Connect with Us

Me amerikanët ç’pate Lul

Aktualitet

Me amerikanët ç’pate Lul

Publikuar

-

Nga ARTUR  AJAZI

Në çdo vend tjetër europianolindor, (postkomunist) do të ishte e paprecedentë që një lider opozite, që një kryetar partie të djathtë dhe opozitare, e cila ka humbur jo vetëm pushtetin por ka humbur thellë  edhe zgjedhjet e rradhës, jo vetëm të mos u bindej me dialog, por edhe ti sulmonte hapur amerikanët, madje zyrtarë të veçantë  të DASH.  Kjo ka ndodhur vetëm në Shqipëri, dhe po ndodh vetëm me Partinë Demokratike e drejtuar nga zoti Basha.

Opozita e pas 25 qershorit 2017 në Shqipëri, politikisht dhe konceptualisht, duket sikur nuk ka lidhje fare me të bërit opozitë nga një parti e djathtë, e përgjegjshme, që ka ide dhe programe të qarta mbi misionin  aq të rëndësishëm që ka. Diagonalet  dhe spërdredhjet e qëndrimeve dhe deklaratave  zyrtare, publike dhe  politike, si dhe letrat e dërguara kryesisht Departamentit Amerikan të Shtetit, duke kontestuar vërejtjet dhe qëndrimet e zyrtarëve më të lartë të tyre, tregojnë mentalitet  thellësisht majtist të lidershipit  të Partisë Demokratike. Kjo duket tek  letrat e shpeshta muajt e fundit  drejtuar zyrtarëve të lartë amerikanë, me mesazhe që jo vetëm nxijnë vizionin dhe arritjet e Shqipërisë, të cilat duket se janë vetëm një pjesë e abdurdeve ku ka arritur  e djathta parti  që përfaqëson sot opozitën apo dhe “frontin opozitar”.

Mjafton të kujtojmë se përmes firmës  lobuese “Barnes & Thornburg LLP”,  kreu demokrat, ka kërkuar  një takim zyrtar në DASH, për të informuar amerikanët se “Shqipëria ëshë kapur nga krimi dhe droga”, dhe duke mos u mjaftuar me kaq, ai pa asnjë shkak ka përfolur  Zv/ Sekretarin Amerikan të Shtetit për Çështjet Politike zotin Thomas Shannon, duke e  shigjetuar  atë se “ai ndihmoi  në rizgjedhjen e Ramës si Kryeministër, duke dhënë miratimin që zgjedhjet e 25 qershorit të realizoheshin”. Ky veprim nuk është as politikisht dhe as shtetarisht i matur, aq më tepër  i një lideri që aspiron  të ngjitet në majat e pushtetit si një parti e djathtë.

Mjafton të kujtojmë se zoti Basha në letrën e tij, ka përdorur fjalët e zotit  Thomas Shannon në një takim me zotin Bushati sipas të cilit “është e rëndësishme që të gjitha partitë politike shqipare të marrin pjesë në zgjedhjet elektorale të 2017”. Kaq do ti mjaftonte Lulit, për tu  shprehur se “deklarata e tij ( pra e zotit Shannon)  ishte qartësisht e njëanshme pasi nuk ka marrë në konsideratë faktin që zgjedhjet mund të manipuloheshin nga Rama”. Ndërkohë letra e Lulit (kërkesa) nuk mori kurrë një përgjigje amerikane, dhe kjo sipas firmës lobuese “Barnes” e cila i referohej  Departamentit  të Drejtësisë Amerikane , ndërkohë që  gjysma e zyrtarëve të zotit Trump,  refuzojnë  ta takojnë zotin Basha. (?)

LEXO EDHE:  Skema e ndihmës ekonomike/ Basha viziton familjet në Kavajë

Kjo ndoshta ka ndodhur për shumë arsye objektive, që lidhen kryesisht me letrën e nxituar të  kreut demokrat  i cili theksonte se “zv/ sekretari Tom Shanon ndimoi efektivisht përpjekjen e Ramës për tu rizgjedhur”, duke vazhduar pohimin e tij se  “zgjedhjet  duhet të shkonin përpara  siç ishin planifikuar, pa përmendur vështirësitë e manipulimit  të  tyre ”. Por ndërkohë nga Saranda  ku kishte nisur përpjekjet e tij për të takuar dhe “sqaruar” bazën e partisë  kreu demokrat  do të deklaronte dhe sqaronte se “unë e firmosa marrëveshjen e 18 majit  me Ramën pas refuzimit  të  tre delegacioneve  evropiane, ndërsa përfaqësuesit e SHBA më paralajmëruan duke më thënë, ose hyr në zgjedhje, ose ne do të njohim legjitimitetin e zgjedhjeve edhe nëse PS do të hyrë e vetme. Në këto kushte vendosa të hyj në garë duke marrë edhe gjysmën e qeverisë, pasi nëse nuk do hyja në garë, demokracia në vendin tonë do ishte në rrezik”.

Deklaratat e kreut të PD për amerikanët, europianët, për bazën e partisë dhe gjithçka lidhet me përpjekjet e tij për ta legjitimuar postin  e ri dhe humbjen e 25 qershorit, janë sa kontradiktore aq edhe të nxituara, duke treguar papjekuri dhe çorientim politik. Po mirë me Ramën e dimë se e ke “seriozisht” luftën opozitare, mirë se edhe me kundërshtarët e tu brënda partisë nuk lëkundesh nga instikami, por me amerikanët  çfarë ke zoti Basha, pse kaq nxitim për ti shpallur “luftë” një vendi të madh mik, që ka qenë dhe do të mbetet  gjithmonë në krahun e Shqipërisë, në përpjekjet e saj për tu integruar si e barabartë  mes vendeve euroatlantike drejt  një demokracie të qëndrueshme.

Departamenti  Amerikan i Shtetit nuk është as me Ramën dhe as me Bashën, as i majtë dhe as i djathtë, por është një institucion  demokratik me integritet absolut, që nuk mund të përkrahë  dhe tolerojë cilindo që tenton dhe kërkon të dalë jashtë kontureve dhe rregullave të një gare të ndershme politike. Dhe këtu padyshim nuk bën përjashtim as Shqipëria, tek e cila ata shohin një vend me të ardhme të sigurtë, e cila do të realizohet vetëm përmes një shteti ligjor me institucione drejtësie të pavarura politikisht, dhe jo përmes gjuhës së urrejtjes klasore, që përdorin ende politikanë të veçantë duke të kujtuar hijet e së kaluarës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Zbulohet skenari i radhës/ Videot e Bashës si telenovela turke

LEXO EDHE:  Deputetët humbës dhe pa adresë të Lulzim Bashës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Deputetët humbës dhe pa adresë të Lulzim Bashës

LEXO EDHE:  Djegia e mandateve/ Kryemadhi kundër Bashës?

 

LEXO TE PLOTE
Lajme të Rekomanduara: