina. Milorad Dodik i ka ofruar zyrtarisht Moskës që të vendosë një bazë ushtarake ruse në territorin  e “serpska republikës”. Jo rastësisht në konferencën e përbashkët me Lavrovin, Dodik u ankua që në Ballkan ka ushtarë perëndimorë, por nuk ka ushtarë rusë. Burime diplomatike bëjnë të ditur se aktualisht po zhvillohen bisedime të fshehta midis Moskës dhe Banja-Lukës për të ndërtuar në “serpska republika” një të ashtuquajtur bazë humanitare ruse si ajo e Nishit në Serbi.

Rëndësinë e veçantë, që Moska po i jep presidentit të “serpska republikës”, e shpjegon qartë gazeta e mirënjohur ruse “Komersant”, e cila në artikullin e saj të datës 22 shtator, kushtuar vizitës së Lavrovit në Banja-Luka, shkruan: “Hyrja e M.Dodikut në presidencën e Bosnjë-Hercegovinës i vjen për shtat Moskës. Zgjedhja e tij faktikisht e bllokon procesin e mëtejshëm të bashkimit të Bosnjë-Hercegovinës me BE dhe me NATO-n”. Gazeta ruse shpjegon pra thelbin e ofensivës dipomatike të Moskës në Banja-Luka. Moska po kalon në një fazë të re të revanshit të saj diplomatik dhe politik në Ballkan për të aktivizuar më fort ushtarët e saj në fushën e shahut gjeopolitik ballkanik dhe ku aktualisht ka mbetur vetëm me dy ushtarë: Banja-Luka dhe Beogradi.

Kaq i dobët është pozicioni diplomatik i Moskës në Ballkan, sa që ministri i jashtëm rus nuk po ruan as etiketat formale të marrëdhënieve ndërshtetërore, por thirri për bisedime në Banja-Luka në 21 shtator edhe zëvëndëskryeministrin dhe ministër i jashtëm i Serbisë, Ivica.

LEXO TE PLOTE

Aktualitet

Nga Mero Baze/ Domethënia pozitive e kompanive të pasura të kunatit të Lulzim Bashës

Publikuar

-

By

Bilancet e tri kompanive të marketingut të kunatit të Lulzim Bashës, i cili në fakt është menaxheri real i Partisë Demokratike, janë bërë publike në shtypin afër Partisë Demokratike, në përpjekje për t’i konsideruar ato si pjesë e kompromiseve të Bashës me pushtetin.

Në fakt, nuk është ashtu. Fakti që kunati i Lulzim Bashës bën rreth 2 miliardë lekë në vit xhiro në kompanitë e tij të marketingut, është lajm pozitiv për lirinë ekonomike në vend, dhe mbi të gjitha, për faktin që qeveria e Edi Ramës nuk është një qeveri klasore.

Nëse do të kthejmë kokën mbrapa, jo shumë larg, por në vitin 2009, dhe të shleftojmë gazetat e kohës, do të shikojmë se si fokusin kryesor të luftës politike, Sali Berisha e kishte tek një grup biznesmenësh që shkonin gjithësej deri në dhjetë, të cilët ai dyshonte se ishin mbështetës financiarë të Edi Ramës, dhe i masakroi. I masakroi verbalisht, me lloj- lloj nofkash, që nga Artan Dondollaku (për Artan Dulakun), e deri tek konotacione seksuale, kur përmendte Koço Kokëdhimën.

Por i masakroi edhe shtetërisht. Njërit i çoi gjobën 11 milionë euro, pastaj i çoi sekser dhe ja bëri 2 milionë euro, Dulakëve ua çoi gjobën 6 milionë euro, pastja u çoi fjalë se ku ishte problemi, një tjetri gjobën 7 milionë euro, dhe natyrisht sekserin se çfarë duhet të bënte, e kështu me radhë.

Qëndrimi tejet agresiv ndaj tyre, vetëm pse i konsideronte si të dyshuar që ishin të afërt me liderin e opozitës, ishte mekanizimi i vetëm që ai kishte në mendje për të gjunjëzuar kundërshtarin.

Me strategjinë që çdo biznesmen duhej shantazhuar që t’i rrinte larg liderit të opozitës dhe çdo media duhej goditur, që të mos e mbështeste opozitën, Sali Berisha ndërtoi praktikisht një shtet klasor të neveritshëm, që jo vetëm i dështoi dhe e zuri brenda, por produktet e tij, u kthyen në shërbëtorë të pushtetit të radhës.

Për fat të mire, Edi Rama nuk e ka këtë strategji. Ai ka lënë të lirë dhe i ka bërë pjesë të tepsisë së tij, fillimisht ata që ishin pjesë e pushtetit të Berishës.

E shikoni si tallet në Kuvend me Lulin, kur i thotë më thuaj kush janë oligarkët e mij, dhe Luli që bën grimasa aktori, se s’ka asnjë emër për të përmendur, pasi janë ata që ai ka pasur dhe ka në borderot e kunatit.

E keni parë se sa pushtet ka Frangaj në qeverinë “Rama”, i njëjti që ishte strateg i pushtetit klasor të Berishës, ku çdo biznesmen afër Ramës duhej gjobitur, dhe çdo media që nuk ishte me të, duhej shkatërruar.

Por mbi të gjitha, e shikoni inatin e Lulzim Bashës që bën 2 milardë lekë xhiro nga 300 kompanitë kryesore në vend, të cilat paguajnë tek ai “haraçin” e opozitës.

Deri këtu ky është një zhvillim pozitiv për qeverinë.

Ajo ka vendosur të mos bëjë shtet klasor. Por ky nuk është një zhvillim pozitiv për PD-në, dhe sidomos për PD-në e mësuar me strategjinë e Berishës.

PD e Berishës nuk ka pasur ndonjë arkë private për gjoba, as kur ishte në opozitë, as kur ishte në pushtet. Ajo kishte një mijë e një marrëzi, por i bënte për të grumbulluar pushtet për Berishën.

PD e Bashës, ndryshe nga e Berishës, nuk është shumë e interesuar për pushtetin politik, por për atë financiar. Dhe atë e ka zgjidhur duke prerë gjoba që arkëtohen në kompanitë e kunatit të Bashës.

Kjo është opozita më luksoze në botë, e cila e përdor emrin dhe liçensën e partisë opozitare, për të bërë lekë e jo vota.

Dhe Edi Rama duket që jo vetëm nuk është i shqetësuar për këtë gjë, por ndjehet mirë që ja ka gjetur lodrën që t’i lërë në duar për të lozur Lulzim Bashës.

Si ata kalamajtë që kur i mbarojnë karamelet, qajnë se duan tjetër. Dhe tani që Basha po qan, po mendoj se me çfarë do ta qetësojë pushteti.

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet08:38 - 26 Shtator, 2018

Shifrat e frikshme/ Shqipëria, me numrin më të lartë të kërkesave në botë për azil në BE

Edhe pse jetojnë në një vend që ka nisur rrugën e pakthyeshme drejt anëtarësimit në BE dhe nuk ka konflikte...

Aktualitet08:34 - 26 Shtator, 2018

Shtypi i ditës, 26 shtator 2018

Këto janë disa prej titujve kryesorë të shtypit të shkruar për ditën e sotme, datë 26 shtator 2018: “Gazeta Shqiptare”...

Aktualitet08:22 - 26 Shtator, 2018

Ndryshon moti/ Mësoni sa do jenë temperaturat për sot

Moti për ditën e sotme do të mbetet me  kthjellime e kalime  të pakta vranësirash në relievet malorë. Era do të jetë...

Aktualitet08:14 - 26 Shtator, 2018

Horoskopi i ditës, 26 shtator 2018 

DASHI 21. mars – 20. prill Kjo do të jetë një javë mjaft e ngjeshur e cila do ju lejojë që...

Aktualitet23:47 - 25 Shtator, 2018

Deklarata bombë e Hoxhës/ Deputetes së PS-së i është vënë pistoleta në kokë

Gazetari Artan Hoxha gjatë intervistës në emisionin “Top Show” në Top Channel, ka lëshuar një deklaratë bombë. Hoxha i është...

Aktualitet23:35 - 25 Shtator, 2018

MIma: Paratë e vjedhura me koncesione do i kthehen shtetit

Deputeti i Partisë Demokratike, Florion Mima gjatë një interviste në emisionin “Opinion” në Tv Klan është shprehur se paratë e...

Aktualitet23:20 - 25 Shtator, 2018

Arrestimi i Safet Bajrit/ Reagon Ministri belg i Drejtësisë

Operacioni “Oaz” i cili konkludoi me arrestimin e 11 personave, mes tyre edhe Safet Bajri është komentuar nga ministri i...

Aktualitet23:20 - 25 Shtator, 2018

Historia e rrallë e yllit anglez/ “Kam në kokë 14 pllaka metalike dhe 28 vida…”

Nuk është e lehtë të asistosh në tërheqjen e lamtumirën e futbollistëve rreth të 35-ave apo më shumë, nga sporti...

Aktualitet23:16 - 25 Shtator, 2018

Hoxha jep alarmin/ Tregon pse Xhafaj po luan me dy karta

Gazetari Artan Hoxha gjatë emisionit “Top Show” në Top Channel ka lëshuar akuza të forta nga policisë, e cila është...

Aktualitet23:02 - 25 Shtator, 2018

Interi duket në rrugë të mbarë/ Fiton ndaj një rivali të fortë

Inter ka fituar 2-1 ndaj Fiorentina në “San Siro” duke ndrequr fillimin e keq të kampionatit, Pasi mori vetëm katër...

Aktualitet22:54 - 25 Shtator, 2018

Referendumi në Maqedoni/ “Propaganda për bojkot, rrezik për vendin dhe rajonin”

Zv.Kryeministri i Maqedonisë Bujar Osmani tha në emisionin “Përballë” të gazetarit Lutfi Dervishi në RTSH, se në prag të referendumit...

Aktualitet22:40 - 25 Shtator, 2018

Ditë speciale te Skënderbeu/ Trajneri dhe ylli i ekipit festojnë ditëlindjen

Ditë e veçantë kjo e sotmja në klubin e Skënderbeut. Orges Shehi ka festuar 41 vjeorin e lindjes së tij,...

Aktualitet22:30 - 25 Shtator, 2018

“Mos më bëj lojëra mua këtu”/ Fevziu debaton ashpër me ish-ministrin

Ish-ministri i Drejtësisë Gazmend Bardhi ka debatuar ashpër me moderatorin e emisionit “Opinion”, Blendi Fevziun. Fevziu i është drejtuar Bardhit...

Aktualitet22:25 - 25 Shtator, 2018

Shokohet Bayern Munich/ Vëllai i Mario Gotzes u bën gjëmën

Bayern Munich ka barazuar 1-1 ndaj Augsburg, në derbin e Bavarisë, duke lënë pikë, për herë të parë në këtë...

Aktualitet22:24 - 25 Shtator, 2018

Akuzat për lidhje me bandat/ Balla i përgjigjet “flakë për flakë” Bashës

Kreu i grupit parlamentar të Partisë Socialiste, Taulant Balla i ftuar në emisionin”Top Show” ka folur për akuzat që kreydemokrati,...

Aktualitet22:20 - 25 Shtator, 2018

Thjesht e jashtëzakonshme/ Tifozët më të mirë në botë dhurojnë spektakël

Tifozeria është shpirti i një ekipi. Një pamje e pazakontë tifozerie futbolli vjen nga Maroku. Raja Casablanca arriti të sigurojë...

Aktualitet22:15 - 25 Shtator, 2018

“Shushunja politike”/ Deputeti demokrat i kundërpërgjigjet Bushkës

Ditën e sotme deputeti i Partisë Demokratike, Ervin Salianji është përplasur në distancë me deputeten e Partisë Socialisite, Klotilda Bushka,...

