“Ta themi troç, Halimi nuk u largua për projektin e tij, iku sepse Basha…” - CNA
Connect with us

Opinione

“Ta themi troç, Halimi nuk u largua për projektin e tij, iku sepse Basha…”

Publikuar

-

Nga Roland Qafoku

Kishte kohë që dukej gjithnjë e më pak. Fliste rrallë në parlament. Nuk mbahet mend kur kishte dalë për herë të fundit në foltoren e PD. Medies kishte kohë që i kishte bërë block. Dhe ja kur erdhi dita dhe shpërtheu: “boll më”. Nuk tha ishte i lodhur si Besnik Mustafaj. Nuk shkoi ambasador në NATO si Leonard Demi apo ambasador në Vjenë si Vili Minarolli. Nuk bëri si Ilir Rusmali që refuzoi të ishte delegat në Tepelenë. Nuk bëri si Jozefina Topalli, Astrit Patozi, Arben Imami që krijuan grupimin për rrëzimin e kryetarit se kishte shkelur statutin.

Eduart Halimi iku nga PD dhe ky është një lajm i trishtë. Djaloshi që e nisi nga zero por me durimin e pikës së ujit arriti të bëhej jo thjesht një ministër I radhës i Drejtësisë. Jo vetëm se ishte ndër më jetëgjatët në këto 28 vjet në këtë detyrë. Por se krijoi një format duke u kthyer një nga zerat autoritarë të PD në fushën e jurisprudencës. Por, ai iku. Iku për një projekt,- thotë, por në PD dhe jashtë saj e dinë mirë “projektin” e tij. Po e themi troç: Eduard Halimi iku se ishte i pakënaqur. Dhe jo vetëm kaq, por mbi të gjitha ishte i pashpresë me këtë politikë që po ndiqej në Partinë Demokratike. Duket se marrëveshja e 18 majit 2017 mes Bashës dhe Ramës ishte uji që smbante më ena dhe ai iku. Në statusin prej 20 radhë kompjuterike, veçohet paragrafi i arsyes së dorëzimit të mandatit:

“Sot kam dorëzuar mandatin e deputetit pasi nga nesër i përkushtohem një projekti të së drejtës ndërkombëtare private në një netëork në Ballkan, projekt që është afatgjatë dhe kërkon që vendimin ta marr sot”.

Por nëse Eduard Halimi do ishte një zë i vetëm aty i ikur, ky nuk do përbënte ndonjë problem. Por aradha e të ikurve nga kjo parti tashmë që ka krijuar një ushtri është kthyer në një çështje jo vetëm e mungesës së identitetit, por edhe zërit të fortë autoritar dhe profesional. Është ushtria e të ikurve, por më shumë se kaq është ushtria që në rastin më të mirë ka lënë vakum dhe në rastin më të keq është zëvendësuar me një ushtri që nuk ngjall shpresë.

Nuk është më në PD Besnik Mustafaj. Shkrimtari, diplomati dhe ministri i Jashtëm që u lodh nga gërr merret e politikës së ditës është duke iu përkushtuar një projekti tjetër. Sa ndryshe do ishte PD nëse Mustafaj do ishte ende pjesë e strukturave të saj.

Nuk është më në PD Myqerem Tafaj. Porfesori i urtë, potenciali shkencor që la auditoret në Gjermani për të qenë pjesë e PD dhe që realizoi reformën më të madhe në arsim është duke iu përkushtruar një projekti tjetër.  Sa ndryshe do ishte PD nëse Myqerem Tafaj do ishte ende pjesë e strukturave të saj.

Nuk është më në PD Preç  Zogaj. Një nga themeluesit, zëri më elokuent dhe më prodhimtar i këtyre 28 viteve. Herë afër e herë larg, tani nuk është fare as në korridore e as në paradhomën e kryetarit. Edhe Preç Zogaj  është duke u marrë me një projekt tjetër. Sa ndryshe do ishte PD nëse Preç Zogaj  do ishte ende pjesë e strukturave të saj.

