Andi Bushati: Ku ngjan foto e Bashës me Trump, me atë të Ramës me Obamën? – CNA
Connect with us

Opinione

Andi Bushati: Ku ngjan foto e Bashës me Trump, me atë të Ramës me Obamën?

Publikuar

-

Po t’a dëgjoje Edi Ramën të hënën në mbëmje në “Studio e hapur”, nuk e kishte të vështirë të bindeshe. Duke folur për skandalin e financimeve të panjohura të PD të rihapur së fundi nga revista amerikane “Mother Jones” ai dukej gati gati normal. Kishte hequr dorë nga histeria e rëndomtë që ka kapluar këto ditë socialistët kundër Rusisë dhe pranonte se historia me agjentë të Kremlinit ngrinte vetëm dyshime. Po aq me këmbë në tokë ngjante kur pohonte se, përderisa kishte një përzjere ruse dhe se më parë elementë të tillë kishin shfaqur tentativa për destabilizimin e shteteve fqinje, kësaj afere i duhej shkuar deri në fund.

Në plot 23 minuta që u mor më këtë çështje kryeministri ngriti pyetjet e duhura: Kush i kishte paguar ato para (675 mijë USD)? Pse ato nuk qenë deklaruar pranë institucioneve shqiptare ashtu sikurse e kërkon ligji ? Dhe në fund, si për t’i qëndruar besnik tipit të tij, nuk i kurseu batutat humoristike me Lulzim Bashën, i cili nuk ka turp të deklarojë se nuk e di se kush ka dashur t’i falë PD-së 500 mijë dollarë.

Pra, për atë gati gjysëm ore, kur zgjodhi të argumentonte mëkatet e kundërshtarit, Edi Rama dukej si një politikan normal, bindës dhe me këmbë në tokë.

Por gjithçka ndryshoi kur moderatorja Eni Vasili kaloi në historinë e tij. Mjaftoi një pyetje e thjeshtë: “Po ju a nuk keni paguar për një foto me presidentin Obama”, për të përmbysur gjithçka.

Nga i qetë, argumentues dhe logjik, Edi Rama u shndërrua në konfuz, ambig dhe i paqartë. Ai tha se ajo ishte një histori tashmë e mbyllur me gjykim në ShBA, ku ai që kishte kryer “krimin”, taksisti Bilal Shehu, e kishte marrë përsipër fajin, madje edhe qe dënuar për të. Por, Ramës i’u mbyll goja për të thënë se nga vinin ato para, që duheshin për një foto të tij me Obamën dhe që gjykata e Nju Xhersit kishte vërtetuar se ishin futur në Amerikë nga jashtë. Kryeministri e anashkaloi turpshëm kleçkën thelbësore, se me ato para të nisura nga Shqipëria ishte shkelur ligji elektoral amerikan, që nuk lejon financimin e fushatës nga vende të treta. Ai u vu në pozicionin identik për të cilin pak minuta më parë ishte tallur me Bashën duke thënë : “pse duhet të di unë kush ka paguar për mua”.

Në fakt, nëse i heqim elementin rus, teoritë konspirative për destabilizim të vendit dhe të rajonit, për të cilat Rama pranoi se ka vetëm dyshime, dy historitë paralele ngjajnë si dy pika uji.

Në vitin 2013, Edi Rama, para garës elektorale, kërkon një foto me presidentin Obama për t’i mbushur mendjen shqiptarëve se ai është njeriu i përëndimit dhe se Sali Berisha tashmë është braktisur. Për këtë ai siguron 80 mijë dollarë, gjen edhe një taksist emigrant që do të paguajë si qytetar amerikan paratë. Rama arrin të sjellë në Shqipëri foton, megjithëse nuk e pranojnë të bëjë shoqëruesin e Shehut në darkë. Shtypi kundër Obamës e relaton më pas ngjarjen dhe drejtësia amerikane fillon të merret me të.

Plot katër vite më pas, Basha bën të njëjtën gjë. Edhe ai është para zgjedhjeve. Edhe atij i duhet një fotografi me presidentin e radhës Trump, për të treguar se ShBA e paranon atë. Edhe ai i ka paratë. Por, njësoj si Rama nuk i paguan dot vetë. Prandaj në vend të një taksisti zgjedh një kompani të regjistruar në parajsa fiskale, e cila rrezulton se ka nga pas dy shoqëri të tjera me pronarë rusë, për të bërë pagesat. Por, fiks si i pari edhe anipulimi i tij del në shtypin amerikan.

