Connect with Us

Nxënësit helmohen me karamele/ AKU: Janë brenda parametrave për konsumim

Aktualitet

Nxënësit helmohen me karamele/ AKU: Janë brenda parametrave për konsumim

Publikuar

-

Fiks Fare i rikthehet sonte temës së sigurisë ushqimore, ku denoncon sesi produktet ushqimore që shiten jashtë oborreve të shkollave, janë jashtë standardeve.

Emisioni investigativ ka ndjekur rastin e helmimit të disa fëmijëve në shkollën “Eftali Koçi” në Durrës dhe ka konstatuar se tregtarë ambulantë të paligjshëm u shesin nxënësve produkte ushqimore të pakontrolluara dhe që janë lehtësisht të falsifikueshme. Pas konfirmimit të Spitalit të Durrësit, se fëmijët janë helmuar nga ushqimet e konsumuara, Autoriteti Kombëtar i Ushqimit pretendoi se produktet e kontrolluara ishin brenda standardeve.

Por, Fiks Fare ka zbuluar të kundërtën. Produktet ushqimore që shiten pranë shkollës, janë pa etiketë, pa kundër-etiketë në shqip si dhe me data të skadencës të manipulueshme.

Kështu ishte edhe rasti i 5 fëmijëve nga qyteti I Durrësit të cilët pas konsumimit të disa karameleve dhe produkteve të tjera ushqimore janë ndjerë keq.

“Unë konsumova këto karamele dhe më pas u ndjeva keq. Nuk kisha ngrënë asgjë veç këtyre. Fiilova të vjell dhe kisha dhimbje koke ” shprehet një fëmijë i klasës së 5-të i cili u shtrua në spital për helmim. Një tjetër bashkëmoshatar i tij sqaron se para se të konsumonte karamelet kishe ngrënë një sanduiç dhe një byrek të cilat i kishte blerë tek muri i shkollës. Prindërit të shqetësuar janë shprehur për Fiks Fare se janë lajmëruar nga mësuesi.

Ata thanë se menjëherë i kanë çuar fëmijët në Spitalin e Durrësit ku kanë marrë mjekim për helmim. Drejtori i shkollës Eduard Prenga i pyetur për këtë problem tha se fëmijët blejnë vazhdimisht jashtë . Ai sqaroi se disa persona vijnë me tepsi dhe kuti kartoni e u shesin fëmijëve byrekë, sanduiçë e një sërë produktesh të amballazhuara.” Këtë radhë ndodhi që 5 fëmijë të klasës së pestë janë ndjerë keq i çuam në spital ,u dyshua për helmim. Gjithësesi ata morrën mjekim” u shpreh ai.

Fiks Fare ju drejtua Drejtorisë së Shëndetit Publik ,Durrës . Një nga specialistet e këtij institucioni tha se dyshimet janë për helmim, megjithatë ende nuk është marrë konfirmimi nga autoritetet e tjera. “Ne e kemi verifikuar situatën. Ishim në spital, dyshohet të kenë konsumuar ushqime , mund të jetë helmim, por ende nuk e dimë konkretisht se kush e ka shkaktuar. Jemi në pritje të përgjigjes” u shpreh Lejdina Tepshi mjeke epidemologe.

LEXO EDHE:  "Fiks Fare" denoncon skandalin e vezëve të importuara

E teksa Drejtoria e Shëndetit Publik , Durrës priste një përgjigje, Fiks Fare mori një konfirmim zyrtar nga Spitali i Durrësit,i cili nëpërmjet një shkrese tha se bëhej fjalë për intoksikacion ushqimor , që do të thotë se në produktin e konsumuar ka patur toksina, helme.

Fëmijët, po sipas përgjigjes zyrtare, janë trajtuar dhe analizat kanë rezultuar pa dëmtime. Ju drejtuam edhe Policisë Bashkiake Durrës për të ditur nëse kjo e fundit kryen inspektime lidhur me shitësit ambulantë që tregtojnë të paliçensuar . Kreu i këtij institucioni, Vasip Çobo tha se nuk ka patur të tilla inspektime pasi ka munguar denoncimi nga institucionet por edhe qytetarët.

