Connect with Us

Deklarata e fortë e Ngjelës/ Varret fantazmë të ushtarëve grekë duan të rikrijojnë fantazmën e Vorio-Epirit

Aktualitet

Deklarata e fortë e Ngjelës/ Varret fantazmë të ushtarëve grekë duan të rikrijojnë fantazmën e Vorio-Epirit

Publikuar

-

Në lidhje me vendimin për varrezat e ushtarëve greke në Shqipëri, të rënë në krye të detyrës gjatë Luftës së Dytë Botërore, ka reaguar edhe avokati Spartak Ngjela.

Në një postim në faqen e tij në rrjetet sociale, Ngjela shkruan se ‘varret fantazmë të ushtarëve grekë në Shqipëri po duan të rikrijojnë fantazmën e Vorio-Epirit’. Mes të tjerash Ngjela tha se kjo është një manovër qesharake që kërkohet të arrihet me injorancën e kryeministrit Rama, ndërsa shtoi se ai i trembet Reformës në Drejtësi.

Postimi i plotë:

Marrëveshja jopolitike dhe kundër dinjitetit kombëtar e kryeministrit Edi Rama për varrezat e ushtarëve grekë – sëmundje e vjetër antishqiptare e kryeministrave shqiptarë.

  1. Varret fantazmë të ushtarëve grekë në Shqipëri po duan të rikrijojnë fantazmën e Vorio-Epirit.

Vorio-Epiri është ide e krijuar nga pushtuesit grekë që, me ndihmën e fuqive të mëdha, në vitin 1913, kanë pushtuar si aneksim tokat shqiptare nga Jania e deri në Prevezë në favor të Greqisë.

Risjellja në kujtesë e varreve të ushtarëve grekë, s’bën gjë tjetër veçse evokon sërish orekset pushtuese greke.
Por Tani, pas fuqizimit të Shqipërisë në Perëndimi, kjo është një manovër qesharake që kërkohet të arrihet me injorancën e kryeministrit aktual të Shqipërisë, që duket se është i trembur nga Reforma në Drejtësi.

Ky është një akt anormal për qeverinë shqiptare dhe për një kryeministër që niset për të mbrojtur Çamërinë dhe përfundon në fantazmën groteske greke të Vorio-Epirit.

Përpara se sa të flitet për varre ushtarësh pushtuesë; çdo qeveri shqiptare duhet të kërkojë varret e shqiptarëve të vrarë gjatë masakrës genocidiale kundër çamëve në Greqi; duhet të kërkojë dëmshpërblimin për çdo shqiptar çam të vrarë në vitin 1945; duhet të kërkojë dëmshpërblimin për çdo shqiptar që është shpërngulur nga trojet e veta etnike si dëm material; duhet të kërkojë dëmin material që i është shkaktuar shtetit shqiptar si pasojë e genocidit antiçam për strehimin e
Shqiptarëve etnikë të shpërngulur nga trojet e tyre mijravjeçare; duhet të kërkojë kthimin e të gjitha pronave të shqiptarëve etnikë çamë në Çamëri, kudo ku çamët i kanë pasur ato në Greqi; duhet të kërkojë kthimin në Çamëri të të gjithë shqiptarëve çamë të shpërngulur me masakër nga trojet e tyre; duhet të kërkojë autonominë e Çamërisë; dhe, në fund, të gjitha këto duhet t’i potencojë si kërkesë historike me anë të aleancës shqiotaro- amerikanë.

Padrejtësinë shqiptare e kanë krijuar fuqitë e mëdha: Franca dhe Rusia, se pushtuesit grekë shqiptarët i kishim mbytur dhe me gurë.
Por duhet të kujtohemi se shqiptarët sot janë në aleancë me fuqinë më të madhe dhe të vetme botërore.

Megjithatë, kuptohet se shqiptarët sot nuk e kanë një kryeministër që të potencojë dinjitetin shqiptar dhe të strukturojë skemën historike për bashkimin kombëtar shqiptar, ashtu siç kuptohet që po e kërkon politika amerikane.

  1. Shqipëria sot gjendet tamam si në vitin 1999, përpara se të fillonin bombardimet kundër Jugosllavisë; por edhe atëherë, që qeveria shqiptare të bashkohej me mendimin amerikan për bombardimet e Jugosllavisë, u desh të rrëzoheshin dy kryeministra rresht: Sali Berisha dhe Fatos Nano.
LEXO EDHE:  “Ka skaduar si arsye politike”/ Ngjela akuza Metës: Do popullin nën armë për të shkatërruar Shqipërinë

Politika amerikanë e kishte provuar atëherë se, me këta dy kryeminustra nuk mund të bëheshin bombardimet kundër Beogradit. Prandaj ajo i rrëzoi të dy.
Por duhet thënë se, deri tani, vetëm një kryeministër i është përgjigjur skemës amerikano- gjermane për ngritjen reale të shqiptarizimit në Ballkanin Perëndimor, si i vetmi aleat real amerikan në Ballkan – dhe ai ka qënë Pandeli Majko.
Ky ishte kryeministri shqiptar që iu dha udhë reale bombardimeve për çlirimin e Kosovës.
Të tjerët, në forma të ndyshme, kanë shitur interesin kombëtar te fqinjët pushtues për të garantuar pushtetin e tyte; dhe, në fund, kanë rënë në korrupsion: kanë vjedhur mjetet monetare të shtetit shqiptar dhe kanë bllokuar zhvillimin; por të gjithë janë kryeministra-kunguj; që vetëm kanë vjedhë shqiptarët.

Po ky i sotmi?
Është e njëjta prerje me paraardhësit e tij, por, nëse do të vijojë kështu, duhet ndërruar.

lll.
Shqiptarët duhet ta dinë mirë sot se me një kryeministër që niset për Çamërinë dhe përfundon në fantazmogorinë pushtuese të Vorio-Epirit, nuk mund të kenë të sigurt asgjë.
Sëmundja e kryeministrave shqiptarë, që nga Ahmet Zogu deri te ky i sotmi duhet shrrënjosur në Shqipëri; sepse në të kundërt shqiptarët nuk mund të kenë perspektivë zhvillimi.

Sot që ka dalë në pahun e historisë aleanca shqiptaro-amerikane për politikën ballkanike, një kryeministër si ky që është, përbën vetëm pengesë dhe rrezik për zhvillimin shqiptar dhe për vetë aleancën me Uashingtonin dhe Berlini.

Çdo politike e re ka kohën e saj, ku ajo ose konsumohet, ose humbet. Shqiptarët duhet të nxitojnë se ky është një fat i madh historik për zhvillimin e tyre, por që ka afër tete vjet që po pengohet nga dy kryeministra fantazmë – Sali Berisha dhe Edi Rama.

Tani që të dy janë futur në udhën e likuidimi të tyre, por që, duke parë marrëveshjen e fundit për varret e ushtarëve grekë, kuptojmë se ende po vijon në Shqipëri vallja makabër e Esat Toptanit.

Po amerikanët çdo bëjnë?
Duhet të veprojnë si në vitin 1999; kur gjetën Pandeli Majkon dhe e çuan skemën deri në çlirimin e Kosovës.

Sigurisht, edhe maxhoranca socialiste duhet ta ketë parasysh këtë, sepse nuk e ka pasur të lehtë që të jetë partnere me politikën amerikane, por, përderisa tani e ka arritur këtë, duhet të dijë të manovrojë brenda frymës që po kjo mazhorancë, me kryeministrin e vet, në vitin 1999, diti të ndihmojë realisht në çlirimin e Kosovës./ CNA.al

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. muhamet qeflliu

    24 Janar, 2018 at 10:48 pm

    doli edhe ky karri me zile
    po tani corben e kujt po ha qe po ben sikur i nxihet karri per shqiperine e jugut ku pervec bregdetit nuk besoj se ka qene ndonjehere pas 1997

Komentoni

Your email address will not be published. Required fields are marked *

Kosova & Rajoni

Video-Brenda Klinikës Infektive në Kosovë/ Lufta mes jetës dhe vdekjes të pacientëve me Covid-19

Publikuar

-

Nga

Video-Brenda Klinikës Infektive në Kosovë/ Lufta mes jetës dhe vdekjes të pacientëve me Covid-19

Edhe Kosova po shënon ditët e fundit rritjen më të madhe të numrit të të vdekurve dhe të infektuarve nga coronavirusi.

Radio Evropa e Lirë ka qëndruar një ditë brenda Klinikës Infektive nga ku çdo mbrëmje raportohet për të vdekur e disa qindra të infektuar me COVID-19.

Frymëmarrja e vështirësuar e pacientëve dhe zhurma e pajisjeve që i ndihmojnë ata për të marrë frymë, janë të vetmet gjëra që dëgjohen.

Në secilën dhomë të Infektivës në Prishtinë mjekët po bëjnë maksimumin për të shpëtuar sa më shumë jetë, në kohën kur numri i të vdekurve po rritet çdo ditë.

LEXO EDHE:  Avokat Spartak Ngjela duhet të arrestohet!

LEXO EDHE:  Nga Spartak Ngjela/ “Kur një vend ka sjellë në pushtet injorantë, populli është i detyruar të dëgjojë sharje individësh dhe jo qeverisje të përgjegjshme”

Nuk dëgjohet asgjë tjetër përveç frymëmarrjes së vështirësuar të pacientëve me COVID-19 dhe zhurma e pajisjeve që i ndihmojnë ata për të marrë frymë.

Edhe nëse ndonjë pacient shërohet të tjerët zënë vendin e tyre po të njëjtën ditë, sidomos pacientët që vijnë nga spitalet e qyteteve të tjera.

LEXO TE PLOTE

Politikë

“Po bëjnë pazare të pista”/ “Shpërthen” Murrizi: Të penduarit e drejtësisë po flasin, keni shumë për të dëgjuar

Publikuar

-

Nga

“Po bëjnë pazare të pista”/ “Shpërthen” Murrizi: Të penduarit e drejtësisë po flasin, keni shumë për të dëgjuar

Deputeti demokrat Myslim Murrizi ka komentuar me tone mjaft të forta përplasjet e fundit politike mes kryeministrit Edi Rama dhe kreut të PD-së, Lulzim Basha.

Nisur nga deklarata e Bashës, sipas të cilit Rama i ka ofruar pazarin që “ti kryeministër, unë president”, Murrizi me ironi shkruan se reforma në drejtësi ka filluar të japë efektet e para.

“Reforma ne drejtesi ka filluar te japi efektet e para

I penduari i pare i “ bandes” politike rrefen nje nga pazaret e pista qe prej 30 vitesh luhet ne kurriz te shqiptareve

Shpresoj qe “ pentito” i pare i kesa “ bande” politike te bashkepunoj deri ne fund me drejetesine

Njeri president e tjetri kryeminister?

Hajde gallate hajde

Domethene qe shqiptaret nuk kane fare te drejte te zgjedhin

Prandaj kane 12 vjet qe jua kane ndaluar me ligj te drejten e zgjedhjes me vote?

Prandaj nuk duan listat e hapura?

Prandaj bejne sikur zihen me njeri tjetrin?

Prandaj ulen si skuthe me njeri tjetrin qe te beje pazarin e radhes ne kurriz te shqiptareve dhe duan ta paraqesin para tyre si marreveshje qe zgjidh ngerçin artificial politik???

Po kur kjo pune qenka me pazar mes njeri tjetrit, atehere pse duhet te kete zgjedhje çdo 4 vjet?

Apo kot per tu hedhur hi syve shqiptareve, per tu bere qejfin nderkombetareve dhe per tu rrahur e vrare militantet e partive neper kutite e votimit per palaćot e politikes?

Po “ shume mire” qenka kjo pune!!!”-shkruan Murrizi.

Më tej, ai thekson se ndihet i zhgënjyer, pse nuk qenka pranuar pazari.

“Jam “ zhgenjyer” shume pse nuk paskan pranuar?

Po çfarë mund ti ofroj me shume se Kryeminister, kryetarit te opozites nje kryeminister ne detyre?

Po nje Kryeminister ne detyre qe eshte merzitur dhe po i vjen per te vjelle nga pushteti i tepert, çfare mund te behet me shume se Presidemt?

Mesa po kuptoj nga “ rrefimet” e para te “bashkepuntoreve” te pare te drejtesise se re, do jene prishur pazari se nuk ka vend per 2 Kryeministra dhe 2 President

LEXO EDHE:  Protesta e 16 shkurtit/ Spartak Ngjela nxjerr zbuluar opozitën

LEXO EDHE:  Nga Spartak NGJELA/ Korrupsioni shqiptar i nivelit të lartë dhe marrëveshja Rama e Basha

Se keta “ shejtan” nuk jane 2 kapo te vetem te kesaj “ BANDE” politike 30 vjeçare por jane 4 kapo e gjys, dhe 30 lango pas Tyre qe ju duket vetja si gango”-thekson deputeti.

Gjithashtu ai ka edhe një apel të fortë për qytetarët shqiptarë, ndërsa thekson se “Te nderuar shqiptare!

Sot eshte nje dite e madhe per sejcilin nga ne, per te degjuar fillimin e rrefimeve qe te “ penduarit” do tregojne per te gjitha pazaret e pista qe kane kryer ne kurrizin e shqiptareve

Ishalla jua kane perkthyer mire nderkombetareve deklarimet e dy te “penduareve” te pare te “ bandes” politike 30 vjeçare, qe edhe ata te “ shkrete” te mos “ lodhen” shume per ti “ pajtuar” as neper skutat e pallatit te kongreseve as ne rezidencat e selive diplomatike.

Atehere une “ propozoj” qe te mos behen me votime kot, sepse ka kosto te larte financiare, por “ kapot” te meren vesh me njeri tjetrin dhe te pranojne me “ dhimbje” kete “ sakrifice” te madhe per hater te shqiperise dhe shqipetareve. Njeri president, tjetri kryeminister. Pastaj kur te merziten te bejne
“ rrotaçile” se nuk u be qameti dhe qytetareve tua paraqesin si mender “ rrotacion”. Keshtu besoj qe “kenaqen” te gjitha palet.”

Më tej, ai thekson se “keta “ pentitot” shplodhen duke nderruar karriket me njeri tjetrin pa zgjedhje, dhe populli ben sikur voton çdo 4 vjet dhe Shqiperia ecen “ para” dhe futet ne bBE nga deklaratat pro perendimore dhe emocionale te disa deputeteve qe mbreme “ shpetuan” atdheun, kombin, Shqiperine dhe shqiptaret nga “ puçi” i shtetit qe po behej nga ne “ “tradhetaret” qe kemi kerkuar”.

Sipas Murrizit, hapja e listave është vetëm fillimi, dhe se shqiptarët do të dëgjojnë shumë këto ditë.

“Lista te hapura. Sot eshte vetem fillimi

Ehhhhh sa do degjojne shqiptaret keto dite!!!!

Populli thote: Fija keputet duke u holluar

Zullumi duke u trashur”-përfundon postimin e tij deputeti Murrizi./ CNA.al

LEXO TE PLOTE

Kosova & Rajoni

Atje vranë mbi 8 mijë djem dhe burra muslimanë/ Ish-diplomatja: Në Srebrenicë, Europa dështoi

Publikuar

-

Nga

Atje vranë mbi 8 mijë djem dhe burra muslimanë/ Ish-diplomatja: Në Srebrenicë, Europa dështoi

“Në Srebrenicë Evropa dështoi,” thotë në një intervistë për DW Gudrun Steinacker. Ish-diplomatja, e cila ishte së fundmi Ambasadore e Republikës Federale të Gjermanisë në Maqedoninë e Veriut dhe Malin e Zi dhe konsiderohet si një nga njohëset më të mira të Ballkanit në diplomacinë gjermane, është e sigurt se “pas katër vitesh lufte dhe spastrimi etnik me kampe përqendrimi, zhvendosje masive dhe përdhunime masive, mund të dihej se çfarë ishte e mundur “.

Detajet e kësaj drame të paimagjinueshme janë përpunuar në mënyrë të përpiktë nga Gjykata Penale Ndërkombëtare për ish-Jugosllavinë në Hagë. Sipas kësaj gjykate në fazën e fundit të luftës civile në Bosnje-Hercegovinë (1992-1995), serbët kishin nisur me planifikimin strategjik të masakrës në mars të  vitit 1995.

Shumëkush e kujton Srebrenicën vetëm në përvjetorë

Në lindje të Bosnjë-Hercegovinës, në qytetin e vogël të Srebrenicës, ndodhi në korrik 1995 krimi më i rëndë në Evropën e pas Luftës së Dytë Botërore: njësi serbe vranë  atje mbi 8,000 djem dhe burra muslimanë. Gjykatat ndërkombëtare e kanë klasifikuar vazhdimisht këtë masakër të paparë ndaj civilëve si gjenocid.

