Shpërthimi në dyqanin e celularëve aksident teknologjik apo prelud akti terrorist – CNA
Connect with us

Opinione

Shpërthimi në dyqanin e celularëve aksident teknologjik apo prelud akti terrorist

Publikuar

-

Në mes të Tiranës në një nga zonat më të mbrojtura e më të survejuara me policë shteti e privati, me shikas, me karabinierë e me marinsa amerikanë ndodhi një shpërthim me pasojë dëme materiale dhe 2 të plagosur. Shpërthimi ndodhi në një dyqan shitje-riparim celularësh. Në fillim policia u mundua rrejshëm ta trajtonte si një aksident teknologjik, si një shpërthim baterie celulari prodhim jo cilësor kinez. Fatkeqësisht minarja nuk futej në thes, kështu që policia e pranoi se viktimës Gentian Hoxha 34 vjec, ndërsa po montonte një bombë me celular (me komandim në distancë), i shpërtheu në duar një sasi e vogël eksplozivi.

Mediat shqiptare  e trajtuan kalimthi këtë shpërthim, ndonëse faktikisht një gjë e tillë është këmbanë alarmi, që në Shqipëri jo vetëm rendi publik, por edhe ai kushtetues është në nivelin: bir Selman i nënës, kë të qaj më parë. Asnjë politikan deri në mbrëmjen e së hënës nuk e komentoi këtë hata, ndonëse disa nga politikanët kryesorë të Shqipërisë këtë të hënë bënë pornoncime publike. Këto proncime mbulonin tema nga teatri te asistenca sociale, nga kokaina e Olsit te politizimi i administratës shtetërore, por asnjë fjalë të vetme për fabrikën e bombave dy hapa larg Ambasadës Amerikane dhe Rezidencës së ambasadorit italian në Tiranë!

Ka indicie se “zantaciu” i bombave me celualr nuk i përgatiste ato për të furnizuar kundrejt shpërblimit keqbërës ordinerë, por për akte terroriste. Ndër këto indicie përmendim faktin, që

  • Gentiani është besimtar myslyman praktikant i Ritit Selafi.
  • Nuk mund të jetë koincidencë që në qytet e Shqipërisë shumica dërrmuese e dyqaneve, që shesin dhe riparojnë celularë janë në pronësi, apo përdorim të besimtarëvve praktikantë myslymanë, kryesisht të Ritit selafi (disa qindra dyqane).
  • Nuk është rastësi që në qytetet kryesore të Shqipërisë përfshirë Tiranën të tillë dyqane si edhe piceri, piteri dhe dyqane mishi “Hallall” gjënden në afërsi të ndërtesave të objekteve speciale si ambasada, gjykata, prokurori, drejtori apo komisariate policie, burgje apo dhoma paraburgimi, bashki, seli SHIK-u apo seli konsullore, ëmbëltore me pronarë ebrej etj.
  • Shpërthimi me fuqi të ulët është tregues, që ka plasur ajo që teknikisht quhet “lënda iniciale” jo ngarkesa e plotë plasëse. Mbetet për tu investiguar se kjo pajisje shpërthyese në distancë cfarë sasie lënde plasëse do të aktivizonte: pak qindra gramë apo larg qoftë ndonjë makinë kuth-eksploziv me dhjetra apo qindra kilogramë lëndë plasëse?!
  • Përderisa nuk është identifikuar “klienti” i minës me celular duke zbatuar parimin e skenarit të rastit më të keq, pista terroriste nuk përjashtohet kurrsesi.
  • Shpërthimet aksidentale në dyqane celularësh me pronarë salafistë shqiptarë, ndërsa montohen bomba me celularë kanë ndodhur edhe më parë. Në maj 2005 një shpërthim identik ndodhi në Fier, por cështja u mbyll si sherr për motive të dobta të bomba-prodhuesit Pëllumb Reshlani (besimtar i ritit Selafi dhe bashkëpronar i një dyqani celularësh) me ortakun e vet.
  • Malavita shqiptare tashmë në më shumë se një rast ka adoptuar maksimën e Mehmet Shehut: Në gojë të ujkut hedhim valle! Bananexhinjtë shqiptarë një numër të madh kontejnerësh me ngarkesë bananesh + kokaine apo bosh por me pak armë e municione brenda i kalonin nga e për në kolumbi nëpër Portin e Filadelfias duke sfiduar agjensitë ligjzbatuese amerikane nga doganat te Homeland Security. Disa banda falsifikatorësh dokumentesh i kishin bazat e tyre vec dy hapa larg nga drejtori apo komisariate policie etj. etj. precedentët ekzistojnë kështu që…..

