Një vajzë e komunitetit rom vetëm 15 vjeçe ka sjellë në jetë fëmijën e saj në lulishten e Durrësit, atje ku kishte shkuar për të lypur bashkë me bashkëshortin e saj dhe disa fëmijë të tjerë.

Lajmi është bërë i ditur nga Durrëslajm, ndërsa mësohet se vajza rome e quajtur Meke dhe me origjinë nga Fieri kishin shkuar në qytetin e Durrësit për të lypur, për shkak të gjendjes së vështirë ekonomike.

“Jemi nga Fieri. Ishim atje dhe erdhëm këtu për të lypur. Pa drita jemi në shtëpi, s’kemi ekonomi. Jemi 6 veta së bashku me mua dhe nusen”, është shprehur bashkëshorti i 15-vjeçares për Durrëslajm.

28-vjeçari tregon se bashkëshorten e tij e kapën dhimbjet në lulishte dhe solli në jetë një djalë.

“Lindi këtu në lulishte. E kapën dhimbjet, lindi djalë. Pastaj e çuam në spital, pa lekë, pa gjë, por doli me sukses”- u shpreh ai.

Flamurtari po luan kundër Teutës së Durrësit në shtëpi, ku si duket pas golit të pësuar jo vetëm që ka mbledhur forcat për të barazuar, por ka shënuar plot 3 gola në vetëm 12 minuta lojë.

Golat janë shënuar nga Muarem në minutën e 19′ dhe 25′, dhe nga Useini në minutën e 31′.

Trajneri i Flamurtarit, Shpëtim Duro u dorëhoq pas humbjes ndaj Skënderbeut dhe eliminimit nga Kupa e Shqipërisë. /CNA.al

Një ngjarje e rëndë raportohet të ketë ndodhur në shpellën e “Haxhi Aliut” në Karaburun.

Sipas burimeve nga policia, mësohet se një 34 vjeçar është gjetur i mbytur sot në shpellë, ndërsa thuhet se i ndjeri është i identifikuar si Armand Halvaxhiu, nga Tirana.

Në njoftim thuhet se 34-vjeçari merrej me zhytje, dhe trupi i pajetë është dërguar drejt morgut. Më parë 34-vjeçari ka punuar edhe si kameraman në tek News 24 dhe Agon Channel, ndërsa ende nuk dihen rrethanat e ngjarjes.

Autoritetet po punojnë për zbardhjen e plotë të ngjarjes. /CNA.al