Connect with Us

Kryepeshkopi Anastas: Pasuesi im, shqiptar

Aktualitet

Kryepeshkopi Anastas: Pasuesi im, shqiptar

Publikuar

-

Duke bërë një përshkrim të vështirësive, por dhe të punës kolosale në këto 25 vite që ndodhet në krye të Kishës Autoqefale të Shqipërisë, kryepeshkopi Anastas ka deklaruar në një intervistë për televizionin grek “SKAI” se, pasardhësi i tij padyshim që do të jetë shqiptar.

“Kjo është mëse e qartë. Unë vet jam shumë vite atje. Shikoni. Nuk kemi guximin të shikojmë ngjarjet me sytë e tjetrit. E imagjinoni ne të kishim një gjë të tille, a do të pranonim për shumë vite dikë nga Bullgaria apo nga Serbia në krye të Kishës? Jo, unë e quaj tepër të logjikshme që pasardhësi do të jetë shqiptar. Ne nuk shkuam atje të krijojmë një koloni. Shkuam të krijojmë një Kishë Autoqefale Ortodokse të Shqipërisë”, tha kryepeshkopi i Shqipërisë, Anastas.

Kisha Ortodokse e Shqipërisë nuk është me asnjë parti politike, nuk ngatërrohet përgjithësisht në politikën e vendit, por çdo ortodoks është një anëtar përgjegjës, një qytetar që duhet të ketë rol dhe pozicionim për problemet e ndryshme, ka thënë më tej ai.

Nuk duhet ta gjejmë fajin te të tjerët, por në radhë të parë te vetja, ka theksuar kreu i Kishës Autoqefale shqiptare, kur ka komentuar krizën që po kalon Greqia, ndërsa ka folur edhe për Islamin, duke shpjeguar se është një fenomen në zhvillim.

Problemi – ka thënë ai, – qëndron se shtetet perëndimore nuk janë marrë sistematikisht me të. Për më tepër janë treguar snobe ndaj Krishtërimit, duke lënë boshllëqe, nëpërmjet të cilave ka depërtuar Islami ekstrem.

LEXO EDHE:  Tmerri me 35 viktima në Genova/ Zbulohet identiteti i 22-vjeçarit

“Islami nuk është një çështje e lehtë. E gjithashtu nuk kemi kuptuar se nuk eksizton një Islam i vetëm. Është mënyra sesi e përjetojnë Islamin disa, nën predikimet e fanatikëve ekstremistë dhe e shohim sot se çfarë po bëjnë. Dhe, siç e dini, interpretimet ekstreme janë shumë më të pranueshme nga populli i thjeshtë, sesa të ashtuquajturat interpretimet e sintetizuara dhe me tone më të ulëta”, tha kryepeshkopi i Shqipërisë, Anastas.

Për sa i përket ngjarjeve në Himarë, ai ka theksuar se çështja e pronave në Shqipëri, në përgjithësi është tepër komplekse dhe ka vonesa gjyqësore, ashtu si dhe me pronat e kishës, por ka shtuar se çdo gjë duhet të zgjidhet me dialog dhe pozitivitet mes palëve. /Top Channel

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“A do jetë Berisha në listë për deputet?”/ Përgjigjet Basha

Publikuar

-

Nga

“A do jetë Berisha në listë për deputet?”/ Përgjigjet Basha

Kryetari i PD, Lulzim Basha ka folur sot në studion e “Opinion” për listat e deputetëve për zgjedhjet e 25 prillit.

Teksa është pyetur nëse ish kryemistri Sali Berisha do të jetë në listë për deputet, Basha tha “Po”.

Lidhur me qytetin se ku do të kandidojë Berisha, kreu i PD, u shpreh se Berisha do të jetë ku të dojë ai.



A do jetë Berisha në listë për president dhe në cilin qytet?

-Po do të jetë, në cilin qytet të dojë./CNA.al

LEXO TE PLOTE

Sociale

Ndahet nga jeta një nga themeluesit e Okulistikës Shqiptare, Prof.Dr. Gjergji Cepa

Publikuar

-

Nga

Ndahet nga jeta një nga themeluesit e Okulistikës Shqiptare, Prof.Dr. Gjergji Cepa

Ndahet nga jeta në moshën 81-vjeçare, mjeku i shquar shqiptar, Prof.Dr. Gjergji Cepa, një ndër themeluesit e Okulistikës Shqiptare.

Gjergji Cepa lindi në 1939 në qytetin e Korçës.
U diplomua mjek okulist në Fakultetin e Mjekësisë në Universitetin e Leipzigut në Gjermani në vitet 1957, deri në vitin 1963.

Nga viti 1963, deri në vitin 1965, vijoi specializimin në Tiranë dhe më pas u emërua në detyrën e Nen/Drejtorit të Spitalit Rajonal të Korçës, që e ushtroi deri në vitin 1974.

Në vitin 1975, Prof.Dr Gjergji Cepa emerohet mjek okulist në Klinikën Speciale dhe po këtë vit shkon për Specializim të mëtejshëm në Kinë.

Në vitin 1979, Prof.Dr Gjergji Cepa vijon specializimin në Austri.

Në vitin 1980, fitoi titullin e lartë “Doktor i Shkencave” dhe për shumë vite ishte Pedagog në Universitetin e Tiranës.



Si një ndër themeluesit e Okulistikës Shqiptare, ai botoi mbi 30 libra dhe artikuj të shumtë shkencorë për okulistikën, dhe për kontributet e tij të mëdha në fushën e mjekësisë u nderua me dhjetëra tituj brenda e jashtë vendit.

LEXO EDHE:  Trafik lëndësh narkotike/ Arrestohen katër shqiptarë në Greqi

LEXO EDHE:  Diva e muzikës botërore me 129 milionë ndjekës/ Jennifer Lopez ndjek këtë shqiptar në Instagram

Botimet e tij janë bërë pjesë edhe të Bibliotekës Kombëtare të Austrisë dhe Gjermanisë.

Prof.Dr Gjergji Cepa është autor edhe i atlasit angjiografik të syrit.

Nga viti 1992 deri në vitin 2003 ka qenë bashkëkryetar i Shoqatës Oftalmologjike Shqiptare dhe nga viti 2003 deri në vitin 2009 ka qenë kryetar i saj.

Deri në moshën 78-vjeçare, edhe pse në pension, ai ushtroi me pasion e dashuri profesionin e tij si mjek okulist në shërbim të qytetarëve./CNA.al

LEXO TE PLOTE

Politikë

Basha habit me premtimin/ Do kufizoj mandatin e kryeministrit

Publikuar

-

Nga

Basha habit me premtimin/ Do kufizoj mandatin e kryeministrit

Kryetari i Partisë Demokratike Lulzim Basha bëri një premtim publik mbrëmjen e sotme lidhur me mandatin e kryeministrit.

Basha tha se do të bëjë një ligj për të klufizuar mandatin e kryeministrit. Ai tha se do të propozojë që një kryeministër të mos mbajë më shumë se dy mandate.

Kryetari i opozitës paralajmëroi se nëse parlamenti i ardhshëm nuke  pranon një gjë të tillë unë do i drejtohet qytetarëve me referendum.



“Çfarë nuk e arrin për dy mandate nuk e arrin dot në një mandat të tretë. Unë e kam thënë dhe më parë në këtë studio dhe po e them prap, kufizimin me dy mandate të kryeministrit unë do ta bëj ligj, do ta bëj në Kushtetutë. Nëse parlamenti i ardhshëm nuke  pranon një gjë të tillë unë do i drejtohem qytetarëve me referendum .

LEXO EDHE:  “Lumë” droge drejt Greqisë/ Arrestohet i riu shqiptar

LEXO EDHE:  Foto/ Policia greke arreston shqiptarin që ishte koka e një grupi kriminal të rrezikshëm

Ligji do të kufizojë emrin e kryeministrit jo forcën politike. Nëse nuk arrin për dy mandate atë që ka premtuar çfarë do arrijë për një mandat të tretë. Ideja ëhstë kufizimi i pushteit dhe kjo kërkon disa masa reale”, nënvizoi Basha./ CNA.al

LEXO TE PLOTE