Connect with us

Opinione

Nga Përparim Kabo/ Ikja e turpshme e një Kryeprokurori…

Publikuar

-

Para do kohësh unë ju shkruajta dhe Ju kërkova si qytetar që të vepronit kundër atyre gjyqtarëve që në pak vite kishin vënë një pasuri rreth 40 milion euro. Madje ju thash,…: Bëheni zoti Llalla që të mos e humbisni të drejtën që të shihni në sy fëmijët e tu. Iu drejtova më shumë shqiptarizëm se sa detyrës suaj funksionale. Në fund unë e mbyllja…Pres me durim. Dhe prita.

Dhe ja dje ju hytë dhe dolët nga një derë institucionale që do të duhej të ishte dera e nderit, por në fakt rezultoi fatalisht për ju si dera e turpit. Ike Adriatik Llalla si një person që nuk bëtë asgjë kundër krimit dhe korrupsionit…Të kujtohen besoj daljet e tua televizive në emisionet e gazetarit Sokol Balla…Që nga dalja e parë dhe deri te e fundit se si në një digresion pafuqie ju iu larguat premtimeve që i bëtë publikut dhe atdheut se do të ndihmonit për përshpejtimin e procesit të integrimit në BE.

Ju më shumë penguat sepse në një vend ku krimi është pushtet, pushteti drejtësisë është ose bashkëpunëtor ose i pafuqishëm. Në një vend ku krimi shkon deri në pushtetin legjislativ ai vend nuk është Republikë Parlamentare, por është Republika e Krimit Parlamentar. Në një vend ku sistemi i drejtësisë është i kapur politikisht, i korruptuar, dhe një sistem i mbyllur kooperativ me qëllim jo dhënien e drejtësisë, por zhvatjen e qytetarëve, në atë vend nuk ka Rule of Law dhe shtet i të drejtave të njeriut mungon.

Ja pra zoti ishprokuror i përgjithshëm Adriatik Llalla se çfarë latë pas duke mos vepruar dhe duke bashkëpunuar jo me të drejtën dhe faktorët ndërkombëtar që më shumë se një herë ju kërkuan të vepronit, pritën dhe duruan shumë…Ju ikni tani me turp, i dështuar dhe besoj i gatshëm për tu përballur me drejtësinë sepse ju e dini që edhe mosveprimi ndëshkohet po një soj si veprimi i paligjshëm. Fatkeqësia më e madhe është kur në jetë nga maja shkon në fund, ju e keni këtë fat që e gatuat vetë.! Historia institucionale do të shkruaj…” Ikja e turpshme e një kryeprokurori…

 

 

Aktualitet

Nga Lorenc Vangjeli/ Shteti nuk mund të këndojë rep si Bad Boy

Publikuar

-

By

Një personazh kontravers i Tiranës është vënë në pranga në rrethana të sikletshme. Policia e shtetit zbatoi një urdhër arresti të gjykatës në një motel në periferi të Tiranës.

Arrestimi i Stresit u xhirua dhe u transmetuan me shpejtësi në të gjitha mediat shqiptare. Por në dy a tre sekondat e para të këtij çasti, u demonstrua, ndonëse ishte sfumuar figura, fakti se i arrestuari ndodhej pothuaj tërësisht i zhveshur. Një detaj domethënës që mori më shumë vëmendje edhe se kokaina apo pistoleta që u gjetën në dhomë dhe që zhveshi lakuriq një veprim që tashmë është bërë traditë e ligë në Shqipëri.

Një traditë që ngre dilema thelbësore për raportin e medias me pushtetet e tjera, ekuilibrin mes të drejtës dhe të gabuarës dhe kufirin mes raportimit dhe përdorimit. E po kështu edhe raportet e ndërlikuara dhe atë vijë të hollë që ndan informacionin nga propaganda, akuzën nga shpifja, gazetarin profesionist me përgjuesin anonim që xhiron fshehtas dhe trallis e shastis gjithë dynjanë.

Pamjet e individit të dyshuar për një gjerdan veprash penale, shpërndarë nga policia, ngrenë një seri pikpyetjesh që kërkojnë përgjigje dhe që në rrethana të ndryshme, marin përgjigje të ndryshme. A mund të funksionojë Ministria e Brendshme edhe si një redaksi lajmesh duke orientuar dhe pilotuar lajme të cilat e parashohin fajtor individin përpara se këtë gjë ta firmosë gjykatësi?