Ky shpërthim tregoi edhe një herë se siguria kombëtare në Shqipëri mbetet problematike. Rilindja e kryerilindasit Rama fatkeqësisht ka prioritet fasadat, reklamën, propagandën ndërsa sigurinë kombëtare e konsideron si brimën e parafundit të kavallit. Një qëndrim i tillë qesharak dhe tmerrësisht me zarar do të ishte njëlloj sikur Hitleri me mendjelehtësi kriminale t’i jepte prioritet absolut Minsitrisë së Propagandës të Dr. Goebels-it dhe ta konsideronte Whermacht-in si brimën e parafundit të kavallit për Rajhun e Tretë (Sic!).

Ky shpërthim është edhe si të thuash një hakmarrje e vogël e dialektikës ndaj qëndrimeve të ambasadorit amerikan Donald Lu në Tiranë. Zotëria në fjalë investon personalisht shumë më tepër kohë, mund, përpjekje e prestigj personal e diplomatik amerikan për shëtitje me bicikleta dhe ballo në favor të pseudo kauzës së pederasëve dhe lesbikeve shqiptare, sesa për të ndihmuar policinë shqiptare me “hard Ware” jo me seminare e Workshop-e plot llogje pa bukë. Në ato raste, kur i vjen rradha brimës së parafundit të kavallit d.mth. policisë shqiptare, përsëri ofrohen trajnime thuajse pa vlerë ose për shqetësime e halle periferike për policinë shqiptare. Kam qenë prezent personalisht, kur DCM amerikan z. Jardine shpërndante certifikata për policë e doganierë për pjesëmarrje në një kurs të tillë trajnimi me instruktorë 2 ciliminj polakë, që nuk komunikonin në asnjë gjuhë përvec polonishtes.

Ndër pjesëmarrësit në këtë kurs kishte policë si G. P. apo doganierë si A.D. që kishin vite punë në doganë e polici thuajse sa kishin vite jetë adoleshentë-instruktorët polakë. Amerikanët harxhojnë dollarë, mund e kohë për të trajnuar policët tanë për të trajtuar krimet me sfond seksual më shumë sesa për t’i trajnuar (lëre pastaj për ti armatosur e pajisur) për të luftuar terroristët. Tipik është rasti i nja 6 “geishave” me grada të larta policore dhe të një përkthyesi, që këtë fillim marsi u trajnuan për të luftuar krimet seksuale nga personeli i Departamentit të Policisë së Lenox-it në Shtetin e Illinoisit. Në foto janë policet shqiptare në ambjentet e këtij departamenti të policisë amerikane!

Shpërthimi aksidental i bombës me celular bashkë me dekonspirimin e “Rrugës shqiptare” për refugjatët e luftës, klandestinët dhe veteranët e Daesh-it është një zhvillim i frikëshmë i kësaj fund jave. Tashmë Shqipëria nga toka (19 sirianë), nga deti (5 pakistanezë) nga ajri (9 nepalezë) është shndërruar në një trampolinë për të tillë individë, që synojnë vendet e BE-së. Në rastin shpërthimit në dyqanin e celularëve dhe të shndërrimit të Atdheut tim në një trampolinë të tillë nuk kemi vetëm problem të sigurisë kombëtare të Shqipërisë, por edhe rreziqe për fqinjët dhe aleatët tanë të NATO-s! Sic e kam shkruar edhe më parë të tilla zhvillime shqetësuese janë si Qemonia e Nastradinit, që i dëgjohet avazi sabajle. Nesër avazi! Nesër avazi! /GJERGJ THANASI /CNA.al

KLIKO PER TE KOMENTUAR

Leave a Reply

Your email address will not be published. Required fields are marked *

Kryesore

Për edepsëzët që duan të shembin Teatrin!

Publikuar

-

By

Nga Agron GJEKMARKAJ

*Tepër potere, zhurmë, fjalë, projekte, mbledhje e sqarime po harxhon pushteti  i Rilindjes për të justifikuar një hajdutllëk të madh, por të thjeshtë, shembjen e Teatrit Kombëtar, dhënien e truallit të tij dhe tokës përreth në zemër të Tiranës për të ndërtuar kulla. Kjo histori po konsumohet në sy të të gjithëve si një përdhunim publik. Me trishtim duhet pohuar se nëse kjo qeveri ia del ta bëjë këtë, ky do të jetë një rezultat, të cilin ne e meritojmë si shoqëri.

