Nga Përparim Kabo/ Ikja e turpshme e një Kryeprokurori… – CNA
Connect with us

Opinione

Nga Përparim Kabo/ Ikja e turpshme e një Kryeprokurori…

Publikuar

-

Para do kohësh unë ju shkruajta dhe Ju kërkova si qytetar që të vepronit kundër atyre gjyqtarëve që në pak vite kishin vënë një pasuri rreth 40 milion euro. Madje ju thash,…: Bëheni zoti Llalla që të mos e humbisni të drejtën që të shihni në sy fëmijët e tu. Iu drejtova më shumë shqiptarizëm se sa detyrës suaj funksionale. Në fund unë e mbyllja…Pres me durim. Dhe prita.

Dhe ja dje ju hytë dhe dolët nga një derë institucionale që do të duhej të ishte dera e nderit, por në fakt rezultoi fatalisht për ju si dera e turpit. Ike Adriatik Llalla si një person që nuk bëtë asgjë kundër krimit dhe korrupsionit…Të kujtohen besoj daljet e tua televizive në emisionet e gazetarit Sokol Balla…Që nga dalja e parë dhe deri te e fundit se si në një digresion pafuqie ju iu larguat premtimeve që i bëtë publikut dhe atdheut se do të ndihmonit për përshpejtimin e procesit të integrimit në BE.

Ju më shumë penguat sepse në një vend ku krimi është pushtet, pushteti drejtësisë është ose bashkëpunëtor ose i pafuqishëm. Në një vend ku krimi shkon deri në pushtetin legjislativ ai vend nuk është Republikë Parlamentare, por është Republika e Krimit Parlamentar. Në një vend ku sistemi i drejtësisë është i kapur politikisht, i korruptuar, dhe një sistem i mbyllur kooperativ me qëllim jo dhënien e drejtësisë, por zhvatjen e qytetarëve, në atë vend nuk ka Rule of Law dhe shtet i të drejtave të njeriut mungon.

Ja pra zoti ishprokuror i përgjithshëm Adriatik Llalla se çfarë latë pas duke mos vepruar dhe duke bashkëpunuar jo me të drejtën dhe faktorët ndërkombëtar që më shumë se një herë ju kërkuan të vepronit, pritën dhe duruan shumë…Ju ikni tani me turp, i dështuar dhe besoj i gatshëm për tu përballur me drejtësinë sepse ju e dini që edhe mosveprimi ndëshkohet po një soj si veprimi i paligjshëm. Fatkeqësia më e madhe është kur në jetë nga maja shkon në fund, ju e keni këtë fat që e gatuat vetë.! Historia institucionale do të shkruaj…” Ikja e turpshme e një kryeprokurori…

 

 

Aktualitet

Nga Artan Fuga/ Si mund t’a kërcënojnë ekonomikisht pogradecarët Korçën, Durrësin, Vlorën, Himarën ?

Publikuar

-

By

Më ka interesuar arkeologjia gjithmonë. Por, jo ajo e nëntokës. As ajo e qiellit. Por, arkeologjia e e horizonteve, atje ku ndahet vija e relievit tokësor, natyror ose të ndërtuar, me botën e qiellit. Më ka mbetur në vëmendje qëkurse duke studjuar filozofin Hajdegger, ai shpjegonte në një nga konferencat e tij se athinasit e lashtë ndofta shihnin të njejtin relief dhe të njejtin horizont si ne, por ai, për ta, kishte kuptim tjetër, e përjetonin ndryshe.

Si e përjetonin horizontin dhe pjezazhin te vjetrit ? Kjo pyetje më vjen sapo ndodhem në një qytet qoftë Berlini, Londra, apo Parisi.

Si e përjetonin të vjetrit horizontin në Pogradec ? KJo pyetje më vjen sa herë dal në ballkonin e dhomës të Hotelit « Pogradec 2 » ku nuk ngopesh duke shijuar rehatinë dhe shijen që të jep gjithçka atje. Pogradeci vijën e horizontit mbi liqen me siguri e ka ruajtur si në kohën e enkelejve të lashtë, ndofta dhe malin dhe kodrat përreth.

Është një pasuri e vyer arkeologjike dhe mjedisore vija e horizontit dhe pejzazhi i një vendbanimi. Duhet ruajtur nga ndërtimet që e gërvishin atë. Një popull i kulturuar nuk e mbush qiellin me pallate kunja dhe kulla që i marrin diellin, hënën, lindjen e diellit.

Ah kur lind dielli dhe e bën argjend të gjithë liqenin !
Nuk është vetëm vlerë estetike vija e horizontit dhe pejzazhi i një qyteti, por edhe vlerë ekonomike dhe mbijetese. Ata që janë vendosur aty e dinin raportin mes bimësive, pyllit, majave të maleve, liqenit e kështu me radhë.

Ta prishësh një nga vijat strukturuese të një qyteti, si vijën bregdetare, lumore, horizontin, ke preku atje ku nuk duhet. Ke prekur gjarpërin ku fle.

Por, kohët e fundit, ka ca dekada që në furinë e ndërtimeve dhe të pasionit për lekun e lehtë dhe grabitjen që ne po shkelim në dërrasë të kalbur.

Shoh andej nga hyrja e qytetit dhe vë re që bimësia e kodrës mbi rrugë është gërryer. Një pamje e shëmtuar. I gjithë qilimi i kodrave dhe maleve përreth qytetit është i blertë, pothuajse i paprekur, me përjashtim të disa vendeve, por aty, mbi rrugë, atje ku po zgjerohet rruga hyrëse në Pogradec, syri të vritet : Eskavatorë gjigandë gërryejnë kodrën, hanë bimësinë, shkurret, dhe lënda e kodrës shkëputet nga forma e saj kushedisa shekullore.

Cfarë bëhet kështu more zotërinj ?
Shkoj te hyrja e qytetit sepse më kalon rruga. Parkoj veturën te një sheshpushim të kantjerit. Afrohem të fotografoj. Eskavatori gjigand – kuçedër po ha kodrën me të gjithë bimësinë shekullore të gjelbër. Këtë masakër mjedisore nuk e kisha parë kurrë.

Që kur e kisha konstatuar njollën e shëmtuar nga ballkoni i hotelit, kisha bërtitur : Kush po prish e grris ashtu qilimin e blertë të qytetit turistik ? Kush po i grabit Pogradecit bukuritë e pejzazhit dhe të vijës të horizontit, për të zgjeruar një rrugë ?

« E mo rri tani ! – më tha një mik pogradecar – mos u bëj edhe ndërtues rrugësh. Rruga aty po zgjerohet duke ngrënë kodrën dhe bimësinë shumëvjecare që të mos rrëshkasi kodra mbi rrugën e re. Plintat që do të mbajnë një lloj tuneli panoramik do ta sigurojnë rrugën që mbi të të mos bien popla dhe masa dheu ! »

Ashtu qoftë, por ajo njollë si e një një koke tullace pa bimësi dhe ata eskavatorë gjigandë që hanë kodrat dhe hapësirat e blerta më kanë tronditur. Qilimi i blertë i Pogradecit rreth e qark është prishur.

Sapo dal nga vetura dhe nis të fotografoj eskavatorin gjigand që punon gati në 45 gradë pjerrtësi dhe ja kalon dheun e kodrës, a shtufin, a materialin shkëmbor, kamionëve edhe më gjigandë duke mbushur rimorkjot e tyre, një kokë me kaskë del nga tuneli dhe më fishkëllen :
« Fiuuuuuuu ! »
E shoh i habitur. « Cfarë keni ? »
« Cfarë ke ti që fotografon ? » – më bërtet në formë kërcënuese koka me kaskë.
« Ore zotëri, unë po fotografoj për qefin tim kodrën, pejzazhin, çfarë ke ? Mos është jotja kodra ? »
Diçka murmurit me vete dhe tund kokën, duart, gishtin.

Cfarë budallai ! Nejse, largohem disi shpejt sepse kam frikë që ndonjë skuadër burrash del nga tuneli, më kap, dhe më muros poshtë dheut si Rozafën në kështjellë. Dhe do të mbajë mirë kodra pastaj !

Po mirë, pyes veten, nuk e devijonin pak rrugën duke e vendosur mbi plinta mbi tunel po gërryejnë kodrën ?
Mbase nuk kanë pasur rrugë tjetër kushedi ! Nuk jam specialist. Por, as dreqi me të birin amà nuk m’a mbushin dot mendjen që një kodër e gërryer, që i hanë bimësinë, nuk do të rrëshqasë njëmijë herë më shumë sesa kur dheun dhe shkëmbin e mbajnë rrënjët e pemëve apo shkurreve shumë e shumëvjeçare.

Në Durrës kam parë sesi përgjatë rreshjeve, e gjithë fasada perëndimore e kodrës te Currilat, përballë detit, rrëshkiti dhe ra mbi oborret dhe çatitë e shtëpive dhe mbi rrugë. Pamje e llahtarëshme.

Përgjegjësi e madhe e atyre specialistëve që kanë bërë projektin në Pogradec dhe sa shumë do të doja që të mos përgatitej kështu një katastrofë mjedisore si gjetiu.

Kthehem në qytet dhe për të mbledhur veten hyj te Hotel turizmi i vjetër. Një sheqerpare sikurse dinë t’i përgatisin ata, vetëm ajo, më mbledh pak midenë. Më vjen për të përzjerë. Qilimin shumëshekullor të blertë të qytetit po e kafshojnë brrejtës gjigandë që kanë hyrë në shtëpi. Estetika ka marrë fund, kurse sa për urbanistikën t’a shohim nëse ajo do t’ja dali të ngrihet mbi varrin e motrës të saj binjake, estetikës.

Ha sheqerparen dhe syri më tretet në liqen. Sapo ka rënë një shi behari dhe dielli ka ridalë përsëri triumfator. Po ndriçon ende përpara sesa të perëndojë.

Më kujtohet se dikur ka pasur një hotel turizmi edhe më të vjetër Pogradeci. Me shije fisnikësh dhe të hollë. Rrethuar me pemë, me një lulishte përpara, një kafene e pastiçeri që sa mirë brezat e rinj nuk e dinë sa e bukur ishte. Me pasqyra dhe dritare të mëdha. Freski e paparë në verë.

Mbrëmjeve aty luante orkestra e muzikës të lehtë të Pogradecit. Kam qenë shumë fëmi në ato vite. Më kujtohet se kishte edhe vëllezër instrumentistë. Virtuozë. Më ka mbetur në mendje se midis tyre kishte bjondë. Ose është një fanepsje ndriçimesh që vinin si reflektim i të verdhës të instrumentave mbi fytyrat, trupin dhe flokët e pjestarëve të orkestrës.

I gjithë qyteti nuk linte rast pa ardhur t’a shijonte artin e tyre. Kënga e lehtë pogradecare, seranatat, por edhe muzika e lehtë shqiptare në përgjithësi edhe ajo e huaj, përhapeshin luajtur në mënyrë virtuoze dhe kënduar me mjeshtri.
Birra ridhte pa ndërprerje !

