Connect with Us

Skandali i Fiks-Fare/ 27 fermerët e përmbytur nuk marrin dëmshpërblimet, shkak burokracitë

Aktualitet

Skandali i Fiks-Fare/ 27 fermerët e përmbytur nuk marrin dëmshpërblimet, shkak burokracitë

Publikuar

-

27 fermerë nga Novosela nuk kanë marrë dëmshpërblimin e përmbytjeve të tokave bujqësore të shkaktuara nga dalja e lumit Vjosë në vitin 2015.

Edhe pse emrat e tyre ishin në listën e përpiluar nga drejtoritë bujqësore të Bashkisë Vlorë, 27 fermerët nuk morën gjë si pjesa tjetër e të përmbyturve. Fermerët e tjerë në po të njëjtën zonë u dëmshpërblyen falë një fondi të dhënë nga BE.

Në këto kushte ata iu drejtuan emisionit Fiks Fare për të kuptuar se kush ishte arsyeja e penalizmit të tyre. Me listat në duar tregojnë emrat e tyre si të dëmtuar bashkë me shumën që komisionet e ngritura nga drejtoritë bujqësore të Vlorës u kishin llogaritur për dëmshpërblim. Ata pohojnë se vetë kryeministri Rama në një takim me ta kishte urdhëruar prefekturën dhe institucionet përkatëse që edhe këta fermerë të dëmshpërblehen njësoj si fermerët e tjerë të kësaj zone.

Fermerët ngrenë zërin se pse janë penalizuar nga pjesa tjetër madje njëri prej tyre thotë “ Mirë që nuk po marrim lekët që na takojnë si pjesa tjetër, por po na mbajnë prej një viti 150 lekë të vjetra muaj për muaj për mirëmbajte të numrit të llogarisë”.

Gazetarët e Fiksit i drejtohen Drejtorisë Bujqësore në Bashkinë Vlorë, institucioni që ka ngritur komisionet për vlerësimin e dëmeve. Në ballafaqimin e fermerëve më drejtorin ai u jep të drejtë fermerëve. Ai shpjegon se për këto persona është bërë një shtesë në listën e përpiluar së pari, por pas shqetësimit të tyre të ngritur në një takim që kanë bërë me kryeministrin është përpiluar një liste shtesë për këta 27 fermerë. Drejtori pohon se institucioni të cilin ai drejton vetë ka për detyrë vetëm të përpilojnë demet dhe vlerat ne para, pastaj kjo liste shkon pranë Prefekturës së Vlorës. Këta të fundit e dërgojnë tek Ministria e Bujqësisë. Më pas ekzekutimin e kryen Agjencia për Zhvillim Bujqësorë dhe Rural (AZHBR) dhe ajo e ekzekuton likuidimin e parave.

LEXO EDHE:  Skandali në Fiks Fare/ Avokatja që paguhet nga shteti kërkon edhe 50.000 lekë nga familjarët

Gazetarët kërkojnë një informacion pranë AZHBR-se, e cila me një përgjigje zyrtare me shkrim thotë se kjo listë e 27 fermerëve nuk ka ardhur në AZHBR për financim.

Përpara këtij fakti gazetarët i drejtohen Ministrisë së Bujqësisë , institucioni që duhet të dërgonte listën pranë AZHBR-së. Në përgjigjën e saj Ministria e Bujqësisë thotë se shkresa e listës shtesë të 27 fermerëve ka ardhur në ministri me nr 2070 prot. datë 08.07.2016 kohë në të cilën kishte përfunduar afati i kompensimit. Ky afat ka qenë data 30 qershor 2016 . Sipas Ministrisë së Bujqësisë, duke mos dashur të penalizohen fermerët, insistoi pranë Delegacionit të Bashkimit Evropian- EUD ( edhe pse mungon baza ligjore për pagesë në dokumentin e veprimit, për miratimin për pagesë për fondet e donatorit të kësaj liste shtesë me 27 persona të dëmtuar). BE nuk pranoi përfshirjen për pagesë të kësaj liste shtesë.

Duke qenë se sipas institucioneve të mësipërme lista është dorëzuar jashtë afatit gazetarët iu drejtuan edhe njëherë Prefekturës Vlorë.

Specialisti i prefekturës shprehet se janë shqyrtuar çdo material që ka ardhur nga Drejtoria e Bujqësisë Vlorë. Shkresa u ka shkuar në datën 6 korrik, me dokumentacionin që kishin këta fermerë dhe ky institucion është përgjigjur brenda kodit të procedurës administrative, që është e parashikuar brenda 5 ditëve. Listës i është bashkangjitur lista shtesë dhe i është drejtuar ministrisë në dt 8 korrik, pra 2 ditë më vonë pohon specialisti. Pyetjes së gazetarit se ku qëndron ngërçi, specialisti ngre supet duke thënë se një informacion më të plotë mund të jap drejtoria e bujqësisë të cilët kanë informacion të detajuar.

Për shkak të vonesës së hartimit të këtyre listave këta fermerë penalizohen për të marrë dëmshpërblimin. Asnjë institucion nuk mban përgjegjësi ku në fund të gjithë kësaj historie, vetëm fermerët dalin të humbur.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Denoncim/ 6 vjeçarët nuk shkojnë dot në shkollë pa mik

LEXO EDHE:  Çudia në Gjykatën e Apelit/ I padituri është edhe paditës

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Fiks Fare/ Bashkia hakmerret ndaj drejtoreshës së kopshtit: Të filmuam në mitingun e PS 

LEXO EDHE:  Fiks Fare/ Faturistja vjedh 6 milionë lekë, drejtori ka "frikë" ta pushojë nga puna

 

LEXO TE PLOTE
Lajme të Rekomanduara: