Aktualitet
Rama-Meta/ Marrëveshje të madhe në 2018
Ilir Meta dhe Edi Rama janë dy njerëzit që bëjnë historinë edhe këtë Vit. Eshtë viti kur Shqipëria mund të marrë statusin e vendit kandidat për në BE dhe një vit ku mund të marrë formë reforma në drejtësi. Si dhe një vit ku qeveria duhet të ulet seriozisht dhe pa hile me PD-LSI për disa reforma të rëndësishme si reforma zgjedhore, reforma për strukturën e re të pushtetit vendor si dhe dakortësia për një reformë drastike në Policinë e Shtetit, ku të marrin pjesë pozitë-opozitë në një komision parlamentar për këtë çështje, pasi policia e shtetit duhet të jetë e shtetit dhe jo e një pushteti, kushdo qoftë në krye të qeverisë.
Realisht Sali Berisha mbetet një Burrë Shteti, dikush e shan e dikush e lavdëron, por ama ka bërë histori në këtë vend. Por për të qenë realist po shkon kah pleqërisë politike dhe kjo është e përbotshme ku një lider ikën nga politika, por mbetet në histori. Lulzim Basha po konturohet si lider, por duhet pranuar se duhet ca vite që të jetë gati për pushtet. Monika Kryemadhi po rritet si lidere e një partie politike, e para femër në politikë si kryetare, por ajo ka thënë se nuk pretendon për kryeministre. Me sa duket ajo do jetë një politikane sa më pranë njerëzve në hall dhe nuk aspiron për pushtet për vete. Ajo vetë nuk duket se synon post ekzekutiv.
Edhe kët vit mbeten në skenë si dy njerëzit që bëjnë politikë dhe historinë e Shqipërisë, Ilir Meta dhe Edi Rama. Të dy politikanë të regjur, ambiciozë jo vetëm për karriket e tyre, por për vendin, ndonëse nuk besojnë më te njeri tjetri. Se cili e ka fajin në mosbesim mbetet publiku ta vlerësojë, por nëse nisemi nga interesat e Shqipërisë, sidomos këtë vit, ka nevojë për marrëveshje besimi mes Metës dhe Ramës, natyrisht mund të rrijnë të dy në marrëveshje me brekë hekuri, por kjo duhet realizuar si marrëveshje besimi për Shqipërinë. Janë të dy që vendosin fatin e vendit në këtë vit kur pritet marrja e statusit në BE në maj në Samitin e Bullgarisë ku do mblidhen kryetarët e shteteve europiane.
Nuk është problemi te pakti miqësor mes tyre, pasi ai mbetet çështje personale e të dyve. Flitet për të ardhmen europiane të vendit, ndaj insistimi për dakortësi mes tyre, pra mes Presidentit Meta dhe Kryeministrit Rama shtrohet si një detyrë imperative e vendit, të paktën për vitin 2018.
Kushdo që njeh forcën logjike dhe lidhjet e Presidentit Meta si dhe elokuencën dhe spërdredhjet diplomatike e politike të Edi Ramës në Europë e di mjaft mirë se këta të dy e kanë në dorë fatin e vendit për këtë vit. Duhet paksa mirëbësim duke mos patur shumë prapë besim te njeri tjetri, dhe Shqipëria ecën në vitin 2018 në shinat europiane dhe euroatlantike. Natyrisht edhe një autokritikë kryeministrore ndaj ish-aleatit të dikurshëm qeveritar, aq me tepër kur flitet për elementin femër ku kushdo në botë duhet të tregohet gjeneroz dhe korrekt.
Kryeministri nuk duhet të bëjë protoganizëm me gratë, aq me tepër kur flitet për bashkëshorten e Kryetarit të Shtetit, edhe nëse ajo preferon me shumë politikën dhe opozitën, se sa First Lady.
Për dreq jemi të detyruar të pranojmë se Presidenti dhe Kryeministri e kanë në dorë fatin e Shqipërisë, ndaj duhet me tepër mirëbesim për të ardhmen europiane të shqiptarëve. Mund të ketë qytetarë të ndryshëm ku sejcilin prej këtyre të dyve, veçmas, e duan në hell. Por është fati i përbashkët i qytetarëve shqiptarë që vitin 2018 e kanë vendimtar. Ndaj të gëlltisim, sejcili nga pak, dhe të shikojmë pozitiven e përbashkimit./ Koha Jonë
Aktualitet
Këshilla-Si të mbroni veten dhe familjen tuaj nga tërmetet
Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.
Çfarë të bëni gjatë një tërmeti
Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.
Gjeni strehë në vendin më të afërt
Nëse ndodheni jashtë, gjeni strehë ku të mundeni por mos u fusni brenda.
Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.
Mos lëvizni prej andej deri sa tërmeti të ketë ndalur.
Strehohu, mbulohu dhe mbahu fort
Që në goditjen e parë futuni nën një mobilje siç mund të jetë tavolina dhe qëndroni aty.
Mos u fusni poshtë krevatëve apo dollapëve të lartë që mund të shemben.
Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.
Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.
Nëse mobilja lëviz, lëvizni bashkë me të.
Qëndroni nën të deri sa të jeni të sigurtë që goditjet kanë mbaruar.
Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.
Pragu i Derës
Pragu i derës është një nga më të fortat e të gjithë pallatit apo godinës.
Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./
CNA.al
SHPERNDAJE KETE MATERIAL INFORMUES
Aktualitet
Termet i frikshem ne Shqiperi
Nje termet 5.8 balle ka goditur Shqiperine 32 km larg Tiranes, ne detin Adriatik.
Njoftohen deme materiale dhe panik tek njerzit qe kane dale ne rruget e Tiranes.
Lekundjet jane ndjere te forta ne Tirane, Elbasan, Durres. Korce, Fier etj…
Njoftohen deme materiale…vijon
Aktualitet
Provokimi i Mustafa Nanos: Duhet të jemi më racionalë me Enver Hoxhën
Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.
Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.
Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.
“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.
Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.
Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.
Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.
Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.
“Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.
Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.
Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al