Ka relativisht pak muzikë dhe këngë sot në Pogradec dhe të vjen keq. Diku andej nga Driloni para tri vjetësh dëgjoja një disk me serenata pogradecare në një lokal platformë mbi gjol. Nga ato lokale të vegjël gjithë sharm ku në mëngjez në të dalë të diellit, ose në mbrëmje kur dielli perëndon, merr magjinë e të bërit një me male e kodra, me ujë e me shelgje, për t’u shkrirë si mendim dhe ndjenjë me kafenë, akulloren, apo semifredon që shijon, duke mos të munguar asgjë në botë.
Para tre vitesh i thashë kamarierit :
« A nuk m’a jep mua këtë diskun me serenata pogradecare ! Ta blejë sa të ketë kushtuar !»
Ai, me fisnikërinë dhe zemërgjerësinë e pogradecarit të mirë m’u përgjigj aty për aty : « Merre o, ce gjej tjatër un ! Pesëqind leka ! »

Kam tri vjet që atë disk nuk e heq nga radioja e veturës. Përsëritet, ripërsëritet, ashtu nganjëherë ngecet, cirret, këputet. Por, më sjell Pogradecin në imagjinatë, atë cepin kur veshët e mi i dëgjuan ata tinguj për herë të parë.
Tani, tri vjet më pas, rikaloj andej çdo mbrëmje. Zhgënjehem pak, sepse është i njejti disk që dëgjohet Nê të gjithë atë zonë :
Mora thikën të pres kokën
Jorgjica, Jorgjica,
më shpëtoi dhe
preva dorën,
Jorgjica, Jorgjica.

Edhe këta këtu në një vrimë i bikan kavallit, si unë në veturëen time ! – thashë dhe qesha me vete. Nuk vajta më atje.
Kur një koleg udhëtoi me mua nja tre orë në veturëen time, nuk ndihej ndonëse disku pogradecar rifillonte cdo njëzet kilometra rrugë nga e para. Vetëm në fund të udhëtimit, me shaka e humor ja priti : « O profe, po na çmende mor burrë, nuk ke muzikë tjetër ? »

Dhe unë po me humor : « O zotëri, në këtë veturë të vjetër ku ke hipur, cfarë pretendon, të dëgjosh muzikë të larmishme ? »
Megjithatë uron me vete që është privati, i cili në restorantet e tij, ndofta gjatë fundjavës më tepër, luan pak muzikë, se përndryshe të duket vetja në Pogradecin e heshtjes.
Jorgjica
Jorgjica !

O pika mua !
Mbaj mend se në rininë tonë shihnim filma në kinemanë e qytetit. Cfarë lezeti kishte ! Tan inuk duket as hija saj. Televizori mbase ka bërë kërdinë. Imagjinoj qytetin që në qendër të ketë një tribunë të madhe ku live cdo ditë të ketë muzikën e zonës, atë të lehtë dhe ku të performojnë aristë e këngëtarë nga e gjithë Shqipëria, Maqedonia, Greqia, etj. Kush nuk vjen në Pogradec ! Vend i bekuar, që hesht !
Teatër ?
Ik shih monumentin e Teto Ollgës në Tushemisht !
Estradë ose variete ?

E mo ik shih shfaqjet e përsëritura gjatë verës të Portokallisë. Më mirë sesa aq nuk bëjmë dot ne si shqiptarë !
Ndofta sociologjia e pushuesve është e tillë që më shumë i gëzohet heshtjes sesa tingujve gaazmorë të valles, rrokut, kërcimit në përgjithësi.

Qyteti, tingujt e tij, dhe pushuesit janë në një të tërë midis tyre. Janë në harmoni. Një cinik do të thoshte se ka gjetur tenxherja kapakun !

Tradicionalisht Pogradeci ka marrë imazhin e një zone turistike për pushues të moshës të tretë ose fare të katërt. Prej viteve ’80 në qarqet e Tiranës kishte intelektualë që pushonin si Enveri në Pogradec. Si sot që ka nëpunësa të lartë që pushojnë atje ku pushon edhe shefi i ekzekutivit. E ndjekin nga pas. Si dikur oborrtarët mbretin e Francës. I dalin përpara edhe në pushime.

Intelektualë të lartë aso kohe që me një farë moshe vinin për verim në Pogradec. Si deshtë që verojnë. Pushonin në qetësi për të shlodhur mendjet e lodhura ca nga mosha ca nga presioni i pushtetit, se parà nuk kishte atëhere. Ne në Tiranë prisnim që ata të ktheheshin me vepra, libra, krijime.
Udhëheqësi vinte me zbulime grupesh armiqësore nga Pogradeci sikurse faktojnë dokumentet e kohës !

Në Pogradec sheh edhe familjarë si edhe njerëz që nuk e duan shumë diellin e stërnxehtë dhe përvëlues të bregut të detit. Ka prej tyre, si puna ime, përshembull që kanë edhe ndonjë problem tensioni arterial dhe i ruhen diellit.
Kjo popullsi kuptohet që kërkon qetësi dhe jo muzikë e gjallëri. Sikurse shkruante Hajdeggeri i madh, nuk e di nëse e njohin në Pogradec, habitati, banuesi dhe mënyra e habitatit janë e njejta gjë. Janë një ! Por, kjo popullsi e rrudh gjallërinë e qytetit. Ndërkaq ky i fundit kërkon konsum. Ka mundësi që të ketë kështu dy pogradeca, një për demografinë turistike të qetë, dhe një tjetër që me gjallërinë e vet e mban gjallë edhe qytetin.

