Connect with Us

Çfarë po ndodh mes PD dhe LSI?/ Flet Petrit Vasili

Aktualitet

Çfarë po ndodh mes PD dhe LSI?/ Flet Petrit Vasili

Publikuar

-

Nga Elda Menga

Prej disa ditësh Petrit Vasili nuk është parë të ngjisë shkallët e Partisë Demokratike me Monika Kryemadhin.
Mungesa e takimeve dhe qëndrimi ndryshe për disa ligje në Parlament la të kuptohet në publik se diçka nuk shkonte në marrëdhëniet PD-LSI. Por, kryetari i grupit te Levizjes Socialiste per Integrim, siguron se fronti opozitar është solid dhe bashkimi i votave me ish-aleatin e vjetër socialist për vettingun në polici nuk nënkupton krisje me demokratët.

“Nuk ka asnjë lloj problemi, edhe PD ka qenë aktive dhe e interesuar për ndryshimin e ligjit të vettingut. Ne bëmë të pamundurën që përmes amendamenteve ti jepnim një integritet të lartë ligjit. Marrëdhëniet me PD funksionojnë në mënyrë normale, korrekte dhe në sinkronin politik të duhur për të gjitha çështjet madhore. Kjo është çështje e vullnetit të mirë që opozita arriti të ndryshoi ligjin, a behet nismëtare LSI apo PD kjo nuk ka rëndësi. Pasi, secila ka individualitetin e vet. Ne do të mbështesim amendamentet e PD për çështje të tjera dhe këtu nuk ka vijë ndarje, por jemi gjithë së bashku për një qellim”, sqaron Vasili.

Petrit Vasili nuk e mohon idenë e një bashkëpunim politik në të ardhmen me demokratët e Bashës, megjithëse për të është ende herët të flasësh për këtë temë. Por, një koalicion i mundshëm politik me LSI-së, nuk le indiferent aleatët historik të Bashës.
“Është ende herët për të folur për një çështje të tillë, por para se të flasim për zgjedhjet e ardhshme duhet te flasim me cilin pushtet kriminel do shkojmë në zgjedhje, duhet ti japim përgjigje të fortë kësaj, riciklimit të zgjedhjeve me pushtete kriminale dhe me kryeministra që i udhëheqin ato, pa zgjidhur këtë si problem nuk mund të flasim për të tjera”, thekson kreu i grupit të LSI.

LEXO EDHE:  “Jemi në krizë”/ Lisandër Hoxha: Të ekspozojnë partinë e semurë drejt kurimit sa më shpejt

“A i druhen një bashkëpunimi të LSI me PD? LSI është e lirë të bëjë zgjedhjen e vet. Fokusi politik i së djathtë , programor po flas në këtë rast është i domosdoshëm të shikojë tek ajo ç’ka bashkon në të djathtën përpara se të bëjë bashkime mekanike, politike me subjekte te tjera. LSI ka një fokus të majtë programor. Asgjë nuk është e përjashtuar, por mendoj se në këtë rast me tepër duhet parë si e kapitalizojmë marrëdhënien brenda së djathtës për të parë pastaj të kapërcejmë gardhin në parti te tjera. Absolutisht bashkëpunimi me LSI opozitar është I domosdoshëm, por në kuadrin elektoral kjo është një çështje që vlen të diskutohet,” shprehet kryrepublikani Fatmir Mediu.

Aleatet e PD-së ndahen sa i takon aleancave zgjedhore, por bashkohen në rëndësinë e reformimit te kodit zgjedhor. Për ta më parë duhet ti jepet zgjidhje shitblerjes se votës, ndërsa sa i takon sistemit ia lënë diskutimi në tryeza politike./BW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

Qytetarët “çmenden” pas Përputhen/ Kikia drejton gishtin nga media: Nuk e ka fajin turma

Publikuar

-

Nga

Padia e Berishës ndaj Blinken/ Kikia: Provë e fortë për drejtësinë

Gazetari Mentor Kikia ka folur për emisionet që kanë tërhequr vëmendjen e audiencës, kur kohët e fundit janë parë qytetarët që të vrapojnë pas ish-konkurentëve të “Përputhen” vetëm e vetëm për të bërë një foto.

