Connect with Us

Përse të ngrënit një banane në ditë mund t’ju shpëtojë jetën

Aktualitet

Përse të ngrënit një banane në ditë mund t’ju shpëtojë jetën

Publikuar

-

Të ngrënit banane çdo ditë mund të ndihmojë në parandalimin e sulmeve dhe goditjeve të zemrës, kanë zbuluar hulumtimet e reja.

Me nivele të larta potasiumi, ushqimet si banane mund të ndalojnë bllokimet fatale që të ndodhin dhe pengojnë ngurtësimin dhe ngushtimin e arterieve.

Studiuesit në Universitetin e Alabama zbuluan efektet pas analizimit të minjve që ishin në rrezik të sëmundjeve të zemrës.

Minjtë pastaj u ushqyen nivelet e ulëta, normale ose të larta të potasiumit me rezultatet që tregojnë se arteriet e minjve që ushqeheshin me një dietë të ulët potasiumi u bënë dukshëm më të mëdha.

LEXO EDHE:  Koronavirusi/ A do jetë mes nesh për një kohë të gjatë?

Si i tillë, minerali jetik mendohet të ndihmojë parandalimin e sulmeve të zemrës dhe goditjeve tek njerëzit.

Sidoqoftë, konsumimi i tepërt mund të shkaktojë dhimbje në stomak, përzierje dhe diarre./CityNews

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Udhëtonte me 10 kg drogë në makinë/ Arrestohet greku në Janinë

Publikuar

-

Nga

Udhëtonte me 10 kg drogë në makinë/ Arrestohet greku në Janinë

Një operacion antidrogë është zhvilluar gjatë ditës së sotme në kufirin greko-shqiptar nga pala greke.

Si rrjedhojë një shtetas grek është arrestuar në autostradën Janinë-Kozan pasi po transportonte drogë nga kufiri me Shqipërinë.

Të arrestuarit iu gjetën në automjet 10 pako me 9 kilogram e 950 gram marijuanë si dhe 121.5 gram hashash.

LEXO EDHE:  Sëmundjet që mund të identifikoni në kohë?!/Gjatë gushtit në Spitalin Amerikan CT skaneri ofrohet 8 mijë lekë

LEXO EDHE:  Foto/ Si të thyeni zakonin e të ngrënit në darkë

Nuk dihet ende nëse droga vinte nga Shqipëria apo nëse greku kishte lidhje me shqiptarët, por sipas Policisë greke ai po udhëtonte nga kufiri shqiptaro-grek drejt brendësisë së vendit fqinj.

LEXO TE PLOTE

Bota

Presidenti Trump, fushatë në Xhorxhia për senatorët republikanë

Publikuar

-

Nga

Presidenti Trump, fushatë në Xhorxhia për senatorët republikanë

Presidenti amerikan Donald Trump po viziton shtetin kyç juglindor të Xhorxhias të shtunën për të bërë fushatë me dy senatorë Republikanë që po garojnë kundër sfiduesve demokratë në balotazhin e janarit që do të përcaktojë se cila parti do të ketë kontrollin e Senatit në fillim të presidencës së Joe Biden-it.

Ish nënpresidenti Biden, fitoi jozyrtarisht në Xhorxhia me një epërsi prej më pak se 12,000 votash nga rreth 5 milionë vota të hedhura. Por ekipi i fushatës së Presidentit Trump tha se kishte ngritur një padi tjetër të premten në Xhorxhia përmes së cilës kërkonte anulimin e rezultatit të zgjedhjeve presidenciale të 3 nëntorit në këtë shtet.

Presidenti republikan Trump, udhëton në Xhorxhia ndërsa vazhdon fushatën e tij paszgjedhore për të bllokuar fitoren e rivalit të tij demokrat Joe Biden në këtë shtet, në shtetet e tjera fushë-betejë dhe për të sfiduar rezultatet e zgjedhjeve kombëtare.

Partisë Republikane i duhet një vend më shumë për të ruajtur shumicën në Senat. Senatori republikan David Perdue duhet të mposhtë rivalin e tij demokrat Jon Ossoff në balotazhin e 5 janarit në Xhorxhia, ndërsa senatorja republikane Kelly Loeffler duhet të kapërcejë një sfidë të fortë nga rivali i saj demokrat Raphael Warnock në të njejtin shtet. Nëse republikanët humbin, duke rezultuar në një ndarje të barabartë të vendeve në Senat 50-50, Nënpresidentja demokrate e zgjedhur Kamala Harris do bllokonte ngërçin me votën e saj.