Pogradeci nuk mund të kthehet në konvikt, as në manastir, as edhe një lloj spitali i asociuar me formulën dhe sloganin : Lutemi, mbani qetësi ! Ose : Qetësia shëron !

As kinema !
As teatër !
As variete !
As koncert !
Nuk pashë dot !

Dikush më thotë se Pogradeci ka një shkollë të mirë piktorësh. E besoj dhe entuzizmohem fort nga ky informacion. Miqtë të mi, dhe njerëz të familjes më flasin për piktorët me famë dhe të talentuar si Vangjo Vasili dhe Anastas Kostandini. Dua të marr vesh se kujt shkolle piktura i përkasin. Imagjinoj sikurse më thotë njeriu im i familjes që veç artit të tyre, ka ndikime sigurisht edhe transparenca e pejzazhit vendas, një harmoni e natyrës që në lojën e vet mes ujit, diellit, hijeve, me siguri që jep mundësi për të krijuar një univers artistik që vetëm talentet e mëdha si ata do të mund ta krijojnë.

« Ku i ekspozojnë veprat e tyre ? » – pyes me uri dhe pasion.
« Përgjithësisht në shtëpitë e tyre ! »

Nuk është keq, por piktorë si ata, si edhe të tjerë më të rinj në moshë sikurse më thonë kanë nevojë të promovohen, të paraqiten veprat e tyre në studio e galeri që të mos njohin vuajtjet e piktorëve në Tiranë për të subvencionuar marrëdhënien e tyre me publikun.

Pse jo një galeri artesh e gjitha në xham përballë liqenit. Atje të konkurrojë arti i natyrës me artin e njeriut. T’a shohim kush do t’a fitojë këtë garë të madhe midis matieries dhe shpirtit, kjo dyshe që panteistët e mëdhenj kanë argumentuar se në fakt është një e tërë e vetme dhe unike.

Hepërhë te lulishtja e liqenit sa mïrë ka lodra për fëmijë ? Treni, veturat e një mini kartodromi, motocikleta të vogla si lojë, etj. Edhe pensionistët e mirë pogradecarë që luajnë domino pa e ngritur kokën.
Miku im i huaj më thotë me të qeshur : « Këtu do të të gjej pas disa vitesh ! »
I përgjigjem këtij humori që më shkriu gazit me një fjali serioze : « Ky do të ishte rasti më i mirë ! »

Dominotorja e qytetit !
Po a ka një bibliotekë për të qenë ?
Në trotuar dy ose tri çadra të vogla ku librarë kanë ardhur nga Tirana për të tregtuar librat e botimet e tyre. Kaq është kultura e qytetit në verë. E kam fjalën për kulturën e rrugës. Street culture ! E çfarë do më tepër ti.

Bisedoj me librarë sepse syresh i kam miq dhe i nderoj për punën që bëjnë. Janë promovues të kulturës tekstuale, nuk janë thjesht librashitës ! Nder për Pogradecin që i ka mes tyre të ardhurit.

Por, mendoj : Kjo ministria e kulturës që ka subvencionuar pakogjë që të sjelli librarë në Pogradec, a nuk mendon pak që kështu e kthen në gërmadhë librarinë e qytetit ? Nuk prish konkurrencën ???
Le që ku merr vesh ministria e kulturës nga logjika ekonomike e industrisë të krijimit ! Nga konkurrenca në tregun e kulturës !

Bën çfarë i shkrep në kokë ndonjë nëpunësi !
Vapë është tani !

Lodrat janë pak naive. Nuk ka anije që lëkunden fuqishëm. Kartodromi që mbahet nga disa burra dinamikë në qytet ende nuk ka aq shumë klientë sa do të duhej.
Fëmijët e qytetit dhe të pushuesve duhen nxitur të vijnë në lodra edukative. Përshembull të ofrohet produkti « patenta për fëmijë » ku cdo vogëlush ose vogëlueshe përgjatë verës brenda tre javësh të merrte patentën e fëmijës për të drejtuar motoçikletën, veturën etj. Përse jo shkollat mund t’a bazonin edukimin e nxënësve që në moshë të vogël pêr qarkullimin te infrastruktura e kartodroit të qytetit.

Shyqyr që është !
Kërkoj fusha tenisi !
Fusha basketbolli !
Minifutbolli në qytet !
Kërkoj ndonjë pishinë për gara noti !

Dikur ka pasur fusha sporti te kampi i pionierëve. Ka pasur një stadium të lezetshëm sepse ka pasur një klub futbolli me skuadër sipmpatike Pogradeci. Dilte dhe hynte në kategorinë e parë, por linin kockat ekipet e mëdha në Pogradec.
E tani kultura në qytet rri në hije si pensionist që vuan nga tensioni i lartë arterial.

Tani :
Jorgjica,
Jorgjica, mora thikën,
Të pres kokën,
Ç’më shpëtoi dhe preva dorën !

LEXO TE PLOTE

Aktualitet

10 arsye, pse Berisha luan blofin me Revolucion

Publikuar

-

By

Nga Kreshnik Spahiu

*Dje Berisha bëri thirrje periodike për herën e 78-të që PD të çojë popullin në revolucion kundër narko-qeverisë. Ç’do muaj e ka bërë racion që fut një status në facebook ku bën kot sikur pas një muaji do bëhet qameti. Tashmë askush nuk e merr seriozisht dhe ai e di fare mirë këtë gjë. Por pse ish kryeministri e vazhdon monologun me vetveten në facebook për organizim revolucioni?

Politikani më i vjetër në Kuvendin e Shqipërisë e ka të qartë si kristali që PD nuk realizion dot revolucion por ai s’mund t’a pranojë dhe vazhdon t’a artikulojë. Për t’i ardhur në ndihmë publikut, po rendisim arsyet pse PD nuk organizon dot revolucion jo se nuk di; por se nuk mundet:

1- Berisha pati vetem një shans në jetë për revolucion në dhjetor 1990 kur ne studentët me në krye vëllain tim Azem Hajdari u derdhëm rrugëve dhe detyruam Ramiz Alinë të lejonte pluralizmin. Berisha, jo vetëm nuk nxiti, por pengoi një revolucion i cili kulmoi në 20 shkurt 91 ku Berisha dhe Ceka nuk n’a lejuan të pushtonim bllokun dhe vrisnim byron bolitike, por duke n’a devijuar drejt bustit prej betoni. Ky qe shansi i vetëm i PD-së për revolucion, por u pengua nga Berisha.

2- Në filozofinë e të djathtëve nuk merret pushteti me recolucion por me votë dhe sistemin e votës e shkatrroi Berisha-Rama me marrëveshjen kushtetuese në vitin 2008 për t’iu shmangur dorhëqjes dy javë pasi ndodhi tragjedia Gërdecit.

3- Berisha është iniciatori i shfryrjes dhe mos-bindjes civile një vit më parë, kur bënte thirrje 90 ditë në çadër që të tërhiqnim zvarrë Edi Ramën nga zyra dhe në 17 Maj, tërhoqi zvarr Lul Bashën dhe e futi në koalicion bashkqeverisës me Ramën.

4- Berisha thirrjet për revolucion i vazhdon si lojë ping-pongu me Bashën për t’i treguar botës se ai është radikali dhe Basha liberali. Nga njëra anë, i tregon elektoratit se është i fortë dhe nga ana tjetër i tregon ambasadave se është Luli kryetar dhe nuk e çon Shqiprinë në destabilitet, por ka zgjedh rrugë paqsore. Kur miku jona Hajdari u vra shtator 98, kryemgritja dhe pushtimi institucioneve nuk u njoh nga SHBA të cilat detyruan që Berisha të hiqte dorë nga revolucioni.

5- Berisha e di shumë mirë që revolucioni nuk lihet me datë fikse si psh: a- Pas plazhit, b- Pas krishtlindjve, c- Me 8 dhjetor, d- pas vapës… etj etj pasi revolucionet lindin nga kauzat dhe jo nga datat.

6- Berisha e kupton qartë që s’ka asnjë revolucion në botë që të organizohet nga ish-kryeministra dhe ish-ministra që kanë qenë 25 vite në pushtet.

7- Berisha më shume se të gjithë e di që nuk realizon dot as mos bindje civile kundër oligarkëve, se e ka Lulin dhe ish-ministrat po aq të pasur dhe oligarkë sa Edi Rama dhe banda e tij.

8- Sali Berisha e vazhdon monologun për revolucion se ka frikë që një ditë populli do shpërthej si në 1990 me levizje të re dhe do e nxjerrë jashtë loje Berishën, Bashën, Ramën dhe gjithë oligarkët. Ajo çka ndodhi në Rumani e shqetësoj Berishën që populli mund të dal në rebelim pa “Lulin” e Rumanisē ….

9- Berisha lexon çdo ditë në rrjetet sociale pakënaqësinë popullore dhe talljet e militantëve me liderin demokrat dhe e di fare mirë që PD-ja por edhe demokracia e kanë peshqesh Lulzim Bashën prej vet Sali Berishës pasi është i vetmi në parti që i beson.

10- Revolucioni nuk realizohet kundër Ramës nga Berisha dhe Basha që kanë bërë disa herë pazare me Edi Ramën duke prerë në besë elektoratin.

Populli nuk del të vritet në shesh më për ata që tradhëtojnë idealet dhe kërkojnë rikthimin për herë të 5-të në pushtet.

LEXO TE PLOTE

Aktualitet

Kadri, eshtrat e Prishtinës i ke në tokë të sigurtë/ Ruaje tokën e eshtrave të Boletinit nga Hashimi

Publikuar

-

By

Nga Çim Peka 

*Kadri Veseli është një nga shqiptarët më të njohur, mes gjeneratave të 3 dekadave të fundit në Kosovë dhe më gjerë.

Ai ka lindur dhe është rritur deri në rininë e hershme në zonën veriore të qytetit të Mitrovicës, pikërisht aty ku përçmimi dhe klasifikimi i shqiptarëve si, ‘njerëz që lindin me bisht’, nga serbët merrte kuptimin më të plotë.

Prandaj edhe rioshi Veseli u bë një nga protagonistët e lëvizjeve shqiptare rinore dhe popullore të fundviteve 80-të kundër shtypjes serbe, në të gjithë dimensionet që njeh historia botërore e gjenocideve.

Prandaj braktisi arsimimin e mesëm për veteriner dhe ju fut punës në universitetin e Prishtinës, për studimin e gjuhës shqipe. Prandaj ishte nga të parët që ju bashkua edhe lëvizjes së armatosur në mes të viteve 90-të, për tu bërë deri ‘gjeneral’ në UÇK, ku drejtonte shërbimin sekret.