Nuk është më në PD Jozefina Topalli, gruaja që si kryetare e kuvendit arriti detyren më të lartë në histoiënë e shtetit shqiptar pas 93 vjet shtet. Edhe ajo pasi nuk u vendos në lista është duke iu përkushtuar një projekti tjetër. Sa ndryshe do ishte PD nëse Jozefina Topalli do ishte ende pjesë e strukturave të saj.

Nuk është më në PD Ilir Rusmali, juristi që sa e sa ligje janë hartuar nga mendja e tij dhe ministri që dha modelin se detyra e lartë nuk është pronë por detyrim dhe dha dorëheqjen për një arsye të rrallë dhe që nuk kultivohet në politikën tonë: për moral. Por edhe ai është duke iu përkushtuar një projekti tjetër. Sa ndryshe do ishte PD nëse Ilir Rusmali do ishte ende pjesë e strukturave të saj.

Nuk është më në PD Vili Minarolli, politikani i urtë që zgjodhi diplomacinë në vend të pushtetit të madh që mund të kishte këtu. Sa e sa beteja bëri në opozitë dhe habiti të gjithë që nuk lakmoi fare pushtet.  Sa ndryshe do ishte PD nëse Vili Minarolli do ishte ende pjesë e strukturave të saj.

Nuk është më në PD Arben Imami që në CV e vete ka detyrën e bashkëkryetarit për hartimin e  kushtetutës. Një nga themeluesit e PD, edhe ai tashmë i është duke iu përkushtuar një projekti  tjetër. Sa ndryshe do ishte PD nëse Arben Imami do ishte ende pjesë e strukturave të saj.

Nuk është më në PD Fatos Beja, politikani i urtë që ndershmërinë dhe karakterin dukej sikur I kishte vënë në hipotekën e politikës së vet. Kontribuesi dhe njeriu që mençurinë dhe qetësinë e vinte në punë sa herë që kokënxehtët e PD e nxirrnin partinë jashtë orbitës normale. Sa ndryshe do ishte PD nëse Fatos Beja do ishte ende pjesë e strukturave të saj.

Nuk është më në PD Astrit Patozi, politikani që i dha zërin e merituar kësaj partie dhe  i vetmi që u bë “alteregoja” armike e Ben Blushit socialist në parlament. Nga të rrallët gazetarë që e nderoi median si një product i saj. Sa ndryshe do ishte PD nëse Astrit Patozi do ishte ende pjesë e strukturave të saj.

Nuk është në PD Ritvan Bode, ekonomisti që u bë zëri I vetëm në PD-në e 1996 që i tha jo fajdeve pavarësisht se nuk u dëgjua. Ministri I Financave që ndonëse pati problemet e veta ekonomike ishte potenciali më cilësor I të djathtës. Sa ndryshe do ishte PD nëse Ritvan Bode do ishte ende pjesë e strukturave të saj.

Nuk është më në PD Genc Ruli. Një nga themeluesit e kësaj partie dhe padyshim një nga ekspertët dhe ekonomistët më të spikatur në politikën 28 vjeçare të Shqipërisë postkomuniste. Sa ndryshe do ishte PD nëse Genc Ruli  do ishte ende pjesë e strukturave të saj.

Nuk është më në PD Leonard Demi. Politikani që vuajti më shumë opozitën dhe kurrë nuk mori pushtet kur PD u rikthye në pushtet. Kurrë nuk përfitoi nga angazhimin e tij në 28 vjet në politikë. Por edhe ai iku. Më parë ambasador në NATO dhe tani në një projekt tjetër.  Sa ndryshe do ishte PD nëse Leonard Demi do ishte ende pjesë e strukturave të saj.

Kjo është lista e disa prej më të spikaturve që nuk janë në PD “për tu marrë me një projekt tjetër privat”. Nuk është e nevojshme të bëjmë listën e atyre që janë aktualisht në PD dhe që kanë zvëndësuar këta të ikur. Në fakt në PD ndodhen shumë të tjerë. Të rinj dhe të vjetër në moshë. Vajza dhe gra. Vetëm një dallim ka mes këtyre që janë dhe atyre që kanë ikur: Këta që janë aktualisht në PD nuk kanë projekte.  As aty në PD. /AFP

1 Comment

1 Comment

  1. ben

    13 February, 2018 at 3:05 pm

    Halimi ka qene nje hajdut me cizme,dhe eshte.Kur ka qene zv minister i drejtesise,ka bere pislleqe te panumerta.Ndersa,per referncat qe ka marre Qafoku si shembuj per shkrimin,ku i paraqet si njerez qe i kane dhene ketij vendi,eshte shume e cuditshme,te gjithe njihen si super hajdute,dhe me sa paten ne dore,i q..e nen ketij vendi

Leave a Reply

Your email address will not be published. Required fields are marked *

Aktualitet

Po të ishte Babalja “jevg”?

Publikuar

-

By

Nga Enkel Demi

Babalja është një personazh që duket sikur është sajuar në legjendat urbane. Nëse nuk do të dilte të fliste për historinë e tij Jetmir Olldashi, me siguri do na ngjante me një fantazi të filmave action, siç ngjau fillimisht me avionët Piper. Por, ai u shfaq dhe tani ka pështjelluar me atë të folmen e tij të rëndë toske një qeveri që ka gjithçka për vete kusi, tepsi, kazanë, legena e govata.

Luli lajmëroi protestë të shtunën e kështu do e shtyjmë këtë javë me ca si Lenci që janë “dhe i vetëm trim në luftë” e me ca të tjerë si Tur Çani që në mbrëmje do të japë pjesën tjetër të regjistrimit.

Pa dyshim, Fatmir Xhafaj qysh në momentin që në vetingun për policinë i pyet policët e ruajtjes së objekteve për vëlla, motër e miqësi, duhet të kishte dhënë dorëheqjen. Por, parimi rilindas “bëni si them unë, mos bëni si bëj unë”, e ka kthyer ministrin e Brendshëm jo rob të të vëllait, por skllav të kryeministrit. Ai tashmë është peng i njeriut që tërheq fijet në radhë të parë brenda Partisë Socialiste, pastaj të kësaj shoqërie.

Jam i bindur që kështu si rodhën punët, Fatmirit fatkeq të qeverisë i qëndron portofoli i ministrisë si dikush që e ka këmbën 45 dhe mbath këpucë 41. Prandaj, largimi i tij prej qeverisë ka gjasë të jetë një farë çlirimi që mund të sjellë në sytë e lodhur një fije gjumë, por e thamë që ka mbetur si miza në rrjetën e merimangës së sulltanit. Prandaj, të gjithë nga pak duhet ta ndihmojmë që të shpëtojë nga kjo zezonë që e ka gjetur.

Teksa qëndronte në Korçë dhe fliste për bandat e kapura në Gjermani, dikush mund t’i thoshte që në komisariatin e policisë të atij qyteti të paqtë la jetën një djalë 27 vjeç, hajn, i komunitetit ballkano-egjyptas, të cilin në të folmen e përditshme i thërrasim me keqdashje “jevgjitë”. Kjo është arsyeja që policia që na ngjall frikën e ligjit me atë operacionin mavi, i hyri në dru të riut dhe e la të vdekur. Enea Ftoj ka lënë pas tre fëmijë dhe kishte vendosur të jetonte si cub, por kjo nuk do të thotë që dikush ka të drejtë t’i marrë jetën, pse ka një tjetër ngjyrë lëkure dhe ne e quajmë “jevg”.

Vdekja në një stacion policie kudo në botë do të kishte shkaktuar tollovi politike dhe ministri i linjës do të ishte çliruar nga makthi që e ka zënë me një dorëheqje krejt të justifikuar. Në Shqipëri nuk pipëtin kush. Madje, kjo qeveri që e bën ekspertizën e një përgjimi të komplikuar për punë orësh, nuk ka bërë ende një ekspertizë përse vdiq djaloshi në qeli. Sa kohë kjo vdekje të mbetet në terr, ajo konsiderohet vrasje shtetërore. Edhe sikur tani të dalë ekspertiza, besueshmëria është në nivelin më të ulët. Çdo njeri sot mund të pyesë me të drejtë që kur policia nuk do t’ja dijë për forcën e ligjit në dhomat e saj, si mund të presim ne ta vërë në jetë në rrugë të madhe.

Natyrisht, ministrit të Brendshëm ndoshta nuk i hyn në sy që të pallojnë në dru në komisariat, sepse është e vetmja metodologji që njeh, ashtu si më 2 korrik të vitit 1990, kur ndihmonte trupat e repartit 326 të çonin tek Mali me Gropa çunat e Rrugës së Kavajës që nuk donin pushtetin e komunistëve, ku ai dallohej si sekretar i parë i Bashkimit të Rinisë së Punës së Tiranës.

Me siguri po të ishte Babalja “jevg” nuk do e kishte marrë njeri me gjithë mend.

LEXO TE PLOTE

Opinione

Po Rama me kë është?

Publikuar

-

By

Nga Arian Galdini
– Le ta ndalim botën për një çast e ti ngrijmë sendet sikurse janë në fjalët e KM Edi Rama. Ti marim për të mirëqena tê gjitha.
Të pranojmë pa bërë asnjë kundërshti çdo fjalë që ai përdor me zë, figurë, gjeste e shkrim për të përshkruar Opozitën.
Të pranojmë se kemi Opozitën më të mjerë e më të ligë në botë.
Të pranojmë se kemi Opozitën më qesharake e më kujisëse në botë.
Të pranojmë se kemi Opozitën më anti-negociata me BE, më anti-perëndimore, më të paaftë në botë.
Të gjitha këto, nuk na japin përgjigje për shkaqet pse Opozita vazhdon te mbetet Opozitë e pse nuk ia del dot ta mundë a rrëzojë Edi Ramën një orë e më parë.
Por asnjë prej këtyre pohimeve, nuk na jep përgjigje pse Edi Rama është ky që është.
Asnjë prej këtyre pohimeve nuk na jep përgjigje pse Edi Rama nuk qeveris por qesëndis këdo që i bën komente në facebook.
Asnjë prej këtyre pohimeve nuk na jep përgjigje pse Edi Rama sheh si motor fitoreje vetëm administrimin e së keqes me fjalime epike në TV, Kuvend e Foltore dhe me zdrugim kapilar mbi qytetarët, jashtë kamerave e syve nëpërmjet Oligarkëve dhe Krimit.
Nuk gjejmë përgjigje tek këto pohime mbi Opozitën as për krimin që pushtoi Kuvendin, Partitë e Institucionet gjatë viteve të Qesëndisjes së Edi Ramës.
As për kanabisizimin e vendit.
As për kinezët, familjarët e Erdoganit e rusët që ulur këmbëkryq e kanë pushtuar çdo sektor strategjik ose jo të ekonomisë sonë.
As për orientimet a vendimet e gabuara gjeostrategjike, nuk gjejmë dot përgjigje.
As për hallakatjet kinsepatriotike me fjalime psikedelike në Kosovë, e as për vetëmburrjet boshe e mendjezbrazëta se ishte ky që ua dha platformën dhe i bëri me gjuhë shqipe shqiptarët e Maqedonisë.
As për Ministrat dhe Zyrtarët e zhytur në korrupsion e fëlligështi mbytëse, nuk na japin përgjigje këto pohime.
As për paaftësinë e Edi Ramës për të kuptuar se aftësia e tij për të folur zhdërvjellët dhe ngeshmêria e tij për tu marë me facebook e stil, nuk e bëjnë Shqipërinë pikturë moderniste të cilën nuk e kuptojmë dot ne katunarët e parafinuar.
Me pak fjalë, sikur Opozita e këtij vendi të ishte gjithçka thotë Edi Rama, ne nuk do të kishim asnjë problem.
Por ja që as Opozita nuk është ashtu si thotë KM Rama, e as Shqiperia assesi.
Kësisoj, nëse ka një problem madhor me te cilin duhet ti bëjë hesapet mirë kjo shoqeri, ky problem e ka emrin Edi Rama.
Zgjimi i Madh është zgjidhja e madhe në këtë vend.
Zgjimi i Madh është dalja nga gjumi i thellë letargjik, apatia qytetare dhe ngritja krye për ti zgjidhur të gjitha problemet një nga një.
Reforma në Drejtësi ka rëndësi madhore sepse është gongu i Perëndimit për të na zgjuar e fuqizuar neve qytetarëve shqiptarë.
Megjithatë detyrat tona demokratike e qytetare duhet ti kryejmë vetë, sepse nëse qëndrojmë të përgjumur, asnjë dënim ekzemplar me burg i kujtdo, nuk na bën imunë nga riprodhimi i së keqes.
Të nesërmen e mbrojmë vetëm me Zgjimin e Madh.
Kush është me Zgjimin e Madh është me shqiptarët dhe me Perëndimin.
Kush na do “katunarë të keqkuptuar” pikturash mediokre moderniste, nuk ka asnjë lidhje me Perëndimin.
LEXO TE PLOTE

Aktualitet

“Historizma” e një politike antikombëtare

Publikuar

-

By

“…Bashkë me rënien e ideologjisë dhe utopisë së tyre, në Europën Lindore dhe Perëndimore, ranë dhe të gjitha partitë bartëse të kësaj ideologjie”, nënvizon E. Mauro, në një analizë (La Repubblica), duke vijuar: “Ato mbeten siç duhej të ndodhte, si guacka bosh në skaj të tallazisë politike…”

Mirëpo kjo dukuri (siç duhej të ndodhte…) fatkeqësisht nuk ndodhi në Shqipëri me Partinë Socialiste të Shqipërisë.

Partia Socialiste e nxjerrë në opozitë vetëm për pak vite nga shqiptarët, hyri në një Kongres të radhës së PPSH, deklaroi ndërrimin e emrërtesës në PS dhe doli duke duartrokitur masivisht emrin e diktatorit, për të korrur fitoret e tjera…tragjike për shqiptarët.

Duhet nënvizuar (lehtësishet e verifikueshme) se në regjistrin e partive politike në Gjykatë, sipas normave kushtetuese, akoma nuk rezulton një Parti Socialiste, përveç parardhëses së vet anagrafike të vitit 1941 me emrin e retushuar asokohe PPSH.

Kështuqë anagrafikisht dhe politikisht, sot Partia Socialiste e Shqipërisë është në vitin e 77-ë  nga themelimi i saj. E themeluar me direktivë e porosi  të Josif Broz Titos, siç dhe u asistua e udhëhoq drejtpërdrejt nga emisarët e tij me emra të përveçem deri në vitet 48-50, tashmë të njohur nga kushdo shqiptar.

Njëkohësisht përgjatë gjithë mbretërimit të saj monist 50-vjeçar, pavarësisht retorikës së drunjtë të pseudokontradiktave jo antagoniste ideologjike me “revizionizma” e komunizma demagogjike, siç po e konfirmojnë dokumentet e de-sekretuara të shërbimeve inteligjente kryesisht te huaja, PS (lidershipi i saj) ka qënë asistuar, financuar dhe kontrolluar panderprerje nga tentakulat ose kukullat e armiqve historikë dhe aktualë të ekzistencës së Shtetit dhe popullit shqiptar.

Kjo parti gjithashtu sivjet, mbush plot 64 vjet që sundon e qeveris punët e Shqipërisë, politikat e brendshme, të jashtme, sigurinë, ekonominë, financat, mirëqënien, varfërinë, demografinë, shkollimin, humorin dhe sentimentet e këtij populli. Ashtu siç ka poseduar dhe të gjitha “të drejtat” duke filluar nga ajo e vendbanimit, shtet-banimit e deri tek ajo jetës dhe vdekjes.

Nëse hiqen vitet e okupacionit, në Shqipërinë e lirë…, Partia Socialiste e Shqipërisë, nuk ka qeverisur vetëm 10 vjet.

Gjë që do të thotë se Partinë Socialiste e Shqipërisë, populli shqiptar e ka “votëbesuar” deri në devocion religjioz, në shumicë absolute apo relative për më shumë se 22 palë zgjedhje të përgjithshme a vendore (perjashtuar vitet kur e ka marre me “revolucione”) Bilanc ky që duhet t’ja kishin zili edhe partite më jetë gjata të globit.

Gjithashtu kjo “specie politikale” socialiste, vazhdon të jetë hegjemone jo vetëm konvencionalisht me “historizmën” vet 64 vjeçare të sundimit, po dhe realisht.

Konkretisht ka Presidencën, Kuvendin e Shqipërisë me shumicë sa të Putinit, Erdoganit dhe Viqiçit, për ligje me “dorë të lirë” kushtetuese për programatikën…e saj.

Zotëron hegjemonikisht, me shumë se 2/3 e njësive të pushtetit vendor në Shqipëri. Ka Qeverinë, dhe mbi 90% instrumentet e mediatike dhe organizmat e shoqërisë civile, Prokurorinë, Gjykatat.

Do të mjaftonte minimumi i logjikës individuale, pa sofistikime politologjike a propagandistike, të mendosh se asnjë murtajë pushtuese, formacion armik aq më pak një kundershtar politik si Partia Demokratike me vetëm 10 vjet qeverisje, mund ta ndalte, apo devijonte vizionin e kësaj Partie, në marshimin për  “Shqipërinë që duam.”

Gjithmonë nëse Shqipëria që ka dashur lidershipi i PS, do përkonte me Shqipërinë që ka dashur populli. Shqipërinë europiane.

Ndaj shkatërrimi i sotëm ekonomik, politik, psikologjik e institucional, demoraliteti e degradimi varfëria dhe kriminaliteti i skajshëm, aktual, nuk ka si të ketë tjetër “markë” veçse PS, me 64 vjet pushtet dhe punët e saj të pista në kurriz të shqiptarve.

Çdo propagandë viskoze që kerkon të krijojë, baraslargojë a ndyej faktorë të tjerë politikë në arenën mjerane e të përgjakur të politikës socialiste, s’eshtë tjetër veç një mëditës i shitur ne këto punë të pista kundër Shqipërisë./ Zef ZEFI

 

LEXO TE PLOTE
Reklama
Reklama
Reklama
Reklama
Reklama
Reklama
Reklama

LAJMET E FUNDIT

Kryesore Show Biz11:02 - 21 May, 2018

Eli Fara feston sot ditëlindjen, e bija emocionon me foton intime dhe dedikim e ëmbël

Eli Fara është një ndër këngëtaret shqiptare me të cilat natyra është treguar shumë bujare. Pavarësisht se vitet ikin, ajo...

Kryesore Show Biz11:02 - 21 May, 2018

Dua Lipa ngriti peshë publikun në ndarjen e çmimeve Billboard Music Awards”. Pamje nga performanca [FOTO/VIDEO]

Mbrëmjen e kaluar, në Las Vegas, u mbajt ceremonia e ndarjes së çmimeve ‘Billboard Music Awards’ pjesë e së cilës...

Aktualitet10:59 - 21 May, 2018

Alibeaj “injoron” Krimet e Rënda/ Zbulohet vendndodhja e deputetit demokrat

Deputetët e Partisë Demokratike, Ervin Salianji dhe Enkelejd Alibeaj si dhe eksperti ligjor gazmend Bardhi ishin thirrur sot nga prokuroria...