Pra shkurt dy ngjarjet janë identike. Histori parash të zeza, të pa deklaruara, të ardhura nga Shqipëria, të cilat kanë shfrytëzuar nga një dredhi, për t’u bërë të pranueshme nga ligjet amerikane.

Në kohë të ndryshme dhe me mënyra të ndryshme edhe Basha edhe Rama kanë bërë të njëjtën gjë: janë mundur të fshehin origjinën e dollarëve që u a kanë dorëzuar me thas ne dorë. Prandaj këto çështje, më shumë sesa zhurma konspirative me agjentë të Kremlinit apo tentativa për të lëvizur ekuilibrat gjeopolitikë, janë thjeshtë pazare të shëmtuara shqiptare. Ku të dyja palët janë identikisht njësoj. Ku të dyja palët ushqehen nga paratë e zeza që prodhohen në këtë vend.

Prandaj, Rama fliste logjikshëm kur trajtonte në “Studio e hapur” rastin e kundërshtarit dhe bukosjej kur duhej të argumentonte aferën e tij. Edhe këtu janë fatkeqësisht identikë.

Basha dikur merrte poza serioze kur trajtonte 80 mijë dollarët e fotos së Bilalit, por mbeti gojë mbyllur dhe u bë qull në djersë, një javë më parë në “Opinion”, kur nuk shpjegoi dot historinë e lobimit të vet./ Lapsi

Aktualitet

Ervin, digje mandatin!

Publikuar

-

Nga Artur Ajazi

Ervini sërish ka dalë flamurtari i nismave dhe ideve “inovatore” brënda PD, duke propozuar së fundi por pa sukses “djegjen e mandateve e bashkimin me protestën e studentëve”. Madje Ervini i i ka dalë kundër edhe Doktorit, pasi ky i fundit kërkoi rikthimin në Parlament. Digje mandatin Ervin, nise nga mandati yt, sepse ndoshta do të korrigjosh diçka të rëndësishme brënda vehtes.

Por druaj se pa mandatin e deputetit, ti dhe shokët e tu do të mbeteni si “shkopinj të thatë”, do të mbeteni të vetmuar, tek dera e kryetarit duke u jargavitur pas tij, në pritjen e gjatë për të gjetur një vend në listat e reja të 2021. Digje mandatin Ervin, për ti treguar Lulzimit dhe demokratëve sa vlen, kush je, dhe çfarë je në gjendje të bësh ti për “kauzën e madhe të opozitës”, por mos u bëj lodra e kryetarit tënd.

Ti dhe Ervinët e tjerë të Lulzimit, nuk keni këllqe të digjni mandate, nuk keni kurajo dhe moral të digjni mandate, sepse e di fare mirë ti, se nuk mund ti fitoni më kurrë ato, plus kostove të tjera. Digje mandatin ti i pari Ervin, sepse duhej ta kishe “djegur” kur dështove dhe u diskreditove me Babalen, kur u denoncove për “kallëzimin e rremë” , apo edhe për të tjera “ndodhira” të pakëndshme brënda partisë, asaj PD-je që katranose ti dhe kryetari yt. Digje mandatin ti i pari Ervin, dhe pas teje shpresoj të vijnë Ervinët e tjerë, ata me të cilët ke 1 vit e gjysëm që merresh me montazhe CD, video-përgjimesh, ata me të cilët ti, po luan cingllash me partinë e lirive dhe atyre mijëra demokratëve që u zhgënjyen nga prurjet si ti, të kryetarit tënd.

Digje mandatin Ervin, dhe mos e humb shpresën dhe kurajon, se ndoshta Lulzimi, në listat e reja mund të të gjejë një vend për ty, edhe në 2021. Digje mandatin Ervin, për të treguar sa e do ti “PD, opozitën Astirin dhe studentët”, por mos u largo shumë nga partia sepse je “zbulimi dhe resursi më i rrallë” i saj. Digje mandatin Ervin, por rikthehu, bëj një xhiro tek zona tënde elektorale në Korçë, atje ku edhe e “fitove” atë, dhe shpjegohu atyre gjithçka ke bërë sa ishe deputet, duke e nisur nga përgjegjësitë e pambajtura nga ti dhe kryetari yt, nga premtimet e (pa) mbajtura, nga videopërgjimet që diskredituan PD, dhe deri tek gjoja sherret me kryeministrin në foltoren e Parlamentit.