At Zef Pllumi, të cilin për modë Kryeministri Rama pretendon se e kishte mik, përdorte një thënie, e cila me gjasë i plazmohej nga eksperienca dhe dija e tij e thellë, mbi historinë e vendit, “popullit tonë me ia shti opangën në gojë nuk bëzan e në këtë pikë nuk jam dakord me popullin tem”.

Po kaq e duhur tingëllon tjetra sentencë e dalë po prej Fratit të kujtimeve se, “Asht i mjerë ai popull që nuk zotnon bijtë e tij të këqinj”. Shpeshherë, personalisht dua të besoj se ky është një mega truk për të tërhequr vëmendjen e opinionit publik nga skandalet në administrimin e Ministrisë së Brendshme prej të ngratëve Tahiri dhe Xhafaj, siç janë ca të tjera me më pak dem si poturet, atletet, leksionet ndaj Europës, bisedat me Tërmetin, muhabeti dhe romuzet ndër livadhe, sepse më duket tepër e rëndë për ta pranuar si akt logjik!

Por i pazakontë mbetet edhe si provokim dhe merret me mend si do të duket nëse kjo ëndërr e keqe, në të cilën kemi rënë kaq keq, do të bëhet realitet! Edi Rama me këtë tendencë sillet si një bahçevan me domatet e veta, të cilat i regj, i bën salcë, sallatë, i shet apo i le të kalben në arë! Mbase pa të drejtë u biem në qafë dy qyqarëve Erjon Velisë dhe Mirela Kumbaros.

Ata nuk e dinë fiks çfarë ka në kokë shefi. Një gjë e dinë mirë, njëri për të marrë të drejtën e rikandidimit në Tiranë dhe tjetra, për të vazhduar që të duket ende si ministre, i duhet bërë hyzmet vullnetit të Ramës pa mëdyshje, pa ndoshta e pa sikur, me nxitim, me zell, me tamah, duke rendur, duke u çapitur, duke u kacavjerrë në çdo qosh, cep, degë, litar që shakaja e fatit u hedh nga lart! Herë mbledhin artiste e here arkitektë, të cilët i kanë nën hyqëm dhe ju kërkojnë të vikasin; poshtë Teatri, rrofshin kullat, poshtë Robert Ndrenika, rroftë Edi Rama, poshtë Mirush Kabashi, rroftë Erjon Veliaj, poshtë Roza Anagnosti, rroftë Mirela Kumbaro…dhe ata nuk zhgënjejnë…me zë të qëruar tundin… urraaa… urraaa… rroftë…rroftë…dhe me ashikllëk këndojnë “bleri kavallit ti, barku em si bilbili që këndon në gem!”

Kush nuk e di që arkitektët punojnë për ndërtuesit që në rresht trokasin në derën e Erion Veliajt për interesat e tyre?! Zjarrfikësit ku e marrin rrogën? Mbi kurrizin plot jel të Teatrit Kombëtar me banali i teatrove po luhet, tragjedia etike publike! Ngjashëm si fenomen kur dënohej elita e kombit në vitet ‘40… nëpër salla këndohej “hakmarrje rini dëshmori thërret”! Edi Rama sot është adhuruesi më i madh i vlerave minimale e po kaq ngutshëm përdoruesi më i suksesshëm i veseve të tranzicionit! Aferim i qoftë!

Burrë i Zoti! Gjynah që nuk e shemb edhe Kryeministrinë, ministritë si të vjetra, se e para është ndërtuar në vitet ’40, ndërsa këto në 1932, 10 vjet para Teatrit po më arkitekt italian dhe t’ia japë firmës “mali”, “deti”, “barku”, “llapa”, “lëbyrja”, “babëzia”, “kazani” e “sahani” për ta zbukuruar këtë vend e nxjerrë në selamet! Si askund tjetër në Shqipëri, prej varfërisë a prej shkaqeve të tjera historike e kulturore, njerëzit me pushtet, që kanë në dorë, kandidimet, karrierat, vendet e punës, tenderat, koncesionet, lejet, trojet etj., kanë vullnet si dreqi për të vjedhur, por e kanë bezdi t’u thuash hajdut, zymtohen po t’ua nënvizosh injorancën, hakmerren po t’ua luftosh arrogancën dhe sidomos kur ju cenon mundësitë për pasurim të mëtejshëm, të sulmojnë egërsisht me fjalët si zhalloga a lëvore lisi, po aq kur në territorin që kanë pushtuar iu vizaton gënjeshtrat, me të cilat na ushqejnë. Kjo është raca e edepsëzëve!