Aktualitet22:08 - 25 Shtator, 2018

“Shihemi në gjyq”/ Deputetja e PS-së sfidon opozitën pas akuzave për pasurinë

Pas deklaratës të deputetit të video-skandalit erotik, Ervin Salianji, në të cilën tha se bashkëshorti i deputetes së PS, Klotilda...

Aktualitet22:00 - 25 Shtator, 2018

Deklarata bombë e yllit të Milanit/ Atje luaja dy ndeshje në ditë

Frenk Kesie ka dhënë një intervistë ekskluzive për “Milan TV”. Afrikani ka folur për fillimet e karrierës, por edhe për...

Aktualitet21:51 - 25 Shtator, 2018

Dhoma Amerikane kundër Bashës/ Mos trembni investitorët

Kreu i Dhomës Amerikane të Tregtisë, Marc Crowford në një intervistë në televizionin “Ora News”, ka kërkuar që politika shqiptare,...

Aktualitet21:50 - 25 Shtator, 2018

Gjimanzet e Tiranës “pushtohen” nga lëndët narkotike

Emisioni investigativ “Stop” mbrëmjen e sotme ka sjellë në vëmendje  problemin e shitjes së drogëravce pranë gjimnazeve në Tiranë. Në...

Aktualitet21:40 - 25 Shtator, 2018

“Masakër” në Korçë/ Ja si arbitrat njollosën ndeshjen

Gjyqtarët e bëjnë “baltë” në javën e pestë. Skënderbeu-Tirana 1-1, edhe pse një ndeshje pa tifozë dhe jo me ndonjë...

Aktualitet21:32 - 25 Shtator, 2018

“Deri tani i kemi toleruar”/ Biletë urbani edhe për të miturit

Shoqata e Transportit Urban ka dhënë vendimin se edhe fëmijë do të paguajnë biletën e udhëtimit, në autobus, me të...

Aktualitet21:26 - 25 Shtator, 2018

CNA.al publikoi faktet/ “Stop” vë me shpatulla pas muri Bashën

Edhe mbrëmjen e sotme emisioni “Stop” referuar denoncimit të para disa ditëve të CNA.al ka prekur çështjen e kompanisë së...

Aktualitet21:20 - 25 Shtator, 2018

Garon për skuadrën e Shumakerit/ Piloti shqiptar rekord në Formula 4

Sezoni në Formula 4 përfundoi në mënyrën më të mirë për pilotin shqiptar nga Maqedonia, Lirim Zendeli. Djaloshi 18-vjeçar, edhe...

Aktualitet21:10 - 25 Shtator, 2018

Skandali me tatimorët në “Fiks Fare”/ “Duam 500 mijë lekë, ta mbyllim këtë çështje”

Mbrëmjen e sotme në emisionin “Fiks Fare” është denoncuar një skandal me inspektorët tatimorë në Tiranë. Një video e publikuar...

Aktualitet20:59 - 25 Shtator, 2018

Mourinho e turpëron keq para shokëve Pogban/ Nuk do të jesh më…

Jose Mourinho i ka thënë Paul Pogba-s se nuk do të jetë më kapiteni i Manchester United teksa marrëdhënia mes...

Aktualitet20:59 - 25 Shtator, 2018

“Goditja e oligarkëve”/ Shehaj: Ata që kanë ç’fshehin duhet të tremben

Sekuestro e kompanive me kontrata korruptive është komentuar nga deputeti i Partisë Demokratike, Agron Shehaj i ftuar në emisionin “Top...

Trending

Read previous post:
Nishani kritikon Bashën: Alternativa qeverisëse vjen nëpërmjet bashkimit, risill Patozin…

Në një prononcim të dhënë për televizionin Klan, ish-presidenti i vendit, Bujar Nishani ka treguar se kthimi në alternativë qeverisëse...

Close