Connect with Us

Bllokimi i guroreve në Malin e Tomorrit/ Rama: Nëse duan të punojnë, duhet…

Politikë

Bllokimi i guroreve në Malin e Tomorrit/ Rama: Nëse duan të punojnë, duhet…

Publikuar

-

Kryeministri Edi Rama, në një dalje për mediat në Berat, pas përfundimit të mbledhjes së qeverisë, u ndal edhe tek çështja e guroreve të bllokuara në malin e Tomorrit.

Sipas Ramës, guroret nuk kanë zbatuar kontratat, pasi kanë “kafshuar” dhe janë larguar, pa zbatuar kontratën për përmirësimin e mjedisit.

“Nuk ka shans që ne t’i hapim më rrugë kësaj barbarie. Ministri i Mjedisit që udhëheq programin tonë ambicioz të rigjelbërimit të të gjitha territoreve të kafshuara dhe masakruara në vite, me shumë prioritet po ndjek gurore për gurore, jo vetëm në Qarkun e Beratit, por në gjithë Shqipërinë këtë përputhshmëri. Kemi bllokuar disa gurore, e do vijojmë kontrollin tek të tjerat. Çdo gurore që kërkon të shfrytëzojë malet dhe kodrat për të nxjerrë duhet, duhet të zbatojë të gjitha standardet e kontratave, pasi ato janë të qarta dhe standardi është i qartë. Nuk mund të kafshosh e të ikësh, por duhet edhe të përmirësosh atë që lë pas. Fëmijët tanë nuk mund të rriten duke asistuar këtë shembull flagrant ët shembjes së të drejtës së tyre dhe të këtij vendi. Zbatimi me përpikmëri i standardeve është objektivi ynë i panegociueshëm”, – deklaroi Rama.

LEXO EDHE:  Nga Armand Shkullaku/ Edi Rama nuk është car, por rusët i duhen

Në vijim ai tha se të shtunën në Krujë, do të prezantohet plani i rehabilitimit të maleve dhe kodrave, dhe se çdo kompani që do të dëshirojë të punojë, do tu kërkohet përmbushja e disa kritereve dhe zgjidhje të reja. /CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ligji për Arsimin e Lartë shqetësimi kryesor”/ Basha premtim studentëve

Publikuar

-

Nga

Pas live-t në Facebook, kreu i opozitës Lulzim Basha komunikoi sot me qytetarët me anë të rubrikës “Më bëj një pyetje” në Instastory.

Basha ktheu sytë nga arsimi dhe i kërkoi të rinjve që të japin mendimin e tyre se çfarë do të bënin ata, nëse do të ishin për një ditë Ministër Arsimi.

Dhjetëra persona kanë shkruar se duan të anullohet Ligji i Arsimit të Lartë, shumë të tjerë kanë kërkuar plotësimin e 8 pikave të studentëve, disa të tjerë kanë kërkuar ndëshkimin e mësuesve të korruptuar, disa të tjerë bursa për studentët dhe ashpërsimin e masave për veshjen.

Pas kësaj, me anë të një videoje, lideri i demokratëve falenderon studentët dhe i premton se sapo të vijë në pushtet do të anullojë Ligjin për Arsimin e Lartë.

“Jam shumë i befasuar që vetëm brenda pak orësh mijëra prej jush ndjekës në Instagram i jeni përgjigjur pyetjes se cili do të ishte vendimi i parë nëse do të t’ju besohej drejtimi i Ministrisë së Arsimit. Mes mijëra sugjerimeve dhe propozimeve spikat anulimi i Ligjit për Arsimin e Lartë. Është pika e parë e programit tim, programit të PD për Arsimin e Lartë. Sugjerimet e tjera kanë të bëjnë me shtimin e financimeve për shkollat dhe universitetet në të  gjitha fushat e arsimit dhe në veçanti në krijimin e kushteve më të mira në universitete, që studentët të dalin në tregun e punës dhe të  konkurojnë  si dhe me denjësisht dhe me paga të larta.

LEXO EDHE:  Nga Armand Shkullaku/ Edi Rama nuk është car, por rusët i duhen

LEXO EDHE:  Ky është mashtrimi me legalizimet që po shpërndahen nga Edi Rama shtëpi më shtëpi

Ju falenderoj nga zemra që bashkëbiseduat me mua sot në Instagram dhe shpresoj ta vijojmë këtë formë të shprehjes së problemeve që keni ju”, deklaron Basha./ CNA.al

LEXO TE PLOTE

Politikë

Futen për të grabitur/ Shqiptarët masakrojnë të moshuarin italian

Publikuar

-

Nga

Katër shqiptarë kanë rënë në prangat e policisë italiane, pasi akuzohen se kanë dhunuar dhe grabitur një 85-vjeçar në Lignano të Italisë.

85-vjeçari i grabitur, Giuseppe Spartà aktualisht është në spitalin e Latisanës pasi të arrestuarit ushtruan dhunë mbi të gjatë grabitjes duke e lënë me të paktën 4 brinjë të thyera.

Ndërkohë në mediat italiane thuhet se i moshuari u lidh nga shqiptarët.

LEXO EDHE:  Rruga “Edi Rama” në Surrel, Manjani: Mos po na qeveris një burrë i vdekur?!

LEXO EDHE:  Shkarkimi i Manjanit/PS-LSI nisin lëvizjet, në mesditë mbledhin Kryesitë

Ai ka rrëfyer se vetëm pak kohë më parë ra pre e një tjetër grabitje ndërsa pas kësaj dëshmie hetuesit po punojnë nëse dy ngjarjet janë të lidhura me njëra tjetrën.

LEXO TE PLOTE

Politikë

Veshja e agjentes bjonde me syze e kapele/ Lleshaj: “Përshtypjet e mia nuk kanë rëndësi”

Publikuar

-

Nga

Ministri i Brendshëm Sandër Lleshaj, ka reaguar sot për veshjen e shumëpërfolur të agjentes bjonde të Operacionit Forca e Ligjit, e cila del para mediave e maskuar me kapele dhe syze.

Lleshaj deklaroi se ai nuk është marrë me këtë çështje, pasi theksoi se për veshjen e saj dhe të punonjësve të tjerë të operacionit kanë vendosur drejtuesit e OFL-së.

“Përshtypjet e mia nuk kanë rëndësi. Kjo është një çështje që e vendosin drejtuesit e operacionit dhe me këtë nuk merret ministri. Punonjësit e operacionit kanë nevojë për një lloj mbrojtje dhe për një lloj qetësie, që të mos ndikohen nga persona të tjerë”, u shpreh ministri në emisionin “Kjo Javë”.

Ministri iu përgjigj edhe akuzave të opozitës, të cilët kanë ngritur akuzat se agjentja bjonde ka shkelur ligjin me veshjen, por Lleshaj nuk e shikon kështu.

LEXO EDHE:  Nga Armand Shkullaku/ Edi Rama nuk është car, por rusët i duhen

LEXO EDHE:  Reagimi i gazetares së “Le Iene”/ Berisha thumbon Ramën

“Nuk ka shkelje të ligjit për arsye se vajza nuk është e veshur me uniformën e Policisë së Shtetit, ajo mban simbole të Policisë së Shtetit. Kushdo mund ta mbajë një simbol të Policisë së Shtetit, ndodh në të gjithë botën, që mbajnë simbole të Policisë së Shtetit, apo të zjarrfikëses”, nënvizoi Lleshaj./ CNA.al

LEXO TE PLOTE