Kikia tha se në këto raste nuk do të fajësonte turmën, por median që sipas tij nuk po prodhon kulturë.

Sot nuk prodhohet më kulturë. Shumë qyteta kanë një mungesë teatri, televioznet kanë mungesë emisonesh për fëmijë dhe për këtë do fajësoj median dhe jo turmën”, u shpreh ai në emisionin “Të paekspozuarit” të Ylli Rakipit.

Më tej gazetari deklaroi: “Populli gjithandej është popull. Mes turmës dhe medias do fajësoja median sepse është më e përgjegjshmë mbi atë që i bën turmës dhe mendoj se dhe ata që i prodhojnë këto emisone janë koshientë, por kjo është biznes. Gabimi qëndron te ajo shtresë e shoqërisë që duhet të jetë pararoja e shoqërisë.

Se një 5% është ajo që prodhon kulturën, shkencën pjesa tjetër është popull, këtu është prishur ky ekulibër, nuk kemi një shtresë që të prodhojë këtë. Dhe kështu turren këto turma pas atij personi që kanë parë në televizion. Pse nuk ka kinema, teatër, emisone për fëmijë. Kur duhet që këto mend të bëhen bashkë për një drejtim të caktuar për të bërë një vërejtje të madhe nuk e bëjmë dhe drejtojmë gishtin tek ajo turma që do vazhdojë të rritet”./ CNA.al

LEXO TE PLOTE

Bota

Përfaqësuesi amerikan propozon takim me udhëheqjen e Koresë së Veriut

Publikuar

-

Nga

Përfaqësuesi amerikan propozon takim me udhëheqjen e Koresë së Veriut

Përfaqësuesi amerikan për Korenë e Veriut propozoi të hënën një takim me udhëheqjen e Phenianit “kudo, kurdo dhe pa parakushte” ndërkohë që ende nuk ka pasur kontakte publike mes administratës së Presidentit Biden dhe Koresë së Veriut.

Deklarata e emisarit amerikan, Sung Kim pason komentet që bëri javën e kaluar udhëheqësi koreano-verior Kim Jong Un duke reaguar ndaj një analize të fundit të Uashingtonit mbi qëndrimin amerikan ndaj këtij vendi të izoluar komunist. Udhëheqësi koreano-verior u shpreh se Pheaniani duhet të përgatitet si “për dialog, ashtu edhe për ballafaqim”.

Administrata e Presidentit Biden më parë pat premtuar “një qëndrim praktik, të kalibruar” përfshirë përpjekje diplomatike për të bindur Phenianin të heqë dorë nga programi i armëve bërthamore dhe i raketave balistike.

“Vazhdojmë të ushqejmë shpresa se Koreja e Veriut do t’u përgjigjet pozitivisht orvatjeve tona dhe ofertës për t’u takuar kudo, kurdo dhe pa kushte,” tha përfaqësuesi amerikan Sung Kim gjatë një vizite pesë ditëshe në aleatin e Amerikës, Korenë e Jugut.

Javën e kaluar Kim Jong Un tha se situata ushqimore në Korenë e Veriut është “e tenionuar” duke u rënë këmbanave të alarmit për problemet në sektorin bujqësor që prej vitesh ndesh vështirësi akute për të përmbushur nevojat e këtij vendi të izoluar. Koreja e Veriut ka vetë-imponuar një bllokadë edhe më të rëndë si mbrojtje nga pandemia.

LEXO EDHE:  Zbardhen faktet/Niko Peleshi fut nën thundër PD-në e Korçës

LEXO EDHE:  Goxhaj zbulon emrin/ Kush është demokratja që doli dje kundër urdhrit të Bashës

Sipas televizionit shtetëror të Koresë së Veriut, Kim Jong Un dhe udhëheqës të tjerë kishin diskutuar “masa emergjente” në përgjigje të “krizës aktuale ushqimore”.

