Connect with Us

Nga Topi i Tanit në kanalin e Vjollcës/ Të gjitha largimet nga Top Channel

Aktualitet

Nga Topi i Tanit në kanalin e Vjollcës/ Të gjitha largimet nga Top Channel

Publikuar

-

/

“Top Channel” ka një rënie të vazhdueshme të audiencës së tij këto vitet e fundit. Të gjithë kanë konstatuar si problem faktin se media më e madhe në vend rrudhej në audiencë, për shkak të qëndrimeve pro qeveritare dhe thuajse ishte bërë si dikur TVSH e vjetër.

Bledar Zaganjori
Bledar Zaganjori

Por a është thjesht dhe vetëm ky problemi? Në fakt nga “Top Channel” janë larguar dhjetra profesionistë dhe ky është në fakt problemi i vërtetë pse jepen emisione mediokre apo që audienca të kërkohet të ngrihet me hiret e Luanës apo veshjet e saj provokative. Duke e nisur nga fundi, nga Luana, emisioni i saj është një pjesë e ish-programit “E Diell” disa kohë më parë, që tashmë i është ndryshuar paksa formati. Thelbit nuk ka nevoje ti hyjmë pasi atë s’ka ku e kafshon as qeni.

Eksodi nga “Top Channel” ka filluar me Bledar Zaganjorin dhe Mentor Kikinë, të dy drejtuesit e lajmeve të cilët u zëvendësuan nga Sokol Balla i cili u largua së fundi. Balla shkoi si zë i qeverisë duke qeshur dhe iku po si zë i qeverisë por duke qarë.

Zaganjori ishte themelues i “Top Channel” dhe drejtor informacioni në momente mjaft delikate për Top-in, kryeredaktor qëndronte Kikia, të dy ikën.

Por nga “Topi” kanë ikur dhjetra gazetarë si Muhamet Veliu, Endri Xhafo (I rikthyer), Elona Meço, Rovena Moçka, Klodiana Kapo, Lira Burgia etj.

E shoqëruar me mbylljen e zyrave të Prishtinës dhe Shkupit, me korrespondentët e jashtëm si Arta Tozaj, Kim Mehmeti, së fundi dhe Idro Seferi një ikonë e “Top Channel” që raportonte nga Serbia.

Enkelejd Joti

Ikona e lajmeve Monika Stafa, Rudina e Shqip, Sokol Shameti apo Zefina e “The Voice”.

Marina e Sportit ishte një largim jo i pakët, ajo ishte qershia mbi tortën e emisionit sportiv, që tashmë e ndjen shumë mungesën e saj.

Rënia e “Top Channel” në fakt nisi në fundin e 2015, kur Vjollca Hoxha largoi dy nga drejtuesit kryesorë Enkelejd Joti, ish-drejtori i përgjithshëm dhe Skerdi Drenova, ish-zëvendës drejtor i përgjithshëm dhe shtyllë e prodhimit. Enkelejdi Joti u shkarkua me një skenar nga Vjollca Hoxha, në momentin kur ajo mori firmat e bashkë aksionerëve për disa ndryshime në drejtimin e Top-it. Joti ishte themelues i “Top Channel”, mik i ngushtë i të ndjerit Dritan Hoxha, Keli e dinte më shumë se kushdo tjetër ku i pikonte çatia këtij televizioni. Siç ishin të gjithë anëtarët e bordit që drejtonte kolegjialisht Top-in dhe që u larguan menjëherë më pas prej zonjës Hoxha.

Mentor Kikia
Mentor Kikia

Së fundi ikën edhe Sokol Balla që me apo pa lot në sy është një gazetar me eksperiencë, i cili pak kohë më parë u përfshi në një skandal publik, kur ju publikua një video ku ai masturbohej live me një partnere në kompjuter. Atëherë “Top Channel” nuk e largoi, e mbrojti dhe gjithçka u kalua, por dje ka ardhur shkarkimi i tij, ndërkohë që Vjollca Hoxha prej disa ditësh kishte filluar të kërkonte zëvendësuesin.

Të gjithë kanë ikur nga Top-i. Kush dje dhe kush sot. Eksodi në një nga ekranet ikonë nuk ndalet. Edhe pse nuk lëviz Alban Dudushi, thuajse i dalë totalisht mode.

Raportet e audiencës tregojnë një ulje të madhe të shikueshmërisë. Opinioni e shpartallon “Top Story”, Aldo në mëngjes është on TOP, Fiksi nuk është më ai i dikurshmi me skandalet dhe editorialet e forta politike kundër qeverisë, STOP-i ka ngritur mjaft audiencën e tij. Edicionet informative në “Top Channel” ishin si lajmet e TVSH në kohën e diktaturës ku thureshin elozhe për qeverinë dhe udhëheqësin, mjaftuan dy kronika kritike që njerëzit të thoshin, ç’po ndodh në “Top Channel”.

LEXO EDHE:  Nga Mentor Kikia/ Në kërkim të një njeriu…
Sokol Balla
Sokol Balla

Në fakt s’po ndodh asgjë. Vjollca nuk do që Rama të ketë nën kontroll drejtorët e redaksive të saj, ashtu siç nuk donte që gjithçka të kalonte nëpërmjet Kelit, Ballës, Xakes apo Filipit. Vjollca po kërkon të njihet si pronare, ajo kërkon që gjithçka dhe çdo kërkesë nga Rama të kalojë prej saj. Por tashmë perandoria “Top Channel” nuk është më ajo e para, detyrën e bëri me Berishën, me Ramën të gjithë e shohin si “lojë” apo një çështje që do zgjidhet pas sqarimit të pazareve.

Nuk mjafton të kesh qenë gruaja e Tanit apo vajza e tij që të dish të ndërtosh një media ta mbash “on TOP” dhe të jesh e respektuar për atë që bën. Vjollca nuk bëhet dot Tani, as vajzat dhe dhëndurët, nuk do mund ta bëjnë kurrë atë që bëri Tani, prandaj nuk do kemi më “Top Channel”, por një tjetër media që me lëvizjet e vazhdueshme mund të quhet “Vjollca Top Channel TV”.

“Top Channel” është ikona e ngritur nga Dritan Hoxha, më një grup bashkëpunëtorësh që Vjollca i “zhduku” të gjithë, kanë ngelur disa kokrra që do ju vijë koha dhe do ikin dhe ata, një e nga një.

“Top Channel” ka humbur peshën dhe shkëlqimin e dikurshëm në tregun mediatik sepse televizioni nuk drejtohet më me idetë, forcën dhe shpirtin e Tanit, por nga Vjollca dhe vajzat e Tanit, që kurrë s’mund të jenë Tani. Humbëm Tanin, por kishim Toip-in, që vazhdonte edhe për inerci, por edhe sepse bashkëpunëtorët e tij ishin aty. U larguan edhe këta të fundit, aty ka ngelur vetëm Vjollca, shikoni dhe shijoni “Top Channel” sipas modelit të saj, simboli është Luana, Ledioni e co.

Top Channel sot po korr çfarë mbolli Vjollca, ajo ende nuk e ka kuptuar që ai nuk është Televizioni i saj, por i shqiptarëve, të cilët e mbështetën dhe e dashuruan kur e udhëhiqte Dritan Hoxha, dhe pa asnjë problem e braktisin kur produkti që jep është për të qarë hallin.

 

Ja lista e të larguarve nëndrejtimin e Vjollca Hoxhës:

Arta Tozaj – Reportere nga Brukseli

Ardian Proko – Zv.Drejtor i Përgjithshëm i “Top Channel”

Bledar Zaganjori -Drejtor i Lajmeve

Bujar Kokonozi – Drejtor Artistik

Elona Meço – Gazetare

Enkel Joti – Drejtor i Përgjithshëm

Enkelejd Llanaj – Producent Ekzekutiv, Redaktor ekonomie

Hektor Pustina – Drejtor i “Top Albania Radio”

Idro Seferi – Reporter nga Beogradi

Jonida Shehu – Drejtuese e emisionit “Pasdite në Top Channel”

Kim Mehmeti – Redaksia e “Top Channel” në Maqedoni

Klodiana Kapo -Gazetare

Lira Burgija – Gazetare

Marina Vjollca – Bashkëprezantuese e emisionit “Procesi Sportiv”

Mentor  Kikia – Kryeredaktor

Monika Stafa – Moderatore, gazetare

Muhamet Veliu – Gazetar

Rovena Moçka – Gazetare

Rudina Xhunga – Drejtuese e emisionit “Shqip”

Skerdi Drenova – Zv.Drejtor i Përgjithshëm i “Top Channel”

Sokol Balla – Drejtor Informacioni

Sokol Shameti – Autor i programit “Pop Channel”

Sonila Agostini – Redaktore

Zefina Hasani – Autore e programit “The Voice”

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Përplasi tre të mitur në derë të spitalit/ Arrestohet 23-vjeçari në Kukës

Publikuar

-

Nga

Aksidentoi tre shtetas të mitur, kapet dhe ndalohet drejtuesi i mjetit, i shpallur në kërkim nga DVP Kukës.

Efektivët e Komisariatit të Policisë Kukës, në bashkëpunim me shërbimet e Policisë Rrugore, në vijim të punës për kapjen e personave të shpallur në kërkim, bënë kapjen dhe ndalimin e shtetasit në kërkim A. L., 23 vjeç, banues në Kukës.



Ky shtetas ishte shpallur në kërkim nga DVP Kukës, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, pasi më datë 02.01.2022, në afërsi të spitalit të Kukësit, duke drejtuar mjetin tip “Volkswagen”, pa targa dhe dokumentacion, ka humbur kontrollin e mjetit dhe për pasojë ka aksidentuar tre shtetas të mitur, të moshave 12, 16 dhe 17 vjeç,  dhe më pas është larguar nga vendi i ngjarjes duke braktisur automjetin.