Digje mandatin Ervin dhe bëhu njëherë burrë , për ti treguar Korçës dhe Lulzimit se “ti nuk luan me parimet e demokracisë dhe idealin e saj”. Digje mandatin ti i pari Ervin, për ti treguar kryetarit, dhe atyre që e mbajnë mëndjen tek rroga edhe pse kanë miliona, për ti treguar edhe aleatëve të partisë tënde, sa vlejnë ata dhe partia që mbajnë për hir të siglës duke blerë vota në fushata. Digje mandatin ti i pari Ervin, por mendoj se, qysh të nesërmen do të të mbyllet dera e SHQUPI-t, madje edhe dera e zyrës ku montuat CD e Babales, dhe atëhere do të zhgënjehesh edhe ti nga Lulzimi, pasi do të jesh thjesht një i pavlerë për të.

LEXO TE PLOTE

Aktualitet

Protesta në Hungari, Shqipëri, Serbi e Gjermani/ Ku po shkon Europa?

Publikuar

-

Nga David Ehl 

Nëse sheh vetëm fotot, mund të mendosh, se deti i dritave të Budapestit është spektakël soditës për Krishtlindje. Por njerëzit që të dielën në mbrëmje u mblodhën në kryeqytetin hungarez nuk mbajnë qirinj, por telefonë në duart e tyre – dhe mesazhi i tyre nuk është fetar, por politik. Ata kërkojnë që Kryeministri Viktor Orban të tërheqë ligjin, sipas të cilit kërkohet që punëdhënësit të mund të kërkojnë deri në 400 orë pune shtesë jashtë orarit nga punëtorët e tyre.

Që nga votimi parlamentar të mërkurën e kaluar, gjithnjë e më shumë njerëz po mobilizohen kundër këtij “ligji të skllevërve”, siç u quajt ai, madje ka pasur trazira të dhunshme. Të dielën, protestat ishin të qeta në fillim, më vonë policia përdori përsëri gaz lotsjellës. Me 10,000, ndoshta 15,000 pjesëmarrës, ky ishte kulmi i një valë proteste që nuk ka ndodhur në Hungari gjatë mandatit tetëvjeçar të Orbanit. Edhe në Francë protesta e sapo e ‚jelekëve të verdhë‘ erdhi pas një shpalljes së një ligji. A po ndodh tani në rrugët evropiane “ngrohja globale” e klimës politike?

Hungaria: “Largohu Orban”

Shumë demonstrues shprehën nëpërmjet thirrjeve të tyre se ata janë nuk e mbështesin jo vetëm  ligjin e orarëve shtesë së punës, por as politikën sociale të Kryeministrit të tyre. Nën udhëheqjen e Viktor Orban, punëtorët humbën gjithnjë e më shumë të drejta, ndërkohë që pozicioni i sipërmarrësve u forcua edhe më tej. Gjithashtu ka pakënaqësi me veprimet e Orban kundër të pastrehëve dhe emigrantëve dhe operacionin e tij të shpëtimit për ish-kryeministrin maqedonas Nikola Gruevski, i cili është dënuar me burg në vendin e tij.

Serbia: kundër pushtetit shtetëror

Në Beograd në kryeqytetin e Serbisë, në këtë fundjavë mijëra vetë dolën sërish në rrugë. Shumë prej tyre e shprehën zemërimin ndaj qeverisë me bilbila si në protestat masive kundër regjimit të Millosheviçit në vitet 1990. Shkaktari për protestat aktuale ishte një sulm brutal ndaj një lideri të së majtës serbe, Borko Stefanoviç. Njerëzit me këmisha të zeza e kishin rrahur politikanin në fund të nëntorit në qytetin jugor të Krushevcit me një shufër metalike të hekurt dhe e kishin plagosur rëndë. Presidenti Vuçiç e dënoi sulmin dhe autorët e krimit u kapën. Por opozita vazhdon të fajësojë retorikën e mprehtë të Vuçiçit për një klimë dhune në vend.

