LEXO PA REKLAMA!

SHKARKO APP

“Rama tre ditë në spital”/ Deputetja zbulon arsyen  

10 Mars 2018, 13:38, Politikë CNA

Deputetja e Partisë Demokratike, Dhurata Çupi në një dalje për mediat ka hedhur akuza të forta në drejtim të kryeministrit Rama.

Çupi theksoi se ?Edi Rama duhet t?u tregojë sa më shpejt shqiptarëve përse e ka takuar dje në mëngjes Saimir Tahirin në një nga spitalet private të Tiranës dhe për çfarë ka biseduar për më shumë se 1 orë më ish-ministrin?

Sipas deputetes demokrate, Edi Rama duhet të flasë edhe nëse vëllai i tij fshihet pas kokainës kolumbiane dhe jo t?u shesë shqiptarëve 613 kilogramë kokaine për sapun.

Ndër të tjera, Çupi u shpreh se arsyeja pse Rama hesht është se kokat e vërteta të kokainës janë pranë tij, në majat e politikës dhe në gjirin e familjes.

?Ndaj Edi Rama sot ndjehet nën presion nga të gjitha anët, çfarë i ka shkaktuar një gjendje të rënduar psiqike, për të cilën ai ka tre ditë që viziton spitalin. Edi Rama gjendet mes dy zjarresh. Nga njëra anë ka presionin e trafikantëve, të cilëve u ka shkaktuar një dëm të madh dhe janë të rrezikuar.?- deklaroi Çupi.

Deklarata e plotë:

Edi Rama duhet t?u tregojë sa më shpejt shqiptarëve përse e ka takuar dje në mëngjes Saimir Tahirin në një nga spitalet private të Tiranës.

Edi Rama duhet të tregojë se për çfarë kanë biseduar për më shumë se 1 orë me ish Ministrin e tij të Brendshëm, i akuzuar për trafik droge.

Edi Rama duhet të flasë edhe nëse vëllai i tij fshihet pas kokainës kolumbiane dhe jo t?u shesë shqiptarëve 613 kilogramë kokaine për sapun.

Ka një arsye pse Edi Ramën e ka pushtuar një heshtje varri për kokainën, madje as nuk mburret më për kapjen e saj.

Arsyeja është se kokat e vërteta të kokainës janë pranë tij, në majat e politikës dhe në gjirin e familjes. Arsyeja është se garancia që ai dhe njerëzit e tij u dhanë kriminelëve të Klanit të Gjirit të Kolumbisë dështoi, sepse ia dogjën partnerët ndërkombëtare.

Ndaj Edi Rama sot ndjehet nën presion nga të gjitha anët, çfarë i ka shkaktuar një gjendje të rënduar psiqike, për të cilën ai ka tre ditë që viziton spitalin.

Edi Rama gjendet mes dy zjarresh. Nga njëra anë ka presionin e trafikantëve, të cilëve u ka shkaktuar një dëm të madh dhe janë të rrezikuar. Nga ana tjetër, është nën presionin e partnerëve ndërkombëtarë. Edi Ramës i është bërë e qartë nga disa qeveri europiane se po nuk u kapën kokat e kokainës, nuk ka Shqipëri në Europë!

Edi Ramës i është bërë e qartë se, nëse Saimir Tahirit nuk i hiqet mbrojtja politike, nuk ka Shqipëri në Europë! Por Edi Rama nuk e dorëzon dot as Saimir Tahirin, as Olsi Ramën as Agron Xhafajn, se pastaj do t?i duhet të dorëzohet vetë.

Këtë fakt nuk mund ta fshehë as Edi Rama, as matrioshkat e tij, që me përralla me rubla ruse, përpiqen më kot të fshehin të vërtetat kriminale të kryeministrit të vendit./ CNA.al

Lajmet e fundit nga