Aktualitet
Ironia e gazetares/ Qeveria mund të legalizojë dhe taksojë krimin
Në një postim në rrjetet sociale, gazetarja Sonila Meço, ka reaguar për situatën e krijuar në vend nga droga dhe krimi.
E irrituar Meço është shprehur se krimi ka hyrë thellë në politikë, saqë mund të bëjë dhe legalizimin i fenomenit dhe vendosjen e taksës për të.
“Me problemet që nuk janë zgjidhur në këtë vend, ka vepruar logjika: le t’i legalizojmë, amnistojmë, pranojmë siç janë. Në fund i japim me konçension. Meqë as krimin nuk e kontrollojmë dot më, nuk është çudi që kjo qeveri ta legalizojë e t’i vendosë një taksë të mirë. Jo vetëm do qe cilësi konkuruese ndërkombëtare e prodhimit Made in Albania, por të paktën qeveria do pranonte atë që nuk e bën ende publikisht: është në dijeni të plotë të krimit e lidhjeve të tij, duke mos përfituar vetëm ajo. Por edhe interesi publik nëpërmjet të ardhurave më të larta nga taksat mbi krimin, që do bëjnë të panevojshme konçensionet që na hëngrën xhanin”, ka thënë Meço.
Në mbyllje të deklaratës së saj, gazetarja, nën ironi të theksuar është shprehur: “Poshtë krimi, rroftë krimi në vendin ku qeveria e kapur nuk shkulet më!” /CityNews
Aktualitet
“Pikë e zezë”/ Artan Hoxha sulmon Top Channel: More këta janë specialista, s’ke ç’u thua…
Gazetari Artan Hoxha ka ironizuar Top Channel, lidhur me programin që ka transmetuar mbrëmjen e sotme.
Hoxha është tallur me emisionin “Përputhen” ku njihen të rinjtë, pasi është publikuar një video ku dy prej konkurentëve zihen me njëri-tjetrin.
Ai thotë se qytetarët janë duke pritur Top Channel që të publikojë përgjime për Ndraghetën, ndërsa televizioni ka publikuar sherrin e “Përputhen”.
“More këta janë specialista, s’ke ç’u thua…
Mileti pret ndonjë përgjim për Ndraghetën, ata i shfaqin video-boksin e Përputhen….
Pikë e zezë, thuaj…
Meqënëse këtë javë, produksioni nuk ka sajuar dot ndonjë ndeshje boksi, do japim ritransmetim videon e boksit, të javës së kaluar.
Ububuja…”, shkruan gazetari në rrjetet sociale./ CNA.al
Kronika
Aksident i rëndë në Pogradec/ Makina përplas për vdekje këmbësorin
Një aksident ka ndodhur në aksin nacional Pogradec-Korcë, në afërsi të fshatit Buçimas.
Mësohet se një makinë ka përplasur një këmbësor me iniciale P.Gj., i cili ka gjetur vdekjen e menjëhershme.
Nga informacionet paraprake, dyshohet se shkak i aksidentit ka qenë moti i keq.
“Më datë 24.01.2021, rreth orës 21:40, në aksin rrugor Korçë-Pogradec, në afërsi të fshatit Buçimas, Pogradec, një automjet dyshohet se ka aksidentuar këmbësorin shtetasin P. Gj., rreth 48 vjeç, banues në Pogradec, i cili për pasojë ka gjetur vdekjen.
Nga ana e Policisë, po punohet për identifikimin dhe kapjen e drejtuesit të mjetit, i cili është larguar nga vendi i ngjarjes. Grupi hetimor po punon për dokumentimin e ngjarjes dhe zbardhjen e rrethanave të saj“, thuhet në njoftimin e policisë.
Ndërkohë, policia ka shkuar në vendngjarje dhe ka hapur hetimet për të zbardhur shkaqet e aksidentit./ CNA.al
Kronika
Tjetër aksident/ Makina përplas një kalimtare në Vlorë
Mësohet se një automjet ka përplasur një kalimtare tek Rruga Transballkanike në Vlorë.
Kalimtarja është dërguar në gjendje të rëndë me urgjencë në spital teksa ndodhet në sallën e operacionit.
Vlorë/Informacion paraprak
Më datë 24.01.2021, rreth orës 21:00, në rrugën Transballkanike, në afërsi të Gjykatës së Apelit, një automjet me drejtues ende të paidentifikuar ka aksidentuar duke u larguar nga vendngjarja shtetasen M. Ll, e cila ndodhet në spital, nën kujdesin e mjekëve në gjëndje të rëndë shëndetsore.
Grupi hetimor dhe sherbimet e Policisë ndodhen në vendngjarje dhe vijon punën për identifikimin dhe kapjen e drejtuesit të mjetit si dhe sqarimin e plotë e rrethanave të aksidentit.
Lajme të Rekomanduara:
Fantastike/ Çfarë mund ti zbulosh shkollimit të Bashës?!
Kryetari i Republikes së Re dhe opozitës pjesërisht të bashkuar, Lulzim Basha sot sërish ka vazhduar me ëndrën e tij kryeministrore të cilën e ka...
Meta dhe Veliaj në përgjimet e ‘Ndrangheta-s’/ Artan Hoxha nxjerr fotot: Kush duket si boos-i këtu?
Gazetari Artan Hoxha, ka reaguar sërish në lidhje me daljen e emrit të presidentit Ilir Meta dhe kryebashkiakut Erion Veliaj në përgjimet e antimafias italiane...