Shqipëri: Më shumë se sa taksat e larta të shkollimit

Në Shqipëri, që nga fillimi i muajit studentët po protestojnë për uljen e tarifave të shkollimit. Në universitetet shtetërore, tarifat variojnë nga 160 dhe 2560 euro, të ardhurat mesatare në vendin e varfër ballkanik janë vetëm 350 euro. Megjithatë, demonstruesit në kryeqytetin e Tiranës dhe në disa qytete të tjera të vendit gjithnjë e më shumë po shtojnë kritikat edhe ndaj qeverisë së kryeministrit Edi Rama. Ndër të tjera, me bllokimin e rrugëve ata tërhoqën vëmendjen për varfërinë e përhapur në vend dhe çmimet e larta të benzinës.

Francë: Si do të vazhdojnë më tej “jelekët e verdhë”?

Bllokimi i rrugëve për shkak të çmimeve të larta të benzinës kishte filluar disa javë më parë në Francë, protesta e “Gilets Jaunes”. Protesta gjithnjë e më masive, mbarëkombëtare, pas koncesioneve të presidentit Emmanuel Macron dhe sulmit në Strasburg e ka humbur pak vrullin. Nivelet e protestave në Paris fundjavën e kaluar ishin shumë prapa atyre të javëve të mëparshme. Dimensionet e protestave në Paris javën e kaluar ishin larg atyre të javëve të mëparshme.

Programi emergjent prej miliarda dollarësh, i cili ndër të tjera, parashikon një rritje të pagës minimale me 100 euro, në vitin 2019 e vë Francën në vështirësi buxhetore, Parisi ka gjasa të bëjë më shumë borxhe sesa e parashikon Pakti i Stabilitetit të Euros. Objektivi i tyre origjinal heqja dorë nga rritja e eko-taksave në lëndët djegëse fosile, është arritur nga “jelekët e verdhë”. Sidoqoftë, lëvizja në pak javët e ekzistencës së saj, ka dhënë një dinamizëm të jashtëzakonshëm dhe në një farë mënyre është rritur fuqishëm në drejtime të ndryshme politike. Por kjo rritje e shpejtë mund ta dëmtojë lëvizjen, nëse qëllimet e palëve ndryshojnë aq shumë sa që nuk mund të bien dakord për një agjendë të përbashkët./ DW

LEXO TE PLOTE

Aktualitet

Kuvendi/ Ish-kreu i PD identifikon demokratët dhe Lulëzimsat

Publikuar

-

By

Ish-kreu i Partisë Demokratike i degës së Kukësit, Ibsen Elezi, ka bërë një krahasim midis anëtarët e PD-së më përpara dhe ata që janë tani.

Në një postim në rrjetet sociale, Elezi të larguarit nga partia i quan demkokratët ndërsa pjesëtarët e rinj i quan Lulëzimsa.

Sipas tij personat që janë pjesë e PD-së tani janë figura me të kaluar të errët.

“Kuvend qe voton nje liste fituese figurash me te kaluar te erret, (me perjashtim te nje perqindje te vogel emrash me integritet qe duke u bere pjese e kesaj liste njollosin emrin e tyre.)”-shprehet ai duke theksuar se asnjë prej tyre nuk ka qenë asnjë ditë antarë të PD-së dhe nuk kanë kontribuar për të.

Ndërsa më tej ish-kreu i demokratëve në Kukës thekson se figura si Arben Ristani, Edmond Spaho apo Edi Paloka u lanë jashtë Kuvendit të Pd-së.

Postimi i plotë:

A mund te quhet ky kuvendi i demokrateve ?!

Kuvend qe voton nje liste fituese figurash me te kaluar te erret, (me perjashtim te nje perqindje te vogel emrash me integritet qe duke u bere pjese e kesaj liste njollosin emrin e tyre.)

Kategorite :

– Ish-Sigurimsat (punojes te strukturave apo te rekrutuar).

Ju luledhimsa qe doni emra sigurimsash, e keni me kollaj t’ja kerkoni kryetarit tuaj te respektoj statutin dhe t’I detyroje per vethapjen e dosjes cdo kandidat.

– Pasardhes te Ish-nomeklatures drejtuese komuniste. (nuk flasim per ata qe vijne nga familje te thjeshta te majta)

Ju luledhimsa qe jeni te persekutuar, pse kryetari juaj “antikomunist” sic propogandoni tavolinave e mbushi me pasardhesit e persekutoreve tuaj.

– Soroista e Cilista te katapultuar sipas nje plani per te kapur PD (keta jane me te rrezikshem se 2 kategorite mesiper, kane plan te qarte dhe jane te mireorganizuar, me mbeshtetje te madhe nga mediat ). Luledhimsa qe mbeshtesin kete kategori jeni me vertet llumi i PD, qe per interes beni gjithcka. Ju po mbeshtesi lobin me te ndyre qe ne thelbin e strategjise tyre kane ndryshimin e kodit familjes.

– Te korruptuar qe edhe pse hapur ju verifikohen pasuri mbi 1 milion euro, prap nuk u be transparenca e pasurise. Ju Luledhimsa qe shani ish-drejtuesit e e korruptuar PD qe fundja jane larguar dhe skane funksione (mire beni), pse e mbyllni gojen per figurat e diskretituara qe “u zgjodhen” dhe qe kane qene ne krye te institucioneve me te perfolura per abuzime. Apo te korruptuarit e Lulit s’mbajne vj ere.

– Ish depuetet dhe mbeshtetes te hapur te se majtes.

Ju luledhimsa, si ka mundes jeni me afer me servilet e Lulit qe vijne si mbeshtetes te se majtes, sesa me ata qe kritikojne dhe kane nje jete kontribute ne PD.

– Njerez qe skane qene nje dite anetar te PD dhe jane gdhire anetar te keshillit kombetar. Me keta spo merrem se sja vlen.

Detyrimi statutuor ishte qe komisionet perkatese sipas nenit 62/4 dhe 63/2.c te benin verifikimin dhe transparencen per cdo kandidat.

Kjo tregon se “kryetari” se bashku me kupolen drejtuese te kapur, so qe skane ndermend te zbatojne statusin e PD, por e shkelin ate me vullnet te hapur.

Demokrate dhe Lulezimsa mos u beni Luledhimsa te Republikes Re, mos njollosni kontributin dhe emrin tuaj.

PD do e shpetojme ne demokratet qe kemi kurajo dhe joluledhimsat.

Neni 62/4

  1. Kriteret që duhet të plotësojnë kandidatët miratohen me Rregulloren e Brendshme dhe lidhen kryesisht, por pa u kufizuar, me arsimimin, integritetin, ligjshmërinë e pasurisë, të shkuarën gjatë regjimit komunist, mospasjen e rekordeve kriminale, si dhe standardet dhe rregullat e përcaktuara nga Komisioni i Integritetit dhe Etikës.

63/2.c

  1. c) rregullat dhe formën për mbledhjen dhe përpunimin e të dhënave që lidhen me cilësitë e secilit kandidat, që lidhen kryesisht, por pa u kufizuar, me arsimimin, integritetin, ligjshmërinë e pasurisë, të shkuarën gjatë regjimet komunist, pastërtinë e figurës në kuadër të mospasjes së rekordeve kriminale.

Ky nuk ishte kuvendi i demokrateve

por i Lulezimsave dhe Luledhimsave.

 

PS: Nuk votohet Bislim Ahmeti kontribues qe nga dhjetori 90 deri sot, pa levizur asnjehere nga PD, dhe ndodh ne demokraci,

por ne vend te tij te vijne supozojme :

– Oketa qe e largoj topi per paaftesi ne organizimin e :grushtit shtetit” te 21 Janarit

– Apo Asllan Dogjani qe ka qene deputet i PS dhe ektremist deri ne vetflijim per Edi Ramen,

– apo Spahon (i akuzuar), qe uron ne 29 netor, pushtimin e shqiperise nga komunizmi jugosllav.

– apo Paljoken (i akuzuar), qe demekrateve te sapo zgjedhur ne Kukes ju thote: “Ska me ideale, do vijme ne pushtet per interesat tona”

– apo Ristani (vjen nga mbeshtetja e familjes Hoxha) pra nga mocali dhe ju thote kritikeve mocali i PD (qe vijne nga familje te djathta).

– apo Gjaten, qe ardhjen e llumit vet e quan emancipim, (I ati nuk lejoj at Zef Pellumbin te themeloje parti ne 90-ten)

Absurde te tilla ka plot, ju lutem demokrateve te denoncojne me kurajo rastet e mesiperme ne faqen tone./CNA.al

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet10:25 - 19 Dhjetor, 2018

Mblidhen liderat e Ballkanit Perëndimor/ Ja çfarë do të diskutohet

Zhvillimet e fundit mes Kosovës dhe Serbisë do të diskutohen sot në Bruksel. Shefja për Politikë të Jashtme dhe Siguri...

Aktualitet10:13 - 19 Dhjetor, 2018

Shpëtoi 20 fëmijë nga sulmi me thikë, shqiptari shpallet “Hero i Vitit 2018” në Suedi

Një shqiptar vuri në rrezik jetën e tij, për të shpëtuar 20 fëmijë! Fidan Bejtani me origjinë nga Kosova, u...

Aktualitet20:26 - 18 Dhjetor, 2018

Ndërron jetë aktorja me famë botërore, ja shkaku

Ditën e sotme ka ndërruar jetë në moshën 75-vjeçare, aktorja dhe regjisorja e njohur amerikane Penny Marshall. Lajmin e ka...

Aktualitet19:31 - 18 Dhjetor, 2018

Mashtroi FBI-në/ Shtyhet dënimi për ish-gjeneralin Flynn

Në SHBA, gjykata e shtyu dhënien e dënimit për ish këshilltarin e sigurimit kombëtar Michael Flynn, i cili pranoi fajësinë...

Aktualitet18:35 - 18 Dhjetor, 2018

Gjendet i mbytur një burrë në Sarandë/ Dyshimet e para

Trupi i një personi pajetë është gjendur në një kanal në Vrion të bashkisë Finiq, mbrëmjen e sotme. Mësohet se...

Aktualitet18:17 - 18 Dhjetor, 2018

Foto/ Studentët dhe drejtuesit e Ekonomikut dalin me 12 vendime

Studentët dhe drejtuesit e Fakultetit Ekonomik të Tiranës kanë zhvilluar një takim ku karë rënë dakord për marrjen e disa...

Aktualitet17:55 - 18 Dhjetor, 2018

Studentët sërish nesër në protestë/ Zbulohet skenari

Studentët vazhdojnë të kërkojnë plotësimin e tetë pikave të kërkesës dhe deri kur të arrihet plotësimi i saj të rinjtëparalajmërojnë...

Aktualitet17:43 - 18 Dhjetor, 2018

Gazetari tallet me Ylli Rakipin/ U bën thirrje kërcënuesve

Gazetari Ylli Dylgjeri ka bërë një shkrim ironizues ndaj moderatorit Ylli Rakipi, pas  bërjes publike se ky i fundit ka...

Aktualitet17:28 - 18 Dhjetor, 2018

Unaza e Re/ Banorët kërkojnë arrestimin e fajtorëve

Ka filluar edhe për sot protesta kundër prishjes së banesave te zona e Astirit ku do të ndërtohet Unaza e...

Aktualitet17:00 - 18 Dhjetor, 2018

Trump letër Thaçit/ Çfarë kërkon ai?

Presidenti i SHBA-ve Donald Trump i ka kërkuar Prishtinës zyrtare që të ketë unitet në arritjen e një marrëveshjeje gjithëpërfshirëse...

Aktualitet15:18 - 18 Dhjetor, 2018

Tiranë, Paris, Budapest/ Gjysma e Europës në protesta

Në Hungari njerëzit dalin në rrugë kundër një ligji, në Shqipëri kundër tarifave të larta studentore, në Serbi kundër dhunës...

Aktualitet13:39 - 18 Dhjetor, 2018

Subvencionim / Në janar qeveria paguan 50% të tarifës së studimit

Kryeministri Edi Rama ka pohuar gjatë takimit më pedagogë dhe studentë të Universitetit Bujqësor se duke filluar nga janari qeveria...

Aktualitet22:49 - 17 Dhjetor, 2018

Tetë vende të BE-së anëtarë të KS të OKB-së, mbështesin ushtrinë e Kosovës

Tetë vende të Bashkimit Evropian, anëtare të Këshillit të Sigurimit të Kombeve të Bashkuara, i dhanë mbështetje të hënën të...

Aktualitet21:09 - 17 Dhjetor, 2018

Dokumenti/ 6 akuzat e Gjykatës Federale dhe FBI mbi mikun e Bashës

Miku i kryetarit të Partisë Demokratike, Lulzim Basha, biznesmeni turk Ekim Alptekin është nën akuzë për mashtrim dhe Gjykata Federale...

Aktualitet17:52 - 17 Dhjetor, 2018

Lirohet Zogu i Zi/ Studentët spostojnë protestën

Studentët, që prej disa orësh kishin bllokuar rreth-rrotullimin e Zogut të Zi, janë larguar që aty për ta spostuar protestën ...

