Connect with Us

Altin Goxhaj/ Bëhuni gati të shpëtojmë Shqipërinë!

Aktualitet

Altin Goxhaj/ Bëhuni gati të shpëtojmë Shqipërinë!

Publikuar

-

Në një postim në rrjetet sociale, avokati Altin Goxhaj, ka lajmëruar fillimin e aksionit politik për peticionin antisoros drejtuar Washingtonit.

Goxhaj thekson se kryeministri Edi Rama, kryetari i Bashkisë Tiranë,Erion Veliaj dhe kreu i PD-së, Lulzim Basha, janë e keqja më e madhe e Shqipërisë, të cilët sot e kanë çuar Shqipërinë në Frontin AntiAmerikan.

Postimi i plotë:

ATDHEU NË RREZIK! TË HËNËN FILLON AKSIONI POLITIK ME PETICIONIN ANTISOROS DREJTUAR WASHINGTONIT!

Nga Levizja AntiSoros

Arsyeja kryesore që duhet bërë lanet dhe shporrur Luli dhe krijuar një Faktor i Ri Politik i pakapur nga Soros është bashkëpunimi i ndyrë i Lulit me Edin sot kur Rilindja Sorosiane ndërmorri Aktin Përfundimtar për të larguar Shqipërinë nga Orbita Amerikane dhe për ta hedhur në Vrimën e Zezë të Askundit të Jugosllavisë së Re. Sot Shqipëria votoi kundër Amerikës njësoj si Beogradi! Ndryshe nga Kroacia, Polonia, Hungaria, Cekia, Rumania, madje dhe Bosnja ne u pozicionuam kundër SHBA mgjth paralajmërimet personale të vetë Washingtonit madhje të vetë President Donald J. Trump!

Sot Luli duke mos dalë ti bënte thirrje Qeverisë që të mos votonte kundër SHBA dhe Administratës Trump i dha luksin Edit që ti thoshte SHBA se tashmë gjithë Shqipëria është kundër SHBA dhe s’ka asnjë alternativë proamerikane!

Nëse Edi do ta dinte se Luli mund të dilte si alternativë kundër një vote kundër SHBA ai s’do të votonte kurrë kundër SHBA por të abstenonte sps dihet se çfarë ndodh në të tilla raste: QËROHU TI SE VJE TJETRI! Pra meqenëse kjo Qeveri qenka kundër Amerikës ëe të vijë në pushtet proamerikane që voton ndryshe! Dhe duhej ta bënte përpara! Tani pas pilafit do të thotl “M’ka çu nana me la gojën!”

LEXO EDHE:  Altin Goxhaj zbulon ngjarjen skandaloze/ “Kontrollon edhe se kush do flasë”

Por Edi e dinte që Luli s’do reagonte! Mgjths ne sot i bëmë apel publik! Dhe jo vetëm ne! Edi e di sepse Luli është klysh i Sorosit! Dhe bën çfarë e urdhëron Padroni siç ka bërë 4 vjet rrjesht për të shkatërruar Opozitën që në pushtet të sundojë Rilindja Sorosiane!

Sot më shumë se kurrë të gjithë e kuptuan se Donald Lu nuk përfaqëson Donald Trump dhe as SHBA por Soros! Lu që ka pushtet për votat për Reformën në Drejtësi dhe PPP e kishte në dorë të bënte veç një SMS që të detyronte Edin të mos votonte kundër SHBA por të abstenonte si çdo shtet tjetër që ka vuajtur komunizmin në Evropën Lindore dhe që nuk varet nga Rusia!

Por LU sot bindi edhe më naivin që nuk përfaqëson më SHBA dhe as Trump por veç Soros!

Sot është koha e angazhimit kombëtar të të gjithë faktorëve shqiptarë që e duan Shqipërinë për të rrëzuar këtë Establishment Sorosian AntiAmerikan dhe të Hënën dt 25 Dhjetor fillojmë:

PETICIONET DREJTUAR WASHINGTONIT PËR TI INFORMUAR SE ANTIAMERIKANIZMI ËSHTË PUÇ SOROSIAN I ESTABLISHMENTIT!

Soros po sponsorizon me paratë e USAID dhe Ambasadës Amerikanë, BEsë dhe Soros: Antiamerikanizmin e Establishmentit për të eliminuar influencën amerikane në Shqipëri për të shpëtuar Mafien Soros nga Cunami Trump!

Edi, Eri dhe Luli janë e Keqja më e madhe e Shqipërisë që sot e çuan Shqipërinë në Frontin AntiAmerikan dhe ne duhet të shpëtojmë prej tyre!

TË HËNËN FILLON AKSIONI POLITIK “ATDHEU NË RREZIK!”

Bëhuni gati të shpëtojmë Shqipërinë! /CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Akuza e Altin Goxhajt/ Luli e shiti PD-në për skrap

LEXO EDHE:  Altin Goxhaj paralajmëron "skëterrën"/Çfarë do bëjë rrjeti i Sorosit në Shqipëri

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Apel urgjent/Stop fushatës së tërbuar AntiTrump, do pendoheni!

LEXO EDHE:  Akuza e Altin Goxhajt/ Luli e shiti PD-në për skrap

 

LEXO TE PLOTE
Lajme të Rekomanduara: