LEXO PA REKLAMA!

SHKARKO APP

Nuk shembet Roma për Sokolin, por po rrënohet Top Channel

1 Janar 2018, 16:39, Aktualitet CNA

Elvi FUNDO

Dikur media më e madhe në vend, trendy dhe në shumë momente media më potente dhe me peshë në ndikim publik. Shqetësim për politikën shqiptare sa majtas e djathtas.

Top Channel shihej si rrezik nga Fatos Nano, më pas pati beteja me Sali Berishën, tani jo për parime por për interesa po bën sikur po përplaset e Edi Ramën. E në rast se dy të parat ishin morale dhe bëteja me vlerë kjo e treta duket si një ?luftë? që vjen prej grindjes për të përfituar dhe shfrytëzuar pushtetin e Edi Ramës, ky i fundit nuk i ka dhënë Vjollcës atë që do, por sytë i ka hedhur më shumë tek Sandri, pa lënë mënjanë edhe ndoshta kërkesën e zonjës Hoxha që të ketë invfluencë politike në Gjykatën e Lirtë për shkak të gjyqit që ajo ka për pronësinë e Top Channel.

Dje u largua një tjetër ikonë e Top-it, paralajmëruar si largim disa javë më parë. Sokol Balla ndoshta është një nga ata qindra që ka dhënë jo pak në Top, por edhe ka përfituar jo pak dhe jo vetëm nga paga. Vjollca Hoxha nuk e shikonte largimin e Ballës si fundin e botës apo shkonte me krahasime se Roma nuk do shëmbej se ikte Sokoli. Në fakt ndoshta Vjollca nuk e sheh, ndoshta nuk e ndjen, ndoshta bën sikur nuk e kupton. Perandoria Top Channel tashmë

ka rrënë jo pak, TV Klan e ka sfiduar fort në audiencë, shpesh nga pas i shkon News24, Vizion Plus etj. Top-i nuk është më ai i pari. Kanë ikur drejtuesit kryesore që bënë një betejë të gjatë me qeverinë e Berishës, kanë ikur gazetarët kryesorë të politikës, drejtues, regjizorë, skenaristë programesh, pa fund largime, në cdo redaksi, në cdo emision.

Top Channel mbahet deri diku me Portokalline dhe Fiks Fare që përplaset fort me STOP dhe shpesh është poshtë në audiencë, te tjerat janë betejë e humbur.

Topi-i duket si lojë dashurie në moshën e pleqërisë.

Top-i e mbrojti Sokol Ballën kur ai u shfaq duke mastrutbuar në një video live, ndërsa sot e largon. Dikush thotë për përlasje qëndrimesh politike pasi Balla ishte pro qeveritar, ne fakt ai nuk u bë i tille këto ditë por ka qenë mbështetës i Ramës vite e vite më rradhë, ashtu si dhe Vjollca.

Problemi i vertëtë në Top Channel nuk është vërtet largimi i Sokolit sepse Roma nuk shëmbet, kjo nuk ka diskutim, por që Topi është shëmbur në audiencë dhe Vjollca Hoxha po tregon paaftësi në menaxhim dhe drejtimin e ish-ekranit më të madh në vend, kjo po raportohet cdo ditë në media edhe nga vetë stafi i Top Channel, i atyre pak që po rezistojnë, për benefitet që kanë, se për audiencën ajo ka fluturuar më kohë.

Problemi është mentaliteti dhe kuptohet që Vjollca nuk mund të jetë Tani. Dhe kaq vite Top-i për shumë miq dhe bashkëpunëtorë ka mbijetuar falë asaj që ndërtoi dhe la tani. Shëmbja e audiencës vlen më shumë sesa largimi i Sokol Ballës që duket ikje me moral aq sa morali që e ka mbajtur kaq kohë në krye të Departamentit të lajmeve.

Nuk shembet Roma për Sokolin, por po rrënohet Top Channel nga largimet pa fund, ai ishte një nga qindra dhe cdo largim është një tulle e hequr që shkon e ngre lart një tjetër ?Romë?.

Ndoshta dikush do që Top-i të ngelet si Koloseumi në Romë, histori dhe bileta për vizitorë, apo rrënojë që dikur e viziton dhe falas. Por gladiatorë ska më ne Kolose, betejat bëhen diku tjetër, Koloseu është muze që nuk mbledh dot vizitorë në vit sa një ndeshje Roma Lacio vajtje-ardhje.

E në rast se do ngelet Kolose, kjo është për meritë të asaj që ndërtoi Dritan Hoxha dhe shembi Vjollca Hoxha. /Citynews.al

Lajmet e fundit nga