Aktualitet16:41 - 17 Dhjetor, 2018

Kompania shqiptare që po çan tregjet e rajonit dhe jo vetëm/ Drejtuesi i Jumbo shpjegon rrugëtimin drejt suksesit

Shitja e organizuar e mallrave me pakicë është një sektor që po njeh zhvillim të vazhdueshëm në rajon dhe më...

Aktualitet16:35 - 17 Dhjetor, 2018

Ndryshimet në ligjin e AMA dhe AKEP/ Organizohet forumi i parë i diskutimit

Autoriteti i Mediave Audiovizive (AMA) dhe Autoriteti i Komunikimeve Elektronike dhe Postare (AKEP), organizuan sot forumin e parë të diskutimit...

Aktualitet16:30 - 17 Dhjetor, 2018

Tarifa 100% për mallrat serbe/ Tensionohet situata BE-Kosovë

Pas refuzimit të heqjes së tarifës 100% ndaj mallrave serbe marrëdhëniet midis Bashkimit Europian dhe Kosovës janë përkeqësuar. Ky lajm...

Aktualitet16:29 - 17 Dhjetor, 2018

Manjani ‘shuplakë’ Ramës/ Plotësou kërkesat studentëve, lëri bejtet

Ish-ministri i Drejtësisë në Qeverinë Rama 1, Ylli Manjani në një postim në rrjetet sociale ka shkruar se kryeministri Edi...

Aktualitet15:40 - 17 Dhjetor, 2018

Krijimi i FA/ Këshilli i Sigurimit të OKB diskuton mbi Kosovën

Të hënën (17.12.) Këshilli i Sigurimit të Kombeve të Bashkuara do të diskutojë rezolutën 1244 për Kosovën. Arsye është letra...

Aktualitet15:35 - 17 Dhjetor, 2018

BE luftë kundër dezinformimit rus në internet

Me fushata dezinformuese, Moska dëshiron të ndikojë sistematikisht jo vetëm në SHBA, por edhe në Evropë. Tani krerët e shteteve...

Aktualitet15:08 - 17 Dhjetor, 2018

Shfaqja e hidhur në Samitin e BE-së/ Juncker turpërohet sërish

Një tjetër shfaqje e turpshme për Presidentin i Komisionit Europian, Jean-Claude Juncker . Gjatë hyrjes së Juncker në selinë e...

Aktualitet14:22 - 17 Dhjetor, 2018

Integrimi në BE/ Kreu i opozitës greke kërcënon Shqipërinë

Kryetari i opozitës greke, Qiriakos Micotaqis, që sipas sondazheve të zhvilluara nga mediat vendase pritet të jetë kryeministri i ardhshëm...

Aktualitet13:57 - 17 Dhjetor, 2018

Përplasjet para Kryeministrisë/ Studenti: Na qëlluan si të ishim kriminelë

Pas tensionimit të situatës para Kryeministrisë, një nga studentët ka thënë se shkak për përplasjes është bërë dhuna e policisë...

Aktualitet13:38 - 17 Dhjetor, 2018

Tensionohet situata/ Protestuesit përplasen me policinë

Është tensionuar situatata  para Kryeministrisë, ku protestuesit janë përplasur  me forcat e policisë. Një pjesë e protestuesve kanë tentuar të...

Aktualitet12:23 - 17 Dhjetor, 2018

Protesta/ Studentët nga Shkodra mbërrijnë para Kryeministrisë

Studentët nga qyteti i Shkodrës i janë bashkuar protestës së të rinjve që ndodhen para Kryeministrisë. Të rinjtë shkodran sapo...

Aktualitet12:05 - 17 Dhjetor, 2018

Tymuese në protestë/ Studentët kërkojnë largimin e shkaktarëve

Ndërkohë që prej 14 ditësh studentët janë duke zhvilluar protesta të qeta, ditën e sotme mes turmës janë hedhur disa...

Aktualitet21:41 - 16 Dhjetor, 2018

Cavusoglu: SHBA po punon për ekstradimin e Gulenit

Ministri i jashtëm turk thotë se presidenti amerikan Donald Trump, kohët e fundit e siguroi Presidentit turk Rexhep Tajip Erdogan...

Trending

Read previous post:
Kapiten Vucaj nderon Shqipërinë në Monterey të SHBA-së

Kapiteni i ushtrisë shqiptare Bledar Vucaj në bashkëpunim me një kolonel jordanez dhe një major amerikan mbrojtën një punim shkencor...

Close