Connect with Us

Vendimet e Bashës, 140 milion lekë dëm për PD/ A do ti paguajë Luli nga xhepi?

Aktualitet

Vendimet e Bashës, 140 milion lekë dëm për PD/ A do ti paguajë Luli nga xhepi?

Publikuar

-

Kryetari i Partisë Demokratike, Lulzim Basha, përtej problemeve politike që ka brenda partisë së tij, përçarjes, debateve të ashpra, mungesës së mbështetjes, si dhe paaftësisë  për tu përballur me kundërshtarin politik, tashmë do të ketë një problem të madh financiar.

Ky problem ka të bëjë me gjendjen kritike financiare të PD-së dhe një borxh prej 140 milion lekësh që Luli i ka faturuar kësaj partie me vendimet e tij ku duket qartë urrejtja ndaj grave dhe paaftësia e tij epike që përveç humbjes në zgjedhje kushton edhe 140 milionë lekë.

Lulzim Basha, ditën që shpalli listën e kandidatëve për deputetë dhe ditën e hapjes së fushatës por edhe në vijim tha “Listën e kam bërë unë, përgjgjegjësitë i kam unë. Për fitoren apo humbjen, përgjegjësitë janë të miat”.

Janë dy fatura, me vlerë në total 140 milion lekë, që sipas asaj që ka deklaruar vetë Lulzim Basha duhet ti paguajë nga xhepi i tij dhe jo nga arka e varfër e PD-së, e cila nuk mund të mbushet kurrësesi me kuotat e anëtarësisë.

Fatura e parë vjen me vendimin 558 të KQZ-së, të datës 31 korrik 2017. Sipas këtij vendimi, Partia Demokratike duhet të kthejë në KQZ shumën prej 17 milion lekësh për shkak të rezultatit të regjistruar në zgjedhje.

CityNews sjell më poshtë vendimin dhe bashkëngjitur tij dhe tabelën me vlerat përkatëse për partitë që duhet të kthejnë fondet.

Listën e PD-së e përgatiti Basha, përgjegjësinë vetes ja njeh Lulzim Basha, humbja është e Lulzim Bashës dhe paratë s’kanë pse ti paguajnë demokratët.

Kur partinë e trajton si pronë private, lekët i paguan nga xhepi për vendimet që ke marrë dhe kostot që i ke lënë partisë.

Listat dhe humbjet janë të Bashës bashkë me faturën e KQZ-së për fondet e partive.

Por kostot e Bashës për PD-në nuk janë vetëm kaq, shuma e parë erdhi si rezultat i numrit të vogël të votave që ai mori me 25 qershor, por për Lulzim Bashën ka dhe një faturë tjetër, është fatura e urrejtjes së tij ndaj grave.

LEXO EDHE:  Rama po kërcënon drejtësinë/ BE dhe SHBA të ndërhyjnë

Lulzim Basha, me listën e tij personale dhe mos respektimin e barazisë gjinore, i ka sjellë një tjetër dëm ekonomik PD-së.

Në bazë të vendimit numër 566, datë 5 tetor 2017, Partia Demokratike duhet të paguajë, në bazë të Kodit Zgjedhor, 120 milion lekë si sanksion administrativ nga KQZ.

Ky dënim ka ardhur pas përgatitjes fshehur dhe duke mos respektuar Kodin Zgjedhor dhe ligjin në listat e kandidatëve për deputetë në zgjedhje.

Në asnjë qark të Shqipërisë, Lulzim Basha nuk ka respektuar kuotat e barazisë gjinore dhe për këtë arsye duhet të paguajë 120 milion lekë të tjera.

Në total shuma është rreth 140 milion lekë të vjetra, kosto financiare për PD-në, të cilat duhet të paguhen nga vetë Lulzim Basha i cili ka një pasur të deklaruar rreth 1.5 milion dollarë.

Kjo jo për shkak të inatit që mund të kenë kundërshtarët e Bashës, rivalët e tij dhe demokratët që e kanë braktisur, por vetëm për shkak të faktit se ai e ka deklaruar publikisht se është hartuesi i listës së kandidatëve dhe do të mbante çdo përgjegjësi për pasojat që do vinin nga kjo listë.

Listën e përgatiti vetë Basha, përgjegjësinë e deklaroi se është e tij, tani është koha të shkojë dhe të paguajë në KQZ 140 milion lekë që i ka shkaktuar dëm PD-së, por nga xhepi dhe jo nga arka e partisë.

Ky do të ishte një hap i parë që do të tregonte se Basha e njeh vërtetë përgjegjësinë e tij për humbjen, jo si aktet e turpshme me ngrirje apo vjedhje votash për tu rizgjedhur kryetar, si me 22 korrik./ CityNews

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Anëtari i Këshillit Kombëtar të PD akuza Bashës/ Jep dorëheqjen nga rikandidimi

LEXO EDHE:  Fjala e plote e kreut te PD, Lulzim Basha ne hapjen e fushates

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Fjala e plote e kreut te PD, Lulzim Basha ne hapjen e fushates

LEXO EDHE:  Fjala e plote e kreut te PD, Lulzim Basha ne hapjen e fushates

 

LEXO TE PLOTE
Lajme të Rekomanduara: