Connect with Us

Nga Spartak Ngjela/ Fati i Ramës në këtë Rambuje të dytë

Aktualitet

Nga Spartak Ngjela/ Fati i Ramës në këtë Rambuje të dytë

Publikuar

-

Likuidimi i sotëm i të gjithë korrupsionit kryeministror shqiptar ndër vite dhe bombardimi i Jugosllavisë në vitin 1999, janë krejt e njëjta gjë.
A do të jetë marsi i vitit 2018 i barabartë në thelb me marsin e vitit 1999?
Sigurisht që do të jetë…
Po si mund të përkufizohet shkurt korrupsioni shqiptar?
Është përkufizimi që dhamë më lart: “korrupsioni kryeministror ndër vitë”. Sepse ky ka qenë thelbi apo bërthama e tij.

Nëse duam të bëjmë një paralelizëm historik, duhet të themi se bombardimet e Amerikës kundër Jugosllavisë në mars – maj 1999, janë e njëjta gjë me goditjen vrastare që ajo do t’i japë këtë vit korrupsionit makabër shqiptar.

A mund të kujtohemi pak çaste për marrëveshjen e Rambujesë?
A mund të kujtohemi për pak çaste në lidhje me rezistencën pasionante dhe dritëshkurtër të Milosheviçit kundër marrëveshjes së Rambujesë?
A mund të kujtojmë për pak çaste se çdo të thotë politikë amerikanë kur ajo ka marrë një zotim ndërkombëtar për të luftuar një armik?
Dhe në fund, pasi të kujtojmë këto, që nuk i përmendëm kot, dhe, para se të fillojmë analizën tonë, a nuk jemi sot në një paralele historike me Rambujenë kur flasim për zotimin amerikan kundër korrupsionit të qeveritarëve dhe ish qeveritarëve shqiptate?

Dhe gjithashtu: a nuk ju duket se rezistenca e korrupsionit shqiptar kundrejt politikës amerikane, është një mizë në krahasim me rezistencën e Milosheviçit?
Në funksion të kësaj na duhet të pranojmë se, ajo që qëndron mbi, është zotimi ndërkombëtar i Amerikës kundër një të keqeje shoqërore.
Dhe ju mendoni se Amerika mund të humbasë prestigjin ndërkombëtar për ca hajdutë xhepash në Tiranë që s’kenë sot në dorë asnjë lloj force?!

Ja pra si vijnë në ngjasim ngjarjet historike, sepse në substancë janë e njëjta gjë: Rambujeja kundër Milosheviçit dje dhe Reforma në Drejtësi kundër korrupsionit në Shqipëri sot , në thelb janë e njëjta politikë. Por vetëm figurat ndryshojnë: kundër Rambujesë ishin dje sërbët; kurse kundër Reformës në Drejtësi është sot i gjithë korrupsioni aktual shqiptar.

Shqiptarët e nënshkruan marrëveshjen e Rambujesë dhe pse atëherë dominoheshin nga agjentura Serbe.
Sot në Shqipëri Socialistët janë me Reformën, edhe pse nën dhé lideri i tyre Rama bashkëpunon me Berishën kundër Reformës, njëlloj si agjentët e atëhershëm të Serbisë në Kosovë.

Marrëveshja e Rambujesë u nënshkrua në 15 mars 1999 nga shqiptarët. Milosheviçi nuk pranoi, madje, në 22 mars, ai refuzoi edhe përpjekjen e fundit të të dërguarit të Klintonit në Beograd.
Të gjithë shqiptarët tani prisnin të fillonin bombardimet kundër Jugosllavisë, se ky ishte zotimi i politikës amerikane. Por atëherë agjentët e Beogradit në Prishtinë qeshnin me tallje: “janë fjalë boshe”, thoshin ata.
Kurse, në Tiranë, Athina u thosh qeveritarëve socialistë të lidhur me të: kurrë!
Por, në 24 mars të vitit 1990 u bombardua Beogradi.
Pse?
A nuk është e ngjashme kjo me thirrjet me gulçim të mbrojtësve mediatikë të korrupsionit shqiptar që thonë se “Reforma ka vdekur” ; apo kur thonë se “janë fjalë boshe; nuk ka Reformë”?
Njëlloj si atëherë.

LEXO EDHE:  Amnistia fiskale/ Manjani kundër shtyrjes së projektligjit: Do investohen para pa hesap

Por bombardimet kundër Jugosllavisë filluan në 24 mars 1999.
Të gjithë u trembën në Ballkan.
Politikanët ekstremistë grekë bërtisnin të lebetitur nëpër Europë dhe thoshin: “arvanitasit dhe çamët ortodoksë po na flasin shqip në Greqi se iu iku frika”.
Berisha u fsheh
Nano u zhduk.
Vetëm kryeministri Majko i qëndroi fort marrëveshjes me Uashingtonit, me kurajë të madhe dhe deri në fund.

Po sot?
Sot jemi përpara Reformës në Drejtësi në Shqipëri.
Kush po e kërkon me zotim ndërkombëtar këtë Reformë ?
Uashingtoni
Kë ka kundër Uashingtoni sot?
Sali Berishën me taborrin e tij të korruptuar, dhe të fshehur, midis tyre, ka edhe Edi Ramën.

Po ky Berisha më i fortë se Milosheviçi është?
Doni të tallen me këtë pyetje! Njëlloj janë jo nga forca, po nga halli, sepse në thelb është i njëjtin hall: rrëzimi nga pushteti; kurse ky yni sot është një i humbur që nuk di se çfarë të quajë forcë.
Tani dihet se Milosheviçi, me bombardime do të rrëzohej e do të shkonte në Hagë .
Po këta tanët?
Këta me forcën amerikane të Reformës, në mars të këtij viti nuk do jenë më në pushtet, por ama, jo, s’ka pse të shkojnë e të gjykohen deri në Hagë, se do të gjykohen këtu nga Gjykata Speciale.

Por në këto çaste i gjithë korrupsioni duket i bashkuar në konspiracion kundër ngritjes së Prokurorisë Speciale; Gjykatës Speciale dhe Byrosë Kombëtare të Hetimit të cilat sigurisht se për Shqipërinë sot, në një sens historik, janë të barabarta me Rambujenë dhe bombardimet e Jugosllavisë. Prandaj, a ka mundësi që ky bashkim i korrupsionit shqiptar të niveleve të larta ta ndalojë Reformën pikërisht në këtë pikë?
Konspiracioni i sotëm këtë ka si qëllim, por kuptohet se korrupsioni shqiptar e ka pamundësi absolute që ta ndalojë këtë rrjedhë reformiste në Shqipëri çfardo lloj konspiracioni të ketë bërë; dhe çfardo lloj loje politike të luajë.
Pse, a nuk e shihni që i gjithë zhargoni banal i Saliut kundër Ramës është një falsitet?

Historia e kombeve dhe e popujve në kohët moderne na ka mësuar një aksiomë: politika amerikane, po u shpreh ndërkombtarisht kundër një të keqeje, duhet ta shkatërrojë atë sepse në këtë rast interesi i saj përkon me moralitetin ndërkombëtar.

Ky ishte rasti historik i shkatërrimit të Milosheviçit, dhe kështu është edhe sot rasti i shkatërrimit të korrupsionit dhe krimit të organizuar shtetëror në Shqipëri, sepse edhe ky, njëlloj si rasti i Kosovës, është përkimi i interesit amerikan me interesin shqiptar.