LEXO EDHE:  Televizioni i Blushit dhe inceneratorëve merr Bashën në mbrojtje

LEXO EDHE:  Pagat e punonjësve të Digitalb/ Aleksandër Frangaj: I ka bllokuar Ben Blushi me Vjollca Hoxhën

Materialet i kaluan Prokurorisë së Rrethit Gjyqësor Kukës, për veprime të mëtejshme./CNA.al

LEXO TE PLOTE

Aktualitet

ALBtelecom rrjeti më i madh me linja në fibër në Shqipëri

Publikuar

-

Nga

cna lajme aktualitet

Rrjeti fiks i ALBtelecom arrin më shumë se 100,000 linja në fibër nëpërmjet teknologjisë GPON.

Viti që lamë pas shënoi një arritje të madhe për kompaninë ALBtelecom, duke arritur  105,000 linja nëpërmjet GPON, teknologjisë më të mirë të disponueshme, të cilat u implementuan në një kohë rekord në të gjithë vendin.

Skuadra teknike e ALBtelecom ka punuar me përkushtim maksimal dhe intensivisht për të sjellë për abonentët e vet linjat në fibër, përmes teknologjisë GPON në të gjithë Shqipërinë, me një kapacitet shumë të lartë interneti.



Pa marrë parasysh kushtet e vështira dhe pengesat që ka shkaktuar pandemia gjatë këtyre dy viteve, u bë e mundur që brenda vitit 2021 të kemi 105.000 linja të kësaj teknologjie, duke arritur të gjitha afatet e parashikuara si gjatë një pune në kushte normale.

LEXO EDHE:  Nga Mentor Kikia/ Në kërkim të një njeriu…

LEXO EDHE:  Nga Mentor kikia/ Mos e besoni, askush nuk do të hyjë në burg për vjedhje!

Ky plan ishte unik për përvojën teknike dhe angazhimin e vetë stafit si dhe përvojën që do të përjetojnë abonentët, duke e bërë ALBteleocm operatorin e parë lider në rrjetin e fibrave.

Linjat prej 4500 km fibër në të gjithë Shqipërinë, të vëna në funskion përmes teknologjisë GPON janë një investim tepër i madh i bërë në industrinë e telekomunikacionit, duke e bërë ALBtelecom kompaninë e parë në vend që lidh të gjitha qytetet me një kapacitet shumë të lartë interneti, e duke sjellë një përmirësim të rëndësishëm në jetën e përditshme të shqiptarëve./ CNA.al

LEXO TE PLOTE

Politikë

Basha flet në gjuhën e Ramës/ Deklarata që e nxjerr zbuluar

Publikuar

-

Nga

cna lajme politike

Kreu i Partisë Demokratike Lulzim Basha, ka nisur të flasë me gjuhën e kryeministrit Edi Rama. Bashkëpunimi i tyre, mesa duket është aq i fortë, sa edhe mendimet apo idetë i kanë të njëjta.

Protesta e datës 8 janar, ashtu edhe siç është faktuar me foto e video ka sjellë thyerje xhamash dhe dëmtime në selinë e PD, nga mercenarët e Lulzim Bashës, duke ja u hedhur fajin demokratëve që ishin të pranishëm.

Por pasditen e sotme, Basha ka publikuar disa foto në ‘Facebook’, ku shprehet se ajo që u shkatërrua nga ish-kryeministri Sali Berisha, do të ngrihet më e fortë nga demokratët.

Atë që shkatërroi ai, ne do ta ngremë më të fortë!“, shprehet ai.

LEXO EDHE:  Basha ofendon gazetaren e Top-Channel/ Jeni cinike

LEXO EDHE:  Pagat e punonjësve të Digitalb/ Aleksandër Frangaj: I ka bllokuar Ben Blushi me Vjollca Hoxhën



E në fakt e njëjta deklaratë është bërë edhe nga kryeministri Edi Rama, i cili në vitin 2020 teksa ka nxjerrë një video të rivendosjes së Kërpudhës në oborrin e Kryeministrisë, e cila u shkatërrua nga protestat e opozitës, shprehej se sa më shumë të dëmtohej aq më shumë do rritej.

Me historinë e KËRPUDHËS, duke iu këshilluar miqësisht atyre që s’e pëlqejnë, të mos e ngacmojnë se rritet më shumë”, shkruante Rama në atë kohë.

Pra, këto deklarata tregojnë qartë “dashurinë” e madhe që kanë Basha dhe Rama mes njëri-tjetrit. Por jo vetëm kaq. Ata kanë edhe një të përbashkët tjetër: Urrejtjen ndaj demokratëve./CNA.al

LEXO TE PLOTE