Kryesore Show Biz10:53 - 21 May, 2018

E kuruar deri në detaje, por Alketa Vejsiu në shtëpi rri me pizhama të grisura

Alketa Vejsiu është një ndër moderatoret më të dashura të publikut shqiptar. Me elokuencën e saj, por edhe me pamjen...

Aktualitet10:48 - 21 May, 2018

Audio-përgjimi ndaj Xhafajt/ Eksperti ligjor tregon çfarë deklaruan te Krimet e Rënda

Ashtu siç ishte parashikuar, deputeti i Partisë Demokratike Ervin Salinanji bashkë me ekspertin ligjor Gazmend Bardhi, janë paraqitur sot në...

Kryesore Show Biz10:40 - 21 May, 2018

Pamja e Meghan Markle mahniti gjithë botën, por ja sa kohë është dashur për të rregulluar flokët e saj

Meghan Markle u quajt një nuse “e mahnitshme” nga fansat e shumtë të familjes mbretërore. Modeli i saj i flokëve...

Kryesore Show Biz10:40 - 21 May, 2018

Shfaqet vëllai i Sokol Ballës/Ja çfarë ka thënë për moderatorin

Sokol Balla është një ndër gazetarët më të suksesshmë në media. Por padyshim që askush nuk e njeh vëllain e...

Aktualitet10:26 - 21 May, 2018

“Unë nuk jam Ervin Salianji”/ Deputeti i video-skandalit erotik mohon identitetin

Deputeti i Partisë Demokratike, Ervin Salianji bashkë me demokratin Gazmend Bardhi, është paraqitur sot në prokurorinë e Krimeve të Rënda,...

Kryesore Show Biz10:25 - 21 May, 2018

Majk nuk uron të birin për ditëlindje, fansat e kryqëzojnë: “A ke gjak apo ujë në vena?”

Ditën e djeshme ka festuar një vjetorin e parë, Roani, djali i reperit të njohur Majk dhe ish-partneres së tij...

Aktualitet10:12 - 21 May, 2018

Qeveria e Fahri Balliut

Prej pesë vitesh, kemi ditur qeverinë “Rama”, apo qeverinë “Rama-Meta”. Më përpara kemi njohur qeverinë “Berisha-Meta” apo qeverinë “Berisha”, qeverinë...

Kryesore Show Biz10:10 - 21 May, 2018

Gruaja i bëhet xheloze për Eli Farën, Bujar Qamili: Ka të drejtë!

Këtë javë i ftuar në studin e emisionit “Thumb” nga Aulona Musta  dhe Fatma Haxhialiu ka qenë këngëtari i mirënjohur...

Aktualitet10:06 - 21 May, 2018

Çfarë po ndodh tek Krimet e Rënda?/ Ardi Veliu me urgjencë në zyrën e Prelës

Drejtori i Policisë së Shtetit, Ardi Veliu ka zhvilluar një takim mëngjesin e sotëm me drejtuesen e Prokurorisë së Krimeve...

Life Style10:00 - 21 May, 2018

Facebook po ndihmon ekstremistët për sulme, Mark Zuckerberg në telashe

Mark Zuckerberg është padyshim një nga njerëzit më të suksesshëm në botën e teknologjisë dhe rrjeteve sociale, mirëpo problemet me...

Kronika09:57 - 21 May, 2018

Tërmeti “shkund” Vlorën/ Qytetarët flenë jashtë

Vlora është lëkundur sërish nga tërmetet, ku sipas EMSC-së, janë me magnitudë rreth 2 deri në 3 Ballë të shkallës...

Kryesore Show Biz09:50 - 21 May, 2018

Dietat e vipave, Blerina Bombaj: “Aurela Gaçe ishte nazelie, por…”

Kur vjen puna te ushqimi na duhet të pranojmë se të gjithë jemi paksa nazelinj. Ama, kurioziteti është më i...