Teatri po bie pre e tyre! Kryeministri ka përgatitur projektligj me çirakët e tij! Nëse do ketë sukses që të na gëzojë tamam të përgatisë edhe një projektligj tjetër, ku në tekstet e shkollës të studiohet “jeta dhe vepra” e Erion Veliajt dhe Mirela Kumbaros, “orbita diellore pas pyllit orbital të Tiranës”, këngët që populli bën për to, të tipit “Moj Mirelë moj lanete, shembe teatrin, na bëre për vete” si dhe urdhër të posaçëm për Ditmir Bushatin, që t’iu shpjegojë europianëve krahas trashëgimisë kulturore si isopolifonia, qeleshet dhe furkat, mendimin bashkëkohor të vetë Ramës, Kumbaros dhe Veliajt si lokomotivë integruese!

Koha për të bërë një krahasim ka ardhur. Nëse kjo batërdi, ndërtimi i kullave dhe shembja e Teatrit do të ndodhte kur Kryeministër ishte Sali Berisha dhe kryetar bashkie Lulzim Basha, a ka ndokush fuqi ta mendojë së çfarë do të punonte propaganda e Ramës me të gjitha instrumentet mbështetëse! Do të akuzoheshin ata dhe familjarët e tyre për barbarë, malokë, dhunues, të lidhur me mafien e shumëçka tjetër. Pas banderolës “Fajin e Ka Saliu”, me mjekër më të gjatë se zakonisht, me zë të rëndë, Rama do të mbante fjalim kundër diktaturës plot me apele zulmëdha popullit për rebelim. Ai do të identifikohej me artin, Saliu me errësirën.

Do të dilnin veteranët në mes të vapës, si për reformën në drejtësi, meqenëse në gjirin e tyre si shtresë janë strehuar kriminelët dhe sadistët më të mëdhenj që ka nxjerrë ky komb e janë të ndjeshëm dhe të etur për amshim, siç dolën për të mbrojtur rrethrrotullimin te “Zogu i zi”, ku ndonjë ra edhe dëshmor me pankarta, ku do të shkruhej “Rroftë Cobo Rrapushi!” Do të vinin bujqit e Myzeqesë duke lotuar me ofshamë për këtë kob e tmerr që i kanosej vatanit, duke lënë bereqetin në arë t’u kalbej! Vete Erion Veliaj me biçikletë, bashke me cucat e ‘99-s, do shpërndante proklama derë më derë, në të cilat do të shkruajë: “Mbroni teatrin, mbroni demokracinëkushtrim”!

Disa deputete gra ato me patetiket, do visheshin me të zeza nëpër studio për zezonën ku përgatitej të binte arti. Një enciklike për teatrin do të shkruhej ato ditë nga kardinalet e rrugës se vetme. Heronjtë e heshtur të trashëgimisë e të monumenteve, siç deshën të prangosen në kangjella kur Bujar Nishani qethi gjethet, do të lidheshin mbi çati si Prometeu, duke pritur buldozerët e Saliut e të Lulit për t’u shndërruar në heronj. Tani ata hanë skropin dhe pilafin e hyqymetit dhe bulçinjtë i kanë të zënë e fjala s’u del dot. Gromësijnë qafirët nga yndyra e tasqebapit! Artikuj të shumtë do të digjnin gazetat me zjarrminë e tyre nga titujt e përflakur, me përkufizime si dhunë, barbari, korrupsion e shume gjetje të tjera befasuese.

Tani, falë indokrinimit ideologjik, edhe ata heshtin dhe as u bëhet vonë, “se partia dhe djali tënë” dinë se çfarë bëjnë! Idealistët zhgënjehen gjithmonë dhe batakçinjtë i citojnë gjithmonë në fjalime, siç bëjnë me Fishtën, Konicën, Gurakuqin etj. Kjo karakteristikë është në natyrën e fenomenit. Gjithsesi, ata shpresojnë që nja 10 burra e gra të rebelohen për të thyer rregullin. Do të zhgënjehen, por nuk do përtojnë së thirruri: “fryjeni barkun o edepsëzër, bëjeni lodër e kacek dhe bjerini për të gëzuar këtë milet, që ju meriton e me gazep ju ka!”/ Panorama