Pra edhe pse shitja në ambeientet jashtë shkollës bëhet në dritë të djellit ,policia pret denoncimin. Megjithatë pas kësaj situate z.Çobo premtoi se do të niste një inspektim të menjëhershëm. Si përfundim Fiks Fare ju drejtua Autoritetit Ushqimor Rajonal Durrës. Këta të fundit nuk dhanë një përgjigje zyrtare. Pas insistimit të vazhdueshëm përgjigja erdhi me email nga zyra e shtypit të Autoritetit Kombëtar të Ushqimit.

Në shkresë thuhet se fëmijët kanë konsumuar karamele të cilat sipas AKU-së janë brenda parametrave për konsum ,pasi kanë kundra-etiketën në shqip si dhe janë brenda afatit të përdorimit. Por Fiks Fare evidentoi të kundërtën , veç rasteve konkrete këto produket rezultuan të pasigurta, pasi mbi to mungon kundra-etiketa në shqip si dhe data e skadencës është e manipulueshme , pasi mund të fshihet lehtësisht.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

SHBA do të kërkojë nga Kina t’u përmbahet “rregullave të lojës”

Publikuar

-

Nga

SHBA do të kërkojë nga Kina t'u përmbahet "rregullave të lojës"

Zëvendës Sekretarja amerikane e Shtetit Wendy Sherman pritet t’i bëjë të qartë Kinës në bisedimet e ardhshme, se Uashingtoni e mirëpret konkurrencën me Pekinin, por me rregulla të barabarta loje, që synojnë parandalimin e konflikteve, thanë zyrtarë të lartë amerikanë.

Në njoftimin për shtyp, që i paraprin bisedimeve të zonjës Sherman me Këshilltarin e Shtetit kinez dhe Ministrin e Jashtëm Wang Yi, në Tianjin, thuhej se dy ekonomive më të mëdha në botë u duhet të gjejnë mënyra të përgjegjshme për të menaxhuar konkurrencën.

Ajo do të nënvizojë se ne nuk duam që një konkurrencë e ashpër dhe e vazhdueshme të shndërrohet në konflikt“, tha një zyrtar i lartë i administratës amerikane, përpara që atij që do të jetë takimi i parë i rangut të lartë ballë për ballë mes Uashingtonit dhe Pekinit, pas disa muajsh. Kjo është pjesë e përpjekjeve që të dyja palët po bëjnë për të qetësuar marrëdhëniet e acaruara.

LEXO EDHE:  Shpërdoruan detyrën/ Ndëshkohen mjekët veterinerë, zbardhen vendimet  

Kjo është arsyeja pse SHBA-ja dëshiron të sigurojë parametra për të menaxhuar me përgjegjësi marrëdhëniet“, tha zyrtari amerikan. “Ajo (zonja Sherman) do të bëjë të qartë se ndërsa ne e mirëpresim konkurrencën e fortë e të qëndrueshme me Kinën, të gjithë duhet të luajnë me rregulla të barabarta loje“.

LEXO EDHE:  “Fiks Fare” denoncon skandalin e vezëve të importuara

Zonja Sherman pritet të mbërrijë të dielën në Tianjin, një qytet në juglindje të Pekinit dhe do të qëndrojë deri të hënën.