Koreja e Veriut këmbëngul se nuk është identifikuar asnjë rast me koronavirus në vend, një pretendim që analistët e vënë në pikëpyetje. Autoritetet e Pheanianit kanë imponuar masa të forta për të mbyllur kufijtë gjë që ka prekur edhe furnizimet jetike nga Kina si dhe ndihma të tjera ndërkombëtare.

Diplomati amerikan Sung Kim u bëri thirrje Kombeve të Bashkuara të zbatojnë plotësisht sanksionet kundër Phenianit, të cilat prekin importimin e naftës dhe eksportin e qymyrgurit, tekstileve, peshkut dhe produkteve të tjera./ VOA

LEXO TE PLOTE

Bota

Kreu i Bundestagut gjerman ofron ndihmesë në zgjidhjen e dialogut Kosovë-Serbi

Publikuar

-

Nga

Në përgatitje të raundit të dytë të bisedimeve mes Kosovës dhe Serbisë, edhe kryetari i parlamentit të Gjermanisë, Wolfgang Schäuble, po përpiqet të japë ndihmesë në arritjen e një marrëveshjeje mes Kosovës dhe Serbisë.

Presidenti i Bundestagut,  Wolfgang Schäuble priti të hënën, më 21 qershor,  homologun e tij kosovar, Glauk Konjufca. Në qendër të bisedimeve në ndërtesën e Rajhstagut në Berlin ishte anëtarësimi i mundshëm i Republikës së Kosovës në BE dhedialogu me Serbinë, thuhet mes të tjerash në një deklaratë të Bundestagut.

“Nisur nga sfidat globale, duhet të arrijmë që ta mbajmë Evropën të qendrueshme dhe këtu hyjnë edhe marrëdhëniet e qendrueshme ndërmjet vendeve të Ballkanit Perëndimor”, tha Schäuble.

Kryetari i Bundestagut u tregua i gatshëm  të japë kontributin e tij për dialogun. “Ne do të jepnin me kënaqësi ndihmesën tonë nëpërmjet  kontakteve midis parlamentarëve, për të mbështetur procesin e normalizimit ndërmjet Kosovës dhe Serbisë”, ka thënë Schäuble, sipas deklaratës së Bundestagut.

Dialogu mes Kosovës dhe Serbisë ka mbetur në vend për momentin, për shkak të çështjes së krijimit të Asociacionit të Komunave me Shumicë Serbe, i cili ka qenë pjesë e marrëveshjeve të mëparshme të dialogut të zhvilluar në Bruksel.

LEXO EDHE:  Ish-sigurimsi në KLP/ LSI kërkon shkarkimin e Arta Markut

LEXO EDHE:  Publikoi dokumentin e Prokurorisë italiane/ PD nxjerr blof Tahirin

Por ngritja e një asociacioni të tillë është hedhur poshtë nga Gjykata Kushtetuese e Kosovës, dhe hidhet poshtë pothuajse nga i gjithë spektri partiak në Kosovë. Kryetari i parlamentit të Kosovës, Glauk Konjufca, i tha Deutsche Welle-s, në një intervistë, se krijimi i një Asociacioni të tillë me kompetenca ekzekutive do të shkatërronte funksionalitetin e shtetit të Kosovës dhe është kësisoj i papranueshëm nga ana e Kosovës.

Temat e tjera në takimin e parë të Konjufcës në Berlin, në cilësinë e kryeparalamentarit, ishte liberalizimi i vizave për qytetarët e Kosovës dhe reformat e planifikuara të sistemit arsimor, në të cilin Kosova dëshiron të orientohet te sistemi i dyfishtë (mësim dhe praktikë) që përdoret në Gjermani. Dy krerët e parlamentit biseduan edhe për pandeminë dhe sfidat e saj.

Nga Bundestagu bëhet e ditur se të premten, më 25 qershor, Wolfgang Schäuble do të presë në selinë e tij në Berlin edhe presidentin e Parlamentit të Serbisë, Ivica Dačić. DW

LEXO TE PLOTE