LEXO PA REKLAMA!

SHKARKO APP

Përse i duhet më tej PD-së Salianji dhe Grida Duma?

13 Shkurt 2018, 20:07, Opinione CNA

Nga Mero Baze

Dy deputetë të Partisë Demokratike janë peshkuar nga kamerat në Kuvendin e Shqipërisë, duke shkëmbyer mesazhe erotike përtej kufirit etik, që dëshmon për një raport tjetër mes tyre. Ka një përpjekje histerike nga shtypi afër PD dhe I kontrolluar nga Basha, që kjo të quhet jetë private e tyre dhe të mos ngacmohen në këtë pikë.

Në fakt askush nuk po I kërkon llogari dy deputetëve pse kanë raport me njëri tjetrin, pasi kjo është në qejfin e tyre. Ata janë mbi 18 vjeç dhe janë të lirë të bëjnë çfarë të duan. Por ata nuk janë të lirë të jenë hipokritë, pasi janë depuetë të parlamentit shqiptarë.

Unë mund të rreshtoj tani më poshtë, mbi 100 raste, kur parlamentarë të shquar, ministra deputetë senator guvernatorë apo çfardo posti publik, kanë dhënë dorëheqje nga detyra për shkak se janë bërë publike mesazhe jo korrekte të tyre në publik. Kjo nuk ka të bëj me jetën  e tyre, por me detyrën e tyre.

Një femër mund të ketë lidhje sekrete dhe një mashkull mund të jetë dhe pervers, por nëse publiku do ta dij këtë, nuk mund ti zgjedh ata deputetë. Dhe tani publik ka përball një fakt që e beson. Një politikan nuk mund të jetë simbol I një perversi seksual apo një femre me lidhje të paligjshme.

Ajo që nuk kuptoj tani është pse PD kërkon të mbroj nga publiku dy persona që nuk I pëkrasin më moralit të një zyrtari publik dhe nuk mund ta përfaqësojnë atë.

Ata duhet një orë e më pare të ikin nga PD dhe nga politika. Si njerëz të lirë mund të bëjnë çfardo eksperimenti seksual, apo pervversiteti brenda kufijëve ligjorë, pasi Shqipëria  e ka të garantuar me ligj lirinë seksuale.

Kam dëgjuar shumë moralist, nga ata që vdesin të dëgjojnë thastheme nga Sali Berisha e ti quajnë të vërteta, që në këtë rast fare papritur thonë se shtypi nuk ka të drejt të futet në jetën private të deputetëve. Në të vërtet askush nuk ka hyrë në jetën private të tyre, por ata të dy kanë përdorur një vend publik dhe zyrtar si Kuvendi të shfryjnë duefet ndaj nëjri tjetrit. Askush nuk I ka përgjuar posaçërisht dhe as u ka bërë ndonjë kurth, që edhe po t?ua bënte nuk do ishte fundi botës. Ata thjeshtë kanë dëshmuar se janë të padenjë për deputetë dhe duhet të dorëhiqen.

Sali Berisha e pat shkarkuar Ylli Pangon për katër minuta, për një aferë të ngjashme, jo se ishte e dënueshme penalisht, por se ishte jo etike për një zyrtar publik. Njësoj do bënte sikur të ndodhte që Astrit Patozi apo Jozefina Topalli të kapej me emsazhe të tilla. Tani këta të dy që përmenda janë zëvendësuar nga këta të dy që janë kapur me këto mesazhe dhe dikush po përpiqet ti bëj dhe heronjë, ose viktima të një lufte të padrejtë kundër tyre. Në fakt ata nuk janë as heronjë, as viktima, por dy njerëz të padenjë për politikën shqiptare.

Çfarë ka më pak një histori perverse që bëhet publike, dhe mbi të gjitha çfarë I duhet më tej PD, Grida Dume dhe Ervin Salianji. Kë do impresionojnë ata në publik me fjalët e tyre apo me moralin  e tyre? Mbi të gjitha duke qenë deputetë të opozitës, të cilët janë të dënuar të ngjallin shpresë në një shoqëri në depresion.

E di që ky shkrim mund ti ndihmoj ata të mos japin dorëheqje, pasi mund të konsiderohet si interes I armikut, por në fakt të vetmit që janë të interesuar që ata të dy të jenë ende deputetë, janë shumica në pushtet, pasi kanë me kë tallen.

Ajo që është bërë publike nuk është e dënueshme penalisht, nuk shkon askush në burg, nuk dëmton askënd përveç ndonjë drame familjare midis, por nëse mbrohet sikur nuk ka ndodhur asgjë, atëhere ngrihet një pikpyetje e madhe për moralin publik të opozitës dhe atë çfarë ajo ofron si model në politikë. Brenda 24 orëve Lulzim Basha zhduku nga lista e PD dy gra që së paku askush nuk kish dëgjuar ndonjë fjalë të keqe për to, duke futur në vend të tyre,  një të përfolur, ndërsa sot është gati të bëhet hero për të mbrojtur dy njerëz që janë thjeshtë kufoma në politikë tani e tutje.

Mund ta bëj, por duhet ta dij se nuk e bën dot në emër të opozitës. Mund ta bëj si ?më kingu I PD?. Atë që kish mërzitur Salianjin me Gridën./ Tema

Lajmet e fundit nga