Po fati i Edi Ramës si do të jetë në këtë Rambuje të dytë, se ai sot është kreu i maxhorancës?
Edhe Fatos Nanoja në maxhorancë ishte gjatë bombardimeve të Jugosllavisë, dhe ishte kryetar i Partisë Socialiste gjithashtu, po, kryeministër për të vijuar marrëveshjen me Uashingtonin u vendos Pandeli Majkoja./CityNews

 

 

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

SHBA dhe Polonia nënshkruajnë marrëveshje për bashkëpunim ushtarak

Publikuar

-

Nga

SHBA dhe Polonia nënshkruajnë marrëveshje për bashkëpunim ushtarak

Shtetet e Bashkuara dhe Polonia nënshkruan të shtunën një marrëveshje për bashkëpunimin ushtarak. Marrëveshja në kuadër të forcave të NATO-s, mundëson që forcat amerikane të kenë qasje për instalime ushtarake shtesë në Poloni.Rreth 4,500 trupa amerikane ndodhen aktualisht në Poloni dhe ky numër do të shtohet me një mijë të tjera, sipas një marrëveshje mes dy vendeve një vit më parë. Në korrik Pentagoni tha se rreth 12 mijë trupa do të largohen nga Gjermania prej të cilave 5, 600 do të stacionoheshin në vende të tjera të Evropës, përfshi Poloninë. Zhvendosja e trupave është në përputhje me kërkesën e Presidentit Donald Trump për të zvogëluar praninë ushtarake në Gjermani. Ndërkohë, Sekretari i Shtetit Mike Pompeo po paralajmëron udhëheqësit e Republikës Çeke, Sllovenisë dhe Austrisë se Partia Komuniste e Kinës përbën një kërcënim më të madh të sigurisë sesa ish Bashkimi Sovjetik.

Gjatë vizitës së tij në Evropë, Sekretari i Shtetit Mike Pompeo u përpoq të forconte lidhjet dypalëshe në një sërë çështjesh. Ai foli për trazirat në Bjellorusi pas zgjedhjeve të kontestuara dhe embargon e armëve ndaj Iranit. Por kërcënimi nga Partia Komuniste e Kinës dhe infrastruktura e saj e telekomunikacionit ishte temë thelbësore në takimet që zoti Pompeo zhvilloi në Evropë.

“E gjithë bota mund ta shohë qartë tani synimin që ka Partia Komuniste kineze për të përdorur infrastrukturën e telekomit për synime që asnjë sistem tjetër telekomi në botë nuk e bën. Ata po e përdorin si thellësisht të lidhur me aparatin e sigurisë së tyre kombëtare, komunitetin e inteligjencës dhe forcat e tyre ushtarake – të gjitha të dhënat.”

Kina ka hedhur poshtë paralajmërimet e zotit Pompeo, duke thënë se kudo që shkon ai, ai përhapë gjithmonë “viruse politike” dhe informacione të rreme.

Por paralajmërimet për kompaninë Huawei dhe të tjera, tashmë kanë rezultuar të frytshme. Zoti Pompeo ka nënshkruar një marrëveshje të përbashkët me Slloveninë që përjashton kompani të dyshimta nga rrjetet 5G. Eksperti Daniel Kochis me Fondacionin Heritage i tha Zërit të Amerikës se përqëndrimi i zotit Pompeo ndaj Kinës ka ndikim.

LEXO EDHE:  Dështimi i negociatave/ Rama: Dobësi e BE, Shqipëria nuk ka rrugë tjetër veç integrimit

LEXO EDHE:  Video-“Tjetër thotë, e tjetër bën”/ Kur Rama premtonte se nuk do prishte shtëpitë

“Udhëheqja e administratës në këtë çështje në veçanti, ka ndihmuar në ndryshimin e prirjes. Mendoj se gjithnjë e më shumë vende do të bien dakord me palën amerikane në këtë çështje mbi përfshirjen kineze në gjeneratën e ardhëshme të telekomunikacionit.”

Ai thotë se tani për tani Rusia përbën kërcënim më të madh ndaj Evropës Qendrore dhe Lindore sesa Kina.



“Kina ende mbetet disi një kërcënim afatgjatë. Rusia për shkak të kërcënimit për veprime ushtarake, për shkak të propagandës, përbën kërcënimin kryesor ndaj rajonit të Evropës Qendrore.”

Ekspertja Heather A. Conley me Qendrën për Studime Strategjike dhe Ndërkombëtare thotë se vendet e Evropës Lindore po përballen me çështje më të ngutshme aktuale sesa kërcënimi nga Kina.

“Kina është një element i rëndësishmën për politikën e jashtme amerikane, por nuk mund të jetë fokusi i vetëm. Duhet të kemi një qasje më të shkathët, shumëdimensionale ndaj këtyre vendeve.”

Gjatë ndalesave në Evropë zoti Pompeo u këshillua me udhëheqësit e atyre vendeve lidhur me zhvillimet dramatike në Bjellorusi.

“Siç u shpreha në Republikën Çeke, duam që njerëzit në Bjellorusi të kenë liritë që ata po kërkojnë, që mendojnë se janë në interesin e tyre më të mirë. Ne i shikuam protestat. Bëjmë thirrje që protestat jo të dhunshme të mbrohen dhe jo të cënohen”, u shpreh kryediplomati amerikan.

Ministri i Jashtëm i Austrisë, Alexander Schallenberg tha për gazetarët se Shtetet e Bashkuara dhe Bashkimi Evropian pajtohen se zgjedhet në Bjellorusi nuk ishin as të lira e as të drejta. Ai tha se BE duhe ta bëjë të qartë për udhëheqësin bjellorus Alexander Lukashenko që t’i japë fund menjëherë dhunës dhe ndalimeve arbitrare dhe të lirojë të burgosurit e mbetur./VOA

LEXO TE PLOTE

Kosova & Rajoni

Rëndohet bilanci i viktimave në Kosovë/ Regjistrohen 145 raste të reja me Covid

Publikuar

-

Nga

Gjatë 24 orëve të fundit në Kosovë janë shënuar 9 viktima si pasojë e koronavirusit dhe 145 raste të reja pozitive.

Gjithashtu bëhet me dije se gjatë 24 orëve të fundit, janë shëruar 144 pacientë ndërsa numri i përgjithshëm i të shëruarve deri më sot është gjithsej 6.961 raste.



Numri i rasteve aktive është 3.924. Kujtojmë se dje Ministria e Shëndetësisë në Kosovë njoftoi se ka licencuar edhe nëntë laboratore tjerë për kryerjen e testeve serologjike për koronavirusin./CNA.al

 

LEXO TE PLOTE

Politikë

Situata kaotike në kufi me Greqinë/ CNA zgjon nga gjumi Lulin

Publikuar

-

Nga

PD nuk hapet, listat hapen

I menjëhershëm ka qenë reagimi i kreut të PD, Lulzim Basha pas shkrimit të CNA.al ku i bëhej thirrje të zgjohej e të reagonte për situatën në pikat kufitare me Greqinë.

Pak më herë CNA.al shkroi se edhe pse prej katër ditësh qindra qytetarë vuajnë pritjet e gjata në Kakavijë dhe Kapshticë, nga ana e kreut të opozitës nuk kishte patur asnjë reagim.

LEXO EDHE:  Kastriot Myftaraj: Rama i trajton shqiptarët si majmunë

LEXO EDHE:  Deklarata e fortë/ Në qeveri nuk ka ministra, Rama lider autokrat

Siç duket, Luli është ndjekës i rregullt i CNA.al dhe menjëherë pas shkrimit reagoi me shpejtësinë e erës.



Përmes një postimi në Twitter ai shpërndau deklaratën e zyrës së shtypit të PD, e cila ka disa orë që ka reaguar. “Njerëz të braktisur nga një qeveri e dështuar”, shkruan Basha bashkëngjitur deklaratës së PD.

Luli zgjohu!/ Në kufi me Greqinë po bëhet nami

LEXO TE PLOTE