Connect with Us

Zbulohet skema/ Si po tentojnë pushtetarët për të shpëtuar pasuritë korruptive?

Aktualitet

Zbulohet skema/ Si po tentojnë pushtetarët për të shpëtuar pasuritë korruptive?

Publikuar

-

Gjyqtarë, prokurorë dhe pushtetarë të ndryshëm shumë shpejt do të duhet të përballen me sistemin e drejtësisë. Të premten u dhanë sinjalet e para se SHBA dhe mazhoranca po përgatiten për një aksion të madh në luftën ndaj korrupsionit dhe krimit të organizuar, ndërsa mësohet se për mjaft emra tashmë dosjet janë gati.

Ish-drejtori i Autoritetit Rrugor Shqiptar, Dashamir Xhika ishte i pari, ndërsa shumë të tjerë do e pasojnë, përfshirë dhe gjyqtarë dhe prokurorë. Gazeta në një cikël shkrimesh ka publikuar detaje nga hetimet që po bëhen në bashkëpunim me SHBA-BE për të zbuluar pasuritë e fshehura nga pushtetarët shqiptarë brenda dhe jashtë vendit.

Një rol vendimtar në këtë proces ka Drejtoria e Pastrimit të Parave, pasi përmes saj prokuroria, ndërkombëtarët dhe njësia Task Forcë “Forca e Ligjit”, po identifikojnë transfertat bankare të dyshimta dhe emrat që kanë pasuri të pajustifikuar. Por në kuadër të informacioneve që janë grumbulluar në bashkëpunim me agjencitë partnere, është zbuluar se shumë emra kanë bërë shpenzime marramendëse jashtë vendit.

Gjyqtarë, prokurorë, por dhe politikanë dhe zyrtarë kanë investuar qindra mijëra euro në bizhuteri floriri dhe diamanti. Ky fenomen është rritur ndjeshëm gjatë dy viteve të fundit, periudhë që korrespondon me miratimin e vetingut dhe reformës në drejtësi.

DPPPP dyshon se këta individë po tentojnë që të fshehin pasuritë e tyre, por dhe të ulin rrezikun e sekuestrimit të tyre. Nëse ata mbajnë para CASH, llogari bankare apo pasuri të patundshme ato mund të sekuestrohen nëse zbulohen skandalet që kanë bërë. Për këtë arsye, shumë individë kanë investuar në bizhuteri floriri e diamanti, për dy arsye: e para ato është shumë e lehtë të fshihen dhe dyta sepse nuk e humbasin vlerën.

Blerjet janë bërë në përgjithësi jashtë vendit dhe një pjesë e orëve, byzylykëve, varëseve apo unazave janë fshehur nëpër kasaforta në shtete të ndryshme të BE, ndërsa ka dhe nga ata që i kanë sjellë në Shqipëri, por që nuk i kanë deklaruar. Një burim i rëndësishëm i tha gazetës se për shumë emra janë zbuluar dyqanet ku janë bërë blerjet dhe të gjitha po verifikohen.

Paratë e krimit dhe korrupsionit jashtë vendit

LEXO EDHE:  Favorizuan trafikun ndërkombëtar të drogës?”/ Arben Kraja “kërcënon” pushtetarët  

Në faqen e saj në internet, Drejtoria e Pastrimit të Parave ka bërë me dije se përgjatë kohëve të fundit janë bllokuar 28.772.733 euro, ndërsa u sekuestruan 8 milionë prej tyre. Sipas DPPPP, pjesa më e madhe e parave të pista dalin jashtë vendit.

Gjatë vitit 2016 ka pasur 619 raportime nga banka të nivelit të dytë të cilat kanë raportuar për shuma të mëdha parash. Më pas vijnë shoqëritë e transfertave. Prej tyre ka pasur 209 denoncime.

Edhe në këtë rast ka pasur transferta jashtë vendit. Një tjetër teknikë që përdoret për pastrimin e parave është nxjerrja e tyre në mënyrë tokësore. Vetë Doganat kanë denoncuar 47 raste, ku individë të caktuar kanë kaluar me para të shumta më vete.

Por teknika tjetër më efikase është investimi i parave në pasuri të patundshme. Vetë Hipoteka ka evidentuar gjatë vitit 2016 plot 134 raste të dyshimta. Por sipas raportit të siguruar nga gazeta, ata që kanë rolin më të madh në pastrimin e parave janë noterët.

Ata kanë denoncuar plot 205 raste, kur individë të caktuar kanë nënshkruar akte noteriale, dhurimi, kalimi pronësie apo llogari bankare me vlera shumë të mëdha. Mirëpo në dokument deklarohet se ka dhe mjaft raste të tjera që noterët nuk raportojnë pranë DPPPP. Brenda 1 viti janë shënuar 1.300 raste të dyshimta të pastrimit të parave./Sot

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. Zzzzzz

    4 Shkurt, 2018 at 10:50 am

Komentoni

Your email address will not be published. Required fields are marked *

Politikë

Qindra miliona euro për inceneratorët, Tirana e mbytur nga plehrat/ Të rinjtë e FRPD bëjnë detyrën e bashkisë

Publikuar

-

Nga

Qindra miliona euro për inceneratorët, Tirana e mbytur nga plehrat/ Të rinjtë e FRPD bëjnë detyrën e bashkisë

Të rinjtë e Forumit Rinor Të Partisë Demokratike, me në krye Belind Këlliçin kanë bërë pastrimin e një pjesë të qytetit në njësinë numër 4 në kryeqytet, detyrën që duhet të bëjnë Bashkia dhe Qeveria.

Këlliçi ka ripërsëritur akuzat për inceneratorët, ndërsa theksoi se pas landfillit të Sharrës qëndrojnë kryeministri Edi Rama, kryebashkiaku Erion Veliaj, ministri Arben Ahmetaj, banda e Lushnjes dhe element të Ndraghetës dhe sipas tij transferojnë çdo vit në parajsat fiskale përmes sekserëve të tyre, Mërtirit dhe Zotos plot 11 milionë euro.

“Jemi sot në Njësinë nr 4 në kryqytet, në Tiranë. Kemi ardhur vullnetarisht me të rinjtë e Forumit Rinor, për të bërë në fakt detyrën që duhet të bëjnë Bashkia dhe Qeveria. Edhe pse në një rreze prej 70 kilometrash katrorë, qeveria ka planifikuar dhe po ngre tre inceneratorë të fuqishëm për të djegur plehrat e të gjithë Ballkanit, jo të Shqipërisë. Ju çdo ditë e më shumë po shihni që kryeqyteti dhe Shqipëria është e ndotur.

Kryeqyteti mbi të gjitha, është më i ndotur se kurrë më parë. Edhe pse deri tani janë paguar plot 70 milionë euro nga taksat e qytetarëve shqiptarë dhe taksapaguesve shqiptarë për këto tre inceneratorë, edhe pse qeveria planifikon të paguajë me qindra milionë euro këto tre inceneratorë, ne jemi këtu për t’ju treguar që, asgjë nuk është bërë për të pastruar qytetet tona dhe për të pastruar mbi të gjitha, kryeqytetin.

Jemi të vetëdijshëm se sot që ne flasim, nga taksat dhe tarifat e ndryshme të pastrimit, qytetarët e Tiranës i paguajnë pronarëve të inceneratorëve plot 51 mijë euro në ditë. Bashkia e Tiranës, vetëm për vitin 2020, deri në fund të këtij viti planifikon të mbledhë plot 2.2 miliardë lekë nga tarifa e pastrimit, me një rritje prej 17% me vitin e kaluar.

Ndërkohë që tarifa e pastrimin ne kryeqytet rritet, me të njëjtin proporcion rritet edhe pisëllëku dhe papastërtia në kryeqytet. Ne jemi të vetëdijshëm sot dhe nuk ka shqiptarë që nuk e di, se mafia e plehrave e drejtuar nga Erion Veliaj, Edi Rama, Arben Ahmetaj, Banda e Lushnjes dhe elemente të Ndraghetës, transferon çdo vit në parajsat fiskale përmes sekserëve të tyre, Mërtirit dhe Zotos plot 11 milionë euro.

LEXO EDHE:  Konfuzioni si garant i pushtetit

LEXO EDHE:  Konfuzioni si garant i pushtetit

Pra, ndërkohë që qytetarët dhe taksapaguesit e kryeqytetit paguajnë me dhjetra milionë euro në vit dhe qytetarët shqiptarë paguajnë dhe pritet të paguajnë me qindra milionë euro në vitet e ardhshme për këto inceneratorë, kryeqyteti dhe Shqipëria është më e ndotur se kurrë. Ne erdhëm sot vullnetarisht këtu për t’u sensibilizuar dhe për të bërë detyrën tonë si qytetarë.

Erdhëm me të rintjë për të pastruar një zonë, Njësinë Nr 4, një zonë të caktuar në Njësinë Nr 4 në kryeqytet, sepse e dimë fare mirë që videot 3D, montazhet që nxjerr Erion Veliaj dhe Edi Rama në facebook, nuk ndihmojnë në mirëqenien dhe jetesën në kryeqytet. Çdo ditë e më shumë do të jemi pranë jush, për t’ju treguar problemet reale që kanë kryeqytetasit në fakt, duke filluar nga papastërtia, nga plehrat, nga trafiku i bllokuar, nga kaosi që shkakton trafiku, nga zhurma akustike, nga ndotja e ambientit, nga smogu dhe ajri i ndotur dhe për t’ju treguar, se Tirana është kryeqyteti më i keqmenaxhuar sot në Ballkan. Shihemi në ditët në vijim!”/CNA.al

 

LEXO TE PLOTE

Politikë

“Misioni i Ramës, koncesionet korruptive”/ Basha: Duhen marrë urgjent katër hapa për shëndetësinë

Publikuar

-

Nga

“Misioni i Ramës, koncesionet korruptive”/ Basha: Duhen marrë urgjent katër hapa për shëndetësinë

Kryetari i Partisë Demokratike, Lulzim Basha, ka publikuar një video ku hedh akuza ndaj kryeministrit Edi Rama për situatën shëndetësore në vend.

Basha pretendon se misioni i Ramës nuk është të mbrojë shëndetin e qytetarëve, por tenderat sekretë dhe koncesionet korruptive.

Ai rendit 4 hapa në një shkrim në rrjetet sociale që sipas tij, qeveria duhet t’i marrë urgjent për t’i ardhur në ndihmë shëndetësisë.

Rritja e numrit të testimeve, rimbursimi i plotë për mjekimin në shtëpi kundër Covid, bonusi i premtuar dhe angazhimi i të gjithë mjekëve e infermierëve dhe shtimi i kapaciteteve spitalore janë 4 hapa urgjentë në ndihmë të shëndetësisë dhe shqiptarëve të lënë në mëshirë të fatit”, shkruan kreu i opozitës./ CNA.al

LEXO TE PLOTE

Politikë

Meta ktheu Kodin Zgjedhor në Parlament/ Rudina Hajdari kërkon mbledhjen e Këshillit Politik

Publikuar

-

Nga

Meta ktheu Kodin Zgjedhor në Parlament/ Rudina Hajdari kërkon mbledhjen e Këshillit Politik

Pas rikthimit në Kuvend të Kodit Zgjedhor nga ana e Presidentit të Republikës, Ilir Meta deputetja Rudina Hajdari kërkon ribledhjen e Këshillit Politik.

Sipas Hajdarit, kthimi i Kodit Zgjedhor të ndryshuar në kuvend nga Presidenti është një mundësi e mirë për tu riulur edhe njëherë në tryezën e Këshillit Politik për të diskutuar se si mund të arrihet një produkt i cili të gëzojë mbështetjen e të gjithë qytetarëve shqiptarë.

“Presidenti i Republikës e ka rikthyer për shqyrtim Projektligjin për ndryshimet në Kodin zgjedhor dhe në gjykimin tim kjo është një mundësi e mirë për tu riulur edhe njëherë në tryezën e Këshillit Politik për të diskutuar se si mund të arrijmë një produkt i cili të gëzojë jo vetëm mbështetjen e një pale, sic është rasti aktual, por mbi të gjitha mbështetjen e të gjithë qytetarëve shqiptarë.

Në 30 vite, reformat zgjedhore në këtë vend kanë shërbyer vetëm e vetëm për të përfaqësuar interest e pak njerëzve, duke e deformuar vullnetin e qytetarëve, duke e dobësuar fuqinë e tyre, duke deformuar kuptimin e sovranitetit të popullit e duke prodhuar si rrjedhojë kriza politike të cilat e kanë mbajtur vendin peng.

LEXO EDHE:  Trondit Kreshnik Spahiu/ “Tre bandat politike punojnë kundër SHBA”

LEXO EDHE:  Favorizuan trafikun ndërkombëtar të drogës?”/ Arben Kraja “kërcënon” pushtetarët  

Kur u bëra pjesë e Këshillit Politik, mendova se kishim një shans që ta ndalonim këtë traditë të shëmtuar dhe për herë të parë të prodhonim një produkt i cili do ti shërbentë shumicës së qytetarëve e jo 2 po 3 politikanëve.

Prandaj, duke shfrytëzuar mundësinë që kemi përpara, ju ftoj që ditën e martë, në orën 11:00, të riulemi në tryezë dhe të arrijmë një kompromis, ku baza duhet të jetë fuqizimi i qytetarëvë duke i dhënë përparësi absolute në formulën e përzgjedhjes së deputetëve, votës qytetare e jo preferencës së kryetarëve.

Kjo do të ishte një sinjal nga ana juaj, se keni në fokus qytetarët e jo interesat e ngushta personale. Do të tregonte se ju intereson më shumë Shqipëria e jo partia.

Qytetarët shqiptarë janë duke na ndjekur me shumë vëmendje dhe jam e bindur se do ndëshkojnë rëndë ata të cilët vazhdojnë avazin e vjetër të manipulimit dhe mashtrimit për hir të pushtetit.

Duke shpresuar në një reagim pozitiv, Rudina Hajdari”, shkruan Hajdari./CNA.al

 

LEXO TE PLOTE