I ka bërë të gjitha këto, sepse Kadri Veseli është një mitrovicas me trashëgimi brez pas brezi si patriot shqiptarë dhe natyrisht, i tillë është edhe sot pas kaq vitesh që shijon të mirat e pakufi të pushtetit, në një Kosovë tashmë shtet i pavarur.

Por  në këto ditë të nxehta Gushti, kur në Shqipëri e Kosovë, `temperaturat` janë rritur edhe më shumë pas zjarrit të madh që kalli Hashim Thaçi në rolin e relatorit publik të një plani gati masonik, për ndarjen e Kosovës, Kadri Vesli, na u shfaq ditët e fundit sërish si një ‘gjeneral’. Këtë herë jo si në kohë të luftës për punët e fshehta të udhëheqjes së UÇK-së, por si gjeneral i ‘gjeneralëve të vdekur, të kombit shqiptarë’.

Pikërisht në zemër të kësaj histerie të rikonfigurimit të kufijve me Serbinë, e cila po bëhet çdo ditë e më shumë çështje ndërkombëtare, kur Rusia fërkon duart për të qenë edhe njëherë protagoniste në një ‘Konferencë Londre’ të dytë; kur presidenti Thaçi po shfaqet pa frikë si një mbret që nuk njeh parlamentin, partinë nga ka dalë, faktorët e tjerë kombëtar shqiptarë dhe as ata me peshë të rëndë ndërkombëtare si kancelaria Merkel, Kadri Veseli, ka vendosur të merret me zhvarrime e varrime!

Kur Shtatori po afron dhe Thaçi deklaron i palëkundur se do të paraqesë gjatë bisedimeve me homologun serb, Aleksandër Vuçiç, planin për rishikimin e kufijve mes dy vendeve, kryeparlamentari dhe kryetari i partisë që ka shumicën qeverisëse, PDK, pas disa shfaqjeve duke luajtur futboll lëndinave, del se ka qenë mjaft i angazhuar për të hartuar një letër për qeverinë shqiptare, nëpërmjet së cilës i kërkon që të dorëzojë eshtrat e një prej figurave më të shquara të shqiptarisë, Hasan Prishtinës.

Tani kemi shtet, jo shaka- thotë Veseli- prandaj Hasan Prishtina bën mirë që të prehet në vendlindjen e tij, në Vushtri. Deri këtu nuk ka ndonjë gjë të keqe, por ka një dilemë të madhe. A e ka parë hartën e re që ka vizatuar Vuçiç me Thaçin e plakun Soros, Kadri Veseli?!

Nëse jo, patjetër që ndërkohë që bënte pauza gjatë qëndisjes së letrës për Ramën (që hesht, si peshk në akuarium), me idenë dhe dëshirën madhore; transferimin e eshtrave të Hasan Prishtinës nga Kukësi në Vushtrri, patjetër i ka dëgjuar e parë lajmet, për këtë temë.

Tani jemi në një situatë të bërë tashmë zyrtare, kur miku i Kadri Veselit, bashkëpunëtori në luftë e pushtet të pakufi, Hashim Thaçi, duket se ka gëlltitur lugën e çorbës së prishur dhe me idenë se është duke bërë një pazar për fatin personal në Gjykatën Speciale, kërkon që të lërë jashtë Kosovës edhe varrin e shqiptarit dhe luftëtarit  tjetër të madh, Isa Boletini, në Boletin të Mitrovicës Veriore.

Kadri Veseli bën sikur nuk e ka mendjen, që plani Soros- Vuçiç-Thaçi-Rama lë jashtë shtetit ku e mbajnë si ‘figurë të madhe’, edhe shtëpinë ku ka lindur vetë në Mitrovicë, edhe rrugët ku u frustrua me të drejtë në rini, sa të vendoste të merrte armët pasi serbët e trajtonin si qenie që gjendet në bisht të zinxhirit natyror të gjallesave.

Kadri Veseli ulet, përpilon plane për zhvarrime e varrime patriotike-krahinore brenda trojeve shqiptare, për të cilat luftoi njësoj Hasan Prishtina dhe harron, se në horizont shokët e tij po ju dorëzojnë serbëve, Isa Boletinin, që nuk kishin shans ta kapnin dot kurrë, në të gjallë.

Është një histori legjendare, sa e dhimbshme aq edhe e turpshme, ajo e eshtrave të Isa Buetinit. I ndjeri presidenti i madh i shqiptarëve të Kosovës, Ibrahim Rrugova, arriti që nëpërmjet një plani të fshehtë të transferonte eshtrat e tij nga Mali i Zi ku e vranë serbët, në Kosovë. Në atë kohë serbët kryen një operacion policor spektakolarë, për të bastisur trenin me të cilin transportohej Boletini, por nuk mundën dot të shtinin në dorë eshtrat e luftëtarit, që ju kishte treguar vendin me një trimëri që u bë legjendë edhe në kancelaritë evropiane të kohës.

Hashim Thaçi e Kadri Veseli me shokë, pasi e lanë Isën për vite të tëra brenda një thesi në bodrumet e xhamisë së Mitrovicës, vetëm në vitin 2015 u kujtuan që ta varrosnin në vendlindjen e tij, me nderet që i takonin atij shqiptari të madh. Tani pas vetë 3 vitesh, eshtrat e luftëtarit të madh e sigurt, që kanë nisur të kërkëllijnë sërish!

Tani imagjinojeni, se në çfarë situate jemi; ‘Gjeneral’ Hashim Thaçi që po pëlcet nga të mirat e pushtetit vetëm se morri pjesë në luftën që e përmbylli me sukses SHBA dhe NATO, në tavolina të fshehta e të hapura me Vuçiçin e Daçiçin e Sllobodan Milosheviçit, përball një gjenerali të vërtetë si Isa Boletinit që shkriu pasurinë dhe jetën, por është ende i ‘shpallur në kërkim’ edhe pas vdekjes nga serbët.

‘Gjeneral’ Kadri Veselin, që bën sikur nuk dëgjon nga veshi ku i thonë se po copëtohen trojet shqiptare, përballë gjeneralit tjetër të shqiptarisë Hasan Prishtina, i cili shkriu edhe ky jetën e pasurinë, për lirinë e trojeve shqiptare, kreu i Delegacionit të Kosovës në Konferencën e Parisit në vitin 1918, për të mbrojtur ato toka që sot po ju dhurohen serbëve.

‘Gjeneral’ Veseli në vend që të merret me transferime eshtrash të gjeneralëve të vërtetë nga Shqipëria në Shqipëri, bën mirë që të bëjë detyrën e tij si politikan dhe shqiptarë nëse ende e ndjen dhe të bëjë atë që ka në dorë, për të ndalur turravrapin e Thaçit drejt prehrit të Vuçiç.

Të mbledhë urgjentisht parlamentin dhe të thërrasë presidentin që të shpjegojë përpara deputetëve të popullit, se çfarë kuptimi kanë gjëegjëzat që shqipton, me korrigjim kufijsh, e ‘mos ndarje’ territoresh!

Nëse Thaçi  nuk e dëgjon dhe se llogarit fare, sepse është aty ku është thjesht si një kukull, atëherë le të ulet dhe të shkruaj ato që di për kohën e luftës dhe veçanërisht pas saj dhe le ti thotë ‘Gjarprit’ president, që na qenka bërë ‘Kone’ për serbët; ndal se…

Një ditë këto ‘kujtime’ është e sigurt, që do t`ja kërkojë edhe Gjykata Speciale, por bën mirë që t`ja kujtoj që tani mikut të tij, nëse vërtet i dhimbset Mitrovica e tij me gjithë Isa Boletinin, Hasan Prishtinën e mijëra gjeneral të tjerë të vërtetë që dhanë gjithçka në luftë me pushtuesit serbë e të tjerë, për atë Kosovë e këtë shqiptari!

LEXO TE PLOTE
Reklama
Reklama
Reklama
Reklama
Reklama

LAJMET E FUNDIT

Aktualitet00:25 - 17 August, 2018

Përplasi 7 makina ndërsa ndiqej nga policia/ Zbardhet identiteti i autorit

Policia ka arrestuar drejtuesin e mjetit, i cili shkaktoi aksidentin e shumëfishtë mbrëmjen e sotme në Tiranë. Bëhet fjalë për...

Aktualitet00:04 - 17 August, 2018

Aksident i shumëfishtë në Tiranë/ Policia arreston drejtuesin e mjetit ,vihet në ndjekje të pasagjerëve

Një mjet Volksëagen Tuareg, ka përplasur katër makina ndërsa ishte në ndjekje të policisë. Mësohet se dy motorë policie arritën...

Aktualitet23:49 - 16 August, 2018

Video ekskluzive/ Aksidenti në Tiranë, arrestohet shkaktari

Një mjet tip Volkswagen Tuareg ka tentuar ti ikë policisë, pasi kishte përplasur më parë katër makina në Bulevardin e...

Aktualitet23:41 - 16 August, 2018

Detajet e aksidentit/ Policia ndoqi mjetin pasi u largua

Një mjet tip Volkswagen Tuareg ka përplasur katër makina në Bulevardin e Ri  dhe më pas i është larguar policisë....

Aktualitet23:33 - 16 August, 2018

U arratisën pas aksidentit/ Policia në kërkim të autorëve

Një aksident i rëndë ka ndodhur pak momente më parë në kryeqytet, ku një person pasi ka përplasur katër makina...

Aktualitet23:23 - 16 August, 2018

Aksident i rëndë në Tiranë/ Foto ekskluzive

Një aksident ka ndodhur pak momente më parë në Tiranë. Mësohet se një mjet Wolksëagen Tuareg, pasi ka përplasur katër...

Aktualitet23:02 - 16 August, 2018

Ndryshimi i kufijve/ Vuçiç: Serbët të marrin atë që munden

Presidenti serb, Aleksandër Vuçiç në një deklaratë për mediat serbe, ka zbuluar detaje nga vizita e tij në Kosovë më...

Aktualitet22:47 - 16 August, 2018

Shpërndante drogë/ Shqiptarit i vihen prangat

Një 33 vjeçar shqiptar është ndaluar nga policia e Luganos. Arrestimi i tij u bë në zonën e quajtur Viganello....

Aktualitet22:45 - 16 August, 2018

Bëhuni gati, njerëz/ Po vjen djali i legjendarit Ronaldinho!

Djali i Ronaldinjos është lojtari i Kruzeiros, mbasi ka kaluar provën me ekipin brazilian. 13-vjeçari, Zhoao Mendez, është bashkuar me...

Aktualitet22:41 - 16 August, 2018

Hakerat thyejnë Instagramin/ Vjedhin të dhënat e përdoruesve

Rrjeti social Instagram është bërë pre e hakerave. Që nga fundi i muajit korrik, ata kanë arritur të vjedhin të...

Aktualitet22:20 - 16 August, 2018

Armëmbajtje pa leje/ Messi dënohet me 30 muaj burg

Një gjykatë në Argjentinë ka dënuar me 30 muaj burg Mattia Messin, vëllain e Lionel Messit. Ndaj tij rëndon akuza...

