LEXO PA REKLAMA!

SHKARKO APP

Historiani publikon dokumentin/ Ja udhëzimet që jepte diktatori nga Beogradi

17 Janar 2018, 19:35, Aktualitet CNA

Historiani Kastriot Dervishi, ka vijuar me publikimin e dokumenteve të kohës së diktaturës komuniste.

Me anë të një postimi në rrjetet sociale, Dervishi ka publikuar së fundmi telegramin që diktatori Enver Hoxha kishte nisur nga Beogradi, ku po zhvillonte një vizitë zyrtare.

Në këtë telegram ai jepte udhëzimet për masat që duheshin marrë për mbërritjen e tij dhe të Titos në Shqipëri, ku jepen udhëzime edhe për parrillat që duheshin ngritur nga qytetarët, mes të cilave ishte edhe thirrja “Enver-Tito”.

Postimi i plotë i Kastriot Dervishit:

1946/Telegrami i diktatorit tonë nga Beogradi

Më 23 qershor ? 2 korrik 1946, kryeministri i Shqipërisë Enver Hoxha vizitoi Jugosllavinë. Në përfundim të vizitës, më 1 korrik 1946, pra disa orë para mbërritjes në Shqipëri, i dërgon një telegram zëvendësit të vet, Koçi Xoxe, të cilin e udhëzon për masat që duhet të marrë në këtë pritje. Hoxha ka tejkaluar se tepërmi detyrat komunale e bashkiake teksa porosit mënyrën e pritjes dhe parullat që duhen hedhur. Ja telegram i datës 1 korrik 1946:
?Nesër në mëngjes nisemi me aeroplan në ora 8. Organizoni një pritje e manifestim madhështor. Autoritetet më të larta, e qeveria të dalin për të na pritur në aerodrom. Populli të dalë me shumicë. Qyteti të zbukurohet me flamurët tanë e Jugosllavisë. Bëni çmos të punohet tërë natën që të bëni flamuj të Jugosllavisë e Shqipërisë e t?i mbajë populli në duar. Përgatitni mikrofona dhe megafona dhe unë do të flas shkurt gjatë manifestimit. Përgatitni parulla të shkruara dhe parulla që duhet të hidhen nga populli. Përveç parullave të tjera të zakonshme të ketë edhe parulla si ?Rroftë marrëveshja midis popullit shqiptar dhe popujve të Jugosllavisë?, ?Rroftë mareshali Tito?; parulla të shkruara ?Tirana-Beogradi?, të thirret ?Enver-Tito?, të bëhet parulla rreth ushtrisë sonë si dhe ushtrisë jugosllave: ?Rroftë vëllazërimi i ushtrisë kombëtare shqiptare dhe i ushtrisë heroike jugosllave?, ?Rrofshin popujt heroikë të Jugosllavisë?. Sa më shumë parulla mbi miqësinë tonë me Jugosllavinë. Në aeroport të vinë automobilat më të mirë për të na marrë, veçanërisht të vinë ato që janë të hapura?.

Në faksimile e foto një pjesë e telegramit të nisur nga legata jonë në Beograd dhe një nga aktivitetet në sheshin “Skënderbej” ku dallohen parullat “Enver-Tito”. /CNA.al

Lajmet e fundit nga