Connect with us

Aktualitet

Zbardhet pasuria e 6 kryepolicëve në vend/ Ja kush është më i pasuri

Publikuar

-

Ata që do të kalojnë të parët në sitën e kontrollit të Policisë do të jenë 300 oficerë me grada të larta, duke nisur nga vetë kreu i Policisë së Shtetit, Haki Çako. Kështu do të kontrollohen pasuritë e drejtuesve të policisë në gjithë vendin.

Ky proces pritet të zhvillohet me tre faza, kontrolli i efektivëve me grada të larta, ata me grada të mesme dhe në fund efektivët e nivelit zbatues. Referuar deklarimeve të zbardhura nga Open Data, në Money&Power (One Stop Integrate Data Source) bëhen publike të dhënat për pasuri, të ardhura dhe shpenzime të deklaruara nga funksionarë të lartë publik, shkruan GSH.al.

Të dhënat janë sipas deklarimeve zyrtare të një viti të caktuar apo deklarim fillestar përpara marrjes së detyrës. Veç subjektit në deklarim përfshihen edhe persona të tjerë pjesëtarë të familjes me detyrim ligjor për të deklaruar. Deklarimi vjetor karakterizohet nga informacioni për të ardhura të krijuara në atë vit; pasuri të fituara gjatë vitit në fjalë; sikurse shpenzime për të cilat subjektet kanë detyrim ligjor për deklarim.

Të dhënat për secilin nga drejtuesit e lartë të policisë:

Haki Çako

Sipas Open Data Haki Çako aktualisht Drejtor i Policisë së Shtetit, në vitin 2016 rezulton se ka të ardhura nga paga si Drejtor i Policisë së Shtetit 1 533 692 lekë.

Bashkëshortja Alketa Çako rezulton të ketë të ardhura nga paga në Autoritetin Shëndetësor Rajonal dhe në Drejtorinë Rajonale të Sigurimeve Shoqërore, shumën 630 201 lekë. Ndërkohë sipas të ardhurave nga Detyrime të Shlyera nga të Tretë, paraqitet ndryshim Pasurie përmes Zgjidhjes së Kontratës Noteriale me objekt pronotim apartamenti në Durrës dhe kthim i të drejtave dhe detyrimeve në gjendje fillestare. Vlera e detyrimit të kthyer 32 773 euro. Ky ndryshim pasuror krijon gjendje cash prej 30 000 euro; Ndryshim Pasurie nga Shitje Automjeti përmes kontratës noteriale tek një person fizik. Vlera e shitjes 7 000 euro. Nga shtija krijohet gjendja cash prej 7 000 euro. Gjendje në llogari bankare të Drejtorit të Përgjithshëm Haki Çako, çelur për kalim pagash është shuma 738 751 lekë, si dhe gjendje cash 37 000 euro e krijuar nga efekte të kontratave noteriale të vitit, përkatësisht kontrata për zgjidhje marrëveshje pronotim apartamenti dhe kontrata shitblerje makine.

Ardi Veliu

Referuar deklarimeve të zbardhura nga Open Data, rezulton se Drejtori i Drejtorisë Vendore të Policisë Tiranë, Ardi Veliu, ka të përfshirë në deklaratë bashkëshorten Matilda Veliu. Sipas të dhënave për të ardhurat dhe angazhimet në veprimtari publike dhe private, të deklaruara së fundmi në vitin 2016, të ardhurat nga paga dhe pagesë uniforme, në Policinë e Shtetit të Ardi Veliut, për periudhën 01.01.2016-31.12.2016, janë 1 057 081 lekë.

Ndërkohë deklarohet se bashkëshortja Matilda Veliu, të ardhura nga paga si personel akademik me kohë të plotë pranë Departamentit të Ekonomiksit në Universitetin “Ismail Qemali”, orët suplementare, honoraret si anëtare e Këshillit të Fakultetit si edhe si personel akademik në Universitetin Shtetëror të Tiranës për vitin 2016, janë 1 171 756 lekë. Gjendja e depozitës bankare në një bankë të nivelit të dytë, në 31.12.2016 (depozita më parë ishte në emër të bashkëshortes, tani ka kaluar në emër të z. Veliu), rezulton të jetë 730 608 lekë. Ndërsa për bashkëshorten Veliu, gjendja e llogarisë bankare në një bankë të nivelit të dytë në fund të vitit 2016, kursime plus paga, është 400 000 lekë.

Gentian Shehaj

Sipas Open Data Gentian Shehaj, aktualisht Kreu i Drejtorisë së Policisë së Qarkut Vlorë, të dhënat për pasurin e deklarimit fillestar, rezultojnë të jenë të vitit 2012. Në këtë periudhë kohore Shehaj ka deklaruar si pasuri të paluajtshme një apartamenti banimi 2+1, kati i 6, me sip. 85.7 m2. Apartamenti është blerë me kursimet bashkëshortore dhe një kredi prej 26 000 eurosh, vlera 35 994 euro.

Ndërsa për gjendjen cash, ka deklaruar kursime nga puna e kryer nga viti 2008 e deri në 2012 shumën 2000 euro. E përfshirë në këto deklarime është edhe bashkëshortja e tij Iva Shehaj. Rezulton se në 17.12.2007 Shehaj ka marrë një kredi bankare për banesë, të përbashkët me bashkëshorten, në shumën totale 26000 euro dhe me afat shlyerje deri në vitin 2022, këst mujor 247 euro nga të cilat 137 euro interesa dhe 110 principali. Detyrimi financiar mbetur i pashlyer, 20 500 euro. Në vitin 2012, periudhë e cila rezultojnë deklarimet e Gentian Shehaj, ky i fundit rezulton të ketë qenë drejtor i Policisë Dibër. Sipas të dhënave për të ardhurat dhe angazhimet në veprimtarinë publike dhe private në 2012, rezulton se të ardhura neto nga paga si punonjës policie me gradën kryekomisar, pranë Drejtorisë së Përgjithshme të Policisë, për periudhën 01.01.2012 – 15.10.2012, kanë qenë 621 830 lekë.

Ndërkohë për bashkëshorten Iva Shehaj rezulton se të ardhura nga paga si mjeke pranë Drejtorisë së Policisë, Qarku Tiranë, për periudhën 01.01.2012 – 15.10.2012, kanë qenë 306 452 lekë. Për sa i përket të ardhurave nga babai, nga qiraja e apartamentit në pronësi të babait, në kombinatin e mishit, Yzberisht, paraqitet shuma 130000 lekë.

Alfred Çepe

Referuar të dhënave mbi pasurinë e Alfred Çepe, aktualisht drejtor në policinë e Durrësit, rezulton se deklarimi i fundit i pasurisë i paraqitur në open data është e vitit 2013. Për sa i përket pasurive të paluajtshme Çepe në këtë periudhë kohore është pronar me 50 % i një apartamenti me sip. 101 m2, blerë me kredi të marrë në një bankë ne nivelit të dytë dhe kursimet, vlera 48 150 euro.

Gjendja e llogarisë së tij bankare, llogari page, në një bankë të nivelit të dytë, paraqitet 20 000 lekë. Gjendja e llogarisë bankare në një bankë të nivelit të dytë, kursime, është 1 571.28 euro, zotëron 50 %. Ndërsa bashkëshortja, Silda Çepe, në një bankë të nivelit të dytë, kursime plus paga, në këtë periudhë kohore rezulton të ketë pasur shumën 1 000 euro, zotëron 50 %. Gjithashtu, bashkëshortja, sipas të dhënave, rezulton në një bankë tjetër të nivelit të dytë, të ketë shumën 530.68 euro. Ccepe rezulton të ketë marrë kredi bankare në një bankë të nivelit të dytë, marrë në 20.10.2004 për blerje apartamenti, 25 000 euro, afati i shlyerjes 10 vjet, kësti mujor 380 euro.

Detyrimi financiar i pashlyer, 3 947.16 euro, si dhe kredi konsumatore në një bankë të nivelit të dytë, marrë në 15.05.2007, 1 000 000 lekë, afati i shlyerjes 7 vjet, kësti mujor 21 000 lekë. Detyrimi financiar i pashlyer, 138 743.75 lekë. Alfred Çepe sipas të dhënave të deklaruar së fundmi në vitin 2013, rezulton të jetë pronar i një autoveture tip BMË me vit prodhimi 2001, blerë në vitin 2007, vlera 500 000 lekë. Ndërsa bashkëshortja, Silda Çepe, pronare e një automjeti tip Benz A Class i 2002, blerë në vitin 2012 me kursime dhe pagën, vlera 4 500 euro. Sipas të dhënave për të ardhurat dhe angazhimet në veprimtari publike dhe private, për vitin 2016 rezulton se të ardhura nga paga neto si punonjës i Policisë së Shtetit, shkojnë në vlerën 1 167 543 lekë. Ndërsa të ardhura nga paga si anëtare e Bordit të Birësimeve, për bashkëshorten, shkojnë në vlerën 34 000 lekë, të ardhura nga paga si drejtore e Kabinetit në Ministrinë e Brendshme, kapin vlerën 1 171 356 lekë. Gjendja e llogarisë bankare të tij në një bankë të nivelit të dytë, llogari page rezulton të jetë 419 095 lekë;

Gjendja cash si kursime së bashku me bashkëshorten, figuron 200 000 lekë.; Gjendja e llogarisë bankare të bashkëshortes në një bankë të nivelit të dytë, llogari page, rezulton e shtuar me 1 048 633 lekë; Gjendja e depozitës bankare të bashkëshortes në një bankë të nivelit të dytë, paga plus kursime, rezulton e shtuar me plus 1 444 euro. Bashkëshortja, e tij figuron për këtë periudhë kohore pronare me 16.7 % e një shtëpie dykatëshe, 110 m2 për kat në Vlorë, trashëgimi nga nëna; pronare me 7 % e një trualli në Jal, Vuno, Vlorë me sip. 5253 m2. Brenda truallit ndodhet një shtëpi. Shtuar me 2 % pjesa e trashëgimisë së lënë nga gjyshi. Pasuria është trashëguar nga nëna; Pronare me 7 % e një trualli në Vuno, Vlorë 900 m2. Brenda truallit ndodhet një shtëpi. Shtuar me 2 % pjesa e trashëgimisë së lënë nga gjyshi. Pasuria është trashëguar nga nëna. Gjithashtu Silda Çepe rezulton të ketë marrë kredi konsumatore 1 000 000 lekë me interes 6.9 %, me këst mujor 19 745 lekë, afat shlyerje 4 vjet, marrë në 21.04.2016. Shuma e shlyer, 97 751.89 lekë, detyrimi mbetur i pashlyer, 902 248.11 lekë.

Gjovalin Loka

Referuar të dhënave të zbardhura nga Open Data, Gjovalin Loka, aktualisht drejtor në policinë e Shkodrës, deklarimet e pasurisë së fundmi rezultojnë të jenë të vitit 2013. Loka figuron pronar i një apartamenti banimi me sip. 55.6 m2, adresa rr. Labinoti, Tiranë, blerë në vitin 2003 me kursimet familjare ndër vite, me vlerë 1 900 000 lekë; Pronar me 1/10 i një banese në Sang të Mirditës me sip. 120 m2, trashëgimi familjare; pronar me 1/10 i një sipërfaqeje toke prej 850 m2 në Sang të Mirditës, trashëgimi familjare; pronar i një automjeti tip ‘Benz 190’, blerë në vitin 2006 me kursimet familjare, vlera 250 000 lekë; pronar i një motori ‘Jaëa’, vlera 15 000 lekë.

Sipas të dhënave për të ardhurat dhe angazhimet në veprimtari publike, private të deklaruara për vitin 2016 rezulton se të ardhurat nga paga si drejtori i Rendit Publik pranë Departamentit të Sigurisë në Drejtorinë e Përgjithshme të Policisë së Shtetit, për vitin 2016, shkojnë në vlerën 1 251 228 lekë. E përfshirë në këto deklarime është edhe bashkëshortja e tij, Jorika Loka dhe nëna Dava Loka. Të ardhurat nga paga e bashkëshortes për këtë periudhë kohore, si nëndrejtoreshë e shkollës 9-vjeçare “Fan.S.Noli”, për vitin 2016, shkojnë në vlerën 608 208 lekë. Ndërsa të ardhura nga pensioni të nënës, për vitin 2016, shkojnë në vlerën 112 848 lekë. Gjithashtu, në emër të Gjovalinit paraqitet gjendja e llogarisë bankare, në një bankë të nivelit të dytë, me shumën 194 200 lekë.

Albert Nushi

Referuar të dhënave të pasurisë të deklaruara së fundmi për vitin 2015, rezulton se Albert Nushi, aktualisht drejtor i policisë së Fierit është përfitues i 4000 m2 tokë në Lushnjë, përfituar sipas ligjit nr. 7051, për të cilën nuk ka marrë akoma certifikatën e pronësisë. Të përfshirë në këto deklarime janë bashkëshortja e tij, Alketa Nushi, djali Arjon Nushi dhe vajza Anisa Nushi. Bashkëshortja, Alketa Nushi figuron të jetë bashkëpronare nga viti 1998-2001 i një biznesi restorant-fast food, nga i cili janë përfituar 2 500 000 lekë që janë investuar përsëri me të njëjtin bashkëpronar për shkak të njohjes familjare, në një aktivitet me firmën “Chipstar” sh.p.k në Vlorë.

Djali, Arjon Nushi, rezulton të jetë pronar i një makine tip ‘Ford’, blerë në vitin 2013 me kursimet familjare, vlera 500 000 lekë. Sipas të dhënave për të ardhurat dhe angazhimet në veprimtari publike, për vitin 2016 rezulton se të ardhurat nga paga si shef i Njësisë Speciale për K&M “Delta, në periudhën kohore 01.01.2016 – 31.12.2016, shkojnë në shumën 1 134 000 lekë. Të ardhurat e bashkëshortes nga trajtimi në bazë të VKM nr. 183, datë 09.02.2011 ‘Për kompensimin për privacionet dhe humbjet që i shkaktohen punonjësit të Policisë së Shtetit, për shkak të nevojave të punës dhe të shërbimit’, (pagë bashkëshorte), 01.01.2016 – 31.12.2016, shkojnë në shumën 178 300 lekë.

Të ardhura e djalit nga paga në Komisariatin e Policisë Vlorë, 01.01.2016 – 04.11.2016, shkojnë në shumën 571 844 lekë dhe të ardhurat e tij nga paga në Drejtorinë e Policisë së Shtetit, për periudhën kohore 04.11.2016 – 31.12.2016, kapin vlerën 106 086 lekë. Gjithashtu, djali i tij ka përfituar shumën 2200 euro nga shitja e një automjeti tip “Ford”. Albert Nushi rezulton, gjithashtu, të jetë pronar i një shtese në pallatin 1337, në katin e dytë, pranë apartamentit të prindërve, me sip. 59 m2, në lagjen “Lirimi”. Ndërsa djali i tij Arjon rezulton të jetë pronar i një automjeti tip “Mercedes Benz”, blerë me të ardhurat nga shitja e automjetit të mëparshëm dhe kursimet familjare, vlera 4 200 euro.

Gjithashtu, në të dhënat e zbardhura nga Open Data rezulton se Alberti ka marrë kredi bankare në datë në datë 11.11.2016, në një bankë të nivelit të dytë, 50 000 euro me afat shlyerje 180 muaj dhe këst kredie 356 euro, për blerjen e një apartamenti të ri. Shuma e shlyer 741.64 euro dhe detyrimi mbetur i pashlyer 49 777.65 euro.

Aktualitet

Financimet greke në Shqipëri/ Kërkohet transparencë për fondet e komuniteteve fetare

Publikuar

-

By

Pas lajmeve se Greqia po financonte media, gazetarë dhe portale në Shqipëri ka reaguar partia Zgjidhja.

Në një postim në rrjetet sociale, kryetari i partisë Zgjidhja, Koço Kokëdhima kërkon të mos lejohet helmimi me fonde sekrete i komuniteteve fetare.

Kokëdhima ka kërkuar transparencë për fondet e komuniteteve fetare që merren nga jashtë dhe të zbardhen qëllimet e tyre.

“Dihet dëmi që iu shkaktua shqiptarëve, pasi u mbyllën sytë para fondeve arabe që për një kohë të shkurtër e mbushën vendin me minare dhe krijuan celula ekstremistësh që kur erdhi koha, morën armët dhe luftuan nën flamujt e ISIS, të terroristëv të Irakut dhe të Sirisë”,- shkruan ndër të tjera Zgjidhja.

Postimi i plotë:

Reagimi i partisë Zgjidhja për financimet greke

Të mos lejohet helmimi me fonde sekrete i komuniteteve fetare!

Nën dritën e informacioneve të fundit që vijnë nga Greqia, ku mësohet se ministria e Jashtme e vendit fqinjë bënte pagesa sekrete për kishën ortodokse, Qeveria shqiptare duhet të bëjë transparencë për fondet e komuniteteve fetare që merrren nga jashtë. Ka ardhur koha që të dihet saktë se kush bëjnë dhurata e fiancoime të fshehta dhe të zbardhen qëllimet. Dihet dëmi që iu shkaktua shqiptarëve, pasi u mbyllën sytë para fondeve arabe që për një kohë të shkurtër e mbushën vendin me minare dhe krijuan celula ekstremistësh që kur erdhi koha, morën armët dhe luftuan nën flamujt e ISIS, të terroristëv të Irakut dhe të Sirisë. Dihet dhe është i njohur dëmi që na vjen nga paratë e Turqisë së Erdoganit për ruajtjen e trashëgimisë që relativizon luftën e Skënderbeut dhe i trajton osmanët jo si pushtuesit tanë për 5 shekuj.