LEXO TE PLOTE

Aktualitet

Nga Ilir Levonja/ Shteti ynë i fortë

Publikuar

-

By

Debati mbi teatrin, i ngjan një tenxhereje ku zien qumështi. Mirëpo në vend të asaj ajkës së zakonshme, ka vetëm llum, llum. Dhe sado që kazanxhiu a baxhoxhiu pret të mbledhi ajkën me frikën se mos derdhet, ajo vetëm trashet, fryhet, trashet, fryhet, trashet, shkurt llum. Sidomos kur një moderator thotë po lëre historinë, histori e madhe aty çe pyet etj. Dhe një aktor i lodhur nga konjaku a fërneti ia pret, po çkeni ore, di unë se nga vijnë paratë. Shteti? Ku ka lekë shteti ynë. Po si ore, lekë shteti?! Shteti ka pjerdhur… Në fakt është marria kolektive e radhës, vlimi i qylxhinjëve që nuk e kanë për asgjë t’i bjen shkurt, mjafton tu shkoj e tyrja. Dhe për më tepër kur vjen puna që një vepër kompleks kultural trajtohet si godinë. Megjithëse pasi kthejmë me fund fërnetin, pohojmë, se historia e saj është e artë, lërë është flori çfarë është prodhur aty. Nga ana tjetër një tufë aparaçitnjsh mediokërsh që për hir të militantizmit, qofshin këta të majtë a të djathtë se të jeni të bindur e njëjta gjë do të ndodhte sikur në pushtet të ishte përshembull pd…, socialistët do të protestonin më keq. Do i kishim në rolin e ”demokratëve” si çuni i fahrisë duke mbrojtur institucionin e kulturës. Dhe Nulin duke mbrojtur kauzën e shembjes, atë që po e bën më së miri, Taulanti nga Librazhdi. Ndodhi me riciklimin e plehrave pak muaj më parë, ligjin e çaaprovuar publikisht nga Edi rama, akti i parë i reformës agrare të shakaxhiut të përparimit tonë.

Megjithatë pretendojmë se kemi një shtet të fort, që aderon të bëhet anëtar me të drejta të plota në ekonominë e tregut të përbashkët europian. Nga ana tjetër një tufë aparatçinjsh mediokër që as nuk u skuqet faqja, të deklarojnë se e kanë të pamundur të restaurojnë një kompleks kultural institucion shtetëror i ndërtuar në vitet njëzetë, afro 98 vjeç. Nuk u skuqet e as nuk u nxihet faqja të pohojnë ashtu si ia do qejfi shefit. Megjithëse kanë pesë vjet që po çirren se po restaurojnë kishat mijra vjeçare, po bëjnë një revolucion në rimëkëmbjen e vlerave. Dhe mirë bëjnë. Kurse kur vjen puna tek ky kompleks kultural, korifenjsh me histori të madhe, pëllasin… E tmerrshme, nuk ka ngrohje, nuk ka ajër të kondicionuar, duhet të vish me batanije ose erashkë që të shikosh një shfaqje. Nuk ka shteti lekë të ndërtojë një teatër të ri, prandaj ta rrafshojmë këtë, t’ia japim truallin iks se ka para ai, kështu edhe ai fiton, por edhe ne. Një bajtllëk që kujdo mund t’i shkoj për shtat, por asesi sharmit të një shteti.

Nuk e di se si ndihet një qytetar shqiptar kur dëgjon bajtllëqe të tilla. Dhe nuk e di se si, mund të presi a gjykojë ekzistencën e tij qytetare nga ky shtet që nuk ka fuqi financiare të ndërtojë një teatër të ri, jo më ta mbrojë ta zëm nga raketat bërthamore. Eshtë turp e faqja e zezë të diskutohen kabllot e leketrikut përshembull, se gjoja janë të pazevendësushme. Turp e faqja e zezë për këta rikostruktonista shqipatrë. Këta inxhinjerë, arkitetktë fasulesh partie, kur sot bota po ndërton nën ujë, po kthen shkretëtirën në tokë pjellore, po synon planetët etj. Eshtë turp për ato diploma që mbani kur përmendi pa mundësinë e ngrohjes a ajrimit. Me që përmenda shkretëtirën, po udhëtoja përmes një të tille pak ditë më parë. Në hyrje të shtetit të Arizonës, tokës së zhuritur ose atdheut të kaktuseve, në një tabelë të madhe shkruhej, nga pluhuri në flori. E kisha hasur edhe në Nevada, Las Vegas… një sentencë plot drita, flatronte, nga pluhuri në flori. Kishin të drejtë të krenoheshin, fushat gjithë guralecë, drozhga dhe vapë.