Zoti Trump në mënyrë të përsëritur ka thënë, pa ofruar prova, se ka patur manipulime të përhapura në zgjedhjet e nëntorit, një pretendim i hedhur poshtë shpesh nga zyrtarët federalë dhe shtetërorë. Ekipi i fushatës së Presidentit Trump dhe mbështetësit e tij kanë ngritur dhjetëra padi të ngjashme në shtete të ndryshme, shumica e të cilave janë hedhur poshtë. Ndërsa ekipi ligjor i fushatës ngriti padi të premten në Xhorxhia, zoti Trump pësoi humbje në betejat e tij ligjore në Miçigan dhe Nevada.

Padia në Xhorxhia është përpjekja e fundit ligjore për të përmbysur fitoren e zotit Biden ndaj Presidentit Trump. Ekipi i fushatës së Presidentit Trump tha se padia do të përfshinte deklarata të bëra nën betim nga votuesit në Xhorxhia që pretendojnë se ka patur mashtrime. Por zyrtarët e zgjedhjeve në Xhorxhia, përfshirë sekretarin republikan të shtetit, Brad Raffensperger, kanë thënë disa herë se nuk kanë gjetur prova që tregojnë se ka patur parregullsi të mëdha.

Prokurori i përgjithshëm i emëruar nga Preisdenti Trump, William Barr, tha në fillim të kësaj jave se “deri më sot, ne nuk kemi parë mashtrime në një shkallë që mund të kishte ndryshuar rezultatin e zgjedhjeve”.

Presidenti Trump denoncoi Guvernatorin e Xhorxhias, Brian Kemp në fillim të kësaj jave për mungesë të veprimit për të anuluar vendimin e Sekretarit të Shtetit Raffensperger për certifikimin e fitores së zotit Biden. Presidenti Trump postoi në Twitter të marten se guvernatori republikan lejoi Xhorxhian të “mashtrohej”.

LEXO EDHE:  Studimi i fundit bën zbulimin shokues/ Këto ilaçe shkaktojnë vdekjen e parakohshme

LEXO EDHE:  Ndikon në sistemin imunitar dhe lufton sëmundjet/ Përfitimet e jashtëzakonshme të vajit të farës së zezë

Fitorja e ngushtë e zotit Biden në Xhorxhia, ku rinumërimi i kërkuar nga ekipi i fushatës së zotit Trump tregoi se Biden ka fituar me një epërsi prej 11,769 votash, nënkupton që çdo mbështetje shtesë që zoti Trump mund të marrë në këtë shtet mund të rrisë shanset e zotit Perdue dhe zonjës Loeffler për fitore.

Disa republikanë janë të shqetësuar se paraqitja e Presidentit Trump në Xhorxhia, megjithatë, mund të dekurajojë pjesëmarrjen e votuesve në balotazh.

“Komentet e Presidentit Trump po dëmtojnë imazhin e Partisë Republikane”, tha donatori republikan Dan Eberhart për agjencinë e lajmeve Associated Press. Ai tha se Trump po “vepron me sportivitet të keq dhe keqbesim” në vend që të punojë për të ruajtur kontrollin e republikanëve në Senat.

Alan Abramowitz, profesor i shkencave politike në Universitetin Emory në Atlanta të Xhorxhias, tha se sulmet e Presidentit Trump ndaj integritetit të zgjedhjeve shtetërore zbehin shanset e zotit Perdue dhe zonjës Loeffler për të fituar balotazhin.

“Sa më shumë që Trump flet për zgjedhjet presidenciale dhe fillon me kritika rreth mënyrës se si u zhvilluan zgjedhjet këtu, aq më i madh është problemi për kandidatët për senat dhe rriten gjasat që ai të zvogëlojë entuziazmin në mesin e një segmenti të elektoratit”, tha Abramowitz në një intervistë me agjencinë e lajmeve Reuters.

Por një këshilltar i lartë i udhëheqësit republikan të Senatit Mitch McConnell, Josh Holmes, i tha agjencisë së lajmeve Associated Press se republikanët “nuk kanë parë ndonjë provë për mungesë të entuziazmit në garat e Senatit”.

Nënpresidenti Mike Pence po bën gjithashtu fushatë në mbështetje të senatorëve republikanë në Xhorxhia. Pence mbajti një tubim fushate të premten në Savannah dhe u përshëndet nga mbështetësit të cilët brohorisnin “ndaloni vjedhjen”.

Ndërsa ish Presidenti demokrat Barack Obama organizoi një tubim virtual të premten me kandidatët demokratë Ossoff dhe Warnock. Biden tha se ai do të udhëtonte në Xhorxhia për të bërë fushatë për kandidatët demokratë por nuk bëri të ditur një datë të caktuar.

Vizita e Presidentit Trump në Xhorxhia vjen një ditë pasi Kalifornia certifikoi fitoren e zotit Biden në atë shtet, duke i dhënë atij më shumë se 270 votat e Kolegjit Zgjedhor të nevojshme për të fituar presidencën.

Elektorët presidencialë takohen në secilin shtet më 14 dhjetor për të hedhur votat e tyre. Më 6 janar, Kongresi i sapo zgjedhur do të numërojë zyrtarisht votat elektorale dhe do të emërojë zyrtarisht presidentin./voa

LEXO TE PLOTE

Politikë

“Situata nuk zgjidhet me foto në SHBA”/ Ish-ministri “bën për ujë të ftohtë” Ramën

Publikuar

-

Nga

“Situata nuk zgjidhet me foto në SHBA”/ Ish-ministri “bën për ujë të ftohtë” Ramën

Ish-ministri i Shëndetësisë Tritan Shehu ka reagur ashpër në rrjetet sociale, lidhur me situatën e krijuar nga Covid -19.

Ai shkruan se zhurma e krijuar për testet e shpejta nga vetë kryeministri Edi Rama bëhet për të fshehur dështimin e tij.

Shehu tregon edhe strategjinë që duhet të ndjekë qeveria, referuar situatës aktuale në të cilën ndodhet vendi.

Zhurma e Rames per “testet e shpejta”, mjegullnaje e deshtimit!

U blene 100 mije teste te shpejta imunologjike duke u shpenzuar 150 M leke te reja me TVSh, kur kosto e nje te tille ne Gjermani eshte 6,5 E, si dhe do te perdoren vitin e ardheshme dhe 4,5 M Euro, shume pak per depistim.

Ne keto kushte dhe konform gjendjes se vendit strategjia duhej te ishte:

1-Te rriten testet PCR gratis prej 7500 ne dite. Keto aktualisht jane me te konsoliduarat, kapin periudhat e infektimit, diagnostikojne e konfirmojne.

2-Te gjitha testet e shpejta, serologjike ose ato me material nga fyti me sensivitet 91,4%, sic kemi kerkuar te liberalizohen duke u konsideruar si mbeshtetese per depistim, orientim, konfirmim imunizimi, perdorim vetjak.

3-Mjeku i familjes te vihet ne eficience i mbrojtur e pajisur, duke u garantuar rimbursimi i shpenzimeve ambulatore per qytetaret, pavaresisht “tamponit”.

4-Te aktivizohen spitalet kryesore periferike per kete perballje.

5-Te aktivizohen Reanimacionet ne qender e periferi. Ministria u mburr se jane 483 respiratore, kur realisht ka ne dispizicion te ketyre te semureve reth 20 poste reanimacioni jashte standarteve europiane.

Posti i Reanimacionit eshte me shume se respiratori. Prandaj kemi insistuar per blerjen e reth 150 posteve te gateshme;

Jo te gjithe respiratoret qe flitet perdoren ne reanimacion, sidomos per keta te semure. Per ECMO as behet fjale.

7-Kryefjala aktuale: Sigurimi sipas cilesise e sasive Europiane te vaksines Covid dhe jo sipas atyre Afrikane!

Meqe Ministria tha se kjo lidhet me certifikimin, po i them se vaksinimi po fillon me Pfizer e se deri reth fillimit te janarit do te certifikohen nga EMA e FDA tre vaksinat kryesore. Por problemi qendron ne mungesen e plote te kontratave nga ne, si dhe ne mungesen e pregatitjeve per vaksinim, per te mos folur per nje kalendar konkret, elemente qe prej shtatorit i kemi kerkuar.

Kjo situate nuk zgjidhet as me ndonje vajtje a foto te Rames ne ShBA dhe as mund te fshihet gjate me spekullime!

Te shpresojme ne zemergjeresine e partnereve tashti!/CNA.al

LEXO TE PLOTE