Tashmë po tregohet indiferencë ndaj parave që paguanfshehurazi Greqia për Kishën Ortodokse. Kuptohet se këto nuk janë fonde legale, si ato që mund të jepen për restaurime apo për aktivitete fetare, ndryshe do të deklaroheshin. Përse jepen, që të mos bëhen meshat në gjuhën shqipe? Që të ndryshojë statuti i Kishës Autoqefale që ka lënë trashëgim Fan Noli? Sigurisht, nuk jemi në mesjetë dhe nuk presim që kisha greke të vrasë dhe helmojë si dikur rilindësit e gjuhës shqipe, por diçka që jepet në mënyrë të fshehtë, nuk ka qëllime të mira. Është detyrë kushtetuese e qeverisë që të kujdeset dhe të mbikëqyrë mbarëvajtjen e këtyre institucioneve. Qeveria shqiptare të ndalojë marrjen e këtyre fondeve të fshehta, sepse populli shqiptar paguan nga taksat e tij 1 milion euro çdo vit që iu kalojnë  këtyre komuniteteve për paga dhe investime.

Qeveria të mos lejojë injektimin e politikave të huaja antikombëtare përmes fondeve të fshehta. Komiteti i Kulteve, pranë qeverisë, të bëjë detyrën dhe duhet të kontrollojë urgjentisht se çfarë janë këto fonde sekrete që paguhen për Kishën Ortodokse, sipas shpjegimit të ish-ministrit të Jashtëm të Greqisë, Nikos Kotzias, cituar nga mediat greke. Nuk duam të paragjykojmë se Greqia po e përdor Kishën Ortodokse për qëllimet e saj politike, por nuk mund të lejohet të zhvillohet asnjë aksion i fshehtë, jashtë kornizës kushtetuese dhe statutit të Kishës Autoqefale të Shqipërisë. Ata priftërinj të huaj që nuk i shërbejnë Shqipërisë dhe që nuk e duan gjuhën shqipe, të shpallen menjëherë “non grata”. Kisha Ortodokse Autoqefale të distancohet publikisht nga ata që kanë marrë fonde sekrete nga qeveria greke dhe të shpjegojë besimtarët se nuk ka lidhje me politikën, aq më pak me atë të shtetit grek ndaj Shqipërisë./ CNA.al

LEXO TE PLOTE

Aktualitet

PD flet me emra/ Këta janë dy kryebashkiakët e Ramës, që kanë lidhje me kriminelët

Publikuar

-

By

Deputeti i Partisë Demokratike, Enkelejd Alibeaj është shprehur se Prokuroria disponon përgjime, që kryebashkiaku i Durrësit, Vangjush Dako ka lidhje me kriminelët, kurse kryebashkiaku i Elbasanit ka Qazim Sejdini ka është i lidhur me bandat e Elbasanit.

Këtë gjë Alibeaj e tha gjatë një deklarate, për mediat nga selia e Partisë Demokratike.

“As një pasuri kriminale nuk u sekuestrua. Nga përgjimet, Vangjush Dako ka lidhje me kriminelë. Ndërsa Qazim Sejdini është i zhytur në bandat e Elbasanit. Policia jo vetëm nuk i arreston, por i njofton të largohen”, – ka vazhduar ai më tej.

Deklarata  e plotë

Policia e Shtetit, e cila në 5 vitet e drejtimit të vendit nga Edi Rama, veproi si një organiztatë në mbrojtje të krimit me lidhje politike, tani po bëhët vegla më e shëmtuar dhe e rrezikshme e propagandës së kryeministrit, peng i krimit.

Lista me të ashtuquajtur 300 të fortë, nuk ka asnjë emër krimineli, asnjë emër të forti, që drejton realisht bandat dhe organizatat kriminale në vend.

Drejtori i Përgjithshëm i Policisë, Ardi Veliu, i cili u emërua në këtë detyrë për shkak të miqësisë me të fortin e Vlorës Agron Xhafaj, i dënuar për trafik ndërkombëtar droge, ka zgjedhur të bëjë megafonin e kryeministrit kundër interesit të qytetarëve për luftë të vërtetë kundër krimit të organizuar.
Operacioni “Forca e Ligjit” është pjesë e propagandës së Edi Ramës.  Asnjë bos i krimit nuk është arrestuar.  Asnjë pasuri e bosëve të krimit nuk është sekuestruar.

Nëse  Forca e Ligjit do të kishte goditur vërtet krimin, negociatat për anëtarësimin e Shqipërisë në Bashkimin Europian, do të ishin hapur.  Operacionet apo paketat me emra propagandistikë janë shpikje e Edi Ramës për të mbuluar lidhjet e tij dhe të bashkëpuntorëve të tij me krimin.

Është fakt se Taulant Balla përmendet për disa nga dosjet e rënda që janë në hetim. Por kryetari I grupit parlamentar të Partisë Socialiste është i lirë.

Është fakt se Vangjush Dako është I kapur në përgjim me disa kriminelë, por, megjithëse disa peshq të vegjël arrestohen, kryebashkiaku I Durrësit, është i lirë.  Është fakt se Qazim Sejdini është kokë e këmbë i zhytur me bandat e Elbasanit, por kryebashkiaku I Elbasanit është i lirë.

Është fakt se Damian Gjiknuri, Arben Ahmetaj, Jurgis Çyrbja, Ulsi Manja përmenden edhe këta në disa nga dosjet e rënda që janë në hetim, por të gjithë janë të lirë.  Të fortët e vërtetë janë drejtuesit e organizatave kriminale, që Policia e Fatmir Xhafës dhe Ardi Veliut, jo vetëm nuk i arreston, por i njofton të shkojnë në drejtim të paditur edhe kur operacionet e partnerëve ndërkombëtare i evidentojnë si bosë të krimit të organizuar në vend.

Fatmir Xhafaj dhe Ardi Veliu, kanë detyrimin të informojnë qytetarët

Sa nga bosët e krimit të organizuar janë arrestuar.

Sa është numri i familjeve mafioze që janë shkatërruar.

Sa janë Laboratorët e Drogës që janë zbuluar nga Policia Shqiptare, pa kërkesën e partnerëve.

Të konsiderosh suksese arrestimin e të moshuarve, rojeve apo shoferëve, është, më e pakta, shfokusim ndaj luftës së vërtetë me krimin.

Në të vërtetë, në Shqipëri ligji nuk do të ketë asnjëherë forcë, bosët e krimit nuk do të arrestohen, përsa kohë ata janë të ulur, bashkë me Edi Ramën, në karrigen e kryeministrit të vendit./ CNA.al

LEXO TE PLOTE

Aktualitet

A e dini se Icardi dikur ka luajtur me Barcelonën?/ Ja cilët janë golat e tij më të bukur me këtë fanellë

Publikuar

-

By

Barcelona do të presë Interin, në ndeshjen e tretë të fazës në grupe të Ligës së Kampionëve. Në fushë do të mungojë Leo Messi, ylli argjentinas i katalansve, por në kahun tjetër do të jetë bashkatdhetari i pesë herë fituesit të “Topit të Artë”. Fjala është për Mauro Icardin, kapitenin zikaltër, i cili vjen në këtë përballje pas golit vendimtar në derbin e Madoninës.

Dikush mund të çuditet nga videoja shoqëruese e këtij shkrimi, teksa sheh Icardin duke luajtur dhe shënuar gola të bukur me fanellën e Barcelonës. Por, gjithçka është e vërtetë dhe për këtë na ndihmon “YouTube”, që ruan ende sekuenca filmike të Mauro Icardit, duke luajtur me Barçën në mes të viteve 2008 dhe 2011.

Kjo ndodhi me të rinjtë blaugrana, derisa mbërriti një ofertë e madhe nga Sampdoria, e cila e çoi sulmuesin argjentinas në Itali, pavarësisht kontratës së tij me Barcelonën deri në vitin 2013. Vetëm një sezon te Sampdoria dhe pastaj ai kaloi tek Interi, ku është kthyer në liderin e vërtetë zikaltër, falë golave të tij shumtë. /CNA.al

LEXO TE PLOTE
Reklama
Reklama
Reklama
Reklama

LAJMET E FUNDIT

Aktualitet15:23 - 23 Tetor, 2018

Gjenden në Stamboll pjesë të trupit të pajetë të gazetarit të vrarë

Pjesë të trupit të pajetë të gazetarit të vrarë saudit, Jamal Khashoggi, janë gjetur sot në Stamboll. Mediat e huaja...

