Connect with Us

Një pasqyrë e shtrenjtë, për t’u dukur amerikanë!

Aktualitet

Një pasqyrë e shtrenjtë, për t’u dukur amerikanë!

Publikuar

-

Nga Mero Baze

Një raport i hollësishëm i BIRN, hedh dëshmi të pakundërshtueshme se Partia Demokratike e Lulzim Bashës, ka shpenzuar para të zeza për të paguar lobues të saj në Uashington, përmes të cilëve përpiqej të frymëzonte mbështetësit e saj përmes blerjes së mbështetjes amerikane para zgjedhjeve. Raportet dëshmojnë se rreth 1 miliardë lekë të vjetra janë harxhuar ndërkohë që Lulzim Basha ishte në çadër në Tiranë, pa llogaritur këtu pagesën në darkën e lobimit që është bërë për të dalë në fotografi me presidentin Trump.

Nuk është problem përse partitë shqiptare vazhdojnë ta kërkojnë shpresën tek lobuesit në Uashington për t’u dukur pro-amerikanë. Ambasada amerikane në Tiranë mund t’ua bëjë atë punë pa lekë, nëse duan të jenë vërtetë pro-amerikanë. Por kjo është histori tjetër.

Në këtë histori duhen gjykuar dy probleme të rënda. E para, përdorimi i pagesave në të zezë, të padeklaruara në sistemin tonë fiskal, çka hedh në erë kauzën e Partisë Demokratike për përdorimin e parave të zeza në fushatë. Vetë shifrat e raportuara si të paguara në Uashington tejkalojnë buxhetin e deklaruar të PD në zgjedhje, çka përbën mes të tjerash një vepër penale, për të cilën duhet të nisin hetimet.

Problemi i dytë është përdorimi i milionave për të trukuar portretin e një politikani të dështuar, i cili shpreson që me milionat e paguara në të zezë, t’u mbushë mendjen shqiptarëve, si “i dërguari i Trumpit në Tiranë”.

Të dyja këto janë çështje që i kushtojnë shtrenjtë opozitës shqiptare.

Çështja e parë, ajo e pagesës në të zezë e kompanive lobuese, është një traditë e vjetër e PD. Në vitin 2005, ajo ka paguar në të zezë rreth 1 milionë dollarë për BG&R, kompania e parë lobuese amerikane që u angazhua në Tiranë, ndërkohë që bëri me të një kontratë formale për 500 mijë dollarë me një këst 20 mijë dollarë në muaj për 25 muaj, të cilat po ashtu i pagoi.

Por në atë kohë, më shumë binte në sy fakti që PD kishte marrë një kompani amerikane, se sa fakti se sa e paguante, e ku i gjente paratë. Paguesit e PD në atë kohë u bë një lob i përfolur për para të zeza, i shqiptarëve të Kosovës në Hamburg, që janë të njohur në industrinë legale të seksit dhe lojërave të fatit, të cilët dorëzuan pagesat e para për lobuesit, dhe që më vonë Berisha u hapi rrugën e lojërave të fatit në Shqipëri.

LEXO EDHE:  Zjarr dhe furi!/SHBA-Kore e Veriut gati për luftë vdekjeprurëse! (Video)

Tani nuk jam i sigurtq kë ka angazhuar PD si pagues në të zezë për kompanitë offshore, por është e sigurtë se disa nga koncesionet e dhëna në kohë të Berishës, që i kanë gjurmët në parajsat fiskale të Amerikës Latine, mund të jenë paguesit realë të këtyre parave.

Përtej këtij kurioziteti që përbën dhe objekt hetimi ligjor, ajo që hedh politikisht në erë kauzën e PD në këtë rast, është fakti që në kulmin e akuzave për përdorim të parave të pista nga Edi Rama në fushatë, Partia Demokratike po dëshmon se ka paguar në të zezë rreth 1 milardë lekë për lobuesit e saj në SHBA, të cilët jo vetëm që nuk i sollën ndonjë dobi PD, por rritën pritshmërinë në çadrën e saj me disa idiotë greko -amerikanë që vizitonin çadrën dhe flisnin në emër të Trumpit, sikur PD do vinte në pushtet pasnesër.

Pagesa të tilla bëjnë qesharake çdo kauzë të PD kundër parave të zeza në fushatë dhe tregojnë se ish- paratë e korrupsionit të pushtetit të Berishës, po vazhdojnë të ushqejnë kanale të paligjshme financimi, të cilat duhen hetuar thellë.

Problemi i dytë është dhe më i rëndë, pasi ka të bëjë me një investim të dështuar politik në PD, që tani po kushton dhe më shtrenjtë. Këto para, plus paratë e paguara në darkën e lobimit, ku Basha doli në fotografi me Trump, janë para të harxhuara për të mbyllur me pagesë, koston  që Basha shkaktoi në PD me politikën e tij. I dobësuar nga një betejë e dështuar pa rrugëdalje në çadër dhe i dërrmuar edhe më shumë nga lista e PD në zgjedhje, ai ka harxhuar miliona t’u mbushte mendjen demokratëve se vërtet kishte spastruar partinë, por kishte fituar SHBA.

Zgjedhjet treguan se ai është thjeshtë një harxhues parash, që ka blerë shtrenjtë një pasqyrë për t’iu dukur vetja amerikan, dhe ka hedhur në erë dhe kauzën e mundshme të luftës së PD për transparencë të financimit në fushatë zgjedhore. Është një shuplakë e re, që tashmë PD-ës, po ja jep për herë të dytë në surrat kryetari i emëruar i saj. Kryetari, që nuk po i kushton shtrenjtë vetëm si humbës zgjedhjesh, por dhe si shpenzues parash. /TemA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Zjarr dhe furi!/SHBA-Kore e Veriut gati për luftë vdekjeprurëse! (Video)

LEXO EDHE:  Deputeti i Bashës tregon arsyen e vërtetë të protestës/ Nuk janë shqiptarët, por...

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Pyetje publike Lulzim Bashës/ Në pronësi të kujt janë këto dy vilat tek rezidenca e Agron Papulit?

LEXO EDHE:  "Shqipëria ka shumë spitale"/ PD i përgjigjet Ramës: Lëri shakatë ...

 

LEXO TE PLOTE
Lajme të Rekomanduara: