Kufiri Detar/ Spahiu: Bushati duhet arrestuar, Rama po teston popullin

31 Janar 2018, 18:20, Aktualitet CNA

Në një lidhje telefonike për Syri.net, ish-kryetari i Aleancës Kuq e ZI, Kreshnik Spahiu, teksa ka komentuar çështjen detare me shtetin grek, është shprehur se Prokuroria duhet të ndjekë penalisht ministrin e Jashtëm, Ditmir Bushati.

?Prokuroria shqiptare duhet të ndjekë penalisht Ministrin e Jashtëm të Shqipërisë,Ditmir Bushati, për shkelje të integritetit territorial.

Gjëja e parë që duhet të bënte Prokuroria e përgjithshme, duhet të ishte, lëshimi i fletarrestit për Ditmir Bushatit. Kemi të bëjmë me një veprim të ngjashëm me importimin e plehrave kimike nga qeveria Rama?, tha Spahiu.

Spahiu ka thënë se ky është një veprim i ngjashëm me importin e mbetjeve kimike dhe në këtë mënyrë është duke testuar presionin popullor.

?Rama po tenton të provojë presionin popullor. Ai do ta mbajë mirë si me Athinën ashtu dhe me elektoratin. Pra nëse do të kemi një presion të fortë popullor, Rama do ti thotë Tsiprasit, se unë dua ti kaloj 12 milje det Greqisë, por kam presion të fortë nga populli, ashtu siç bëri me plehrat kimike?, deklaroi Spahiu. /CNA.al

Lajmet e fundit nga