Aktualitet13:33 - 23 Tetor, 2018

“Tirana historike, ç’fat e pret?”

“Artes” një program kushtuar kulturës dhe arteve e nis sot komunikimin me publikun me një emision kushtuar arkitekturës dhe zhvillimit...

Aktualitet11:52 - 23 Tetor, 2018

Votuan pro Maqedonisë së Veriut/ Merren në mbrojtje deputetët e opozitës

Ministria e Brendshme në Maqedoni ka marrë në mbrojtje deputetët e partisë opozitare të Nikolla Gruevskit, VMRO-DPMNE, të cilët votuan...

Aktualitet11:07 - 23 Tetor, 2018

Video- Ura më e gjatë mbi det/ Mega projekti kinez vjen në jetë

Ura më e gjatë mbi det, e cila ndodhet në Kinë, do të fillojë funksionimin e saj ditën e nesërme....

Aktualitet19:50 - 22 Tetor, 2018

Sanksionet ndaj kompanive ruse/ Putin i kundërpërgjiet Ukrainës

Presidenti rus, Vladimir Putin, ka nënshkruar një dekret për vendosjen e masave ekonomike ndaj Ukrainës. Në dekretin e nënshkruar, Putin...

Aktualitet18:39 - 22 Tetor, 2018

Video/ Pamjet e trenit që del nga shinat dhe merr para 18 persona bëjnë xhiron e botës

Një video, pamjet e të cilës tregojnë trenin e pasagjerëve del nga shinat e hekurudhës në veri-lindje të Tajvanit, duke...

Aktualitet16:43 - 21 Tetor, 2018

Motori përplaset me kangjellat/ Ndërron jetë 18 vjeçari

Një 18-vjeçar ka ndërruar jetë në orët e para të ditës së sotme në Pistoi të Italisë, si pasojë e...

Aktualitet16:31 - 21 Tetor, 2018

Foto- Treni del nga shinat/ Dhjetëra viktima, qindra të plagosur

Një aksident i rënë është regjistruar në Taivan, pasi së paku 17 persona kanë humnbur jetën dhe 126 persona kanë...

Aktualitet12:23 - 21 Tetor, 2018

Rusia kundër Maqedonisë së Veriut/ “E kemi njohur 26 vite më parë”

Parlamenti maqedonas miratoi këtë javë emrin e ri të Maqedonisë, në bazë të marrëveshjes së Prespës me Greqinë. E pakënaqur...

Aktualitet11:16 - 21 Tetor, 2018

“Ik pi***uni”/ 35-vjeçari, që vrau shqiptarin në Australi ofendon gazetarët

Policia australiane ka njoftuar se ka arrestuar një person si të dyshuar për vrasjen e një shqiptari. Mësohet se 35-vjeçari,...

Aktualitet10:48 - 21 Tetor, 2018

Afganistani nuk gjen paqe/ Shpërthimi i radhës u merr jetën 6 fëmijëve

Afganistani nuk po gjen paqe, tashmë kur ka hyrë në ditën e dytë të zgjedhjeve parlamentare. Një shpërthim në rajonin...

Aktualitet09:13 - 21 Tetor, 2018

Rritja e spiunazhit rus/ Shërbimi sekret zviceran jep alarmin

Shefi i shërbimit sekret zvicerian, Jean-Philippe Gaudin ka dhënë alarmin për rritjen e aktiviteteve të spiunazhit rus në vend. Shkak...

Aktualitet22:51 - 20 Tetor, 2018

Britanikët pendohen për Brexit/ Tashmë edhe nën presionin e kohës

Londra ka përjetuar sot një protesë masive, ku morën pjesë 700 mijë persona. Londinezët vërshuan nëpër rrugët e kryeqytetit, duke...

Aktualitet22:21 - 20 Tetor, 2018

Shpërthimet në Afganistan/ Shënohen dhjetra viktima, qytetarët nuk heqin dorë nga zgjedhjet

Qëndrat e votimit në Afganistan janë tronditur ditën e sotme. Shpërthimet shkaktuar dhjetra viktima, midis tyre edhe fëmijë, ndërkohë 30...

Aktualitet22:05 - 20 Tetor, 2018

Video/ Njihuni me 34-vjeçarin e verbër shqiptar që krijon aplikacione

34-vjeçari Hashim Llumnica nga fshati Bellopojë i Komunës së Podujevës në Kosovë ka krijuar një aplikacion për personat e verbër....

Aktualitet21:23 - 20 Tetor, 2018

Video- I riu nga Anglia e pëson keq/ Për këtë veprim mund të dënohet me 10 vite burg

 Një turist 23 vjeçar nga Anglia, rrezikon 10 vite burg në Tajlandë, pasi shkarraviti me spraj murin e një kështjelle...

Aktualitet20:47 - 20 Tetor, 2018

Zgjedhjet në Afganistan/ Me dhjetëra shpërthime pranë qendrave të votimeve

Shpërthime të shumta janë regjistruar sot në kryeqytetin e Afganistanit, Kabulin gjatë kohës që njerëzit ishin në qendrat e votimit....

Aktualitet20:23 - 20 Tetor, 2018

U kap vitin e kaluar/ Gjykata britanike jep vendimin për bosin shqiptar të kokainës

Një gjykatë në Britaninë e Madhe ka dënuar me 25 vite burg shtetasin shqiptar Erald Mema. Ky i fundit cilësohej...

Aktualitet17:31 - 20 Tetor, 2018

Video/ Gazetarja shqiptare vë në siklet Vuçiçin, e bën të fshijë djersët me shami

Presidenti i Serbisë, Aleksander Vuçiç është vënë në siklet nga një gazetarja Nerënxa Jakupi, gjatë një konference për mediat të...

Aktualitet17:09 - 20 Tetor, 2018

Financimet greke për mediat shqiptare/ Tsipras fton në zyrë kreun e opozitës

Kryeministri grek Aleksis Tsipras, nuk e priti mirë largimin e Ministrit të Jashtëm, Nikos Kotzias, të cilin e quajti një...

Aktualitet16:04 - 20 Tetor, 2018

Video tmerruese/ Nxënësi i vë pistoletën në kokë mësueses: Më hiq mungesën ose të vrava

Një video, pamjet e të cilës tregojnë një nxënës, që i drejton mësueses pistoletën në kokë është duke bërë xhiron...

Aktualitet12:20 - 20 Tetor, 2018

Arabia Saudite konfirmon vdekjen e gazetarit

Arabia Saudite konfirmoi vdekjen e gazetarit saudit dhe komentatorit të gazetës Washington Post Jamal Khashoggi, duke thënë se vdekja e...

Aktualitet10:15 - 20 Tetor, 2018

Komisioni i BE përgatitet për zgjedhjet europiane

Në javët e ardhshme do të merret vendimi se cilët do të jenë kandidatët kryesorë të familjeve partiake evropiane për...

Aktualitet10:10 - 20 Tetor, 2018

Votuan pro ndryshimeve kushtetuese/ VMRO përjashton deputetët

Menjëherë pas mbarimit të seancës plenare ku u votua nisma për ndryshimet kushtetuese dhe pro të cilave bashkë me deputetët...

Aktualitet09:40 - 20 Tetor, 2018

Video-Panik në ajër/ Fluturimi i avionit me 200 pasagjerë kthehet në tmerr

Një turbulencë ajrore ka bërë që një fluturim 8 orësh, të kthehet në makth për dhjetëra pasagjerë, ku 15 prej...

Aktualitet14:58 - 19 Tetor, 2018

Akuzat “bombë” ndaj Kotzias/ Cilat janë portalet shqiptare që financon Greqia

Greqia financon me fonde sekrete portale, media dhe gazetarë në Shqipëri dhe vende të tjera të rajonit. Ky lajm po...

Aktualitet10:29 - 19 Tetor, 2018

Reagon Sali Lushaj për djalin e tij :”Ne kemi duart e ky regjim ka hekurat”

Arrestimi i këngëtarit Arkimed Lushaj dy ditë më parë ka bërë zhurmë në media. Policia tha se ai ishte pjesë...

Aktualitet17:01 - 18 Tetor, 2018

Ekzekutimi i pengjeve nga ISIS/Putin jep alarmin, kritikon ashpër forcat amerikane

Presidenti rus Vladimir Putin, ka kritikuar ashpër forcat amerikane, të cilat sipas tij kanë dështuar në luftën ndaj ISIS. Sipas...

Trending

Read previous post:
Zbardhet takimi/ Ja çfarë diskutuan ambasadori italian dhe kryeprokurorja Marku

Prokuroria ka zbardhur takimin e sotëm mes kryeprokurores së përkohshme Arta Marku dhe ambasadorit italian në Tiranë, Alberto Cutillo. Mësohet...

Close