Nën të njëjtin gjykim, a mund të jetë edhe zyra e kryeministrit një studio e mirëfilltë televizive?

A mund të jenë partitë e opozitës edhe dhoma montazhi lajmesh kronike dhe deputetët e saj, zyrtarë politikë të emëruar, të bëhen edhe autorë, skenaristë, interpretues dhe përfitues të lajmeve?Fatkeqësisht, deri më tani këto pyetje ose nuk janë trajtuar, ose kanë marë përgjigje të padrejtë.

Kërkesa e kryeministrit Rama për formalizimin e portaleve, shkaktoi befasi për kohën e zgjedhur për t’u bërë dhe për motivin se pse bëhej. Kjo kërkesë i ndau palët në Shqipëri, jo sipas linjës logjike të gjithë secilit, por sipas raportit “dashuri/urrejtje” të gjithë secilit me qeverinë.

Gjithashtu, brenda të njëjtës javë, “për një “rastësi jo të rastit”, lajmi i financimeve “zyrtare e të fshehta greke” për median në Shqipëri, u zbulua edhe në Tiranë. Si një këmbanë alarmi e jashtëzakonshme.

Në Athinë ka një hetim për mënyrën sesi u publikua ky lajm “sekret shtetëror”, në Tiranë duhet të ketë një hetim të shpejtë, të menjëhershëm dhe totalisht transperent që duhet të tregojë me emër dhe mbiemër gazetarët dhe me adresë zyrash e numër NIPT-i nëse kanë, të gjitha mediat që kanë marë qoftë dhe një qindarkë të tillë greke.

Ky nuk është në fakt një krim penal. Eshtë më shumë se kaq. Eshtë një mëkat moral dhe një hyner profesional që nuk ka prift e hoxhë që e fal!

Pakkush dyshon se në media, njëlloj si para greke, e më shumë gjasë, edhe para serbe, turke, ruse e të tjerë, nuk kanë depërtuar edhe paratë e pista të krimit. Nuk janë më legjenda urbane historitë për “bordero” të banditëve që paguajnë edhe politikanë, edhe gazetarë, edhe policë, edhe zyrtarë. Qoftë me modelin e njohur të “dhuratave”, qoftë me pagesën direkte në Cash. Dhe ky nuk është krim moral. Eshtë mëkat penal.

Duke pasur parasysh këto skaje ngjarjesh në dukje pa lidhje, moteli në Linxë, paratë nga Athina apo krimi, e vërteta, edhe këtë herë, si përherë, nuk gjendet në ekstremet e shfaqura në qëndrime. Transparenca, formalizimi dhe ndarja e qartë e pushteteve – media nga një anë dhe gjithë të tjerët në anën tjetër – nuk janë kërcënim për lirinë e medias, por përkundrazi, janë kusht i domosdoshëm për lirinë e saj.

Edhe njëherë, si përherë, Shqipëria është shumë e trazuar. Kësaj here lajmësi është bërë lajm. Keqkuptimi i frikshëm në Tiranë, por edhe kudo gjetkë në botë, se platformat e komunikimit janë edhe mjete informimi, kanë dëmtuar edhe komunikimin, edhe informimin. Stresi, të cilit shteti i hyri nën çarçafët e motelit për të parë çfarë kishte në “xhepa”, është viktimë e vetes dhe e këtij keqkuptimi.

I krijuar nga platformat e komunikimit, ai vetë ka menduar se është trendy që nëse bën rep duhet edhe të jesh djalë i lig. Për shkak të marëdhënies defektoze të tij me ligjin, në Shqipëri do të quhej luks të thuhej se pamjet e shpërndara nëpërkëmbën dinjitetit e tij.

Megjithatë, gjithë lajmi i dhënë për arrestin e tij, sipas traditës së keqe shqiptare, ishte cinik, i padobishëm dhe lehtësisht i cënueshëm dhe i paragjykueshëm si një hakmarrje e vonuar e segmenteve të caktuar të shtetit. Por nëse gabimet janë për individin, shteti nuk e ka luksin që të gabojë me gjakftohtësi ose mendjelehtësi. Shteti nuk mund të këndojë rep si bad boy!

P.S. Në përgjimet e publikuara që çuan në arrestimin e Stresit, përmendej dhe emri Sali. Dhënte zoti të mos dalë Taulant Balla dhe të thotë se ky Saliu që duhet të fshinte gjurmët e gishtave në Stresit në pistoletën e kapur nga policia, është Saliu. Saliu, pra! Ai i PD-së. Ish-ashtu, e ish-kështu. Ky është një rast i mirë që Doktor Sali Berisha, të mësojë edhe njëherë, si përherë, se herët a vonë, gjithçka që ja hedh qiellit përpjetë, qoftë si gur e qoftë si mallkim e hakërrim, rikthehet gjithmonë në tokë.

LEXO TE PLOTE

Aktualitet

Lërini paratë e Greqisë!

Publikuar

-

By

Nga Ilir LEVONJA

* Ajo që e bën Turqinë një investitore kryesore në Shqipëri, është politika oligarkike e Erdoganit. Ndofta askush tjetër nuk është më i lumtur se ai kur midis Shqipërisë dhe Greqisë fqinje ka plasur një skandal financimesh të fshehta rreth portaleve dhe ojqve shqiptare. Një politikë tashmë e vjetëruar kjo që ka origjinë të hershme.

Megjithatë është pozitive kur skandalin e demaskojnë mediat e vendit fqinj. Dhe kjo e kuptueshme pas reçensionit ekonomik që Greqia provoi pak vite më parë. Sado të çirremi sysh me njëri-tjetrin, me atë frymën gjoja patriotike, sot është e dallueshme për sytë e miëjra qytetarëve të të dyja palëve se sa butaforike është lufta e intrigave karshi globalizmit.

Por jemi tek Erdogani, ky sulltan modern që po përpiqet të infektojë rajonin me islamizmin radikal dhe para kallpe. Kjo duket sheshit kur një ministër i jashtëm i kërkon publikisht ose urdhëron një shtet sovran në lidhje me gylenistët, pra për dorëzimin e tyre në Turqi. Nuk e di se e kuptuan qytetarët këtë. Se si e suportuan. Megjithëse në dukje ministri ynë ia priti flakë për flakë. Por është zjarr butaforik, fallco kur mendon se sa entuziazëm transmetojmë karshi një aeroporti me lira turke a një linje ajrore me një boeing nga shoqëritë e Anadollit.

Në fakt deri diku ai (Erdogani) ka fitur pasi sipas të dhënave rezulton se sot investitorët më të mëdhenj në Shqipëri, janë ata nga Turqia. Një beteje u humbur kjo e shqiptarëve të cilët edhe pse adhurojnë e jetojnë në Perëndim, me shumicë dërrmuese, kanë hapur dyert kanat’ për bizneset e Anadollit. Për radikalizmin fetar islamik, aq sot me të drejtë shumë prej nesh mbledhim supet dhe pyesim shoqi shoqin, a je mysliman shqiptar apo mysliman turk? Janë të gjitha investime me tendencë, me strategji për kthimin në zonat e sundimit të dikurshëm që Anadolli po përpiqet ta rimëkëmbi.

Një epokë që të dhëmb koka kur e mendon, sidomos për ne shqiptarët që akoma e kemi gojën plot me turqizma. Mirëpo ne i vërsulemi tjetër kujt, si në rastin konkret Greqisë! Harrojmë Perëndimin edhe pse nipërit e mbesat tona shkëlqejnë në shkolla, skena e ekrane. Dhe demonstrojnë vetveten, dheun, amësinë. Nuk i vërsulemi Turqisë, një ministri që na urdhëron me mendësinë e kajmekanëve bash në mes të Tiranës, sikur të flasi nga pragu i portës së lartë. Jo Turqisë, ajo na dha një avion. Ai fluturon Tiranë Stamboll, nga lindja, andej nga e ka origjinën edhe robëria jonë.

LEXO TE PLOTE

Aktualitet

Letër e hapur një eurodeputeti grek

Publikuar

-

By

Përgjigjja e kryetarit të partisë ZGJIDHJA ndaj sulmeve shoviniste të eurodeputetit grek, Georgios Epitideios përfaqësues i partisë “Agimi i Artë”

Nga Koço Kokëdhima

Disa ditë më parë, Parlamenti Evropian miratoi një rezolutë të raporterit Flackeinstein për ecurinë e Shqipërisë drejt integrimit në BE. Stafit të gazetës “Shekulli” i bëri përshtypje vota kundër e një eurodeputeti grek, Georgios Epitideios, prandaj i drejtoi disa pyetje për të kuptuar natyrën e këtij qëndrimi, i cili në fakt, nuk përfaqëson politikën e Ministrisë së Jashtme të Greqisë. Përgjigjet e deputetit grek na habitën, sepse kishin aromën e politikës greke të viteve 1900. U ndodhëm para një dileme etike: Ç’të bënim me intervistën ku shfaqeshin pikëpamje shoviniste dhe raciste në drejtim të shqiptarëve?

Zoti Georgios Epitideios thotë të pavërteta që ai vetë mbase i beson, por në sytë e lexuesve tanë do të dukej anakronik, shovinist dhe racist. Për të mirën e tij dhe të opinionit tonë që ushqen miqësi dhe dashamirësi ndaj popullit grek, me qëllim që të mos merrte pas përbuzjen e lexuesve tanë, vendosëm që të mos e botojmë intervistën. Por meqenëse, qëndrimet e tij eurodeputeti i mban edhe botërisht në sallën e Parlamentit Evropian, vendosëm t’i kthejmë përgjigje me këtë letër të hapur, e cila duhet të jetë në vëmendjen e Qeverisë shqiptare dhe Ambasadës së Greqisë në Tiranë. Së pari, ne e falënderojmë zotin Georgios Epitideios që u tregua i disponueshëm dhe iu përgjigj redaksisë së Shekullit.

“Unë i jam përgjigjur të gjitha pyetjeve tuaja në një mënyrë të sinqertë, jo në mënyrë politike apo diplomatike. Në një mënyrë që është e rëndësishme për fqinjët të cilët e njohin të vërtetën reale sipas fakteve. Është për ju që të dini se, unë nuk jam kundër pranimit të Shqipërisë në Bashkimin Evropian, natyrisht në një mënyrë që nuk do të shkaktojë probleme për Greqinë”, këtë koment e bën eurodeputeti për qëndrimet e tij ndaj vendit tonë. Por cilat janë faktet që na kujton ky zotëri që përfaqëson popullin grek sot në Parlamentin Evropian? “Kujtoj ekzistencën dhe vlefshmërinë e Konventës Ndërkombëtare të Protokollit të Korfuzit të vitit 1914 që parashikon autonomi me të drejta të plota kombëtare, arsimore, fetare dhe sociale për grekët e Epirit të Veriut. Statusi quo-ja arbitrare e “zonave minoritare” ku të drejtat e minoriteteve u jepet vetëm banorëve të 99 fshatrave në Epirin e Veriut, duhet të hiqet menjëherë”.

Kështu shprehet zoti Georgios Epitideios në intervistën e pabotuar. I themi këtij politikani, që evokon gjenocidin ndaj popullsisë shqiptare në jug të vendit, në Çamëri dhe Korçë vitin 1914, të dalë nga ëndrrat dhe makthet shoviniste që vijnë për shkak të edukimit të keq dhe miteve të krijuara në fillim të shekullit të kaluar. Të vijë në Shqipëri, të takojë minoritarët dhe të kuptojë se gjërat janë ndryshe, të shkojë në Çamëri dhe të shoh gjurmët e gjenocidit dhe spastrimit dhe nëse e ka të vështirë të kërkojë ndjesë, të paktën të reflektojë me heshtje. Nga ana tjetër, e falënderojmë eurodeputetin që nuk e mohon se ekziston Çështja Çame, ndryshe nga qeveria jonë, që bie dakord me palën tjetër, të mos e zënë në gojë. Ky është komenti i eurodeputetit grek për Çamërinë: “Çamët, kur përfundoi Lufta e Dytë Botërore, lanë zonat ku kishin jetuar dhe u vendosën në Shqipëri, për të shmangur gjykimin për krimet e luftës që kishin kryer. Pra, nuk e shoh se çfarë baze morale apo ligjore mund të këtë për pretendimin e pronave pas pothuajse 80 vjetësh.

Në këtë pikë, më lejoni të theksoj faktin se pas luftës, Gjykatat Speciale Greke për bashkëpunëtorët dha një numër vendimesh që shprehin konfiskimin e pronave të çamëve që kishin bashkëpunuar me pushtuesit. Çështja Çame është pra penale, jo civile. Për arsyet e mësipërme, nuk ka çështje Çame për Greqinë”. Nuk do t’ia vlente të merreshim për këtë temë me eurodeputetin, sepse edhe një fëmijë do t’i jepte një përgjigje normale dhe humane. Problemi është se këtë qëndrim e ka adoptuar edhe politika zyrtare greke. Është mirë që qeveria aktuale shqiptare, negociatorët e marrëveshjes me Greqinë të mbajnë parasysh këto ide që ka pala tjetër dhe të mendohen mirë para se të vënë firmën në atë copë letër. Ndryshe, ai nënshkrim do të kujtohet në shekuj, njësoj si ai protokolli famëkeq që solli dhjetëra mijëra shqiptarë të masakruar dhe toka të lëna jashtë trungut të atdheut. Çështja Çame nuk mund të injorohet dhe të trajtohet sikur nuk ekziston, sepse është realiteti i një populli të nëpërkëmbur; nuk mund të shkëmbehet si resto për probleme të tjera të pazgjidhura mes dy vendeve; nuk mund të arkivohet. Populli shqiptar i Çamërisë duhet të gëzojë të drejtat themelore të njeriut, të pronësisë, të përdorimit të gjuhës amtare etj, sipas standardeve evropiane të BE.

Kjo çështje do te shtrohet në tryeza kombëtare dhe ndërkombëtare, nga Tirana zytare, e cila do të detyrohet të hapë sytë dhe t’ i përgjigjet aspiratave te kësaj pjese të kombit tonë, deri në rregullimin e plotë të statusit të tyre. Eurodeputeti ka edhe një mendim për Kosovën, aspak të ndryshëm nga ai i diplomacisë greke, por të veshur me mitet e serbëve. “Le të mos harrojmë se Kosova është djepi i kulturës serbe, historisë serbe. Prandaj, mënyra me të cilën u krijua ky shtet nuk mund të pranohet lehtë nga Serbia. Për më tepër, kjo pengon vendet e tjera që të njohin shtetin e Kosovës (përfshirë Greqinë)”, shprehet eurodeputeti grek. Për ata që nuk e njohin Georgios Epitideios, theksojmë se deputeti i Parlamentit Evropian i përket grupimit të së djathtës ekstreme, “Agimi i Artë”. Ai është një gjeneral i ushtrisë greke në pension. Fakti që ai përfaqëson një rrymë antishqiptare të kristalizuar në Parlamentin grek dhe reflektohet deri në Parlamentin Evropian, nuk është vetëm çështje e opinionit tonë, por duhet të përballohet në mënyrë institucionale nga shteti shqiptar. Ky lloj nacionalizimi i verbër, për shkak të votave dhe nevojave të politikës së brendshme greke, reflektohet, ndikon dhe helmon edhe marrëdhëniet zyrtare mes dy vendeve. Pa pranim, trajtim dhe zgjidhje të Çështjes Çame, nuk ka zgjidhje të drejtë të çështjes sonë kombëtare, nuk ka zgjidhje të pranueshme të të drejtave të cenuara të shqiptarëve në Ballkan.

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet16:43 - 21 Tetor, 2018

Motori përplaset me kangjellat/ Ndërron jetë 18 vjeçari

Një 18-vjeçar ka ndërruar jetë në orët e para të ditës së sotme në Pistoi të Italisë, si pasojë e...

Aktualitet16:31 - 21 Tetor, 2018

Foto- Treni del nga shinat/ Dhjetëra viktima, qindra të plagosur

Një aksident i rënë është regjistruar në Taivan, pasi së paku 17 persona kanë humnbur jetën dhe 126 persona kanë...

Aktualitet12:23 - 21 Tetor, 2018

Rusia kundër Maqedonisë së Veriut/ “E kemi njohur 26 vite më parë”

Parlamenti maqedonas miratoi këtë javë emrin e ri të Maqedonisë, në bazë të marrëveshjes së Prespës me Greqinë. E pakënaqur...

Aktualitet11:16 - 21 Tetor, 2018

“Ik pi***uni”/ 35-vjeçari, që vrau shqiptarin në Australi ofendon gazetarët

Policia australiane ka njoftuar se ka arrestuar një person si të dyshuar për vrasjen e një shqiptari. Mësohet se 35-vjeçari,...

Aktualitet10:48 - 21 Tetor, 2018

Afganistani nuk gjen paqe/ Shpërthimi i radhës u merr jetën 6 fëmijëve

Afganistani nuk po gjen paqe, tashmë kur ka hyrë në ditën e dytë të zgjedhjeve parlamentare. Një shpërthim në rajonin...

Aktualitet09:13 - 21 Tetor, 2018

Rritja e spiunazhit rus/ Shërbimi sekret zviceran jep alarmin

Shefi i shërbimit sekret zvicerian, Jean-Philippe Gaudin ka dhënë alarmin për rritjen e aktiviteteve të spiunazhit rus në vend. Shkak...

Aktualitet22:51 - 20 Tetor, 2018

Britanikët pendohen për Brexit/ Tashmë edhe nën presionin e kohës

Londra ka përjetuar sot një protesë masive, ku morën pjesë 700 mijë persona. Londinezët vërshuan nëpër rrugët e kryeqytetit, duke...

Aktualitet22:21 - 20 Tetor, 2018

Shpërthimet në Afganistan/ Shënohen dhjetra viktima, qytetarët nuk heqin dorë nga zgjedhjet

Qëndrat e votimit në Afganistan janë tronditur ditën e sotme. Shpërthimet shkaktuar dhjetra viktima, midis tyre edhe fëmijë, ndërkohë 30...

Aktualitet22:05 - 20 Tetor, 2018

Video/ Njihuni me 34-vjeçarin e verbër shqiptar që krijon aplikacione

34-vjeçari Hashim Llumnica nga fshati Bellopojë i Komunës së Podujevës në Kosovë ka krijuar një aplikacion për personat e verbër....

Aktualitet21:23 - 20 Tetor, 2018

Video- I riu nga Anglia e pëson keq/ Për këtë veprim mund të dënohet me 10 vite burg

 Një turist 23 vjeçar nga Anglia, rrezikon 10 vite burg në Tajlandë, pasi shkarraviti me spraj murin e një kështjelle...

Aktualitet20:47 - 20 Tetor, 2018

Zgjedhjet në Afganistan/ Me dhjetëra shpërthime pranë qendrave të votimeve

Shpërthime të shumta janë regjistruar sot në kryeqytetin e Afganistanit, Kabulin gjatë kohës që njerëzit ishin në qendrat e votimit....

Aktualitet20:23 - 20 Tetor, 2018

U kap vitin e kaluar/ Gjykata britanike jep vendimin për bosin shqiptar të kokainës

Një gjykatë në Britaninë e Madhe ka dënuar me 25 vite burg shtetasin shqiptar Erald Mema. Ky i fundit cilësohej...

Aktualitet17:31 - 20 Tetor, 2018

Video/ Gazetarja shqiptare vë në siklet Vuçiçin, e bën të fshijë djersët me shami

Presidenti i Serbisë, Aleksander Vuçiç është vënë në siklet nga një gazetarja Nerënxa Jakupi, gjatë një konference për mediat të...

Aktualitet17:09 - 20 Tetor, 2018

Financimet greke për mediat shqiptare/ Tsipras fton në zyrë kreun e opozitës

Kryeministri grek Aleksis Tsipras, nuk e priti mirë largimin e Ministrit të Jashtëm, Nikos Kotzias, të cilin e quajti një...

Aktualitet16:04 - 20 Tetor, 2018

Video tmerruese/ Nxënësi i vë pistoletën në kokë mësueses: Më hiq mungesën ose të vrava

Një video, pamjet e të cilës tregojnë një nxënës, që i drejton mësueses pistoletën në kokë është duke bërë xhiron...