Aktualitet22:00 - 16 August, 2018

“Ura apo pallati”, fotoja që po ngre pikëpyetjen e madhe pas tragjedisë së Genovas

Lajmi për shembjen e urës së “Morandi” në Genova bëri xhiron nëpër për të gjitha mediat ndërkombëtare. Por gjatë ditës,...

Aktualitet21:58 - 16 August, 2018

Tërmet i fuqishëm në Itali/ Qytetarët braktisin shtëpitë

Toka italiane është dridhur pak momente më parë nga një tërmet i fuqishëm 5.2 ballë rreth orës 20:20. Sipas mediave...

Aktualitet21:55 - 16 August, 2018

Humbja në finale akoma djeg / Ramos ka një mesazh për armiqtë

Dështimi në Superkupën e Europës e ka lënë Real Madrid me pasoja, aq sa për të kërkuar me insistim blerje...

Aktualitet21:44 - 16 August, 2018

Aksident në Prishtinë/ Plagosen dy drejtuesit e mjeteve

Një aksident i rëndë është regjistruar mbrëmjen e sotme në qëndër të Prishtinës. Sipas mediave kosovare, dy makina janë përplasur...

Aktualitet21:33 - 16 August, 2018

Kaos në Rinas/ Qytetarët braktisen nga kompania e fluturimit

Problemet me fluturimet në areoportin e Rinas nuk kanë të ndalur. Këtë herë ka qenë kompania “Fly Ernest”, ajo që...

Aktualitet21:28 - 16 August, 2018

Shpërthimi i bombulës në çerdhe/ Deputeti akuza Veliajt

Pas shpërthimit të bombulës së gazit në çerdhen nr 4 në Tiranë, mëngjesin e ditës së sotme, ka reaguar deputeti...

Aktualitet21:27 - 16 August, 2018

Tragjedia e Genovas përplas Italinë me BE-në

Tragjedia në Genova ka përplasur sërish Europën me Italinë. Ministri i Brendshëm, Mateo Salvini hodhi akuza ndaj brukselit, duke thënë...

Aktualitet21:15 - 16 August, 2018

Cungu ka një peng pas skualifikimit / “Unë nuk largoj njerëz, por…”

Armando Cungu, trajneri i Kukësit, ka folur për RTSH Sport pas ndeshjes së fituar ndaj Torpedo Kutaisit, ku vetëm një...

Aktualitet21:07 - 16 August, 2018

Kërcënohet Qeveria italiane/ Dy bomba pranë selisë së Lega Nord

Selia e Lega Nord në Treviso është tronditur mbrëmjen e djeshme nga shpërthimi i një bombe fare pranë saj. Ndërkohë...

Aktualitet20:58 - 16 August, 2018

Deputeti i video-skandalit erotik/ Si e ka shëndoshur Opozita

Deputeti i Partisë Demokratike dhe ai i video-skandalit erotik, Ervin Salianji është parë të pushojë në brigjet e jugut nën...

Aktualitet20:56 - 16 August, 2018

Kukës i madh ndaj Torpedos, por s’ka mrekulli / Reginaldo nderon ekipin

Kukësi nuk ka arritur të përmbysë humbjen 5-2 në transfertën e Torpedos për të vazhduar më tej “maratonën” e kualifikueseve...

Aktualitet20:51 - 16 August, 2018

Radio Televizioni Korça feton 18-vjetorin e krijimit

Radio Televizioni Korça ka festuar gjatë ditës së sotme 18 vjetorin e krijimit të tij. Pëpjekjet për hapjen e një...

Aktualitet20:49 - 16 August, 2018

Juventusi merr ndihmë nga agjenti shqiptar / Po vjen talenti i Arsenalit

Juventusi shumë shpejt pritet të blejë talentin Stefi Mavididi. Ai është sulmues 20-vjeçar, produkt i akademisë së Arsenalit. Herën e...

Aktualitet20:45 - 16 August, 2018

Ish-analisti i CIA-s reagon për kufijtë/ Parësore është sovraniteti i Kosovës

Një ekspert i çështjeve të Ballkanit, ish-analist i lartë i CIA-s për rajonin dhe Evropën, thotë se patologjia e perëndimit...

Aktualitet20:35 - 16 August, 2018

Vrasja e shqiptarit në Greqi/ Policia zbardh detajet

Autoritetet greke kanë identifikuar 36 vjeçarin shqiptar, i cili u gjet i vrarë në zonën e Kypselit, poshtë pallatit ku...

Aktualitet20:35 - 16 August, 2018

Sapo nisi takimi Modric-Perez / Tifozët e Interit me zemër në Madrid

Për tifozët e Inter ëndrra “Modric” nuk është shuar ende plotësisht. Pikërisht mbrëmjen e kësaj të enjte, është planifikuar në...

Aktualitet20:28 - 16 August, 2018

Nuk u mbijetoi sëmundjeve/ Ndërron jetë në spital ish-kryeministri turk

Ish-kryeminstri i Indisë, Atal Bhidari Vajpay, në moshën 93-vjeçare është ndarë nga jeta në moshën 93-vjeçare. Lajmi për vdekjen e...

Trending

Read previous post:
Itali, arrestohet shqiptari me pistoletë të vjedhur

Financierët italianë arrestuan emigrantin shqiptar D.E. 24 vjeç, sepse gjatë një kontrolli të ushtruar në garazhin e tij u gjetën...

Close