Ndërkohë javën tjetër Sekretari amerikan i Mbrojtjes Lloyd Austin do të udhëtojë drejt Singaporit, Vietnamit e Filipineve ndërsa Sekretari i Shtetit Antony Blinken do të vizitojë Indinë, shenja të një përpjekjeve të SHBA-së për të intensifikuar angazhimin në këtë rajon ndërsa Kina po sfidon ndikimin e Uashingtonit në Azi./voa

LEXO TE PLOTE

Bota

Afganët kërkojnë më shumë mbështetje për forcat e sigurisë

Publikuar

-

Nga

Afganët kërkojnë më shumë mbështetje për forcat e sigurisë

Mes dhunës së vazhdueshme në Afganistan, duke përfshirë dhe raketat që ranë këtë javë pranë pallatit presidencial gjatë lutjeve me rastin e Bajramit, talibanët po bëjnë thirrje që Presidenti Ashraf Ghani të tërhiqet si kusht për të negociuar me pas një zgjidhje politike.

Të premten, zëdhënësja e Shtëpisë së Bardhë Jen Psaki tha se Presidenti Biden mbështet udhëheqësit e popullit afgan, duke përfshirë Ashraf Ghanin. Ajo tha se po zhvillohen negociata të vazhdueshme mes udhëheqësve afganë dhe talebanëve.

Ne besojmë se një zgjidhje politike është rezultati i vetëm për paqen e qëndrueshme në Afganistan, por ne do të vazhdojmë të sigurojmë mbështetje për qeverinë në disa forma: si ndihma humanitare, mbështetje dhe trajnime për forcat e sigurisë dhe gjithashtu do të vazhdojmë t’i inkurajojmë ata të marrin një rol udhëheqës në mbrojtjen e popullatës”, tha ajo.

LEXO EDHE:  Covid-19 i mori jetën/ AKU reagon për ish-drejtorin: Shembull i shkëlqyer në punë

LEXO EDHE:  "Fiks Fare" denoncon skandalin e vezëve të importuara

Në fillim të kësaj jave në Pentagon, gjenerali i Ushtrisë Mark Milley bëri një vlerësim të situatës dhe të asaj që mund të ndodh në Afganistan.

“Ekziston një mundësi për të negociuar ende. Ekziston një mundësi që talibanët të marrin kontrollin e plotë, janë disa skenarë në lojë. Ne jemi duke monitoruar nga afër. Përfundimi ende nuk dihet”, tha Gjeneral Mark Milley, Kreu i Shtatëmadhorisë amerikane.

Në një takim virtual me gazetarët amerikanë të premten, disa anëtarë kryesorë të parlamentit afgan kërkuan që Shtetet e Bashkuara të vazhdojnë të ndihmojnë me fonde e të mbështesin forcat e sigurisë.

Ata gjithashtu kërkuan më shumë dronë amerikanë për të sulmuar artilerinë talibane. Ligjvënësit afganë thanë se situata do të përkeqësohet me tej me largimin e forcat amerikane në shtator./voa

LEXO TE PLOTE

Kronika

Si nisi sherri për makinat/ Të plagosurit shokë me njëri-tjetrin, u qëlluan me armë teksa pinin kafe në lokal

Publikuar

-

Nga

Sherri për makinat/ Të plagosurit shokë me njëri-tjetrin, u qëlluan me armë teksa pinin kafe në lokal

Aldo Gjini është autori i plagosjes së dyfishtë me armë zjarri që ndodhi mbrëmjen e sotme në Tiranë.

Dy të plagosurit në Tiranë, Altin Gjoka dhe Jetmir Marashi rezultojnë se janë shokë me njëri-tjetrin u konfiktuan me Gjinin pas një incidenti me makinat.

Në momentin që dy të rinjtë Altin Gjoka dhe Jetmir Marashi u ulën në lokalin që ndodhet në kompleksin “Grand”, Gjini ka shkuar dhe pas debatit verbal i ka qëlluar me armë.

LEXO EDHE:  “Fiks-Fare” paralajmëron skandalin e Ministrisë së Arsimit dhe të Infrastrukturës

LEXO EDHE:  Covid-19 i mori jetën/ AKU reagon për ish-drejtorin: Shembull i shkëlqyer në punë

Autori është larguar me një makinë me targë “AA 001 RN”, ndërsa policia është vendosur në ndjekje të tij./CNA.al

LEXO TE PLOTE