Aktualitet12:20 - 20 Tetor, 2018

Arabia Saudite konfirmon vdekjen e gazetarit

Arabia Saudite konfirmoi vdekjen e gazetarit saudit dhe komentatorit të gazetës Washington Post Jamal Khashoggi, duke thënë se vdekja e...

Aktualitet10:15 - 20 Tetor, 2018

Komisioni i BE përgatitet për zgjedhjet europiane

Në javët e ardhshme do të merret vendimi se cilët do të jenë kandidatët kryesorë të familjeve partiake evropiane për...

Aktualitet10:10 - 20 Tetor, 2018

Votuan pro ndryshimeve kushtetuese/ VMRO përjashton deputetët

Menjëherë pas mbarimit të seancës plenare ku u votua nisma për ndryshimet kushtetuese dhe pro të cilave bashkë me deputetët...

Aktualitet09:40 - 20 Tetor, 2018

Video-Panik në ajër/ Fluturimi i avionit me 200 pasagjerë kthehet në tmerr

Një turbulencë ajrore ka bërë që një fluturim 8 orësh, të kthehet në makth për dhjetëra pasagjerë, ku 15 prej...

Aktualitet14:58 - 19 Tetor, 2018

Akuzat “bombë” ndaj Kotzias/ Cilat janë portalet shqiptare që financon Greqia

Greqia financon me fonde sekrete portale, media dhe gazetarë në Shqipëri dhe vende të tjera të rajonit. Ky lajm po...

Aktualitet10:29 - 19 Tetor, 2018

Reagon Sali Lushaj për djalin e tij :”Ne kemi duart e ky regjim ka hekurat”

Arrestimi i këngëtarit Arkimed Lushaj dy ditë më parë ka bërë zhurmë në media. Policia tha se ai ishte pjesë...

Aktualitet17:01 - 18 Tetor, 2018

Ekzekutimi i pengjeve nga ISIS/Putin jep alarmin, kritikon ashpër forcat amerikane

Presidenti rus Vladimir Putin, ka kritikuar ashpër forcat amerikane, të cilat sipas tij kanë dështuar në luftën ndaj ISIS. Sipas...

Aktualitet16:05 - 18 Tetor, 2018

Foto-Artan Hoxha bëhet nostalgjik/ Ishte ngjarje historike

Gazetari Artan Hoxha  është shprehur se e ka marrë malli për një ndeshje historike , si ajo që është luajtur...

Aktualitet15:52 - 18 Tetor, 2018

Italia dhe Austria “përplasin brirët”/ Kjo është provinca që u kthye në “mollë sherri”

Provinca e Tirolit  jugor është kthyer në “mollë sherri”,  midis Italisë dhe Austrisë. Mësohet se qeveria austriake e koalicionit, që...

Aktualitet15:51 - 18 Tetor, 2018

Fotografoi personalitete botërore/ Ndërron jetë “Syri i Stambollit”

Mediat turke njoftuan ditën e sotme ndarjen nga jeta në moshën 90 vjeçare të fotografit Ara Guler. Ky i fundit...

Aktualitet15:21 - 18 Tetor, 2018

Tërmeti në qeverinë greke/ Çfarë ndodhi me Nikos Kotzias?

Në shenjë proteste kundër partnerit populist, pjesë e koalicionit qeverisës, ministri i Jashtëm grek, Nikos Kotzias dha dorëheqjen të mërkurën....

Aktualitet13:52 - 18 Tetor, 2018

Vrasje horror, iu prenë gishtat, koka dhe trupi iu coptua/ Dalin detajet e ekzekutimit të gazetarit

Duket si skenari i një filmi horror vrasja e gazetarit saudit, Jamal Khashoggi, i cili dyshohet se është torturuar dhe...

Aktualitet13:21 - 18 Tetor, 2018

Kuvendi i Kosovës miraton projektligjin për krijimin e Ushtrisë

Me 101 vota pro, deputetwt e Kuvendit tw Kosovws kanw miratuar projektligjin që kthen Forcat e Sigurisë të Kosovës në...

Trending

Read previous post:
Zhvendosja e Teatrit/ Ja cili është sugjerimi i avokates së popullit

Pas projektligjit të qeverisë për transferimin e Teatrit Kombëtar, artistët kanë kërkuar një shqyrtim të situatës me avokaten e popullit,...

Close