Kodrat që ngjanin me masivet e xeherorëve vullkanik të shuar, janë sot prodhues kampion të energjisë diellore. E komplekseve monumentale të antikitetit a kohëve moderne europiane dhe bota në tërësi, duke e ndjerë veten plotësisht sikur shëtit ta zëmë në rrugët e Venecias së sotshme. A duke jetuar piramidat e Egjiptit, sikur me qënë qytetar katërmijë vjeçar, jo fillim shekullit të bumit të komunikimit social. Ne e kemi të tmerrshme, të pamundur të ndërtojmë gjetkë një teatër të ri. E kemi të tmerrshme, krejt të pamundur të ruajmë atë që kemi dhe atë kopësht ta kthejmë në një kopësht ta zëmë statujash të atyre korifenjve. Të shkojmë t’i takojmë. E kemi të tmerrshme, nuk gjejmë dot dy kondicionerë, nuk reasturojmë dot shurrën e kohës sonë, të gagarelëve të studiove dhe militantëve të partive, ky kancer që po na ha të gjallë si komb. Jemi të fortë. Kemi shtet të fort, ndaj po shitemi copash, pjesësh…, si automjetet për pjesë këmbimi.

LEXO TE PLOTE

Kryesore

Mblesëri me firmën ‘Fusha’/ Zbulohen prapaskenat me çështjen e Teatrit Kombëtar

Publikuar

-

By

Nga Agim Xhafka

*Po bëhen ditë që artistët protestojnë ndaj qeverisë. Ajo kërkon t’u prishë teatrin e në atë truall të ‘pjellë’ nja 6 kulla e mbase ngelet vend edhe për teatrin tjetër, që quhet i ri, ende pa u kryer pllenimi.

Një makineri e tërë po nduket e po shqyhet që ta nxjerrë lëvizjen e artistëve si një nismë e shtyrë nga opozita, si një grup që nuk di ç’kërkon dhe si një revoltë banale se dëshiron të mbajë në këmbë  një ngrehinë shkatarraqe e aq më keq ndërtuar me abzest që na sillka kancer.

Si të mos mjaftonin këto sulme javën e fundit e ka marrë stafetën e përgojimit vetë Erion Veliaj. Por jo me letra tip Griselda, por me dëgjesa në hotele luksoze mbushur me aparatçikë që edhe kur i pyet se si ta quajnë fëmijën ai nuk përgjigjet po mos i japë leje shefi, fol, por shkurt. Si qëmoti kur turmat bërtisnin para atyre që gjoja iu bënin gjyqin: ‘Në litar, në litar!’, tani ulërasin   ‘Të prishet, të prishet!’

Askush nuk i shkon thellë problemit. Rama do ta prishë se i prish punë për kullat. Erioni do ta shembë se shembet vetë nga Rama. Ja, kaq e thjeshtë e aparati i propagandës nis thurjet e fabulave, tani jo me bebe që iu shkulen nënave nga barku,por me artistë që do vdesin nga kanceri dhe se qyteti atë zonë nuk e lejon të jetë ferrishte.

Komikja vazhdon kur Erioni përmend sukses te tij sheshin ‘Skënderbej’ që tani verës ai që rri atje dy minuta merr titullin Hero,Pazarin e Ri që e nisi Basha dhe Bulevardin e Ri që e nisi po Luli.

Harron se ‘shtatzënë’ këto vepra i la Basha dhe ai thirret baba i tyre, o Erion!

Mendoj se çështja e Teatrit është si çështja e dashurisë së një vajze. Në këtë rast ajo do që të martohet me një djalë që do vijë nga buxheti i shtetit,ose nga një djalosh që do dalë pas njohjes së shumë të tillëve që zonjusha Teatër do ketë mundësi t’i intervistojë nëpër kohëra.

Por Rama e Erioni ia kanë gjetur burrin.

Quhet firma ‘Fusha’.

Nuk pyesin në se ky është më simpatik se të tjerët, është i ri apo i vjetër në moshë, i punon apo nuk i punon dyfeku, bën apo s’bën fëmijë. Shkurt do martohesh me këtë dhe pikë. Epo këtë mblesëri artistët nuk e përtypin, andaj po luftojnë.

Jo për hesap të tyre, por të të gjithëve. Se ai që do marrë truallin duhet të konkurrojë. Jemi në kapitalizëm, Lali!

Ikën motet kur Enveri hidhte kapelen në Fier e në vendin ku binte ajo thuhej:

‘Urgjent të shpojnë atje sondat! Enveri e zbuloi naftën që na fshehën armiqtë.’

LEXO TE PLOTE
Reklama
Reklama
Reklama
Reklama
Reklama
Reklama
Reklama

LAJMET E FUNDIT

Aktualitet17:55 - 21 June, 2018

Rusi 2018 / Franca bën detyrën në fraksionin e parë

 Të besuarit e Didier Deschamps po zbatojnë mjaft mirë detyrat e teknikut francez dhe po arrijnë të marrin fitoren. Një...

Aktualitet17:50 - 21 June, 2018

Rreshjet e shiut përmbytin Prishtinën

Gjatë ditës së sotme Prishtina është përmbytur nga reshjet e shtuara të shiut, që kanë lënë pasoja të mëdha. Sikurse raporton “Zeri.Info”,përveç...

Aktualitet17:49 - 21 June, 2018

PD nuk ndalet/ Deputeti demokrat lë në “ethe” Qeverinë

Pas publikimit të skandalit “Xhafaj”, Partia Demokratike ka paralajmëruar nxjerrjen e provave të reja për eksponentë të Qeverisë. Kjo gjë...

Aktualitet17:42 - 21 June, 2018

Franca gjen golin/ Mbappe kalon në avantazh “Gjelat”

Kombëtarja e Francës më në fund arriti të kalojë mbrojtjen e Perusë, e cila u mbajt mirë deri në 34’....

Aktualitet17:41 - 21 June, 2018

Albin Kurti sulmon kryeministrin Haradinaj dhe presidentin Thaçi

Kryetari i lëvizjes VetëVendosja, Albin Kurti, në një konferencë për media nuk i ka kursyer kritikat për kryeministrin Ramush Haradinaj...

Aktualitet17:33 - 21 June, 2018

Spaho “tradhëton” Bashën/ Nxjerr zbuluar punën e PD për zgjedhjet

I ftuar në rubrikën “Opinion” në News24, kreu i grupit Parlamentar të Partisë Demokratike, Edmond Spaho, ndërsa ka komentuar situatën...

Aktualitet17:24 - 21 June, 2018

Vrau burrin përdhunues, u dënua me vdekje/ 19-vjeçarja dëshmon historinë tronditëse

Rasti i Noura Hussein, e cila është dënuar për vdekje për vrasjen e bashkëshortit të saj, ka shkaktuar zemërim ndërkombëtar....

Aktualitet17:16 - 21 June, 2018

Holanda ngre alarmin/ Zbulohen arsyet pse janë kundër integrimit të Shqipërisë në BE

Hapja e negociatave të Shqipërisë me Bashkimin Europian është vënë në pikëpyetje nga Holanda. Në një raportim të medies vendase...

Aktualitet17:15 - 21 June, 2018

BE kundër vendimit të qeverisë për rritjen e pagave/ Ja çfarë sugjeron

Shefja e zyrës së BE-së, si dhe përfaqësuesja e BE-së në Kosovë, Natalyia Apostolova, ka reaguar në lidhje me vendimin...

Aktualitet17:02 - 21 June, 2018

Presidenti Ivanov mund ta lërë pezull Marrëveshjen për emrin e ri të Maqedonisë

Mosdekretimi i ratifikimit të Marrëveshjes ndërmjet Maqedonisë dhe Greqisë nga ana e presidentit të Maqedonisë, Gjorgje Ivanov, paraqet një barrierë shumë të...

Aktualitet16:51 - 21 June, 2018

Të dënuar me burg për disa vepra penale/ Ekstradohen shtetasit shqiptarë

Interpol Tirana në bashkëpunim me Interpol Romën dhe atë të Greqisë kanë bërë ekstradimin e dy shtetasve. Policia bën me...

Aktualitet16:19 - 21 June, 2018

Kreu i OSBE-së “shuplakë” politikës shqiptare

Kryetari i Prezencës së OSBE-së, ambasadori Bernd Borchardt, ka qenë i ftuar në emisionin “7 pa 5”, në “Vizion Plus”,...

Aktualitet16:02 - 21 June, 2018

Rusi 2018 / Nuk ka fitues mes Danimarkës dhe Australisë

 Edhe pse ndeshja mes Australisë dhe Danimarkës nisi praktikisht me avantazhin e këtyre të fundit, fitues nuk ka pasur. Eriksen...

Aktualitet15:58 - 21 June, 2018

Listat/ Publikohen rezultatet e provimit të Gjuhës Shqipe dhe Letërsisë

Ditën e sotme Ministria e Arsimit ka publikuar rezultatet e provimit të Gjuhës Shqipe dhe Letërisë. Të vlerësuar me notën...

Aktualitet15:53 - 21 June, 2018

Talenti shqiptar i bashkohet Gurit tek Oostende

Pas transferimit të sulmuesit Sindrit Guri tek Oostende, klubi belg ka arritur të transferojë edhe një tjetër futbollist shqiptar. Bëhet...

Kryesore15:52 - 21 June, 2018

Çelja e negociatave me Shqipërinë/ Çfarë kushtesh ka Gjermania?

Gjatë fjalës së tij në parlament, kreu i PD, Lulzim Basha ka hedhur akuza të forta ndaj qeverisë, duke e...

Aktualitet15:43 - 21 June, 2018

Tifozeria daneze në fokus/ Fotoja e tyre po bën bujë në internet

Nuk iu ka shpëtuar fotografëve të FIFA-s një detaj shumë i veçantë, shumë i bukur, por i ekzagjeruar. Dy tifozë...

Politikë15:34 - 21 June, 2018

Zbulohen prapaskenat/ Ja çfarë fshihet pas refugjatëve

Deputeti i PD, Tritan Shehu, ka komentuar lajmin për ardhjen e 600 mijë refugjatëve. I ftuar në studion e “Opinion”...

Politikë15:34 - 21 June, 2018

Ish-ministri “shuplakë” Bashës/ Del në krah të Ramës ?

Ish-ministri i Rendit Publik në qeverinë e vitit 1992, Bashkim Kopliku ka reaguar në lidhje me debatet e fundit, për...

Kryesore15:10 - 21 June, 2018

Zbardhen debatet në parlament/ Holanda i “ngrin buzëqeshjen” Shqipërisë?

Ditën e sotme në Komisionin për Çështjen e Europës në Parlamentin e Holandës  është diskutuar çështja e hapjes së negociatave...

Aktualitet15:04 - 21 June, 2018

Skandal te Krimet e Rënda/ “Degjeneron” situata, avokati fyen gjyqtaren

Fadil Kasemi, ish burri i gjyqtares së vrarë, Fildeze Hafizi, është përballur sot me togat e zeza të Gjykatës për...

Kronika15:01 - 21 June, 2018

Policia spanjolle prangos “skifterët” shqiptarë

Policia e Spanjës ka arrestuar një grup shqiptarësh, të cilët kryenin vjedhje me dhunë. Sipas mediave iberike, ky grup brenda...

Aktualitet14:49 - 21 June, 2018

Rusi 2018 / Barazpeshë totale mes Danimarkës dhe Australisë

Janë mbyllur 45 minutat e para të sfidës së parë për ditën e sotme, mes Danimarkës dhe Australisë. Nordikët e...

Aktualitet14:43 - 21 June, 2018

Australinë e “shpëton” VAR / Vjen barazimi në “Cosmos Arena”

 Ka barazuar Australia me anë të një 11-metërshi të shndërruar në gol nga kapiteni Milos Jerdinak. Në minutën e 38’,...

Politikë14:30 - 21 June, 2018

Gjermania kundër negociatave ?/Reagon ministri Bushati

Ministri i Jashtëm i Shqipërisë, Dimir Bushati, ka falenderuar qeverinë gjermane dhe kancelaren Angela Merkel për mbështetjen ndaj Shqipërisë. Në...

Aktualitet14:25 - 21 June, 2018

Video / Një “perlë” e Eriksen bën diferencën 20 minutat e para

Nuk mund të mungonte ylli i Tottenham Chritian Eriksen dhe golat e tij spektakolar në këtë botëror. Mesfushori i Danimarkës...

Kryesore14:16 - 21 June, 2018

“Skandali Xhafaj”/ Basha “vret” Babalen  

Pak kohë më parë, Partia Demokratike filloi një aksion denoncimesh të njëpasnjëshme në drejtim të ministrit të Brendshëm, Fatmir Xhafaj....

Kryesore14:05 - 21 June, 2018

Para droge me “Toyota Yaris”?/ Balla zbulon emrat e deputetëve që udhëtuan drejt Berlinit

Kreu i Partisë Demokratike, Lulzim Basha ka deklaruar sot se kreu i grupit Parlamentar të PS-së, Taulant Balla ka qenë...

Trending

Read previous post:
Plani i SHBA për Kosovën/Ndihmës Sekretari amerikan hedh poshtë mediat serbe

Wess Mitchell, ndihmës sekretari i Shtetit të SHBA-së për Çështje Evropiane dhe Euroaziatike, gjatë vizitës së tij ka thënë në...

Close