Aktualitet09:50 - 21 May, 2018

Audio-përgjimi me vëllain e Xhafajt/ “Krimet e Rënda” në aksion

Gazetari  Jetimir Olldashi do të dëshmojë sot në Prokurorinë e Krimeve të Rënda lidhur me pretendimet e tij se ai...

Aktualitet09:38 - 21 May, 2018

Kokaina në Gjermani/ Zbardhet skema e veprimit të 13 shqiptarëve

Disa ditë më parë, Policia gjermane finalizoi një operacion të gjerë antidrogë, pas një hetimi të cilësuar si më të...

Kryesore Show Biz09:35 - 21 May, 2018

Bujar Qamili qejfli femrash: Jam shumë i kënaqur me gruan por çfarë kam dashur të bëj, e kam bërë!

Këtë javë Bujar Qamili ka qenë i ftuari i Aulonës dhe Fatmës në emisionin “Thumb” . Këngëtari i njohur ka...

Sociale09:29 - 21 May, 2018

Peleshi: Festat Lokale, energji per zhvillimin rural

Ministri i Bujqësisë dhe Zhvillimit Rural, z. Niko Peleshi, deputetë të zonës dhe përfaqësues të ndryshëm lokale, u bene pjese...

Aktualitet09:22 - 21 May, 2018

Skandalet e njëpasnjëshme/ Qeveria “Rama” drejt rrëzimit?

Profesori i njohur Agron Gjekmarkaj ka deklaruar se sjelljet e fundit të kryeministrit Rama në lidhje me cështjen “Xhafaj” tregon...

Sociale09:15 - 21 May, 2018

Sinoptikanët japin lajmin e keq për qershorin, ja si do të jenë ditët

Reshjet e shiut do të na shoqërojnë jo vetëm në ditet e mbetura të Majit, por edhe përgjatë Qershorit. Sinoptikanët...

Kryesore09:12 - 21 May, 2018

Shtypi i ditës, 21 maj 2018

Këto janë disa prej titujve kryesorë të shtypit të shkruar për ditën e sotme, datë 21 maj 2018: “Gazeta Shqiptare”...

Kryesore08:49 - 21 May, 2018

Horoskopi javor, nga 21 maj deri në 27 maj 2018

DASHI 21. mars – 20. prill Qetësi e plotë do jetë gjatë gjithë javës në jetën tuaj në çift. Nuk pritet...

Aktualitet08:42 - 21 May, 2018

Mosdeklarimi i pasurisë nga zyrtarët/ Rritet arkëtimi me forcë i gjobave

Në katër muajt e parë të vitit përmbarimi ka ekzekutuar tërëisht të paktën 104 raste gjobash të vendosura ndaj zyrtarëve...

Ekonomi08:31 - 21 May, 2018

Pas 20 vitesh merr fund falimenti ligjor i kompanisë piramidale “Sudja”

Kanë kaluar më shumë se 20 vite që kur firmat piramidale falimentuan realisht, por në fakt ato kanë kaluar një...

Kryesore08:26 - 21 May, 2018

Mendoni se erdhi vera?/ Java nis me…

Moti për ditën e sotme parashikohet të jetë me kthjellime dhe vranësira mesatare deri të dendura, të cilat do të...

Aktualitet08:15 - 21 May, 2018

Horoskopi i ditës, 21 maj 2018

DASHI 21. mars – 20. prill E hëna do të nisë e qetë. Sa i përket dashurisë pritet një ditë e...

Kuriozitete23:40 - 20 May, 2018

Vullkani Kilauea nuk ndalet/ Pas autostradës llava do mbërrijë në oqean

Aktiviteti shpërthyes i Kilauea, vullkanit që gjendet në ishullin më të madh të Hawaii vazhdon prej javësh dhe duket se...

Trending

LAJM I REKOMANDUAR:
Trump: E shohim Kosovën si partner të rëndësishëm të SHBA-së

Presidenti i Kosovës, Hashim Thaçi, ka publikuar urimin që ka marrë për dhjetëvjetorin e pavarësisë së Kosovës, nga presidenti amerikan...

Close