Mbrojtje e pamjaftueshme

Srebrenica qe shpallur dy vjet më parë nga Këshilli i Sigurimit i OKB si një nga gjashtë “zonat e sigurta”. Por rreth 400 ushtarë helmetëkaltër holandeze të OKB-së, ishin të armatosur në mënyrë të pamjaftueshme, për ta mbrojtur Srebrenicën, e cila qe kthyer në një strehë për rreth 25.000 refugjatë

Nga 13 deri në 17 korrik, njësitë serbe vranë në Srebrenicë mbi 8,000 burra dhe djem dhe i varrosën në varre masive. Tani janë identifikuar dhe janë varrosur në varrezat përkujtimore në Potoçari pothuajse 7,000.

Identifikimi i skeletëve të viktimave të Srebrenicës

Identifikimi i skeletëve ishte një punë mjaft e vështirë për ekipet ndërkombëtare të mjekëve ligjorë, sepse për të mbuluar gjurmët e krimeve të tyre serbët i hapën varret masive me buldozerë dhe shpërndanë pjesët e trupave pa jetë në të ashtuquajturat varreza dytësore ose tretësore. Për këtë arsye ekspertëve mjeko-ligjorë iu desh të mblidhnin mbetjet e trupave nga varre të ndryshme dhe t’i bashkonin përsëri ato.

LEXO EDHE:  Aleati i Ramës tregon emrat/Kush duhet ta drejtojë PD, që të fitojë zgjedhjet

LEXO EDHE:  Protesta e 16 shkurtit/ Spartak Ngjela nxjerr zbuluar opozitën

Ende shumë kriminelë të padënuar

Komandanti i përgjithshëm i genocidit, udhëheqësi politik i serbëve të Bosnjës Radovan Karaxhiç dhe shefi i tij ushtarak Ratko Mladić, u dënuan me burgim të përjetshëm nga gjykata e OKB në Hagë. Por deri sot numri më i madh i autorëve të këtij krimi vazhdojnë të jenë të lirë. Shumë prej tyre kanë ikur në Serbi dhe jetojnë atje pa pasur frikë nga drejtësia.

“Sidomos ushtarakët e nivelit të mesëm nuk kanë dalë para ligjit,” tha Murat Tahirović në Sarajevë për Deutsche Welle. Ai është president i “Shoqatës së Viktimave dhe Dëshmitarëve të Gjenocidit” dhe thotë se “megjithëse organizata jonë ka paraqitur një dokumentim të gjerë për 24 shtabet me 227 anëtarë, nuk ka marrë asnjë përgjigje nga organet e zbatimit të ligjit”.

Serbia nuk e pranon masakrën

Edhe 25 vjet pas çmendurisë së Srebrenicës, Serbia zyrtare dhe shumica e popullatës serbe vazhdojnë të mos pranojnë ta konsiderojnë masakrën si gjenocid. Edhe rrugë, shkolla ​​dhe një konvikt studentor mbajnë emrat e kriminelëve të luftës Mladić dhe Karadžić. Një numër i atyre që janë qenë të përfshirë direkt ose indirekt në vrasjen masive të asaj kohë mbajnë ende poste si politikanë apo janë sipërmarrës e bisnesmenë.

Në Serbi ende rrugë, shkolla ​​dhe një konvikt studentor mbajnë emrat e kriminelëve të luftës Mladić dhe Karadžić

“Shumëkush e kujton Srebrenicën në përvjetorë”, kritikon profesori i historisë Husnija Kamberović në Sarajevë në intervistë me Deutsche Wellen. “Ndoshta edhe bota e jashtme do të dëshironte të harronte Srebrenicën, sepse luajti edhe vetë një rol kaq të turpshëm.” Por “e vetëmja gjë që mund të ndihmojë është ndërtimi i një shoqërie jo-nacionaliste”.

Edhe të rinjtë në Ballkan i bëjnë thirrje opinionit botëror një çerek shekulli pas gjenocidit në Srebrenicë që të mos e harrojë atë që ndodhi. “Sepse nëse harrojmë këto gjëra, ato mund të ndodhin përsëri dhe një Srebrenica nuk duhet t’i ndodhë kurrë më askujt përsëri”, thotë aktivistja Lamia Bravo nga Bosnje-Hercegovina./ DW

LEXO TE PLOTE